ខេត្តសៀមរាប៖ឯកឧត្តម ប្រាក់ សោភ័ណ បានដាក់បទបញ្ជាដល់សមត្ថកិច្ចនិងអាជ្ញាធរពាក់ព័ន្ធទាំងអស់ ដោយត្រូវពង្រឹងការពារ សុខសុវត្ថិភាព សន្តិសុខទូទៅ ជូនប្រជាពលរដ្ឋរស់នៅប្រចាំថ្ងៃ ជាពិសេសថ្ងៃបុណ្យទាន។ » ជាក់ស្តែងនៅក្នុងឱកាសបុណ្យភ្ជុំបិណ្ឌនេះ និងថ្ងៃបុណ្យអុំទូកនាពេលខាងមុខនេះផងដែរ»។

ដឹកនាំកិច្ចប្រជុំគណៈបញ្ជាការឯកភាពរដ្ឋបាលខេត្តសៀមរាប នៅថ្ងៃចន្ទម្សិលមិញ ឯកឧត្តម ប្រាក់ សោភ័ណ ភិបាលបាលខេត្ត និងជាប្រធានគណៈបញ្ជាការឯកភាពរដ្ឋបាលខេត្ត ក៏បានជំរុញដល់ស្នងការនគរបាលខេត្ត ត្រូវផ្សព្វផ្សាយ អប់រំដល់សិស្សានុសិស្ស និងប្រជាពលរដ្ឋ ដើម្បីចូលរួមកាត់បន្ថយគ្រោះថ្នាក់ចរាចរណ៍។

អភិបាលខេត្តសៀមរាប ក៏បានបញ្ជាក់ថាដោយឡែក​ ចំពោះ​អាជ្ញាធរក្រុង​ ស្រុក​ និងសមត្ថកិច្ចពាក់ព័ន្ធត្រូវត្រៀមបង្ការ​ និងជួយសង្គ្រោះ ដល់ប្រជាពលរដ្ឋ​ឱ្យទាន់ពេលវេលាផងដែរ។

អភិបាលខេត្តសៀមរាបរូបនេះក៏បានសង្កត់ធ្ងន់​ និងណែនាំដល់សមត្ថកិច្ចពាក់ព័ន្ធទាំងអស់ត្រូវធ្វើការទប់ស្កាត់​ និងបង្ក្រាបគ្រឿងញៀន ​ឱ្យខានតែបាន​ ដើម្បីកុំឱ្យមានផលប៉ះពាល់ដល់សង្គម៕ដោយនាគខៀវ

ភ្នំពេញ៖សម្ដេចហ៊ុន សែន បានមានប្រសាសន៍ថា សម្តេចអាចរស់នៅយ៉ាងតិច ៣០ ឆ្នាំទៀត ហើយក៏នៅមានឥទ្ធិពល នៅក្នុងសង្គមកម្ពុជា ជាបន្តទៅទៀតដែរ។

សម្ដេចហ៊ុន សែន ចោទជាសំណួរថា តើមានមនុស្សប៉ុន្មាននាក់នៅលើពិភពលោក ដែលសុខចិត្តលះបង់អំណាច នៅពេលដែលខ្លួនកំពុងមានប្រជាប្រិយភាពខ្ពស់? សម្ដេចតេជោ បន្តថា ការលះបង់របស់សម្តេច គឺដើម្បីប្រជាជនកម្ពុជា រស់នៅក្នុងសុខសន្តិភាព និងការអភិវឌ្ឍជាបន្តទៀត។

សម្ដេចតេជោបានផ្ញើសារទៅកាន់ក្រុមប្រឆាំងទាំងឡាយឱ្យភ្លឺភ្នែក និងផ្ដាំទៅក្រុមប្រឆាំងត្រូវរៀនសូត្រពីសម្ដេច ឱ្យបានច្រើនបន្ថែមទៀត ខណៈកាលពីមុនក្រុមនេះ តែងតែនិយាយថា សម្ដេចតេជោ មិនហ៊ានចុះចេញពីតំណែង ប៉ុន្ដែមកដល់ពេលនេះ សម្ដចតេជោ កំពុងធ្វើជាឪពុករបស់នាយករដ្ឋមន្រ្ដីរួចបាត់ទៅហើយ។

