ខេត្តពោធិ៍សាត់៖សង្កាត់ជលផលស្រុកកណ្ដៀងដឹកនាំកម្លាំងចម្រុះ បានចុះត្រួតពិនិត្យ បង្ការ ទប់ស្កាត់ និងបង្ក្រាបវទល្មើសនេសាទដោយប្រើប្រាស់ឧបករណ៍ខុសច្បាប់ នៅលើផ្ទៃបឹងទន្លេសាប។

ការចុះបង្ក្រាបនេះធ្វើឡើង នៅថ្ងៃព្រហស្បតិ៍ ទី១៩ ខែតុលា ឆ្នាំ២០២៣ ដោយមានកម្លាំងសមត្ថកិច្ចសង្កាត់រដ្ឋបាលជលផល កណ្ដៀង ដឹកនាំដោយ លោក ហុក ម៉េងអាន នាយរងផ្នែកក្រគរ សហការណ៍ជាមួយ នគរបាលប្រឆាំងបទល្មើសសេដ្ឋកិច្ចខេត្ត មន្រ្តីបរិស្ថាន និងកងរាជអាវុធហត្ថស្រុក ដែលមានកម្លាំងសរុបចំនួន ១៣ នាក់ ប្រើប្រាស់មធ្យោបាយ កាណូត០៤គ្រឿង បានចេញប្រតិបត្តិការ ត្រួត ពិនិត្យ ទប់ស្កាត់ និងបង្រ្កាបបទល្មើសជលផល នៅចំណុចចុងព្រែករាំងទិល ភូមិព្រែក ឃុំរាំងទិល ស្រុកកណ្ដៀង ខេត្តពោធិ៍សាត់។

លោក ហុក ម៉េងអាន នាយរងជលផលផ្នែកក្រគរ បានបញ្ជាក់ឲ្យដឹងថា ក្នុងកិច្ចប្រតិបត្តិការ ចុះបង្ក្រាបនេះដែរ សមត្ថកិច្ចយើងបានរុះរើ និងបំផ្លាញចោល នូវ របាំងស្បៃមុងចំនួន ៧ខ្សែ ប្រវែង១៥០០ម៉ែត្រ លូកងស្បៃមុងចំនួន ១៦មាត់ បង្គោលចំនួន៤៩០ដើម នឹងចាក់លែងកូនត្រីចំរុះទម្ងន់ ៣០ គីឡូក្រាម ចូលក្នុងទន្លេវិញ៕

ខេត្តសៀមរាប៖នៅទីបំផុត លោក ម៉ក់ សំអឿន ថៅកែមណ្ឌលកំសាន្តកេសរកូល ចេញសារសំឡេងបកស្រាយហើយ ថែមទាំងដៀលអ្នកសារព័ត៌មានទៀតផង។

សារសំឡេង លោក ម៉ក់ សំអឿន ថៅកែមណ្ឌលកំសាន្តកេសរកូល បានធ្វើឡើង តាមរយៈប្រព័ន្ធគ្រុបតេឡេក្រាម អង្គភាពសៀមរាប ប៉ុស្តិ៍ នៅព្រឹកថ្ងៃព្រហស្បតិ៍ទី ១៩ ខែតុលាឆ្នាំ ២០២៣ នេះ។ «សំឡេង លោកម៉ក់ សំអឿន»

