ខេត្តសៀមរាប៖លោក ពិន ប្រាកដ អភិបាលរងខេត្តសៀមរាប ថ្ងៃទី ០៦ ខែ វិច្ឆិកា ម្សិលមិញ បានចែក
ពូជស្រូវសែនក្រអូបចំនួន២៤តោន របស់គណៈកម្មាធិការជាតិគ្រប់គ្រងគ្រោះមហន្តរាយ ត្រូវបានចែកជូនបងប្អូនប្រជាកសិករដែលទទួលរងគ្រោះដោយទឹកជំនន់ចំនួន ២៤០គ្រួសារ ក្នុងស្រុកចំនួន២ គឺ ស្រុកសូទ្រនិគមចំនួន ១២០គ្រួសារ ស្រុកជីក្រែង ១២០ គ្រួសារ។

លោក ទា គឹមសុទ្ធ ប្រធានមន្ទីរបានធ្វើការបញ្ជាក់ថា ខេត្តសៀមរាបមានផ្ទៃដីបង្កបង្កើនផលស្រូវ រដូវវស្សា ឆ្នាំ២០២០ មាន១៨៦ពាន់៣០០ហិចតា រងផលប៉ះពាល់ដោយសារទឹកជំនន់ សរុប ១២ពាន់៨៨៣ហិចតា លើ៩ក្រុង.ស្រុក មន ប្រជាកសិកររងគ្រោះ ១១ពាន់១៣១គ្រួសារ និង ខូចខាតស្រូវប្រាំង សរុប ២០៣ហិចតា ស្មើ ៤១៤ គ្រួសារ។ ចំពោះស្រុកដែលទទួលបានស្រូវពូជពេលនេះ ក្នុងនោះដំណាំស្រូវដែលរងការខូចខាតដោយជំនន់ទឹកភ្លៀង ក្នុងស្រុកសូទ្រនិគម ចំនួន ៤៤៨ ហិកតា មាន ៣ឃុំ ស្មើ៧ភូមិ មាន៧២៣គ្រួសារ ខូតខាតទាំងស្រុង ២០៣ហិកតា ស្មើ ៤១៤គ្រួសារ។ ,ស្រុកជីក្រែងប៉ះពាល់ ៤ឃុំ មាន ២៨ភូមិ ស្មើ៣២៤គ្រួសារ លើផ្ទៃដី ៣២៤ ហិចតា ខូតខាតទាំងស្រុង ២៨១ហិចតា ស្មើ៣២៤គ្រួសារ៕SRP

ខេត្តសៀមរាប៖ប្រជាកសិករដែលទទួលរងគ្រោះដោយទឹកជំនន់ចំនួន១១០គ្រួសារ មកពី៥ឃុំ ក្នុងស្រុកប្រាសាទបាគង ខេត្តសៀមរាប នៅរសៀលថ្ងៃទី០៦ ខែ វិច្ឆិកា ម្សិលមិញទទួលបានពូជស្រូវសែនក្រអូប និង OM៥១ ចំនួន ១១តោន។
ការទទួលបាន ស្ថិតនៅបរិវេណ វត្តរកា ឃុំមានជ័យ ស្រុកប្រាសាទបាគង ក្រោមវត្តមាន លោក ង៉ាន់ ភិរុណ អភិបាលរង ខេត្តសៀមរាប និងក្រុមការងារ។

ប្រធានមន្ទីរកសិកម្មខេត្ត លោក ទា គឹមសុទ្ធ បានឲ្យដឹងថា ដោយសារទឹកជំនន់នៅស្រុកប្រាសាទបាគង មានចំនួន៥ឃុំ ស្មើ១៩ភូមិ មាន២០០គ្រួសារ លើផ្ទៃដី ១៥០ហិចតា និងខូចខាតចំនួន ១០៥ហិចតា ១៩០គ្រួសាររងផលប៉ះពាល់។  លោកបន្តថា ខេត្តសៀមរាប មានផ្ទៃដីបង្កបង្កើនផលស្រូវ រដូវវស្សា ឆ្នាំ២០២០ មាន១៨៦ ពាន់៣០០ហិចតា រងផលប៉ះពាល់ដោយសារទឹកជំនន់ សរុប១២ពាន់៨៨៣ហិចតា លើ៩ក្រុង.ស្រុក មានប្រជាកសិកររងគ្រោះ ១១ពាន់១៣១គ្រួសារ និង ខូចខាតស្រូវប្រាំង សរុប ២០៣ហិចតា ស្មើ ៤១៤គ្រួសារ។

ក្នុងឱកាសកាសនោះដែរ លោក ង៉ាន់ ភិរុណ បានផ្តាំផ្ញើការសាកសួរសុខទុក្ខពីសំណាក់ សម្ដេចតេជោ ហ៊ុន សែន បានសម្ដែងការព្រួយបារម្ភ និង គិតគូរពីសុខទុក្ខ របស់បងប្អូនប្រជាពលរដ្ឋរងគ្រោះ ដោយសារទឹកជំនន់ សម្ដេចបានចុះទៅផ្ទាល់ ដើម្បីជួបបងប្អូនប្រជាពលរដ្ឋ និងជួយឧបត្ថម្ភដោះស្រាយ ជូនបងប្អូនប្រជាពលរដ្ឋ ដែលរងគ្រោះដោយសារទឹកជំនន់ ឲ្យរួចផុតពីការលំបាក ។ ម៉្យាងទៀតទីណាដែលជួបទុក្ខលំបាក ហើយសម្ដេចតេជោ ហ៊ុនសែន ពុំបានទៅផ្ទាល់ ក៏បានចាត់តាំងឲ្យក្រុមការងាររបស់សម្ដេច ឲ្យចុះទៅជួបបងប្អូនប្រជាពរដ្ឋដោយផ្ទាល់ និង ឲ្យអាជ្ញាធរ ដែនដី សមត្ថកិច្ចពាក់ព័ន្ធ ចូលរួមជួយសង្គ្រោះ និងរំដោះបងប្អូនប្រជាពលរដ្ឋឲ្យរួចផុតពីគ្រោះទឹកជំនន់ ថែមទាំងបានផ្ដល់ស្បៀងអាហារ ឲ្យបានគ្រប់គ្រាន់ ដោយមិនទុកឲ្យបងប្អូនប្រជាពលរដ្ឋណាម្នាក់ អត់អាហារស្លាប់ដោយពុំបានដឹងឮពីអាជ្ញាធរនោះឡើយ។