សម្ដេចតេជោ ហ៊ុន សែន បានបញ្ជាក់ថា ក្នុងនាមជាប្រធានគណបក្សកាន់អំណាច សម្ដេចនៅតែមានសិទ្ធិក្នុងកិច្ចការងារនយោបាយ ទាំងក្នុងប្រទេស និងក្រៅប្រទេស។ សម្ដេចតេជោ ហ៊ុន សែន បានមានប្រសាសន៍ថា សម្តេចមិនមានសិទ្ធិបញ្ជាលើកងកម្លាំងនោះទេ ប៉ុន្តែសម្តេចមានសិទ្ធិខាងនយោបាយ។

សម្ដេចតេជោ ហ៊ុន សែន មានប្រសាសន៍យ៉ាងដូច្នេះ
នៅរសៀល ថ្ងៃចន្ទ ម្សិលមិញ ក្នុងឱកាសអញ្ជើញជាអធិបតីក្នុងពិធីបិទបញ្ចប់កញ្ចក់កាមេរ៉ា-ថតខ្សែភាពយន្តភាគរឿង ” កូនប្រុសក្រោមពន្លឺព្រះចន្ទពេញបូណ៌មី ” នៅមជ្ឈមណ្ឌលសន្និបាតជ្រុងចង្វារ៕ដោយនាគខៀវ

ខេត្តសៀមរាប៖មន្ត្រីមូលដ្ឋានបានប្រាប់ថា ស្ត្រី ម្នាក់បានលង់ទឹកស្លាប់បង្កឲ្យមានការភ្ញាក់ផ្អើលដល់ប្រជាពលរដ្ឋនិងសមត្ថកិច្ច។

ហេតុការណ៍បានកើតឡើង នៅវេលាម៉ោង១៣និង៣០ ថ្ងៃទី០៩ ខែតុលា ឆ្នាំ២០២៣ នៅចំណុចប្រឡាយអប្សរា ស្ថិតនៅភូមិពាម ឃុំដូនកែវ ស្រុកពួក។

មន្ត្រីបានបន្តថា ជនរងគ្រោះ ឈ្មោះ សឿយ ឡុក ភេទស្រីអាយុ៣៧ឆ្នាំ ទីលំនៅភូមិគោកត្នោត សង្កាត់គោកចក ក្រុងសៀមរាប។

តាមការរៀបរាប់របស់បងប្រុសបង្កើតរបស់រងគ្រោះ សព(ប្អូន) ជាមនុស្សញៀនស្រាជាប្រចាំ សតិមិនគ្រប់វង្វេងដើរបាត់ពីផ្ទះ។ ជាក់ស្តែងនៅថ្ងៃទី០៨ ម្សិលមិញ បានបាត់ក្នុងសភាពស្រវឹង ហើយបាននាំបងប្អូនដើររកក៏ប្រទះឃើញទ្រនាប់ជើង នៅមាត់ប្រឡាយក្បែរសាលាឆទានភូមិគោកត្នោត តែរកប្អូនខ្លួនពុំឃើញ រហូតដល់រសៀល ថ្ងៃនេះ ទើបប្រទះឃើញសពប្អូនខ្លួនទើរនិងឈើព្រួលដាក់ទ្រូកាត់ប្រឡាយស្តិតនៅភូមិពាម ឃុំដូកែវ  និងបានស្រង់សពមកលើគោកនិងរាយការណ៍ប្រាប់សមត្ថកិច្ច។

តាមមន្ត្រី ការពិនិត្យសាកសព និងការសន្និដ្ឋាន:  ពុំមានស្លាកស្នាមអ្វីគួរសង្ស័យពាក់និងបទល្មើសឡើយ៕

ខេត្តសៀមរាប៖បុរសម្នាក់ត្រូវបានសមត្ថកិច្ចរាយការណ៍ប្រាប់ថាបានលង់ទឹកស្លាប់បង្កឲ្យមានការភ្ញាក់ផ្អើល។ ហេតុការណ៍បានកើតឡើងនៅវេលាម៉ោង ៥ និង២៥នាទី ថ្ងៃទី៩ ខែកញ្ញា ឆ្នាំ២០២៣ត្រង់ចំណុចខាងកើតភូមិស្ពានថ្មី ឃុំលាងដៃ ស្រុកអង្គរធំ ខេត្តសៀមរាប។