បើតាមសេចក្ដីប្រកាសបំភ្លឺរបស់ស្នងការនគរបាលខេត្តសៀមរាប បង្ហាញថានៅថ្ងៃទី១៥ ខែតុលា ឆ្នាំ២០២៣ វេលាម៉ោង ២១:០៥នាទី មានឈ្មោះ ម៉ក់ សំអឿន ភេទប្រុស អាយុ ៥០ឆ្នាំ ដែលជាម្ចាស់មណ្ឌលកំសាន្តកេសរកូល ស្ថិតនៅក្នុងភូមិស្ទឹងថ្មី សង្កាត់ស្វាយដង្គំ ក្រុងសៀមរាប ខេត្តសៀមរាប បានដើរពិនិត្យមើលជុំវិញបរិវេណមណ្ឌលកំសាន្តរបស់ខ្លួន ដែលបានបិទរយៈពេលជាង៤ខែមកហើយ ខណៈដែលរូបគាត់ បានដើរ ក៏បានឃើញមនុស្សចំនួន ០២នាក់ (ក្មេ..ងប្រុស ០១នាក់ និងមនុស្សប្រុសវ័យកណ្តាល ០១នាក់) ដែលកំពុង អង្គុយក្នុងបរិវេណដីជាប់នឹងជណ្តើរយន្ត ក្នុងមណ្ឌលកំសាន្ត របស់គាត់ ហើយបានហុចរបស់តូចឲ្យគ្នា តែជារបស់អ្វី រូបគាត់ ពុំដឹងទេ ឃើញដូចនេះ រូបគាត់បានសួរទៅអ្នកទាំងពីរនោះថា អ្នកឯងមកពីណា? មកធ្វើអីនៅទីនេះ? ពួកគេបានឆ្លើយថា ជាឪពុកកូន បន្ទាប់មកឈ្មោះ ម៉ក់ សំអឿន បានណែនាំទៅអ្នកទាំងពីរទៀតថា បើកូនចឹងម៉េចមិននាំទៅរៀនទៅ? ក្មេ..ងប្រុសបានឆ្លើយថា គ្រួសាររបស់គេក្រណាស់ ភ្លាមនោះដែរ ស្រាប់តែបុរសវ័យកណ្តាល បានដើរចេញ ហើយលើកទូរស័ព្ទ និយាយ បានប្រហែល២ ទៅ៣នាទី ក្រោយមក ស្រាប់តែមានបុរសម្នាក់ បានជិះម៉ូតូរ៉ឺម៉ក យ៉ាងលឿន ចូលមកដល់បរិវេណ ដីក្នុងមណ្ឌលកំសាន្ត របស់គាត់ ដល់ទីកន្លែងដែលឈ្មោះ ម៉ក់ សំអឿន កំពុងឈរនិយាយ ហើយបុរសដែលបើកម៉ូតូរ៉ឺម៉កនោះ បានឈប់ម៉ូតូរ៉ឺម៉កភ្លាម ក៏ចុះមកស្រែកសំឡុត មកលើឈ្មោះ ម៉ក់ សំអឿន ថា ពួកហែងម៉េចធ្វើបាបកូនអញ បន្ទាប់មក ក៏បានចុះពីលើម៉ូតូរ៉ឺម៉កស្ទុះមកវាយមកលើឈ្មោះ ម៉ក់ សំអឿន ចំនួនពីរដៃ ត្រូវក្រោមភ្នែកខាងឆ្វេង (ហើមជាំ) និងមួយដ ទៀតត្រូវត្រង់មាត់ (បណ្ដាលឲ្យបាក់ធ្មេញខាងលើខាងមុខ) ហើយឈ្មោះ ម៉ក់ សំអឿន បានដួលទៅលើសាបថ្ម បណ្ដាល ឲ្យរលាត់កែងដៃខាងស្តាំ ភ្លាមនោះដែរ ក៏មានឈ្មោះ ម៉ក់ សម្ភាព ឈ្មោះ ញ៉ាន ណារិទ្ធ និងឈ្មោះ ឡុក ប៊ុនហាក់ ចូលមក ជួយឃាត់ និងចាប់ចេញ ហើយក៏មានកម្លាំងអន្តរាគមន៍ ចុះមកដល់ ក៏បាននាំភាគីទាំងសងខាង មកប្រគល់ឲ្យការិយាល័យ នគរបាលព្រហ្មទណ្ឌកម្រិតស្រាល ជាអ្នកសួរនាំតែម្ដង។

ក្រោយពីសមត្ថកិច្ចបានសួរនាំលើបុរសដែលជាអ្នកបើកម៉ូតូរ៉ឺម៉ក ដែលមានឈ្មោះ ឌន ដេត ភេទប្រុស អាយុ ៣៦ឆ្នាំ មានទីលំនៅក្នុងភូមិមណ្ឌល៣ សង្កាត់ស្លក្រាម ក្រុងសៀមរាប ខេត្តសៀមរាប រួចមក រូបគេក៏បានទទួលស្គាល់ នូវកំហុសរបស់ខ្លួន ហើយរូបគេបានសារភាពទៀតថា បានប្រើប្រាស់ថ្នាំ..ញៀ.ន..នៅប្រទេសថៃ ហើយថ្ងៃប្រើប្រាស់ថ្នាំ..ញៀ..ន ចុងក្រោយនៅក្នុងថ្ងៃទី១៣ ខែតុលា ឆ្នាំ២០២៣ វេលាម៉ោង ២០:៣០ នាទី នៅព្រៃអង្គរ។ បន្ទាប់ពីសមត្ថកិច្ចយើងបាន ធ្វើតេស្តស្វែងរកសារធាតុញៀ..ន..លើឈ្មោះ ឌន ដេត រួចមក លទ្ធផលគឺវិជ្ជមាន (តំរុយមេតំហ្វេតាមីន) ហើយសមត្ថកិច្ចក៏បានធ្វើការឃាត់ខ្លួនបណ្តោះអាសន្ន ទៅតាមបញ្ជារបស់ព្រះរាជអាជ្ញាអមសាលា ដំបូងខេត្តសៀមរាប តែម្តង។

(ក្នុងគ្រុបតេឡេក្រាម សៀមរាប ប៉ុស្តិ៍) លោកម៉ក់ សំអឿន បានសរសេរថា៖ តើខ្ញុំទៅវាយពួកគេដើម្បីអ្វី?