លោក ក៏បានសំណូមពរ និង ណែនាំប្រជាកសិករ ទាំងអស់ សូមយកពូជស្រូវទាំងនេះ ទៅបង្កបង្កើនផល ក្នុងការស្តារ ឡើងវិញ ដែលជាពូជស្រូវមិនរើសរដូវ និង សូមបងប្អូនត្រូវមានការអាធ្យាស្រ័យឲ្យគ្នា ក្នុងការចែករំលែកទឹកស្រោចស្រព ដំណាំ ស្រូវរបស់បងប្អូនផងដែរ៕SRP

ភ្នំពេញ៖សម្តេចអគ្គមហាពញាចក្រី ហេង សំរិន ប្រធានរដ្ឋសភា ថ្វាយសារលិខិត អបអរសាទរ ថ្វាយសម្តេចព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរ ក្នុងសេរីភាព សេចក្តីថ្លៃថ្នូរ និងសុភមង្គល ជាទីគោរពសក្ការៈដ៏ខ្ពង់ខ្ពស់បំផុត ក្នុងឱកាសដែលព្រះអង្គត្រូវបានរដ្ឋាភិបាល សាធារណរដ្ឋប្រជាមានិតចិន ថ្វាយគ្រឿងឥស្សរិយយស « មិត្តភាព នៃសាធារណរដ្ឋប្រជាមានិតចិន» នៅវិមានប្រជាជនចិន ទីក្រុងប៉េកាំង កាលពីថ្ងៃទី៦វិច្ឆិកា។

សូម សម្តេចព្រះមហាក្សត្រី ព្រះវររាជមាតាជាតិខ្មែរ ជាទីគោរពសក្ការៈដ៏ខ្ពង់ខ្ពស់បំផុត ទ្រង់ប្រោសព្រះរាជទាន និងមេត្តាទទួលនូវគារវភក្តី កតញ្ញុកតវេទីតាធម៌ដ៏ខ្ពង់ខ្ពស់បំផុតអំពីទូលព្រះបង្គំយើងខ្ញុំ៕SRP

សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា នៅថ្ងៃទី០៦ ខែវិច្ឆិកា ឆ្នាំ២០២០នេះបានទូលថ្វាយសារលិខិតអបអរសាទរ និងថ្វាយព្រះពរ សម្តេចព្រះមហាក្សត្រី ព្រះវររាជមាតាជាតិខ្មែរ ក្នុងឱកាសដែលព្រះអង្គបានទទួលនូវដង្វាយគ្រឿងឥស្សរិយយស«មិត្តភាព នៃសាធារណរដ្ឋប្រជាមានិតចិន»ពីលោកប្រធានាធិបតី ស៊ី ជិនពីង៕SRP

ភ្នំពេញ៖សារថ្វាយព្រះពរ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ថ្វាយសម្ដេចព្រះមហាក្សត្រី នរោត្តម មុនិនាថសីហនុ ព្រះវររាជមាតាជាតិខ្មែរ ក្នុងសេរីភាព សេចក្តីថ្លៃថ្នូរ និងសុភមង្គល ក្នុងឱកាសព្រះអង្គទទួលបាននូវគ្រឿងឥស្សរិយយស” មិត្តភាព នៃសាធារណរដ្ឋប្រជាមានិតចិន” ដ៏ឧត្តុង្គឧត្តមពី ឯកឧត្តម XI JINPING ប្រធានាធិបតី នៃសាធារណរដ្ឋប្រជាមានិតចិន នៅថ្ងៃទី៦ ខែវិច្ឆិកា ឆ្នាំ២០២០ នៅវិមានប្រជាជនចិន ទីក្រុងប៉េកាំង សាធារណរដ្ឋប្រជាមានិតចិន៕SRP

ភ្នំពេញ៖សម្ដេចក្រឡាហោម ស ខេង ឧបនាយរដ្ឋមន្ត្រី រដ្ឋមន្ត្រីក្រសួងមហាផ្ទៃ ក្រាបបង្គំទូលថ្វាយសារថ្វាយព្រះពរ សម្ដេចព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរ ក្នុងសេរីភាព សេចក្ដីថ្លៃថ្នូរ និងសុភមង្គល ក្នុងឱកាសព្រះអង្គត្រូវបានរដ្ឋាភិបាលនៃសាធារណរដ្ឋប្រជាមានិតចិន ថ្វាយគ្រឿងឥស្សរិយយស «មិត្តភាពនៃសាធារណរដ្ឋប្រជាមានិតចិន»៕SRP

ខេត្តឧត្តរមានជ័យ៖សមត្ថកិច្ចខេត្តឧត្តរមានជ័យបានដឹងថានៅ វេលាម៉ោង១៤និង៣៥នាទី
ថ្ងៃទី០៦ខែវិច្ឆិកាឆ្នាំ២០២០ មានករណីឃាតកម្មកើតឡើងនៅប៉ុស្តិ៍នគរបាលព្រំដែន(ចុងព្រិច)ស្ថិត ភូមិជើងភ្នំ ឃុំត្រពាំងប្រិយ៍ ស្រុកអន្លង់វែង បង្កឡើងដោយឈ្មោះ អុំ ឈយ ភេទប្រុស អាយុ៤២ឆ្នាំ ឋានៈនាយរងប៉ុស្តិ៍ចុងព្រិច នគរបាលការពារព្រំដែន៩០៥ បានយកអាវុធប្រភេទAk ៤៧ បាញ់ទៅលើ ឈ្មោះ ហ៊ុន ប៊ី ភេទប្រុស អាយុ៥១ឆ្នាំ នាយប៉ុស្តិ៍ចុងព្រិច ចំនួន០២គ្រាប់ចំពោះ ធ្លាយពោះវៀនចេញក្រៅ បណ្តាលអោយស្លាប់មួយរំពេច «មូលហេតុមេប៉ុស្តិ៍ឃាត់មិនអោយយកអាវុធចេញពីអង្គភាព»។សមត្ថកិច្ចបានបន្តថាក្រោយមកជនដៃដល់បានដើរតាមផ្លូវយុទ្ធសាស្រ្ត ហើយលោកលោកអ /ឯ ស្រេង រាសី ប្រុសអាយុ49ឆ្នាំ នាយផ្នែកស៊ើបការ បានដឹងព័ត៏៊៌មានក៏ជិះរថយន្ត ទៅរកដើម្បីដកយកអាវុធ ស្រាប់តែបើករថយន្ពទៅទិសខាងលិច បានពីរគីឡូម៉ែត្រពីផ្លូវជាតិ៦៧(តាមផ្លូវយុទ្ធសាស្ត្រ) ស្រាប់តែជួប ជនដៃដល់(អុំ ឈយ) ពេលនោះ ជនរងគ្រោះ ឈ្មោះ ស្រេង រាសី បានសុំយកអាវុធ ស្រាប់តែជនដៃដល់បាញ់ចំនួន០១គ្រាប់ ចំក្រោមក្លៀកខាងស្តាំ ទៅលើឈ្មោះ ស្រេង រាសី ភេទប្រុស អាយុ៤៩ឆ្នាំ នាយផ្នែកស៊ើបការ នគរបាល៩០៥ បណ្តាលអោយរបួសធ្ងន់បញ្ជូនមកដល់មន្ទីពេទ្យបង្អែកស្រុកអន្លង់វែងក៏ស្លាប់។

