ខេត្តឧត្ដរមានជ័យ៖លោកឧត្តមសេនីយ៍ទោ ហួត សុធី ស្នងការនគរបាលខេត្ត នៅព្រឹកថ្ងៃទី២១ ខែធ្នូ​​​​​ ឆ្នាំ២០២០ នេះ បានអញ្ជើញចូលរួមរៀបចំពិធីសែនក្រុងពាលីបញ្ចុះបឋមសិលាសាងសង់ខ្លោងទ្វារ និងរបង នៅអធិការដ្ឋាននគរបាលក្រុងសំរោង ដោយមានការអញ្ជើញចូលរួមពី លោកស្នងការរង លោកអធិការ លោកអធិការរង នាយ-នាយរងផ្នែក នាយ-នាយរងប៉ុស្តិ៍ និងមន្ត្រីទាំងអស់នៃអធិការរដ្ឋាន យ៉ាងច្រើនកុះករ៕SRP

ខេត្តសៀមរាប៖រថយន្តចំនួន២គ្រឿងបានបុកគ្នាបណ្ដាលឲ្យរងការខូចខាតយ៉ាងដំណំ។

ហេតុការណ៍បានកើតឡើង នៅចំណុច
មុខស្រះស្រង់ នាល្ងាច ថ្ងៃទី២០ ខែធ្នូ ឆ្នាំ២០២០ ស្ថិតក្នុង ភូមិស្រះស្រង់ សង្កាត់នគរធំ ក្រុងសៀមរាប។ រវាងរថយន្ត កាំម៉ារីហើម និងហាយឡែនឌឺ។

ទោះជាយ៉ាងណា គ្រោះថ្នាក់ចរាចណ៍នេះ មិនមាន មនុស្ស រងរបួសឬស្លាប់នោះទេ។

ករណីនេះ សមត្ថកិច្ច ថាការសម្របសម្រួលគ្នា មិនទាន់ត្រូវគ្នា មិនទាន់ដឹងខាងណាខុសត្រូវទេ រង់ចាំការវាស់វែង៕SRP

ខេត្តសៀមរាប៖អគ្គិភ័យ បានឆាបឆេះកុដិវត្តតាហង្ស
រង្សីសរារាម ទាំងស្រុង។

ហេតុការណ៍បានកើតឡើង នៅល្ងាចនៅថ្ងៃទី២០ ខែធ្នូ ម្សិលមិញ ស្ថិតនៅភូមិស្វាយចន្ទោ ឃុំព្រៃជ្រូក ស្រុកពួកខេត្តសៀមរាប។

សមត្ថកិច្ចស្រុកពួក បានរាយការណ៍ថា
កុដិ ដែលរងការឆេះ មានទំហំបណ្តោយ២១ម៉ែត្រ
ទទឹង៧/៥០ម៉ែត្រ សង់ពីថ្ម
ក្រោមឈើលើប្រក់ស័ង្កសី
កំពស់៣ម៉ែត្រ។ ករណីនេះខូចខាត ស្បង់១៣ឈុត
-សៀវភៅធម៌សរុប៧ក្បាលគិតជាតំលៃ២០០០០០រៀល
នឹងសម្ភារប្រើប្រាស់មួយចំនួនផ្សេងទៀត។

សមត្ថកិច្ចបន្តថាមូលហេតុ តាមការសន្និដ្ឋាន
របស់លោកចៅអធិការវត្ត អាច
មកពីទុសេខ្សែភ្លើង៕SRP

ភ្នំពេញ៖ប្រមុខដឹកនាំកម្ពុជា សម្តេចតេជោ ហ៊ុន សែន នៅមុននេះបន្តិចបានចេញសារពិសេស
ផ្ញើជូនជនរួមជាតិ ពាក់ព័ន្ធបញ្ហាជំងឺកូវីដ១៩។  សារសំឡេង របស់សម្ដេច ហ៊ុន សែន៖

សារសំឡេងសំខាន់បំផុត របស់សម្តេចតេជោ ហ៊ុន សែន នៅល្ងាចថ្ងៃទី២០ ខែធ្នូ ឆ្នាំ២០២០ នេះ ផ្ញើជូនបងប្អូនជនរួមជាតិ អំពីស្ថានភាព និង ការផ្ទុះឡើងនូវការឆ្លងជម្ងឺកូវីដ១៩នៅក្នុងប្រទេសថៃ

ភ្នំពេញ៖នៅប៉ុន្មាននាទីមុននេះ រូបថតជាច្រើនសន្លឹក របស់ សម្តេចកិតិ្តព្រឹទ្ធបណ្ឌិត ប៊ុន រ៉ានី ហ៊ុនសែន ត្រូវបានបង្ហោះចែកចាយតាមបណ្ដាញសង្គម។