«ម្នាក់នេះវាយខ្ញុំដើម្បីបង្កើតព្រឹត្តិការណ៍រំដោះគ្នាវាចេញពីកន្លែងកើតហេតុ »។ «សំឡេង លោកម៉ក់ សំអឿន»

ជុំវិញសារសំឡេងរបស់លោកម៉ក់ សំអឿន អង្គភាពសៀមរាប ប៉ុស្ដិ៍ ធ្វើការបដិសេធចោល នូវពាក្យចាស់ទំនើង ដោយអង្គភាពសៀមរាប ប៉ុស្តិ៍ មិនបានសរសេរនោះទេ ហើយអង្គភាពសៀមរាប ប៉ុស្ដិ៍ ក៏មិនមែនជាអង្គភាព.ព្រៃ. ផ្សៃ..ឬសាហា..វ ដូចលោកបាននិយាយនោះដែរ។

ករណីនេះបើតាមការឡាយផ្ទាល់របស់លោក ហង្ស តូច គឺលោកម៉ក់ សំអឿន និងមនុស្ស៣នាក់ទៀត មិនបានបកស្រាយបំភ្លឺនោះទេ នៅយប់កើតហេតុ បើទោះបីជាអ្នកសារព័ត៌មាន បានព្យាយាមសុំការបកស្រាយយ៉ាងណាក៏ដោយ ប៉ុន្តែក្រុមគេបានមករារាំងមិនឲ្យផ្ដល់បទសម្ភាសន៍នោះឡើយ៕ដោយនាគខៀវ

ខេត្តសៀមរាប៖ស្នងការដ្ឋាននគរបាលខេត្តសៀមរាប បានអះអាងថា ម្ចាស់មណ្ឌលកំសាន្តកេសរកូល ជាជនរងគ្រោះ ជាជនរងគ្រោះ បា..ក់ធ្មេញ បានដួ..លទៅលើសាបថ្ម បណ្ដាលឲ្យរលាត់កែងដៃ។

យោងតាមសេចក្ដីប្រកាសរបស់ក្រុមការងារព័ត៌មាន និងប្រតិកម្មរហ័ស នៃស្នងការដ្ឋាននគរបាលខេត្តសៀមរាប នៅថ្ងៃទី១៨ ខែតុលា ឆ្នាំ២០២៣ នេះ បានបង្ហាញថា៖ នាពេលកន្លងទៅថ្មីៗនេះ មានសារព័ត៌មានដែលមានឈ្មោះ សៀមរាប ប៉ុស្តិ៍ (Siem Reap. Post) បាន បង្ហោះកាលពីយប់ថ្ងៃទី១៥ ខែតុលា ឆ្នាំ២០២៣ ដោយសរសេរខ្លឹមសារថា៖ បើការពិតមែន ពិតជាព្រៃផ្សៃណាស់! ថៅកែ ខារ៉ាអូខេមួយកន្លែង នៅកណ្តាលក្រុងសៀមរាប បានរងការចោទថា ខ្លួនជាមួយបក្ខពួក ត្រួតវាយទៅលើអ្នក លក់ម្ជូរ តាមរ៉ឺម៉ក។

បន្ទាប់ពីទទួលបានព័ត៌មានខាងលើភ្លាម លោក ឧត្តមសេនីយ៍ទោ តេង ច័ន្ទណាត ស្នងការនៃស្នង ការដ្ឋាននគរបាលខេត្តសៀមរាប បានដាក់បទបញ្ជាទៅកាន់ លោក វរសេនីយ៍ឯក នួន ស័ក្តិចំរើនរិទ្ធ ស្នងការរង ទទួលផែនការងារនគរបាលព្រហ្មទណ្ឌ ដើម្បីចុះធ្វើការស្រាវជ្រាវករណីហិង្សាខាងលើ ដែលលទ្ធផលទទួលបានមាន ដូចខាងក្រោម៖