ក្រោយមកជនដៃដល់ បានដើរចេញពីកន្លែងកើតហេតុប្រហែល១គីឡូម៉ែត្រ ដល់មុខ ផ្ទះមេភូមិជើងភ្នំ ក៏បាញ់ខ្លួនឯងចំនួន០២គ្រាប់ ក្រោមចង្កា ធ្លាយទៅក្បាល បណ្តាលអោយស្លាប់
នៅនឹងកន្លែង។មូលហេតុ ជនដៃដល់ផឹកស្រាស្រវឹង កន្លងមកធ្លាប់កើតជំងឺសរសៃប្រាសាទ។បច្ចុប្បន្ន សាកសពត្រូវបានក្រុមគ្រួសារ យកធ្វើបុណ្យតាមប្រពៃណី៕SRP

ខេត្តសៀមរាប៖សមត្ថកិច្ចខេត្តសៀមរាបបានឲ្យដឹងនៅថាជនជាតិវៀតណាម១១នាក់ ដែលជួបគ្រោះថ្នាក់ចរាចណ៍នៅស្រុកជីក្រែង ដែលបណ្ដាលឲ្យមានមនុស្សស្លាប់និងរបួសនោះ គឺចូលមកព្រះរាជាណាចក្រកម្ពុជាដោយគ្មានការអនុញ្ញាត។

សមត្ថកិច្ចបន្តថាករណីរថយន្តក្រឡាប់ធ្លាក់ចូលទឹក) បណ្តាលឲ្យស្លាប់មនុស្ស ចំនួន០៧នាក់ស្រី០៣នាក់ រងរបួស្រាលចំនួន០៥នាក់ស្រី០២នាក់ (វៀតណាម១១ស្រី០៥-ខ្មែរ០១)។ ក្រោយកើតហេតុសមត្ថកិច្ចបានចុះអន្តរាគមន៍ ពិនិត្យឃើញថា ជនជាតិវៀតណាម ទាំង១១នាក់នេះសុទ្ធសឹងតែលួចឆ្លងដែនចូលមកព្រះរាជាណាចក្រកម្ពុជា ដោយគ្មានការអនុញ្ញាត(មានលិខិតឆ្លងដែន-គ្មានប្រថាប់ត្រាច្រកទ្វារ)។

តាមការសាកសួរបានឲ្យដឹងថា៖ ពួកគេរស់នៅខេត្តហាទិញ ប្រទេសវៀតណាម ត្រូវបានមេខ្យល់ម្នាក់មិនស្គាល់ឈ្មោះ ជនជាតិវៀតណាម ណែនាំឲ្យទៅធ្វើការ រកស៊ី នៅប្រទេសថៃ ដោយលួចឆ្លងដែនពីប្រទេសវៀតណាម ចូលមកកម្ពុជា និងបន្តទៅប្រទេសថៃ ប៉ុន្តែត្រូវចំណាយប្រាក់ចំនួន ១៥,០០០,០០០ ដុងក្នុងម្នាក់ៗ។ រហូតដល់ថ្ងៃទី០៤ ខែវិច្ឆិកា ឆ្នាំ២០២០ ពួកគេក៏បានធ្វើដំណើរពីខេត្តហាទិញ មកកាន់ក្រុងហាណូយ។ ពេលមកដល់មេខ្យល់ម្នាក់នោះបានមកទទួលពួកគេ ទៅស្នាក់នៅសណ្ឋាគារ មួយកន្លែងមិនចាំឈ្មោះ បន្ទាប់មកពួកគេក៏បានប្រគល់ប្រាក់ចំនួន ១,៥០០,០០០ ដុងក្នុងម្នាក់ៗឲ្យទៅមេខ្យល់នោះ។ បន្ទាប់ពីទទួលបានលុយគ្រប់ចំនួនហើយ នារសៀលថ្ងៃទី០៥ ខែវិច្ឆិកា ឆ្នាំ២០២០ មេខ្យល់នោះ ក៏បានឲ្យរថយន្តមួយគ្រឿងដឹកពួកគេ មកដល់ខេត្តតៃនិញ នាវេលាម៉ោង១៩និង០០នាទី ហើយក៏មានម៉ូតូចំនួន០៦គ្រឿងរង់ចាំទទួលនិងដឹកពួកគេ លួចឆ្លងដែនចូលមកព្រះរាជាណាចក្រកម្ពុជា ដោយធ្វើដំណើរកាត់តាមចំការកៅស៊ូ (ម៉ូតូទាំង០៦គ្រឿងនោះ បិទភ្លើងទាំងអស់)រយៈពេលប្រហែល៣០នាទី ក៏មានរថយន្តមួយគ្រឿងទៀត (រថយន្តដែលជួបគ្រោះថ្នាក់) បើកបរដោយជនជាតិខ្មែរ មកទទួលពួកគេ ធ្វើដំណើរបន្តទៅប្រទេសថៃ។ តាមពួកគេដឹងគឺធ្វើដំណើរចេញពីខេត្តត្បូងឃ្មុំ ឆ្ពោះទៅ ឡែម ស្រុកភ្នំព្រឹក ខេត្តបាត់ដំបង រួចលួចឆ្លងដែនចូលទៅប្រទេសថៃ។