សមត្ថកិច្ចបានប្រាប់ថា ជនរងគ្រោះ មានឈ្មោះ វន់ វឹង ភេទប្រុស អាយុ៣៤ឆ្នាំ  រស់នៅភូមិស្ពានថ្មី ឃុំលាងដៃ ស្រុកអង្គរធំ។ សមត្ថកិច្ចបញ្ជាក់ថា ជនរងគ្រោះជាមនុស្សសតិមិនគ្រប់ (ឆ្គួត) ដោយជនរងគ្រោះ បានបាត់ពីផ្ទះរយៈពេល០៣ថ្ងៃមកហើយ តាំងពីថ្ងៃសុក្រទី០៦ ខែកញ្ញា ឆ្នាំ២០២៣ វេលាម៉ោង០២ ជិត០៣ទៀបភ្លឺ ដោយដើរចេញបាត់ពីផ្ទះ លុះនៅព្រឹកវេលាប្រហែលម៉ោង០៥:១០នាទី បងថ្លៃជនរងគ្រោះមានឈ្មោះ ថា និងក្រុមគ្រួសារ បាននាំគ្នាដើររកជនរងគ្រោះបន្តទៀត ក៏ប្រទះឃើញសាកសពជនរងគ្រោះ បានស្លាប់ក្នុងទឹក ក៏បានរាយការណ៍ជូនមេភូមិ និងប៉ូលិសរដ្ឋបាលលាងដៃ និងកម្លាំងជំនាញ។

បើតាមសមត្ថកិច្ច ធ្វើតាមការពិនិត្យវិច័យ លើជនរងគ្រោះពិតជាស្លាប់ដោយសារការលង់ទឹកពិតប្រាកដមែន ពុំមានជាប់ពាក់ព័ន្ធនិងបទល្មើសព្រហ្មទណ្ឌឡើយ៕SRP

ខេត្តសៀមរាប៖ករណីឃាតកម្មដ៏សាហាវព្រៃផ្សៃដែលធ្វើឲ្យមានការភ្ញាក់ផ្អើលយ៉ាងខ្លាំង នៅខេត្តសៀមរាប ត្រូវបានប៉ូលិសបំបែកសំណុំរឿងបានហើយ។

ថ្លែងប្រាប់អ្នកសារព័ត៌មាន សៀមរាប ប៉ុស្តិ៍ នៅព្រឹកថ្ងៃច័ន្ទនេះ នគរបាលខេត្តសៀមរាបបញ្ជាក់ថា តាមរយៈការស្រាវជ្រាវ ស៊ើបអង្កេត កម្លាំងនគរបាលព្រហ្មទណ្ឌកម្រិតធ្ងន់ និងកម្លាំងនគរបាលស្រុកសូទ្រនិគម កំណត់បានមុខសញ្ញាសង្ស័យចំនួន ២នាក់មានឈ្មោះដូចខាងក្រោម៖
១.ឈ្មោះ ហូល ហៃ ហៅ ម៉ែន ភេទប្រុស អាយុ ៣១ឆ្នាំ មុខរបរកម្មករ ទីកន្លែងកំណើត និងទីលំនៅបច្ចុប្បន្នភូមិបេង ឃុំដានរុន ស្រុកសូទ្រនិគម ខេត្តសៀមរាប។
២.ឈ្មោះ កឿម កាន ភេទស្រី អាយុ ២៨ឆ្នាំ មុខរបរ កម្មករ ទីកន្លែងកំណើត និងទីលំនៅបច្ចុប្បន្នភូមិបេង ឃុំដានរុន ស្រុកសូទ្រនិគម ខេត្តសៀមរាប។