ជាក់ស្ដែងនៅថ្ងៃទី១៥ ខែតុលា ឆ្នាំ២០២៣ វេលាម៉ោង ២១:០៥នាទី មានឈ្មោះ ម៉ក់ សំអឿន ភេទប្រុស អាយុ ៥០ឆ្នាំ ដែលជាម្ចាស់មណ្ឌលកំសាន្តកេសរកូល ស្ថិតនៅក្នុងភូមិស្ទឹងថ្មី សង្កាត់ស្វាយដង្គំ ក្រុងសៀមរាប ខេត្តសៀមរាប បានដើរពិនិត្យមើលជុំវិញបរិវេណមណ្ឌលកំសាន្តរបស់ខ្លួន ដែលបានបិទរយៈពេលជាង៤ខែមកហើយ ខណៈដែលរូបគាត់ បានដើរ ក៏បានឃើញមនុស្សចំនួន ០២នាក់ (ក្មេងប្រុស ០១នាក់ និងមនុស្សប្រុសវ័យកណ្តាល ០១នាក់) ដែលកំពុង អង្គុយក្នុងបរិវេណដីជាប់នឹងជណ្តើរយន្តក្នុងមណ្ឌលកំសាន្តរបស់គាត់ ហើយបានហុចរបស់តូចឲ្យគ្នា តែជារបស់អ្វី រូបគាត់ ពុំដឹងទេ ឃើញដូចនេះ រូបគាត់បានសួរទៅអ្នកទាំងពីរនោះថា អ្នកឯងមកពីណា? មកធ្វើអីនៅទីនេះ? ពួកគេបានឆ្លើយថា ជាឪពុកកូន បន្ទាប់មកឈ្មោះ ម៉ក់ សំអឿន បានណែនាំទៅអ្នកទាំងពីរទៀតថា បើកូនចឹងម៉េចមិននាំទៅរៀនទៅ? ក្មេងប្រុសបានឆ្លើយថា គ្រួសាររបស់គេក្រណាស់ ភ្លាមនោះដែរ ស្រាប់តែបុរសវ័យកណ្តាល បានដើរចេញ ហើយលើកទូរស័ព្ទ និយាយ បានប្រហែល២ទៅ៣នាទីក្រោយមក ស្រាប់តែមានបុរសម្នាក់ បានជិះម៉ូតូរ៉ឺម៉ក យ៉ាងលឿន ចូលមកដល់បរិវេណ ដីក្នុងមណ្ឌលកំសាន្តរបស់គាត់ ដល់ទីកន្លែងដែលឈ្មោះ ម៉ក់ សំអឿន កំពុងឈរនិយាយ ហើយបុរសដែលបើកម៉ូតូរ៉ឺម៉កនោះ បានឈប់ម៉ូតូរ៉ឺម៉កភ្លាម ក៏ចុះមកស្រែកសំឡុតមកលើឈ្មោះ ម៉ក់ សំអឿន ថា ពួកហែងម៉េចធ្វើបាបកូនអញ បន្ទាប់មក ក៏បានចុះពីលើម៉ូតូរ៉ឺម៉កស្ទុះមកវាយមកលើឈ្មោះ ម៉ក់ សំអឿន ចំនួនពីរដៃ ត្រូវក្រោមភ្នែកខាងឆ្វេង (ហើមជាំ) និងមួយដ ទៀតត្រូវត្រង់មាត់ (បណ្ដាលឲ្យបាក់ធ្មេញខាងលើខាងមុខ) ហើយឈ្មោះ ម៉ក់ សំអឿន បានដួលទៅលើសាបថ្ម បណ្ដាល ឲ្យរលាត់កែងដៃខាងស្តាំ ភ្លាមនោះដែរក៏មានឈ្មោះ ម៉ក់ សម្ភាព ឈ្មោះ ញ៉ាន ណារិទ្ធ និងឈ្មោះ ឡុក ប៊ុនហាក់ ចូលមក ជួយឃាត់ និងចាប់ចេញ ហើយក៏មានកម្លាំងអន្តរាគមន៍ ចុះមកដល់ ក៏បាននាំភាគីទាំងសងខាងមកប្រគល់ឲ្យការិយាល័យ នគរបាលព្រហ្មទណ្ឌកម្រិតស្រាលជាអ្នកសួរនាំតែម្ដង ។