បើយោងតាមទំព័រ page facebook មួយ បានបង្ហោះរូបភាពនិងសរសេរសំណេរយ៉ាងដូច្នេះថា
មាតាមនុស្សធម៌៖ សម្តេចកិតិ្តព្រឹទ្ធបណ្ឌិត ប៊ុន រ៉ានី ហ៊ុនសែន មិនភ្លេចទេអនុស្សាវរីយ៍ជាមួយប្រជាពលរដ្ឋក្នុងស្រុកកំណើត នៅភូមិទី២ ឃុំរកាខ្នុរ ស្រុកក្រូចឆ្មារ ខេត្តត្បូងឃ្មុំ និងរម្លឹកអនុស្សាវរីយ៍ដ៏សែនឈឺចាប់ នៃរបបកាប់សម្លាប់ដ៏ឃោឃៅ ៣ឆ្នាំ ០៨ខែ ២០ថ្ងៃ និងស្រក់ទឹកភ្នែករាប់លានដំណក់ តែទឹកភ្នែកនេះក៏នាំមកនូវការរស់រានមានជីវិតសម្រាប់ប្រជាជននៅទូទាំងប្រទេស រាប់ទាំងក្រុមគ្រួសារសម្តេចផងដែរ៕SRP

ភ្នំពេញ៖សារពិសេស​ សម្តេចតេជោ​ ហ៊ុន​ សែន​ នាយករដ្ឋមន្រ្តីកម្ពុជា​ នឹងផ្សាយចេញនៅពេលបន្តិចទៀតនេះ៕SRP

ខេត្តឧត្ដរមានជ័យ៖ប្រជាពលរដ្ឋ បានលើកឡើងថា ល្បែងស៊ីសង ប្រភេទឆ្នោត បានកំពុងកើតមានយ៉ាងអនាធិបតេយ្យ នៅស្រុកអន្លង់វែងខេត្តឧត្ដរមានជ័យ មិនមានសមត្ថកិច្ចអាជ្ញាធរណាហ៊ានបង្រ្កាបឡើយ។

ប្រជាពលរដ្ឋបន្តថា នៅក្នុងទឹកដីស្រុកអន្លង់វែង មានល្បែងឆ្នោតវៀតណាម និងឆ្នោតក្រុមហ៊ុនស្របច្បាប់ កំពុងរីកដូចផ្សិត ប្រជែងគ្នា យ៉ាងគគ្រឹកគគ្រេង។

យោងតាមសេចក្តីរាយការណ៍មកថា មានស្ត្រីម្នាក់ជិះរថយន្ត ចុះផ្សព្វផ្សាយ ប្រមូលអតិថិជន លក់ឆ្នោតខ្មែរ ប៉ុន្តែ ពួកគេបាន បង្កប់ឆ្នោតវៀតណាមខុសច្បាប់។ ករណីនេះពលរដ្ឋសង្ស័យថាប្រសិនបើគ្មានការឃុបឃិតជាមួយអាជ្ញាធរសមត្ថកិច្ចទេ ស្ត្រីរូបនេះ មិនអាចធ្វើអ្វីតាមអំពើចិត្តបានឡើយ។

ជុំវិញព័ត៌មាននេះ ស្ត្រីរូបនោះ បានប្រាប់អ្នកសារព័ត៌មានថា លោកស្រីពិត ជាបានពឹង ស្វាមី ឲ្យជូនទៅខេត្តឧត្តរមានជ័យ ធ្វើដំណើរជិះរថយន្តស្លាកលេខនគរបាលមែន។ ដោយឡែកក្រុមការងារជិះរថយន្តតូរីស១គ្រឿងផ្សេងទៀត បានចុះទំនាក់ទំនងនិងផ្សព្វផ្សាយលក់ឆ្នោតខ្មែរ និង ឆ្នោត មហាលាភឡូតូ ដែលជាឆ្នោតមានក្រុមហ៊ុនបានចុះបញ្ជីត្រឹមត្រូវ
ស្របតាមច្បាប់រដ្ឋ។

ស្ត្រីរូបនោះបន្ថែមថា ក្នុងពេលចុះផ្សព្វផ្សាយនោះ ក៏បានប្រទះឃើញ ការលក់ឆ្នោតវៀតណាមខុសច្បាប់ជាច្រើនទីតាំង ដែលមានមេធំម្នាក់ជាអ្នកកាង ឈ្មោះ មេខ្លា ដែលគេស្គាល់ថាជាអ្នកមានប្រាក់និងឥទ្ធិពល គ្មានសមត្ថកិច្ចណាហ៊ានបង្ក្រាប កូនកញ្ច្រែងរបស់គាត់ឡើយ និងតែងគំរាមឲ្យសមត្ថកិច្ច ចុះចាប់ បើមិនកត់ឆ្នោតនិងបញ្ជូនឲ្យក្រុមខ្លារបស់គេ។