សូមបញ្ជាក់ថាករណីនេះបានកើតឡើងនៅនាវេលាម៉ោង ០២និង៤០នាទី ទៀបភ្លឺ ថ្ងៃទី ០៦  ខែ វិច្ឆិកា ឆ្នាំ២០២០ នៅចំណុចស្ពានក្រចាប់  ត្រង់ចន្លោះ បង្គោលលេខ ២៤៦និង២៤៧  ស្ថិតនៅក្នុងភូមិស្ពាន ត្នោត  ឃុំស្ពានត្នោត  ស្រុកជីក្រៃង ខេត្តសៀមរាប។ រថយន្តម៉ាក ស្តារិចស្លាកលេខកំពង់ចាម២A៨៤៦៩  បានបង្កគ្រោះថ្នាក់ដោយខ្លួនឯង (បើកបរក្នុងស្ថានភាពងងុយដេក)  ក្នុងនោះមានអ្នកបើកបរជាជនជាតិខ្មែរ និង១១ នាក់ទៀតជនជាតិវៀតណាម។

០១-ជនរងគ្រោះឈ្មោះ លី  ម៉េង   ជនជាតិ  ខ្មែរ  ជា អ្នក បេីកបរ  កាន់ អត្តសញ្ញាណ ប័ណ្ណ លេខ២៥០០១៤០៣៧ (ស្លាប់)។

០២-ជនរងគ្រោះឈ្មោះ   HOANG THI THUY ភេទ ស្រី  កើតថ្ងៃទី០៨-០៩-១៩៩៥  ជនជាតិ  វៀតណាម  កាន់លិខិតឆ្លងដែនលេខ  C៧១៦៦៩២១  (ស្លាប់ )។

០៣-ជនរងគ្រោះ ឈ្មោះ  NGUYEN QUOC ភេទ   ប្រុស  កេីត ថ្ងៃទី  ២០-០២-១៩៨៣ ជនជាតិ  វៀតណាម  កាន់លិខិតឆ្លងដែនលេខ  C៣៥១៩២៤២  ( ស្លាប់ )។

០៤-ជនរងគ្រោះឈ្មោះ  NGUYEN NHAT ភេទ   ប្រុស  កេីត ថ្ងៃទី   ០៦-០៦-២០០១   ជនជាតិ វៀតណាម កាន់លិខិតឆ្លងដែនលេខ C៨៨២៨២៨៦   (ស្លាប់ )។

០៥-ជនរងគ្រោះឈ្មោះ  QUACH THUY TRANH ភេទ  ស្រី  កេីត ថ្ងៃទី  ១៤-០៤-២០១៨  កាន់លិខិតឆ្លងដែនលេខ  C៦១៦៥៥៨០ (ស្លាប់ )។

០៦-ជនរងគ្រោះឈ្មោះ  NGO DUC CUONG ភេទ ប្រុស  កេីតថ្ងៃទី  ២៥-១០-១៩៩៦ កាន់លិខិតឆ្លងដែនលេខ  C៧៥៨៩៦៦០  (ស្លាប់ )។

០៧- ជនរងគ្រោះភេទ ស្រី  អាយុ ប្រហែល  ៥០ឆ្នាំ  ពុំ មាន លិខិត ឆ្លង ដែន ជាប់ នឹងខ្លួន  (ស្លាប់ )។

០៨-ជនរងគ្រោះឈ្មោះ  TRUONG THI KHUYEN ភេទ ស្រី  កេីត ថ្ងៃទី ១២-០២-១៩៨១  កាន់លិខិតឆ្លងដែនលេខ  C៦១០៤៩៧៣ (រស់ )។

០៩- ជនរងគ្រោះឈ្មោះ  PHIN THI VAN ភេទ ស្រី  កេីត ថ្ងៃទី  ០៥-០៥-១៩៨៤  (រស់)។

១០-ជនរងគ្រោះឈ្មោះ  HOUANG QUOC TUAN ភេទ ប្រុស  កេីតថ្ងៃទី  ១៦-០៦-១៩៧៩  (រស់)។

១១- ជនរងគ្រោះឈ្មោះ  DANG VAN VINH ភេទ ប្រុស  កេីតថ្ងៃទី  ១០-០៣-១៩៨១  (រស់)។

១២-ជនរងគ្រោះឈ្មោះ  PHAM VIET LOI ភេទ  ប្រុស  ពុំ មាន លិខិត ឆ្លង ដែន ជាប់ នឹងខ្លួន  (រស់ )។

សាកសពកំពុងរៀបចំបញ្ជូនទៅតម្កល់ទុកបណ្តោះអាសន្ននៅ  វត្តស្ទឹងមានជ័យ  រាជធានីភ្នំពេញ ដើម្បីរង់ចាំការសម្រេចពីក្រុមគ្រួសារនិងស្ថានទូត៕SRP

ខេត្តសៀមរាប៖លោក ហ៊ុន សម្បត្តិ នៅថ្ងៃទី០៦ ខែ តុលា ឆ្នាំ២០២០នេះ ត្រូវបានប្រកាសចូលកាន់តំណែងជាអភិបាលរង ស្រុកបន្ទាយស្រី ក្រោមវត្តមាន លោក ង៉ាន់ ភិរុណ អភិបាលរងខេត្តសៀមរាប។

ក្នុងពិធីប្រកាសលោក ង៉ាន់ ភិរុណ ក៏បានធ្វើការកោតសរសើរ និង វាយតម្លៃខ្ពស់ផងដែរ ចំពោះថ្នាក់ដឹកនាំ មន្ត្រីរាជការ កងកម្លាំងប្រដាប់អាវុធ និងប្រជាពលរដ្ឋទូទាំង ស្រុកបន្ទាយស្រី ដែលបានរួមសាមគ្គីគ្នា ក្នុងការកសាងអភិវឌ្ឍន៍ស្រុក ឲ្យមានការរីកចម្រើនលើគ្រប់វិស័យ ក្នុងរយៈពេលកន្លងមកនេះ។ ដោយទៀតសោតស្រុកបន្ទាយស្រីទាំងមូល មានសក្តានុពលក្នុងវិស័យកសិកម្ម ទេសចរណ៍ និងសិប្បកម្មទៀតផង។