ក្រោយពីសមត្ថកិច្ចយើងបានសួរនាំលើបុរសដែលជាអ្នកបើកម៉ូតូរ៉ឺម៉កដែលមានឈ្មោះ ឌន ដេត ភេទប្រុស អាយុ ៣៦ឆ្នាំ មានទីលំនៅក្នុងភូមិមណ្ឌល៣ សង្កាត់ស្លក្រាម ក្រុងសៀមរាប ខេត្តសៀមរាប រួចមក រូបគេក៏បានទទួលស្គាល់ នូវកំហុសរបស់ខ្លួន ហើយរូបគេបានសារភាពទៀតថា បានប្រើប្រាស់ថ្នាំញៀននៅប្រទេសថៃ ហើយថ្ងៃប្រើប្រាស់ថ្នាំញៀន ចុងក្រោយនៅក្នុងថ្ងៃទី១៣ ខែតុលា ឆ្នាំ២០២៣ វេលាម៉ោង ២០:៣០ នាទី នៅព្រៃអង្គរ ។ បន្ទាប់ពីសមត្ថកិច្ចយើងបាន ធ្វើតេស្តស្វែងរកសារធាតុញៀនលើឈ្មោះ ឌន ដេត រួចមក លទ្ធផលគឺវិជ្ជមាន (តំរុយមេតំហ្វេតាមីន) ហើយសមត្ថកិច្ច យើងក៏បានធ្វើការឃាត់ខ្លួនបណ្តោះអាសន្ន ទៅតាមបញ្ជារបស់ ឯកឧត្តម មាស ច័ន្ទពិសិដ្ឋ ព្រះរាជអាជ្ញាអមសាលា ដំបូងខេត្តសៀមរាប តែម្តង។

អាស្រ័យហេតុនេះ សូម លោកនាយក សារព័ត៌មាន Siem Reap Post ជួយកែតម្រូវនូវខ្លឹមសារដែលបានចុះផ្សាយ ដើម្បីជៀសវាងកុំឱ្យប៉ះពាល់ដល់កិត្តិយស និងសេចក្ដីថ្លៃថ្នូរ របស់កងកម្លាំង៕

ខេត្តសៀមរាប៖រថយន្តសាំយ៉ុងមួយគ្រឿងបានបុកជាមួយម៉ូតូ បណ្ដាលឱ្យស្លាប់ម្នាក់របួសធ្ងន់ម្នាក់។

ហេតុការណ៍បានកាត់ឡើងស្រុកប្រាសាទបាគង នៅទល់មុខផ្លូវទៅព្រលានយន្តហោះថ្មី នាវេលាម៉ោង 1:00 និង 50 នាទី ថ្ងៃទី 17 ខែតុលាឆ្នាំ 2023។ នេះបើតាមសេចក្ដីរាយការណ៍ព័ត៌មានបឋម។

សេចក្ដីរាយការណ៍បានអោយដឹងថា រថយន្តសាំយ៉ុងពាក់ផ្លាកលេខ ភ្នំពេញ 2AS-4702 ពណ៌លឿង ជារថយន្តតាក់ស៊ី។ ចំណែកម៉ូតូម៉ាកហុងដា ពាក់ផ្លាកលេខ បន្ទាយមានជ័យ .O5874 ជិះ ដោយ បុរសវ័យចំណាស់ពីរនាក់ស្លាប់ម្នាក់របួសធ្ងន់ម្នាក់។

ជុំវិញហេតុការណ៍គ្រោះថ្នាក់ចរាចរណ៍នេះសមត្ថកិច្ចនៅពុំទាន់បញ្ជាក់លម្អិតនៅឡើយ៕ដោយនាគខៀវ

ភ្នំពេញ៖ឯកឧត្តម នេត្រ ភក្ត្រា រដ្ឋមន្រ្តីក្រសួងព័ត៌មាន

ថ្លែងក្នុងកិច្ចប្រជុំពិនិត្យវឌ្ឍនភាពការងារនិងទិសដៅការងារបន្តរបស់អគ្គនាយកដ្ឋានព័ត៌មាននិងសោតទស្សន៍ នៅថ្ងៃចន្ទនេះ បានបញ្ជាក់ថា អ្នកសារព័ត៌មាន ត្រូវអនុវត្តតួនាទីភារកិច្ចរបស់ខ្លួនប្រកបដោយ ក្រមសីលធម៌ និងវិជ្ជាជីវៈ និងជៀសវាងក្នុងការផ្សាយព័ត៌មាន ដែលមិនពិតដែលធ្វើឱ្យមានការភាន់ច្រឡំ។

នៅសាលចតុម្មុខមង្គល ឯកឧត្តម រដ្ឋមន្រ្តី បញ្ជាក់ថាបច្ចុប្បន្នមានអ្នកសារព័ត៌មាន អនឡាញជាច្រើនដែលមានទាន់មានច្បាប់ត្រឹមត្រូវ មិនគោរពច្បាប់របស់សារព័ត៌មាន ដែលធ្វើឱ្យមានព័ត៌មានមួយចំនួន មិនពិត មិនមានប្រភពច្បាស់លាស់ ដែលធ្វើឱ្យប្រជាពលរដ្ឋ ទទួលបាននៅព័ត៌មាន មិនត្រឹមត្រូវ ធ្វើឱ្យបំពុលសង្គម។

