បុរសម្នាក់បើកម៉ូតូក្នុងល្បឿនលឿនទៅបុកគូទរថយន្តពីក្រោយបណ្ដាលឲ្យរងរបួសធ្ងន់។ ហេតុការណ៍បានកើតឡើង នៅយប់ថ្ងៃទី20 ខែកក្កដា ឆ្នាំ2023 វេលាម៉ោង 22និង30នាទី លើផ្លូវជាតិលេខ 6ត្រង់ចំណុចចន្លោះគីឡូម៉ែត្រលេខ 365និង366 ស្ថិតនៅភូមិពេជ្ជោរ ឃុំក្រឡាញ់ ស្រុកក្រឡាញ់ ខេត្តសៀមរាប រវាងរថយន្តធុនធំនិងម៉ូតូ។

គ្រោះថ្នាក់ចរាចរណ៍ នេះម៉ូតូម៉ាក ហុងដាឌ្រីម ពណ៌ខ្មៅ ផ្លាកលេខ បាត់ដំបង 1A.6334 បើកបរដោយឈ្មោះ រ៉េត ជួន អាយុ 27ឆ្នាំ ភូមិក្រឡាញ់ ឃុំក្រឡាញ់ ស្រុកក្រឡាញ់ ខេត្តសៀមរាប មានទិសដៅពីលិច ទៅកើត (ពាក់មួកសុវត្ថិភាព មិនត្រឹមត្រូវ មិនដាក់គន្លឹះសុវត្ថិភាព បានបុករថយន្តពីក្រោយម៉ាក HINNO  ពណ៌ បៃតង ពាក់ផ្លាកលេខ ភ្នំពេញ 3A.6066 មានសណ្តោងរ៉ឺម៉ក ពីក្រោយម៉ាក TILER ផ្លាកលេខ 4A.3064 បើកបរដោយឈ្មោះ ត្រង ឡងឌី ភេទប្រុស អាយុ39ឆ្នាំ រស់នៅភូមិរលួស ឃុំរលួស ស្រុកប្រាសាទបាគង ខេត្តសៀមរាប ចតនៅលើផ្លូវខាងត្បូងបែរក្បាល ទៅទិសខាងកើត (មានបើកភ្លើងស៊ីញ៉ូឆ្វេងស្តាំត្រឹមត្រូវ)។

ករណីនេះបណ្តាលអោយរបួសមនុស្សធ្ងន់ឈ្មោះ រ៉េត ជួន។ ខូចម៉ូតូធ្ងន់១គ្រឿង និងខូចរថយន្តស្រាល ១គ្រឿង។ មូលហេតុគ្រោះថ្នាក់ បណ្តាលពីអ្នកបើកបរម៉ូតូបើកមានល្បឿនលឿនក្នុងស្ថានភាពស្រវឹង។

ក្រោយកើតហេតុកម្លាំងជំនាញបានចុះវាស់វែង និងដកហូតវត្ថុតាងទាំងពីគ្រឿងមករក្សាទុកនៅអធិការដ្ឋាន និងនាំអ្នកបើកបររថយន្តមកសាកសួរនៅអធិការដ្ឋានដើម្បីចាត់ការតាមនិតិវិធីច្បាប់៕ដោយនាគខៀវ

លោក សុខ លូ អភិបាលខេត្តបាត់ដំបង បានមានប្រសាសន៍ណែនាំ ដល់អាជ្ញាធរត្រូវពន្លឿនដល់ការដោះស្រាយទំនាស់ដីធ្លី ជូនប្រជាពលរដ្ឋ ដើម្បីធ្វើយ៉ាងណា ធ្វើការផ្ដល់ជាវិញ្ញាបនបត្រសម្គាល់ម្ចាស់អចលនវត្ថុ ជូនប្រជាពលរដ្ឋប្រើប្រាស់ឱ្យបានឆាប់រហ័ស ព្រោះថាបើមិនខិតខំដោះស្រាយទំនាស់ដីធ្លីនេះទេ គឺការផ្ដល់ជាវិញ្ញាបនបត្រសម្គាល់ ម្ចាស់អចលនវត្ថុនេះគឺមិនងាយនឹងបានផ្ដល់ជូនប្រជាពលរដ្ឋឡើយ។

លោកបានលើកឡើងថា ការផ្ដល់វិញ្ញាបនបត្រសម្គាល់អចលនវត្ថុនេះ គឺជាការគិតគូរដ៏ថ្លៃថ្លារបស់សម្ដេច ហ៊ុន សែន នាយករដ្ឋមន្រ្ដី នៃព្រះរាជាណាចក្រកម្ពុជា ដោយឱ្យអាជ្ញាធរខិតខំដោះស្រាយ និងផ្ដល់ជូនវិញ្ញាបនបត្រសម្គាល់ម្ចាស់អចលនវត្ថុនេះឱ្យបានឆាប់រហ័ស និងឱ្យបានកាន់តែច្រើន។