មន្ត្រីនគរបាលបានដកស្រង់សម្ដីជនសង្ស័យ ឈ្មោះ ហូល ហៃ ហៅ ម៉ែន បានសារភាពថា៖ រូបគេពិតជាធ្វើសកម្មភាពពិតប្រាកដមែន ដោយនៅវេលាម៉ោង០២និង០០នាទី រំលងអាធ្រាត្រ ឈានចូលថ្ងៃទី៨ ខែតុលា ឆ្នាំ២០២៣ រូបគេបានបើកម៉ូតូឌុបប្រពន្ធ ប្រដាប់ដោយខ្វែវ ១ដើម ចេញពីផ្ទះនៅភូមិបេង ឃុំដានរុន ស្រុកសូទ្រនិគម មករកគូទំនាស់ នៅចំណុចតូបលក់បាយ កន្លែងកើតហេតុ ព្រោះជនរងគ្រោះ ជាគូរទំនាស់ តែងតែដេកនៅទីនោះរៀងរាល់យប់។ ពេលទៅដល់រូបគេ បានចុះពីម៉ូតូកាប់ជនរងគ្រោះ ដោយប្រើដៃទាំងសងខាង កាប់ចំក ផ្នែកខាងមុខចំនួន១ខ្វែវ ខណៈដែលជនរងគ្រោះ ដេកផ្ងា ភ្លាមនោះ ជនរងគ្រោះបានប្រកាច់ចេញ ពីតូបលក់បាយទៅទិសខាងត្បូង ផ្លូវជាតិលេខ៦ ហើយដួលផ្កាប់មុខនៅចិញ្ចើមផ្លូវ ហើយរូបគេបានកាប់បន្ថែមចំត្រង់ស្លាបប្រជៀងផ្នែកខាងស្តាំ ផ្នែកខាងក្រោយ ចំនួន ១ខ្វែវ និងកាប់ចំត្រង់ចង្កេះខាងស្តាំ ចំនួន ១ខ្វែវទៀត បន្ទាប់មកបានឲ្យប្រពន្ធ ជួយលើកជនរងគ្រោះបោះចូលទៅ ក្នុងថ្លុកទឹកមាត់ប្រឡាយ ហើយបើកម៉ូតូគេចទៅផ្ទះវិញ ដោយយកក្រណាត់ជូនសម្អាតឈាមចេញពីខ្វែវ លុះព្រឹកឡើង រូបគេបានសំលៀង និងលាងសំអាតខ្វែវ ហើយយកទៅសៀតនៅលើធ្នឹមផ្ទះ។ បន្ទាប់មកទើបយកក្រណាត់ ដែល ប្រឡាក់ឈាមដាក់ដុតជាមួយគំនរសំរាមក្បែរផ្ទះ លុះដល់វេលាម៉ោង១២ ក៏ត្រូវបាន សមត្ថកិច្ចចុះនាំខ្លួនតែម្តង។

២.ឈ្មោះ កឿម កាន ភេទស្រី អាយុ ២៨ឆ្នាំ បានសារភាពថា៖ នៅវេលាម៉ោង២១និង០០នាទីយប់ មុនថ្ងៃកើតហេតុមួយសប្តាហ៍ ប្តីរបស់ខ្លួន មានទំនាស់ និងប្រើហិង្សា ជាមួយជនរងគ្រោះ ខណៈកំពុងអង្គុយផឹកស្រារសជុំគ្នា ហើយនៅយប់កើតហេតុវេលាម៉ោង០២និង០០នាទី រំលងអាធ្រាត ប្តីបានបើកម៉ូតូឌុបរូបនាងប្រដាប់ដោយខ្វែវ ១ដើម មកធ្វើសកម្មភាពកាប់លើគូរទំនាស់តែម្តង ក្នុងនោះរូបនាងក៏បានជួយលើកជនរងគ្រោះ បោះចូលក្នុងធ្លុកទឹកផងដែរ។

បើតាមមន្ត្រីនគរបាល ជនរងគ្រោះមន្ត្រីបានស្គាល់ត្តសញ្ញានៅឡើយ ភេទប្រុស មានសំបុរស្រអែម អាយុប្រហែល៣៥ឆ្នាំ មានកំពស់ប្រហែល ១៥០សង់ទីម៉ែត្រ មានសាក់រូបនៅលើដើមទ្រូង និងផ្នែកខ្នង ពាក់អាយឺតដៃវែង ពណ៌ខ្មៅ ស្លៀកខោសាច់ក្រណាត់ជើងខ្លី ត្រឹមជង្គង់ ពណ៌ខ្មៅ បានដេកស្លាប់ក្នុងធ្លុកទឹកមាត់ប្រឡាយ ជាប់ផ្លូវជាតិលេខ៦ខាងលិចភោជនីយដ្ឋានអាប៉ូឡូប្លាស្សាប្រហែល ១០០ម៉ែត្រ ស្ថិតនៅភូមិខ្នារ សង្កាត់ជ្រាវ ក្រុងសៀមរាប។

បើតាមនគរបាលករណីឃាតកម្មនេះ ដោយសារទំនាស់ក្នុងវង់ផឹកស៊ី។ សូមជម្រាបថាហេតុការណ៍វេលាម៉ោង២ និង៣០នាទីរំលងអាធ្រាត ឈានចូលថ្ងៃទី០៨ ខែតុលា ឆ្នាំ២០២៣ ធ្លុកទឹកមាត់ប្រឡាយជាប់ផ្លូវជាតិលេខ៦ ស្ថិតនៅភូមិខ្នារ សង្កាត់ជ្រាវ ក្រុងសៀមរាប។