រដ្ឋមន្រ្តី បានបញ្ជាក់ថា ក្រសួងព័ត៌មាន នឹងពង្រឹងច្បាប់ និងក្រមសីលធម៌ និងវិជ្ជាជីវៈអ្នកសារព័ត៌មាន ព្រោះបច្ចុប្បន្ន មានអ្នកសារព័ត៌មាន អនឡានច្រើនដែលគ្មានច្បាប់ត្រឹមត្រូវ ដើម្បីកាត់បន្ថយព័ត៌មានមិនពិត។

ឯកឧត្តមរដ្ឋមន្ត្រី បានបន្តថា ដូច្នេះ ក្រសួងព័ត៌មាននឹងធ្វើវិសោធនកម្មច្បាប់ ស្ដីពី របបអ្នកសារព័ត៌មាន ដើម្បីឱ្យស្របទៅនឹងការវិវត្តជារួម, ពិនិត្យមើលទៅលើច្បាប់ផ្សេងទៀត ដែលជាមូលដ្ឋានគ្រឹះ នៃការការពារផលប្រយោជន៍ នៅក្នុងវិស័យព័ត៌មាន, ពិនិត្យលិខិតបទដ្ឋានមួយចំនួន ដែលមិនទាន់បានធ្វើ, តាមដាននិងពិនិត្យរកព័ត៌មាន ក្លែងក្លាយ និងធ្វើកិច្ចសហប្រតិបត្តិការជាពិសេស នឹងធ្វើបច្ចុប្បន្នភាព អ្នកសារព័ត៌មានដែលគ្មានច្បាប់ត្រឹមត្រូវ ដើម្បីកាត់បន្ថយព័ត៌មានមិនពិត។

បើតាម ឯកឧត្តមរដ្ឋមន្ត្រីបញ្ជាក់ថា ដូច្នេះអ្នកសារព័ត៌មាន ត្រូវផ្សព្វផ្សាយព័ត៌មាន របស់ខ្លួនប្រកបដោយវិជ្ជាជីវៈ ក្រមសីលធម៌ និងឱ្យមានប្រភពច្បាស់លាស់ ព្រោះការផ្សាយព័ត៌មានពិតវានឹងក្លាយជាអាវក្រោះ ការពារ អ្នកសារព័ត៌មាន ពីទណ្ឌកម្មផ្លូវច្បាប់ ហើយក៏ជា ការរក្សាតម្លៃថ្លៃថ្នូរក្នុងនាមជាអ្នកសារព័ត៌មានផងដែរ៕ដោយនាគខៀវ

ប្រធានមូលនិធិ The Nippon Foundation៖ កម្ពុជា គឺជាគំរូដ៏ល្អមួយ ប្រកបដោយសុខសន្តិភាព និងឯកភាពជាតិ បណ្តាប្រទេសផ្សេងទៀតលើសាកលលោកអាចយកជាគំរូ

ភ្នំពេញ៖ប្រធានមូលនិធិ The Nippon Foundation៖ កម្ពុជា គឺជាគំរូដ៏ល្អមួយ នៃការដឹកនាំប្រទេសប្រកបដោយសុខសន្តិភាព និងឯកភាពជាតិ សម្រាប់បណ្តាប្រទេសផ្សេងទៀតលើសាកលលោកអាចយកជាគំរូ ខណៈដែលប្រទេសមួយចំនួនកំពុងតែរងនូវជម្លោះបែកបាក់ និងអសន្តិសុខ។

សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជា នៅរសៀលថ្ងៃនេះ
បានអនុញ្ញាតឱ្យ លោក យ៉ូហេ សាសាកាវ៉ា (Yohei Sasakawa) ប្រធានមូលនិធិ The Nippon Foundation ចូលជួបសម្តែងការគួរសម និងពិភាក្សាការងារ នៅវិមានសន្តិភាព។