លោកបានអំពាវនាវដល់ប្រជាពលរដ្ឋ ដែលទទួលបានវិញ្ញាបនបត្រអចលនវត្ថុ នេះ សូមប្រើប្រាស់ឱ្យបានត្រឹមត្រូវ និងបើសិនជាអាចសូមកុំធ្វើការលក់ដូរ ដោយទុកជាទ្រព្យសម្បត្តិសម្រាប់កូនចៅជំនាន់ក្រោយ ព្រោះថាបើយើងធ្វើការលក់ដូរដីធ្លីនេះអស់ បងប្អូនប្រជាពលរដ្ឋ ក៏ដូចជាកសិករទាំងអស់នឹងបាត់បង់ចំណូលដោយសារប្រជាពលរដ្ឋពុំមានដីសម្រាប់ធ្វើការដាំដុះដំណាំកសិកម្មផ្សេងៗ ពុំមានកន្លែងសម្រាប់សង់លំនៅដ្ឋានដើម្បីរស់នៅ ក៏ដូចជាកូនចៅជំនាន់ក្រោយពុំមានដីសម្រាប់ការដាំដំណាំ និងការស្នាក់នៅជាដើម។

លោកក៏បានធ្វើការអំពាវនាវដល់ប្រជាពលរដ្ឋដែលគ្រប់អាយុបោះឆ្នោត និងមានឈ្មោះក្នុងបញ្ជីបោះឆ្នោត សូមធ្វើការចូលរួមបោះឆ្នោតឱ្យបានទាំងអស់គ្នានៅថ្ងៃទី២៣ ខែកក្កដា ខាងមុខនេះ ដើម្បីបំពេញជាកាតព្វកិច្ចរបស់ខ្លួនក្នុងនាមជាប្រជាពលរដ្ឋ និងជ្រើសរើសអ្នកតំណាងដែលមកពីគណបក្សដែលខ្លួនស្រឡាញ់ ដោយក្នុងនោះពេលត្រឡប់ទៅគេហដ្ឋានវិញសូមធ្វើការត្រួតពិនិត្យឯកសាររបស់ខ្លួន ដូចជាអត្តសញ្ញាណប័ណ្ណជាដើម ហើយបើសិនជាបាត់អត្តសញ្ញាណប័ណ្ណ សូមរួសរាន់ដើម្បីធ្វើ ឯកសារបញ្ជាក់អត្តសញ្ញាណ (ឯ.អ) ឱ្យបានមុនថ្ងៃ២១ខាងមុខនេះ ទើបយើងមានសិទ្ធិចូលរួមបោះឆ្នោតនាពេលខាងមុខនេះផងដែរ។

លោកមានប្រសាសន៍យ៉ាងដូច្នេះ ក្នុងឱកាសចែកវិញ្ញាបនបត្រសម្គាល់ម្ចាស់អចលនវត្ថុជូនប្រជាពលរដ្ឋស្ថិតក្នុងឃុំស្ដៅ ស្រុករតនមណ្ឌល នៅថ្ងៃពុធ នេះ៕ដោយនាគខៀវ

ខេត្តសៀមរាប៖អធិការនគរបាលស្រុកប្រាសាទបាគងលោកវរសេនីយ៍ឯកលឹម សម្បត្តិ បានឱ្យដឹងថា នៅថ្ងៃទី១៨ ខែកក្កដា ឆ្នាំ២០២៣វេលាម៉ោង ៦ ៖៣០ នាទីល្ងាច មានករណីទុស្សេកាប៊ីនភ្លើង នៅក្នុងបុរីអចលនទ្រព្យអង្គរនៅចំណុចភូមិ គោកត្នោត ឃុំកណ្ដែក ស្រុកប្រាសាទបាគង តាមបណ្ដោយផ្លូវជាតិលេខ ៦ ចុះពីផ្លូវជាតិ ២គីឡូម៉េត្រ ចម្ងាយពីអធិការ១០គីឡូម៉េត្រ។

អធិការបានបន្តថា ករណីនេះ បណ្ដាលឱ្យខូចខាត:​ កាប៊ីនចែកចាយភ្លើងក្នុងបុរី ១ បន្ទប់ ហើយមិន បណ្ដាលអោយប៉ះពាលដល់ផ្ទះ ដែលនៅជុំវិញនោះទេ ដោយសារប្រជាពលរដ្ឋនិងប្រជាការពារគ្រប់គ្រង់ទាន់ពេល។