ទោះជាយ៉ាងណា ប្រជាពលរដ្ឋ សង្ឃឹមថា
លោកឧត្តមសេនីយ៍ហួត សុធី ស្នងការខេត្ត នឹងចុះបង្ក្រាបនូវល្បែងស៊ីសង ខាងលើជាក់ជាមិនខាន៕SRP

ខេត្តបាត់ដំបង៖នគរបាលក្រុងបាត់ដំបងឃាត់ខ្លួនមុខសញ្ញាជួញដូរគ្រឿងញៀនយ៉ាងសកម្មចំនួន៣នាក់។

ការឃាត់ខ្លួនធ្វើឡើងនៅល្ងាចថ្ងៃទី ១៩ ខែធ្នូ ឆ្នាំ២០២០ នៅចំណុចភូមិ អណ្តូងព្រីង សង្កាត់ អូរម៉ាល់ ក្រុងបាត់ដំបង ខេត្តបាត់ដំបង។

លោកវរសេនីយ៍ឯក ឆាង វណ្ណឆៃ អធិការនគរបាល ក្រុងបាត់ដំបង បានប្រាប់អ្នកយកព័ត៌មាន នៅថ្ងៃទី២០ ខែធ្នូ នេះថា ជនសង្ស័យ១ឈ្មោះ លី ស៊ាវឃិញ ភេទប្រុស អាយុ​ ១៨ឆ្នាំ មានទីលំនៅ ភូមិ វត្តរកា សង្កាត់ អូរម៉ាល់ ក្រុងបាត់ដំបង ខេត្តបាត់ដំបង។

២ឈ្មោះ រុន រតន: ហៅ ណាក់ ឬ អិនឌី ភេទប្រុស អាយុ ២៤ ឆ្នាំមានទីលំនៅ ភូមិ អូរម៉ាល់ សង្កាត់ អូរម៉ាល់ ក្រុងបាត់ដំបង ខេត្តបាត់ដំបង។
៣ឈ្មោះ រុន រតនា ហៅ ម៉ន មានទីលំនៅភូមិ អូរម៉ាល់ សង្កាត់ អូរម៉ាល់ ក្រុងបាត់ដំបង ខេត្តបាត់ដំបង។

វត្ថុតាងដែលដកហូតបានរួមមាន៖
១/ម្សៅក្រាមពណ៌សថ្លាច្រកក្នុងថង់ប្លាស្ទិក ចំនួន០៤ ថង់ សង្ស័យមានសារធាតុញៀន
២/ទូរស័ព្ទដៃចំនួន២ គ្រឿង
៣/កាបូបសំរាប់ដាក់លុយពណ៌ខ្មៅ០១
៤/សម្ភារប្រើប្រាស់ និងច្រករំលែកថ្នាំញៀនលក់ ១ចំនួនទៀត។

បច្ចុប្បន្ន ត្រូវបានកសាងសំណុំរឿង បញ្ជូនទៅកាន់តុលាការ ដើម្បីអនុវត្តតាមផ្លូវច្បាប់៕SRPដោយប៊ុនថេត

ខេត្តកំពង់ចាម​៖បុរស​ម្នាក់​ បេីករ៉ឺម៉កម៉ូតូ ដឹកទឹកសុទ្ធ ធ្លាក់ប្រឡាយលូដោយខ្លួនឯង បណ្តាល​ឲ្យរង​របួស​សន្លប់​ធំ​​ ត្រូវ​បាន​ ប្រជាពលរដ្ឋ ជួយសង្រ្គោះ និង​តេទូរស័ព្ទហៅរថយន្តមណ្ឌលសុខភាព ដឹក​យក​ទៅ​មន្ទីរ​ពេទ្យ​ តែចំរថយន្តខូច។

ហេតុការណ៍នេះ បានកេីតមានឡើង នៅវេលាម៉ោង១០និង១៥នាទីព្រឹក ថ្ងៃ​ទី​២០​ ខែធ្នូ​ ឆ្នាំ​២០២០​ នៅ​លេី​ផ្លូវកៅស៊ូលេខ៦០ ស្ថិត​ក្នុង​អូរ​កំបោរ​ ឃុំ​បារាយណ៍​ ស្រុក​ព្រៃឈរ​ ខេត្ត​កំពង់ចាម​។