ក្នុងជំនួបនេះ លោក យ៉ូហេ សាសាកាវ៉ា បានថែ្លងអំណរគុណ សម្តេចធិបតី ដែលបានឆ្លៀតពេលវេលាដ៏មមាញឹកអនុញ្ញាតឱ្យរូបលោកចូលជួបសម្តែងការគួរសម ព្រមទាំងបានអបអរសាទរ សម្តេចធិបតី ចំពោះការចូលកាន់មុខតំណែងជានាយករដ្ឋមន្រ្តី នៃព្រះរាជាណាចក្រកម្ពុជា ក្នុងនីតិកាលទី៧ នៃរដ្ឋសភា ។ លោកប្រធានមូលនិធិ ក៏បានថ្លែងកោតសរសើរប្រទេសកម្ពុជា ដែលពីមុនធ្លាប់ជាប្រទេសរងគ្រោះខ្ទេចខ្ទាំដោយសារភ្នក់ភ្លើងសង្គ្រាមបែកបាក់ ប៉ុន្តែសព្វថ្ងៃបានចាកចេញផុតពីវិនាសកម្មសោកសង្រេងទាំងនោះ ហើយកំពុងតែស្ថិតនៅលើមាគ៌ានៃការអភិវឌ្ឍរីកចម្រើនឥតឈប់ឈរលើគ្រប់វិស័យ ។ ទាំងនេះ ក៏ដោយសារតែកម្ពុជាមានប្រមុខថ្នាក់ដឹកនាំឆ្នើម តួយ៉ាងដូចជា សម្តេចអគ្គមហាសេនាបតីតេជោ និង សម្តេចមហាបវរធិបតីនាយករដ្ឋមន្ត្រី ជាដើម ។ បន្ថែមលើនេះ លោក យ៉ូហេ សាសាកាវ៉ា ក៏បានសង្កត់ធ្ងន់ទៀតថា កម្ពុជា គឺជាគំរូដ៏ល្អមួយនៃការដឹកនាំប្រទេសប្រកបដោយសុខសន្តិភាព និងឯកភាពជាតិ សម្រាប់បណ្តាប្រទេសផ្សេងទៀតលើសាកលលោកអាចយកជាគំរូ ខណៈដែលប្រទេសមួយចំនួនកំពុងតែរងនូវជម្លោះបែកបាក់ និងអសន្តិសុខ។

ជាការឆ្លើយតប សម្តេចធិបតី បានសម្តែងនូវការស្វាគមន៍ និងក្តីរីករាយដែលបានជួបសំណេះសំណាលជាមួយ លោក យ៉ូហេ សាសាកាវ៉ា ជាលើកទី៤ ហើយក៏បានវាយតម្លៃខ្ពស់ចំពោះលទ្ធផលនៃជំនួបរវាង លោក យ៉ូហេ សាសាកាវ៉ា ជាមួយនឹង សម្តេចអគ្គមហាសេនាបតីតេជោ ហ៊ុន សែន នាព្រឹកថ្ងៃដដែលនេះ ជាពិសេស សម្តេចធិបតី បានគូសបញ្ជាក់អំពីការគាំទ្រចំពោះគម្រោងនៃដំណើរទស្សនកិច្ចរួមគ្នារបស់ឥស្សរជនទាំងពីរ ទៅកាន់ប្រទេសមីយ៉ាន់ម៉ា ក្នុងពេលខាងមុខ។

ទន្ទឹមគ្នានេះ សម្តេចធិបតី ក៏បានថ្លែងនូវការអរគុណចំពោះមូលនិធិ The Nippon Foundation ដែលក្នុងរយៈកាល ៣០ ឆ្នាំ ចាប់ពីឆ្នាំ១៩៩២ បានផ្តល់នូវជំនួយមនុស្សធម៌ដល់កម្ពុជានៅក្នុងវិស័យអប់រំ និងសុខាភិបាល ដោយក្នុងនេះ ប្រជាជនកម្ពុជាជាច្រើនបានទទួលនូវអត្ថប្រយោជន៍ពីជំនួយទាំងនោះ ដូចជា ការទទួលបាននូវអវយវៈសិប្បនិម្មិត ដែលផ្តល់លទ្ធភាពឱ្យពួកគាត់មានឱកាសត្រឡប់ទៅប្រកបរបរចិញ្ចឹមជីវិតក្នុងជីវភាពជាប្រក្រតីឡើងវិញ ។ ក្នុងន័យនេះ រាជរដ្ឋាភិបាលកម្ពុជា ក៏នឹងបន្តគាំទ្រចំពោះគម្រោងសកម្មភាពនានា ដែលមូលនិធិ The Nippon Foundation បន្តអនុវត្តនៅកម្ពុជា ៕ដោយនាគខៀវ

ភ្នំពេញ៖សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជានៅថ្ងៃពុធនេះបានអនុញ្ញាតឱ្យ ឯកឧត្តម ង្វៀន ហ៊ុយតាំង ឯកអគ្គរដ្ឋទូតវៀតណាមប្រចំាកម្ពុជា ចូលជួបសម្តែងការគួរសម និងពិភាក្សាការងារ នៅវិមានសន្តិភាព។

នៅវិមានសន្តិភាពសម្តេចធិបតីនាយករដ្ឋមន្ត្រី បានសម្តែងនូវការស្វាគមន៍ចំពោះវត្តមានរបស់ ឯកឧត្តម ឯកអគ្គរដ្ឋទូតវៀតណាម ក្នុងជំនួបថ្ងៃនេះ ដែលជាឱកាសដើម្បីពិភាក្សាអំពីការបន្តពង្រឹង និងពង្រីកកិច្ចសហប្រតិបត្តិការរវាងកម្ពុជា និងវៀតណាម ដែលមានទំនាក់ទំនងជាប្រវត្តិសាស្ត្រ។