បច្ចុប្បន្នជនសង្ស័យទាំង០២នាក់ ត្រូវបាននគរបាលធ្វើការសាកសួរ និងកសាងសំណុំរឿង បញ្ជូនទៅសាលាដំបូងខេត្តសៀមរាប ដើម្បីចាត់ការបន្តតាមនីតិវិធី៕

ខេត្តសៀមរាប៖យ៉ាងហោចណាស់មនុស្សម្នាក់បានស្លាប់និងចំនួន 5 នាក់ទៀតបានរងរបួសធ្ងន់ស្រាលក្នុងហេតុការណ៍គ្រោះថ្នាក់ចរាចរណ៍។

នេះបើយោងតាមរបាយការណ៍បឋមពីសមត្ថកិច្ចខេត្តសៀមរាប។

ហេតុការណ៍បានកើតឡើង នៅរសៀល ថ្ងៃទី ០៨ ខែតុលា ឆ្នាំ២០២៣ នៅលេីកំណាត់ផ្លូវក្រាលកៅស៊ូ(២០២) ស្ថិតក្នុងភូមិព្រលឹត ឃុំល្វា ស្រុកពួក។

សមត្ថកិច្ចបានបន្ថែមថា គ្រោះថ្នាក់ចរាច​រណ៍នេះ ដោយម៉ូតូម៉ាក ហុងដាឌ្រីម ពណ៌​ខ្មៅ ពាក់ស្លាកលេខ​ សៀមរាប 1T-5796 បុកនិងម៉ូតូម៉ាក ហុងដាឌ្រីម​ ពណ៌ខ្មៅ (គ្មានស្លាកលេខ) បណ្តាលឲ្យស្លាប់មនុស្ស​ ០១នាក់.របួសមនុស្ស ០៥នាក់.ស្រី ០២នាក់.របួសធ្ងន់ ០២នាក់(ស្រី)និងរបួស របួសមធ្យម ០២នាក់÷
+ជនរងគ្រោះ
១/ឈ្មោះ ធា ធាក់ ភេទស្រី អាយុ ១៨ឆ្នាំ រស់នៅភូមិរើល ឃុំរើល ស្រុពួក ខេត្តសៀមរាប (ស្លាប់)
២/ឈ្មោះ ឡាត ហេង ភេទប្រុស អាយុ៨ឆ្នាំ(របួសមធ្យម)
៣/ឈ្មោះ ឡាត សំណាង ភេទ ប្រុស អាយុ ៣ឆ្នាំ (របួសមធ្យម)
៤/ឈ្មោះ យាង មិត្ត  (របួសធ្ងន់)
៥/ឈ្មោះ ធី នី ភេទប្រុស អាយុ ១៨ឆ្នាំ (មធ្យម )
៦/ ឈ្មោះ ហម ជឿង ភេទស្រី អាយុ ៤៣ឆ្នាំ នៅភូមិនគរភាស១ ឃុំនគរភាស ស្រុកអង្គរជុំ  (ធ្ងន់)
ខូចខាត:ម៉ូតូ ២គ្រឿង១។ មូលហេតុសង្ស័យពាក់ផ្លាកលេខ សៀមរាប 1T 5796 បើកបរវ៉ាជែងខ្វះការប្រុងប្រយ័ត្ន៕

ខេត្តបន្ទាយមានជ័យ៖កម្លាំងនាយកដ្ឋាននគរបាលព្រហ្មទណ្ឌ ដឹកនាំសហការស្រាវជ្រាវ និងឈានដល់ការចាប់ខ្លួនបាន ជនដៃដល់ឈ្មោះ ម៉ែន សំអាង អាយុ៣៦ឆ្នាំ ពាក់ព័ន្ធករណីសម្លាប់ប្រពន្ធ និងកូនស្រីអាយុ២ឆ្នាំ នៅស្រុកកណ្ដាលស្ទឹង ខេត្តកណ្ដាល។

ជនដៃដល់ត្រូវចាប់ខ្លួនបាននៅរសៀលថ្ងៃទី០៧ ខែតុលា ឆ្នាំ២០២៣នេះ នៅក្រុងប៉ោយប៉ែត ខេត្តបន្ទាយមានជ័យ។