លោកបានបន្តទៀតថា សមទ្ធិផល ដែលស្រុកសម្រេចបានកន្លងមកនេះ ជាគុណប្រយោជន៍ ដ៏ឧត្តុង្គឧត្តម នៃប្រជាជាតិ ព្រមជាមួយកម្មវិធីកំណែទម្រង់នានា របស់រាជរដ្ឋាភិបាល ហើយក្នុងបរិបទ នៃកំណែទម្រង់វិមជ្ឈការ និងវិសហមជ្ឈការ រាជរដ្ឋាភិបាល សម្រេចបាននូវសមទ្ធិផល ជាច្រើន។

លោក ក៏លើកឡើងថា ការប្រកាសតែងតាំងចូលកាន់មុខតំណែងនេះ វាជាបែបបទនីតិវិធី ដែលបានកំណត់ក្នុងច្បាប់ ហើយត្រូវបានយកមកអនុវត្ត ក្នុងប្រព័ន្ធរដ្ឋបាល សំដៅធ្វើយ៉ាងណាឲ្យការគ្រប់គ្រង ដឹកនាំរដ្ឋបាល កាន់តែមានប្រសិទ្ធភាព ក្នុងការឆ្លើយតបនឹងតម្រូវការរបស់មូលដ្ឋាន។

លោក អភិបាលរងខេត្ត បានស្នើដល់មន្ត្រីក្នុងស្រុកបន្ទាយស្រីទាំងអស់  ត្រូវរួមសហការគ្នាអនុវត្តការងារសំខាន់ៗ ជាអាទិភាពមួយចំនួនដូចខាងក្រោម ៖

–ត្រូវរួមគ្នាថែរក្សាការពារសន្តិភាព ស្ថិរភាពនយោបាយ ស្ថិរភាព សង្គម ឱ្យបានល្អប្រសើរ ក្នុងការតាមដាន ត្រួតពិនិត្យ និងដោះស្រាយបាតុភាពអសកម្ម និងការថ្នាំងថ្នាក់នានានៅមូលដ្ឋាន ឱ្យមានប្រសិទ្ធភាពខ្ពស់។

–បន្តខិតខំរក្សា សន្តិសុខសណ្តាប់ធ្នាប់ សាធារណៈ តាមលក្ខណៈសម្បត្តិ ទាំង០៩ នៃគោលនយោបាយភូមិ ឃុំមានសុវត្ថិភាព និងខិតខំលើកកម្ពស់សមត្ថភាព ជំនាញ និងសីលធម៌វិជ្ជាជីវៈ ត្រូវមានភាពស្អាតស្អំ និងខិតខំបម្រើប្រជាពលរដ្ឋដោយ ស្មោះត្រង់ និងស្មើភាព។

–ជំរុញការអភិវឌ្ឍសេដ្ឋកិច្ចសង្គមលើគ្រប់វិស័យ និងខិតខំលើកកម្ពស់ជីវភាពរស់នៅរបស់ប្រជាជនតាមរយៈការផ្តល់សេវាសាធារណៈ ព្រមទាំងខិតខំសម្របសម្រួលដោះស្រាយបញ្ហាប្រឈមនានា ដែលនៅសេសសល់ រួមមាន ការចុះបញ្ជីដាច់ដោយដុំ ការចុះបញ្ជីដីមានលក្ខណៈជាប្រព័ន្ធ ការងារសំណង់ ការដោះស្រាយទំនាស់ដីធ្លី។ល ។

–ជំរុញអនុវត្តកម្មវិធីកំណែទម្រង់នានា របស់រាជរដ្ឋាភិបាលឱ្យមានវឌ្ឍនភាពតាមផែនការកំណត់ ជាពិសេសត្រូវត្រៀមសហការអនុវត្តជាមួយក្រុមការងារថ្នាក់ជាតិ ថ្នាក់ខេត្ត ថ្នាក់ស្រុក និងឃុំ ឱ្យទទួលបានជោគជ័យ។

–បង្ការ ទប់ស្កាត់ បង្រ្កាបបទល្មើសឈើគ្រញូង ពិសេសការដឹកជញ្ជូន ការស្តុកទុក ការកែច្នៃ ការប្រើប្រាស់ប្រភេទឈើនេះគ្រប់រូបភាព និងត្រួតពិនិត្យរថយន្ត កែច្នៃខុសលក្ខណបច្ចេកទេស លុបបំបាត់ការដាក់ប៉ុស្តិ៍ត្រួតពិនិត្យមិនស្របច្បាប់គ្រប់រូបភាពក្នុងទឹកដីស្រុកបន្ទាយស្រី ទាំងមូល និងការយកកម្រៃមិនស្របច្បាប់ផ្សេងៗ។

–ពង្រឹងការគ្រប់គ្រងមន្រ្តីរាជការ និងមន្រ្តីជាប់កិច្ចសន្យា ក្នុងចនាសម្ព័ន្ធរដ្ឋបាលស្រុក ដើម្បីរួមគ្នាបំពេញការងាររបស់រដ្ឋបាលស្រុកឱ្យកាន់តែមានប្រសិទ្ធភាពថែមទៀត និងខិតខំពង្រឹងការិយាល័យផែនការ និងគាំទ្រឃុំ ដើម្បីការិយាល័យនេះចាប់ផ្តើមទទួលខុសត្រូវក្នុងការគាំទ្របច្ចេកទេសទៅដល់ឃុំ ក្នុងដែនសមត្ថកិច្ចរបស់ខ្លួន និងបន្តយកចិត្តទុកដាក់សហការជាមួយទីចាត់ការនានា ចំណុះសាលាខេត្ត ដើម្បីធ្វើការបណ្តុះបណ្តាល មន្រ្តីរាជការសាលាស្រុកឱ្យមានសមត្ថភាពគ្រប់គ្រាន់ក្នុងការអនុវត្តតួនាទី ភារកិច្ចរបស់ខ្លួនបានកាន់តែល្អប្រសើរ។