ប្រភពបានឲ្យដឹងថា បុរសរូបនេះ ត្រូវបានប្រជាពលរដ្ឋ​ បាន​ជួយ​សង្គ្រោះ​ជា​បឋម​ ព្រមទាំង​​​តេ​ទូរស័ព្ទ​ហៅ​រថយន្ត​មណ្ឌលសុខភាពឃុំ​ថ្មពូន​ តែ​រថយន្ត​ខូច​ ហើយ​ត្រូវបាន​ហៅ​បន្ត​ទៅ​រថយន្ត​មណ្ឌលសុខភាព​ ឃុំក្រូច ដែល​មាន​ចំងាយ​ប្រមាណ​ជា​៧​គីឡូ​ម៉ែត្រ​​ តាំងពី​ម៉ោង​១០​និង​១៥នាទី​ រហូត​ដល់​ម៉ោង​១១និង​៥នាទី​ ទើប​រថយន្ត​សង្គ្រោះ​មក​ដល់​ ដេីម្បី​ដឹក​ជនរងគ្រោះ​ទៅ​កាន់​មន្ទីរពេទ្យ​ ខណៈ​អាការៈ​ធ្ងន់ធ្ងរ​ទៅ​ៗ​។

ដោយឡែក​សមត្ថកិច្ច​នគរបាល​ ក្នុងមូលដ្ឋាន មិន​បាន​ឃេីញ​វត្តមាន​ មកកន្លែងកើតហេតុនោះទេ។ ​

លោក​ ​កែវ​ ស៊ាង​ហ៊ាន់​ អធិការ​នគរបាល​ ស្រុកព្រៃឈរ បាន​ឲ្យដឹងថា​ ចំពោះ​ករណី​គ្រោះថ្នាក់​ចរាចរណ៍​នេះ​ ប្រហែល​ជា​គ្មាន​អ្នក​រាយការណ៍​ទៅ​ប៉ុស្តិ៍​នគរបាល​រដ្ឋបាល​ ទេីប​មាន​បញ្ហា​យឺតយ៉ាវ​បែប​នេះ​។ ទោះជា​យ៉ាងណា​លោក​បាន​បញ្ជា​ឲ្យ​កម្លាំង​ជំនាញ​ចុះ​ពិនិត្យ​ និង​ប្រមូល​សម្ភារទុកដាក់ឲ្យបានត្រឹមត្រូវ ដើម្បី​ប្រគល់​ជូន​ក្រុម​គ្រួសារ​ជនរងគ្រោះ​ នៅពេលក្រោយ៕SRP

ខេត្តបាត់ដំបង៖ស្ត្រីម្នាក់បានចតម៉ូតូ ចូលទៅក្នុងផ្សារ ដើម្បីទិញត្រី ត្រូវចោរកាច់កយកម៉ូតូ ទៅបាត់។

ហេតការណ៍បានកើតឡើង នៅព្រឹក ថ្ងៃទី១៩ ខែធ្នូ ឆ្នាំ២០២០ វេលាម៉ោង៩និង០០នាទីស្ថិតនៅត្រង់ចំណុច ផ្សារបឹងឈូក ភូមិព្រែកមហាទេព សង្កាត់ស្វាយប៉ោ ក្រុងបាត់ដំបង។

ស្ត្រីឈ្មោះគង់ វល័ក្ខ ភេទស្រីអាយុ២៦ឆ្នាំមុខរបរជាងអ៊ុតសក់រស់នៅម្តុំស្រែ១០០ភូមិដាស្ពៃ សង្កាត់ស្លាកែត ក្រុងបាត់ដំបង បានប្រាប់អ្នកយកព័ត៌មាន ថា គាត់ជាម្ចាស់ម៉ូតូ ដែលចោរកាច់ក យកទៅបាត់។ ម៉ូតូម៉ាកហុងដាគ្លីកពណ៌សពាក់ស្លាកលេខ បាត់ដំបង 1AE7744។

ស្ត្រីរូបនេះបន្តទៀតថា មុនដំបូងគាត់បានជិះម៉ូតូចេញពីផ្ទះ ដើម្បីមកផ្សារទិញត្រីត្រង់ចំណុចនៅផ្សារបឹងឈូក ក៏បានឈប់នៅក្បែរ ផ្សារចាក់សោរកចោល មិនបានយកផ្ញើរចំណតផាសុីម៉ូតូនោះទេ ដោយគិតថាចូលតែប្រហែលជា១០នាទី លុះពេលចេញពីផ្សារមកវិញ ក៏មិនឃើញម៉ូតូតែម្តង។