ប្រតិបត្តិការបង្ក្រាបនេះ កម្លាំងនាយកដ្ឋានដឹកនាំដោយលោកឧត្តមសេនីយ៍ត្រី ខេង ម៉េងឈាន អនុប្រធាននាយកដ្ឋាន ដឹកនាំសហការជាមួយស្នងការដ្ឋាននគរបាលខេត្តកណ្ដាល ដឹកនាំដោយលោកឧត្ដមសេនីយ៍ត្រី ឡាក់ ម៉េងធី ស្នងការរង និងស្នងការដ្ឋាននគរបាលខេត្តបន្ទាយមានជ័យ ដឹកនាំដោយលោកឧត្តមសេនីយ៍ត្រី នូ ជីវ័ន្ដ ស្នងការរង ដោយអនុវត្តតាមបទបញ្ជាដ៏ម៉ឺងម៉ាត់របស់ ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ និងការចង្អុលបង្ហាញពី ឯកឧត្តម ឧត្តមសេនីយ៍ឯក ង៉េង ប្រធាននាយកដ្ឋាននគរបាលព្រហ្មទណ្ឌ។

បច្ចុប្បន្នជនដៃដល់កម្លាំងជំនាញកំពុងសួរនាំនៅអធិការដ្ឋាននគរបាលក្រុងប៉ោយប៉ែត ដើម្បីត្រៀមបញ្ជូនមកកាន់នាយកដ្ឋាននគរបាលព្រហ្មទណ្ឌ ចាត់ការបន្ដតាមនីតិវិធី។ ទោះជាយ៉ាងណាសមត្ថកិច្ចនៅពុំទាន់បញ្ជាក់អំពីមូលហេតុនៅឡើយ៕ដោយនាគខៀវ

ខេត្តសៀមរាប៖កម្លាំងសមត្ថកិច្ចចំរុះកំពុងប្រតិបត្តិការចុះស្រាវជ្រាវនិងស្វែងរកចាប់ជនដៃដល់ ករណីប្លន់ស្ត្រីម្នាក់កាលពីយប់មិញ។

ហេតុការណ៍បានកើតឡើង នៅវេលាម៉ោង ០៣:០០នាទី ថ្ងៃទី៧ ខែតុលា ឆ្នាំ២០២៣ នៅចំណុច ផ្ទះជនរងគ្រោះ ស្ថិតនៅភូមិអំពិលពាម ឃុំខ្នាត ស្រុកពួក ខេត្តសៀមរាប។

យោតាមរបាយការណ៍បឋមរបស់សមត្ថកិច្ច ដែលអង្គភាពសៀមរាប ប៉ុស្តិ៍ ទទួលបាន បង្ហាញថា ករណី “លួចមានស្ថានទម្ងន់ទោស” នេះ បង្កដោយជនសង្ស័យ ចំនួន១នាក់ ភេទប្រុស មិនស្គាល់អត្តសញ្ញាណ បានធ្វើសកម្មភាព ឡើងតាមអូវ៉ង់លើបង្អួចនិងធ្នឹម ចូលក្នុងផ្ទះរបស់ជនរងគ្រោះ ឈ្មោះឃឹម កែវ ភេទស្រី អាយុ ៥០ឆ្នាំ មុខរបរ អនាម័យក្នុងហាងម៉ាស្សាក្រុងសៀមរាប (ស្នាក់នៅផ្ទះតែម្នាក់ឯង) ហើយជនសង្ស័យ បានធ្វើសកម្មភាព វាយជនរងគ្រោះ (ដោយដៃ) បណ្តាលឲ្យមានរបួសពេញខ្លួន ហើយប្លន់យកទូរស័ព្ទ១គ្រឿង ម៉ាកសាមសុងមួយគ្រឿង។

បើតាមរបាយការណ៍ ក្រោយធ្វើសកម្មភាពរួច ជនសង្ស័យ បានគេចខ្លួនបាត់។ ចំណែកជនរងគ្រោះត្រូវបានសាច់ញាតិយកទៅព្យាបាលនៅមន្ទីរពេទ្យស្រុកពួក។

ទោះជាយ៉ាងណា ខណៈពេលនេះបច្ចុប្បន្ន កម្លាំងសមត្ថកិច្ចជំនាញកំពុងស្រាវជ្រាវរកមុខសញ្ញា ដើម្បីចាប់យកមកអនុវត្តទោសតាមផ្លូវច្បាប់៕