–តាមដានត្រួតពិនិត្យជាប្រចាំអំពីបញ្ហាប្រឈមនានា ដែលនឹងអាចកើតមានឡើង ក្នុងការអនុវត្តតួនាទី ភារកិច្ច ដែលបានកំណត់ ព្រមទាំងខិតខំស្វែងរកដំណោះស្រាយប្រកបដោយប្រសិទ្ធភាព និងការទទួលខុសត្រូវ ដោយត្រូវប្រកាន់ខ្ជាប់នូវគោលការណ៍ច្បាប់ និងលិខិតបទដ្ឋានគតិយុត្តិនានា ដើម្បីធ្វើយ៉ាងណាត្រូវរក្សាឱ្យបាននូវសាមគ្គីភាព ឯកភាពផ្ទៃក្នុងឱ្យបានល្អប្រសើរ៕SRP

«លោក ហ៊ុន សម្បត្តិ អភិបាលរងស្រុកបន្ទាយស្រី ទើបចូលកាន់មុខតំណែងនៅថ្ងៃទី០៦ខែវិច្ឆិកាឆ្នាំ២០២០»

ខេត្តកំពង់ធំ៖លោកសុខ លូ អភិបាលខេត្តកំពង់ធំ បានអះអាងថា៖ជាកិច្ចតបស្នង ខ្ញុំបាទសន្យាថានឹងបន្តរួមគ្នាជាមួយមន្ត្រីរាជការ កងកម្លាំងប្រដាប់អាវុធទាំងអស់ក្នុងខេត្ត អនុវត្តគោលនយោបាយរបស់រាជរដ្ឋាភិបាល និងការចង្អុលបង្ហាញដឹកនាំពីសម្តេចតេជោ ថ្នាក់ដឹកនាំគ្រប់ជាន់ថ្នាក់ ដើម្បីបម្រើប្រជាពលរដ្ឋ ក្នុងខេត្ត ព្រមទាំងកសាងអភិវឌ្ឍ ខេត្តកំពង់ធំ​អោយមានការរីកចម្រើនបន្ថែម ទៀតក្រោមម្លប់សន្តិភាព…..។

លោកសុខ លូ បានបញ្ជាក់ថា៖ខ្ញុំបាទសូមគោរពថ្លែងអំណរគុណ ចំពោះបងប្អូនទាំងអស់ ដែលបានស្រឡាញ់រាប់អានរូបខ្ញុំ និងអបអរសាទរ ដែលខ្ញុំបាទបានទទួលការ ទុកចិត្តអោយបន្ត តំណែងជាអភិបាលនៃគណ:អភិបាលខេត្តកំពង់ធំ អាណត្តិទី២ក្នុងដែនសមត្ថកិច្ចដដែល។

«កំពង់ធំ ខ្ញុំពេញចិត្តនឹងបម្រើអ្នក»

ខ្ញុំ❤️ខេត្តកំពង់ធំ

សូមជម្រាប៖លោកសុខ លូ អភិបាលខេត្តកំពង់ធំ ត្រូវបានព្រះមហាក្សត្រ នៃព្រះរាជាណាចក្រកម្ពុជា ត្រាស់បង្គាប់តែងតាំង ជាអភិបាលខេត្តកំពង់ធំ សម្រាប់អាណត្តិទី ២ ក្នុងដែនដីសមត្ថកិច្ចដដែល។ នេះបើយោងតាមព្រះរាជក្រឹត្យ ដែលបានចុះនៅថ្ងៃទី០៤ ខែវិច្ឆិកាឆ្នាំ ២០២០។ ប្រជាពលរដ្ឋ និងមន្ត្រីរាជការ កងកម្លាំងប្រដាប់អាវុធ ក្នុងខេត្តកំពង់ធំ បានកោតសរសើរយ៉ាងខ្លាំងចំពោះស្នាដៃការអភិវឌ្ឍ របស់លោកសុខ លូ អភិបាលខេត្តកំពង់ធំ កន្លងមក និងការយកចិត្តទុកដាក់អភិវឌ្ឍ ខេត្តឲ្យមានការរីកចម្រើន។ ជាពិសេសបន្ថែមទៀត លោកសុខ លូ តែងតែចុះសួរសុខទុក្ខប្រជាពលរដ្ឋ នៅតាមមូលដ្ឋានផងដែរ៕SRP

ភ្នំពេញ៖រដ្ឋមន្ត្រីក្រសួងមហាផ្ទៃ សម្ដេច ស ខេង បានថ្លែងរំលឹកដល់ប្រធានស្ថាប័ន ជាពិសេស រដ្ឋបាលថ្នាក់ក្រោមជាតិគ្រប់លំដាប់ថ្នាក់ សូមតាមដាន និងក្ដាប់ព័ត៌មាន ឱ្យបានជាប់ពាក់ព័ន្ធនឹងបញ្ហាប្រឈម ក្ដីកង្វល់ និងសំណូមពរប្រជាពលរដ្ឋ ហើយដោះស្រាយបញ្ហា ទាំងនោះឱ្យបានលឿន និងប្រកបដោយប្រសិទ្ធភាព។ រដ្ឋមន្ត្រីក៏បានកោតសរសើរ រដ្ឋបាលថ្នាក់ក្រោមជាតិ ដែលមានភាពម្ចាស់ការ ចូលរួមទប់ស្កាត់ ការឆ្លងរាលដាលនៃជំងឺកូវីដ-១៩ និងការចាត់វិធានការ និងកៀរគរការ គាំទ្រពីស្ថាប័ន ពាក់ព័ន្ធនានា ក្នុងការជួយសង្គ្រោះពលរដ្ឋ ពីគ្រោះទឹកជំនន់ យ៉ាងទាន់ពេលវេលា ស្របទៅតាមស្ថានភាព និងតម្រូវការជាក់ស្ដែងរបស់មូលដ្ឋាននីមួយៗ។