ក្នុងឱកាសនៃជំនួបនេះ ឯកឧត្តម ង្វៀន ហ៊ុយតាំង បានសម្តែងនូវការអបអរសាទរសារជាថ្មីជូន សម្តេចធិបតី ចំពោះការចូលកាន់មុខតំណែងជានាយករដ្ឋមន្រ្តី នៃព្រះរាជាណាចក្រកម្ពុជា ព្រមទាំងបានជូនពរ សម្តេចធិបតី ទទួលបាននូវជោគជ័យក្នុងភារកិច្ចដ៏ឧត្តុង្គឧត្តមនេះ ។ ឯកឧត្តមឯកអគ្គរដ្ឋទូត ក៏បានថ្លែងនូវការកោតសរសើរចំពោះការអភិវឌ្ឍឥតឈប់ឈរលើគ្រប់វិស័យរបស់ប្រទេសកម្ពុជា ជាពិសេស ក្នុងរយៈកាលចុងក្រោយនេះ គឺការគ្រប់គ្រងប្រកបដោយប្រសិទ្ធភាពនូវការរីករាលដាលនៃជំងឺកូវីដ-១៩ ដែលពិតជាបានបង្កលក្ខណៈដល់ដំណើរការរៀបចំព្រឹត្តិការណ៍ជាតិ និងអន្តរជាតិសំខាន់ៗ ជាអាទិ៍៖ កិច្ចប្រជុំកំពូលអាស៊ានលើកទី៤០ និង៤១ ព្រមទាំងកិច្ចប្រជុំកំពូលពាក់ព័ន្ធ, ព្រឹត្តិការណ៍ប្រកួតកីទ្បាអាស៊ីអាគ្នេយ៍លើកទី៣២ និងការប្រកួតកីឡាអាស៊ានប៉ារ៉ាហេ្គមលើកទី១២ នៅក្នុងឆ្នាំ២០២៣ និងការបោះឆ្នោតជ្រើសតាំងតំណាងរាស្រ្ត នីតិកាលទី៧ នៃរដ្ឋសភា ជាដើម ។ល។

ឯកឧត្តមអគ្គរដ្ឋទូត ក៏បានសម្តែងផងដែរ នូវភាពសប្បាយរីករាយចំពោះទំនាក់ទំនងទ្វេភាគីកម្ពុជា-វៀតណាម ដែលមានការរីកចម្រើនលូតលាស់ជាលំដាប់លើគ្រប់វិស័យ ហើយរដ្ឋាភិបាលវៀតណាមបេ្តជ្ញាពង្រីកកិច្ចសហប្រតិបត្តិការនានាដែលមានស្រាប់នៅគ្រប់កម្រិត ជាពិសេសវិស័យពាណិជ្ជកម្ម, ទេសចរណ៍, ការពារជាតិ និងសន្តិសុខ ក៏ដូចជានឹងបន្តសំឡឹងមើលវិស័យសក្តានុពលថ្មីៗបន្ថែមទៀត ។ បន្ថែមពីនេះទៀត ឯកឧត្តមឯកអគ្គរដ្ឋទូតវៀតណាម បានបង្ហាញនូវបំណងក្នុងការគោរពអញ្ជើញ សម្តេចធិបតី ទៅបំពេញទស្សនកិច្ចផ្លូវការនៅក្នុងប្រទេសវៀតណាម ក្នុងពេលឆាប់ៗខាងមុខនេះ។

ជាចុងក្រោយ សម្តេចធិបតីនាយករដ្ឋមន្ត្រី និង ឯកឧត្តមឯកអគ្គរដ្ឋទូតវៀតណាម បានឯកភាពលើការបន្តលើកកម្ពស់កិច្ចសហប្រតិបត្តិការលើគ្រប់វិស័យ ជាពិសេសក្នុងវិស័យពាណិជ្ជកម្ម, ទេសចរណ៍ និងការពារជាតិ ។ ដោយឡែក ជំនួបនេះ ក៏បានផ្តោតការពិភាក្សាផងដែរអំពីយន្តការត្រីភាគីកម្ពុជា-ឡាវ-វៀតណាម សំដៅពង្រឹង និងពង្រីកកិច្ចសហប្រតិបត្តិការឱ្យកាន់តែជិតស្និទ្ធ និងរឹងមាំបន្ថែមទៀត៕ដោយនាគខៀវ