គួរបញ្ជាក់ថា ក្រោយកើតហេតុ រួចនៅព្រឹកថ្ងៃដដែល ស្ត្រីជាម្ចាស់ម៉ូតូ ក៏បាន ទៅដាក់ពាកបណ្តឹង នៅប៉ុស្តិ៍ប៉ូលិស ដើម្បីឲ្យជួយ អន្តរាគមន៏នឹងស្វែងរកម៉ូតូរបស់ខ្លួនមកវិញផងដែរ៕SRPដោយប៊ុនថេត

ខេត្តសៀមរាប៖ស្ត្រីជាប្រពន្ធបានស្លាប់នៅក្នុងថ្លុកឈាម ក្រោមអំណាចស្នាដៃប្ដីរបស់ខ្លួន។

ហេតុការណ៍ បានកើតឡើង នៅវេលាម៉ោង២១និង៣០នាទី ថ្ងៃសៅរ៍​​
ទី ១៩ ខែ​ធ្នូ​ ឆ្នាំ២០២០ នៅចំណុចផ្ទះកម្មករ ស្នាក់នៅ ស្ថិតនៅក្រុម២៧ ភូមិគ្រួស សង្កាត់ស្វាយដង្គំ ក្រុងសៀមរាប ខេត្តសៀមរាប។

សមត្ថកិច្ចខេត្តសៀមរាប បានរាយការណ៍ ថា ករណី ឃាតកម្ម នេះ បង្កឡើងដោយបុរសជាប្ដី មាន ឈ្មោះ ផេន ធាន ភេទប្រុស អាយុ៣៦ឆ្នាំ មុខរបរកម្មករសំណង់ ទីកន្លែងកំណើត នៅខេត្តកំពង់ចាម បានធ្វើសកម្មភាព យកដុំថ្មវាយទៅលេី ជនរងគ្រោះ ឈ្មោះ ស៊ឹម សម្ព័ស ភេទស្រី អាយុ១៩ឆ្នាំ(បណ្តាលអោយស្លាប់) មុខរបរ កម្មករសំណង់ ត្រូវជាប្រពន្ធ ជនដៃដល់ មានទីកន្លែងកំណើត ភូមិថ្មសិន សង្កាត់និមិត្ត ក្រុងប៉ោយប៉ែត ខេត្តបន្ទាយមានជ័យ។

សមត្ថកិច្ចបានបញ្ជាក់ថាមូលហេតុ មានទំនាស់ គ្នាជាមួយ ប្តីប្រពន្ធ។ តាមការពិនិត្យ របស់ ជំនាញ ទៅលើសពពិតជាស្លាប់ដោយ ករណីឃាតកម្មពិតមែន។

បច្ចុប្បន្ន ជនដៃដល់ បានរត់គេចខ្លួនបាត់ សមត្ថកិច្ចជំនាញ កំពុងស្រាវជ្រាវ ចាប់យកមកផ្តន្ទាទោស តាមផ្លូវច្បាប់។ចំណែក សាកសព ប្រគល់អោយក្រុមគ្រួសារ យកទៅធ្វើបុណ្យតាមប្រពៃណីនៅស្រុកកំណើត៕SRP

ខេត្តសៀមរាប៖បុរសម្នាក់ត្រូវបានពលរដ្ឋប្រទះឃើញចុងកសម្លាប់ខ្លួននៅនឹងដើមស្វាយចន្ទី។

ហេតុការណ៍បានកើតឡើងវេលាម៉ោង០៨និង២៥នាទីថ្ងៃទី១៩ ខែធ្នូ ឆ្នាំ២០២០ ខាងលិចភូមិ ចំងាយប្រហែល៤០ម៉ែត្រ ក្នុងភូមិកកោះ ឃុំគោកធ្លកក្រោម ស្រុកជីក្រែង។

សមត្ថកិច្ចស្រុកជីក្រែងរាយការណ៍បានឲ្យដឹងថាជនរងគ្រោះមាន ឈ្មោះ ញុញ ម៉ាន អាយុ៣០ឆ្នាំ មានទីលំនៅភូមិ ឃុំ កេីតហេតុខាងលេី។

មូលហេតុ៖ជនរងគ្រោះមានជំងឺវង្វេងស្មារតី ធ្លាប់បានទៅចងក ជាច្រើនលើក មកហើយ។  តាមការធ្វេីកោសល្យវិច័យរបស់សមត្ថកិច្ចជំនាញ ជនរងគ្រោះស្លាប់ដោយសា ចងក
ពិតប្រាកដមែន៕SRP