សាររបស់រដ្ឋមន្ត្រីយ៉ាងដូច្នេះបានធ្វើឡើងនៅថ្ងៃសុក្រទី៦ ខែវិច្ឆិកា​ ឆ្នាំ២០២០នេះ ក្នុងពិធីបើកសិក្ខាសាលាជាតិស្ដីពីការពិគ្រោះយោបល់លើសេចក្ដីព្រាងឯកសារទស្សនទានសម្រាប់រៀបចំកម្មវិធីជាតិសម្រាប់ការភិវឌ្ឍន៍តាមបែបប្រជាធិបតេយ្យនៅថ្នាក់ក្រោមជាតិដំណាក់កាលទី២ នៅទីស្ដីការក្រសួងមហាផ្ទៃ។

សម្ដេចបានថ្លែងអំណរគុណ និងកោតសរសើរភាគីពាក់ព័ន្ធរបស់រដ្ឋទាំងថ្នាក់ជាតិ ថ្នាក់ក្រោមជាតិ ដៃគូអភិវឌ្ឍន៍ អង្គការសង្គមស៊ីវិល ដែលបានផ្តល់ការគាំទ្រ និងចូលរួមអនុវត្តយ៉ាងសកម្មក្នុងដំណើរការកំណែ ទម្រង់វិមជ្ឈការ និងវិសហមជ្ឈការក្នុងរយៈពេល២ទសវត្សរ៍កន្លងមកនេះ ដោយបានជំរុញឱ្យកំណែទម្រង់នេះមានការវិវឌ្ឍជាជំហានៗ ស្របតាមដំណាក់កាលនីមួយៗដែលបានកំណត់ក្នុងកម្មវិធី នយោបាយ និងយុទ្ធសាស្រ្តចតុកោណរបស់រាជរដ្ឋាភិបាល ព្រមទាំងកម្មវិធីជាតិសម្រាប់ការអភិវឌ្ឍ តាមបែបប្រជាធិបតេយ្យនៅថ្នាក់ក្រោមជាតិរយៈពេល១០ឆ្នាំដំបូង២០១០-២០២០។

សម្ដេចក៏បានគូសបញ្ជាក់លម្អិតជូនអង្គសិក្ខាសាលាជាតិ អំពីសមិទ្ធផលសំខាន់ៗ ដែលសម្រេចបានក្នុងរយៈកាលកន្លងមក រួមមាន ការរៀបចំក្របខ័ណ្ឌច្បាប់ និងលិខិតបទដ្ឋានគតិយុត្ត, ការរៀបចំស្ថាប័ននៅថ្នាក់ក្រោមជាតិ, ការផ្ទេរមុខងារ និងការផ្តល់សេវារបស់រដ្ឋបាលថ្នាក់ក្រោមជាតិ, វិមជ្ឈការហិរញ្ញវត្ថុ, ការៀបចំប្រព័ន្ធកសាងផែនការរបស់រដ្ឋបាលថ្នាក់ក្រោមជាតិ, ការពង្រឹងគណនេយ្យភាពរបស់រដ្ឋបាលថ្នាក់ក្រោមជាតិ។ ដោយលែកបញ្ហាប្រឈមជាគន្លឹះមួយចំនួនដែលត្រូវរួមគ្នាបន្តដោះស្រាយនោះរួមមាន បញ្ហាប្រឈមពាក់ព័ន្ធនឹងការរៀបចំស្ថាប័នរដ្ឋបាលថ្នាក់ក្រោមជាតិ, បញ្ហាប្រឈមពាក់ព័ន្ធនឹងការផ្ទេរមុខងារ, បញ្ហាពាក់ព័ន្ធនឹងការធ្វើគណនេយ្យភាពចំពោះប្រជាពលរដ្ឋ៖ , បញ្ហាពាក់ព័ន្ធនឹងភាពជាដៃគូជាមួយសង្គមស៊ីវិល និងផ្នែកឯកជន, បញ្ហាពាក់ព័ន្ធប្រព័ន្ធបច្ចេកវិទ្យាព័ត៌មានវិទ្យា៖

សម្ដេចបានសង្កត់ធ្ងន់ថាដើម្បីធានាសម្រេចបានចក្ខុវិស័យរាជរដ្ឋាភិបាលសម្រាប់រយៈពេល១០ឆ្នាំខាងមុខចាំបាច់ត្រូវបន្តធ្វើកំណែទម្រង់រចនាសម្ព័ន្ធរដ្ឋបាលសាធារណៈឱ្យកាន់តែស៊ីជម្រៅ និងមានប្រសិទ្ធភាព ដែលការរៀបចំរចនាសម្ព័ន្ធ និងប្រព័ន្ធគ្រប់គ្រងរដ្ឋបាល សាធារណៈ គឺជាកត្តាដ៏មានសារៈសំខាន់ ពោលគឺ កម្មវិធីជាតិដំណាក់កាលទី២នឹងត្រូវកំណត់ឱ្យបានច្បាស់លាស់នូវការទទួលខុសត្រូវ រវាងក្រសួងស្ថាប័ននៅថ្នាក់ជាតិ និងរដ្ឋបាលថ្នាក់ក្រោមជាតិ និងរវាងរដ្ឋបាលថ្នាក់ក្រោមជាតិ នីមួយៗ ដើម្បីចៀសវាងឱ្យបាននូវភាពមិនច្បាស់លាស់នៃការទទួលខុសត្រូវ និងភាពត្រួតស៊ីគ្នានៃ ការទទួលខុសត្រូវរវាងរដ្ឋបាលថ្នាក់ជាតិ និងរដ្ឋបាលថ្នាក់ក្រោមជាតិ និងរវាងរដ្ឋបាលថ្នាក់ក្រោម ជាតិនីមួយៗ។

សម្បីសម្រេចការងារនេះ សម្ដេចបានមានប្រសាសន៍ថា គ.ជ.អ.ប. បានចាត់ចែងឱ្យមានការសិក្សា និងរៀបចំសេចក្តី ព្រាងឯកសារទស្សនទានសម្រាប់ជាមូលដ្ឋានតម្រង់ទិសដល់ការរៀបចំតាក់តែងកម្មវិធីជាតិសម្រាប់ រយៈពេល១០ឆ្នាំដំណាក់កាលទី២ ពីឆ្នាំ២០២១ដល់ឆ្នាំ២០៣០ ដោយបានប្រើប្រាស់ពេលវេលាជាង៦ខែ ដើម្បីសិក្សារៀបចំឯកសារទស្សនទាននេះ ដោយមានការពិភាក្សា និងពិគ្រោះយោបល់ជាមួយមន្ត្រីបច្ចេកទេសនៃក្រសួង ស្ថាប័ននៅថ្នាក់ជាតិ និងថ្នាក់ក្រោមជាតិ ដៃគូអភិវឌ្ឍន៍ អង្គការសង្គមស៊ីវិល និងអ្នកពាក់ព័ន្ធមួយចំនួន។

ដើម្បីឱ្យឯកសារទស្សនទាននេះ ទទួលបាននូវធាតុចូលបន្ថែមទៀត រដ្ឋមន្ត្រីមហាផ្ទៃ បានផ្ដល់ចក្ខុវិស័យគន្លឹះសំខាន់ជូនអង្គសិក្ខាសាលាពិចារណា ពាក់ព័ន្ធនឹងការពិនិត្យឡើងវិញនូវមុខងារ និងរចនាសម្ព័ន្ធគ្រប់គ្រងនៃរដ្ឋបាលសាធារណៈនៅថ្នាក់ក្រសួង ស្ថាប័នថ្នាក់ជាតិ រដ្ឋបាលរាជធានី រដ្ឋបាលខេត្ត រដ្ឋបាលក្រុង ស្រុក និងឃុំ សង្កាត់, ការរៀបចំធនធាន និងកិច្ចការពាក់ព័ន្ធចាំបាច់នានា៖, អភិបាលកិច្ចតាមប្រព័ន្ធអេឡិចត្រូនិក និងកិច្ចការអន្តរវិស័យ។ សម្ដេចសង្ឃឹមថាសិក្ខាសាលាជាតិនាថ្ងៃនេះនឹងទទួលបាននូវមតិយោបល់ដែលជាធាតុចូលដ៏មានសារៈសំខាន់ជាច្រើនបន្ថែមទៀតសម្រាប់ការកំណត់ចក្ខុវិស័យ និងកិច្ចការជាអាទិភាពនានា នៃកម្មវិធីជាតិដំណាក់កាលទី២ ឱ្យកាន់តែមានភាពជាក់លាក់ ច្បាស់លាស់ និងអាចសម្រេចបាននៅក្នុងរយៈពេល១០ឆ្នាំខាងមុខនេះ។

មុននឹងបញ្ចប់ សម្ដេចក៏បានមានប្រសាសន៍ជូនពរសម្ដេចតេជោ ហ៊ុន សែន នាយករដ្ឋមន្រ្តី និងសម្ដេចកិត្តព្រឹទ្ធបណ្ឌិត ព្រមទាំងក្រុមគ្រួសារ រួមទាំងថ្នាក់ដឹកនាំ មន្រ្តី និងអ្នកពាក់ព័ន្ធផ្សេងទៀតជាមួយនឹងឯឧត្តមរដ្ឋមន្រ្តីក្រសួងការបរទេស និងពាណិជ្ជកម្មហុងគ្រីដែលត្រូវបានរកឃើញថាមានជំងឺកូវីដ១៩ បន្ទាប់ពីទើបតែបញ្ចប់ទស្សនកិច្ចនៅកម្ពុជា សូមមានសុខភាពល្អ និងចៀសផុតពីជំងឺដ៏កាចសាវហានេះ។ សម្ដេចក៏បានថ្លែងអំពាវនាវជាថ្មីទៀតដល់បងប្អូន​ប្រជាពលរដ្ឋសូមបន្តប្រកាន់ខ្ជាប់ការអនុវត្តវិធានការទប់ស្កាត់ជំងឺកូវីដ១៩តាមការណែនាំរបស់ក្រសួងសុខាភិបាល ជាពិសេសដើម្បីបញ្ចៀសការឆ្លងចូលសហគមន៍ផងដែរ៕SRP

ភ្នំពេញ៖លោក ឃុនថាវង្ស ផងផាន់ «ម្ចាស់បុរី KP ម៉ន ដានី» នៅថ្ងៃទី៤ ខែវិច្ឆិកា ឆ្នាំ២០២០ ត្រូវបានទទួលគោរមងារជា ឧកញ៉ា បន្ទាប់ពីលោកបានបរិច្ចាគថវិកាយ៉ាងច្រើនជួយការងារសង្គម។

ការទទួលបានគោរមងារ របស់លោកត្រូវបានធ្វើឡើងតាមសំណើរ របស់សម្ដេចតេជោ ហ៊ុន សែន នាយករដ្ឋមន្ត្រីកម្ពុជា។

លោក ឃុនថាវង្ស ផងផាន់ បានបរិច្ចាគធនធានផ្ទាល់ខ្លួន អស់ថវិការជាង៥៣ម៉ឺនដុល្លាអាមេរិក ដើម្បីជួយកសាងផ្លូវបេតុងជាច្រើនខ្សែ និងប្រព័ន្ធលូនៅសង្កាត់សំរោងក្រោម ខណ្ឌពោធិ៍សែនជ័យ រាជធានីភ្នំពេញ។

ជាមួយនឹងការចូលរួមចំណែក កសាងហេដ្ឋារចនាសម្ព័ន្ធ ក្នុងរាជធានី ក្រុមហ៊ុន បុរី ម៉ន ដានី ក៏បានឧបត្ថម្ភថវិការយ៉ាងច្រើនទៀត ជួយដល់ការការពារនិងទប់ស្កាត់ជំងឺកូវីដ១៩ ក៏ដូចជាការជួយសម្រាលទុក្ខលំបាក របស់ប្រជាពលរដ្ឋជាង ៤.០០០ គ្រួសារដែលជួបគ្រោះជំនន់ទឹកភ្លៀងកន្លងមកនេះ ។

បុរី KP ម៉ន ដានី ជាបុរីអភិវឌ្ឍ លំនៅដ្ឋានស្អាត ឈានមុខគេនៅតំបន់ទំនប់កប់ស្រូវ ជាប្រភេទវីឡាទោលសង់តាមរចនាបថបែបស៊ីវិស័យ មានតម្លៃទាប និងមានទីធ្លាធំទូលាយ៕SRP