លោកអធិការបន្តថា ក្នុងពេលកំពុងកើតហេតុរថយន្ដពន្លត់អគ្គីភ័យ របស់ស្រុកប្រាសាទបាគង បានចេញជួយអន្តរាគមន៍ ១គ្រឿង ដោយពុំបានប្រើប្រាស់ទឹកនោះទេ ដោយក្រុមការងារគ្រប់គ្រងបុរី និងនគរបាលប៉ុស្ដិ៍ ប្រជាការពារ បានប្រើប្រាស់ បំពង់ពន្លត់អគ្គីភ័យអស់ចំនួន ២ បំពង់ ហើយគ្រប់គ្រងបាន។មូលហេតុ ម្ចាស់ផ្ទះចាក់សោចោលហើយផ្ទុះស្សេការប៊ីនភ្លើង៕ដោយនាគខៀវ

ខេត្តសៀមរាប៖អ្នករីជំនាញសុខាភិបាលខេត្តសៀមរាប បានអះអាងថា ពុំមានការពុលចំណីអាហារនៅក្នុភោជនីយដ្ឋានយីហោស្រីខួច ដូចការលើកឡើងតាមព័ត៌មាននោះទេ។

តាមរយ:លិខិតរបស់មន្ទីរសុខាភិបាលខេត្តសៀមរាប ដែលអង្គភាពសារព័ត៌មានសៀមរាប ប៉ុស្ដិ៍ ទទួលបាននៅថ្ងៃពុធនេះ បញ្ជាក់ថា ពេលចុះផ្ទាល់ទៅហាងអាហារប៊ូហ្វេ ស្រី ខួច ម្ចាស់ហាង ឈ្មោះ ជា លីដា និងឈោ្មះ ស៊ាន សុផល បានឲ្យដឹងថា៖ នៅថ្ងៃទី១៤ ខែកក្កដា ឆ្នាំ២០២៣ មានភ្ញៀវចូលញាំអាហារសរុបប្រហែល៧០០នាក់ តែមានភ្ញៀវក្រុមធំចំនួន២ក្រុម គឺ១ក្រុម២៩នាក់ និងមួយក្រុមទៀតមាន៤៥នាក់ ។ ម្ចាស់ហាងប្រាប់ថា ព្រឹកថ្ងៃទី១៥ ខែកក្កដា ឆ្នាំ២០២៣ ខាង ក្រុមភ្ញៀវ២៩នាក់ បានខលប្រាប់គាត់ថា មានអាការក្អួត រាក ចុកពោះ និងចុកចុងដង្ហើមបានចូលសម្រាកពេទ្យ ប្រហែលម៉ោង៩ព្រឹក ដោយសង្ស័យពុលចំណីអាហារ នៅហាងរបស់គាត់ ដែលបានចូលពីថ្ងៃទី១៤ និងឲ្យជួយចេញថ្លៃសេវាព្យាបាល។ ហើយនៅថ្ងៃទី១៥ដដែល ពេលរសៀល តំណាងខាងក្រុមភ្ញៀវ២៩នាក់បានមកជួបនិងទាមទារថ្លៃសេវាព្យាបាល។

មន្ទីរបន្តថា ជាមួយគ្នានេះដែរក្រុមការងារសុខាភិបាល ក៏បានចុះជួបផ្ទាល់ ជាអ្នកមានរោគសញ្ញាក្រោយពេលញ៉ាំអាហារ នៅអាហារដ្ឋានប៊ូហ្វេស្រីខួច សរុប១៩នាក់ (ស្រី១១នាក់) ក្នុងនោះបានរកឃើញថា មាន២ករណី និងបានទៅសម្រាកព្យាបាលនៅពេទ្យ២កន្លែងខុសគ្នា។ ករណីទី១ ឈ្មោះ អ៊ា លីណា ភេទស្រី អាយុ ៣៤ឆ្នាំ បានចូលសម្រាកព្យាបាលនៅមន្ទីរពេទ្យនាគទេព គ្រូពេទ្យធ្វើរោគវិនិច្ឆ័យថា ជាជំងឺ រលាកក្រពពោះវៀន និងបាត់បង់ជាតិទឹកបន្តិចបន្តួច។ ករណីទី២ ម្តាយរបស់ក្មេងឈ្មោះ ពិសី សុវណ្ណ ភេទ ប្រុស អាយុ១ឆ្នាំបានទៅព្យាបាលនៅបន្ទប់ពិគ្រោះព្យាបាល បវរមានរិទ្ធគឺដោយមានអាការក្តៅខ្លួន រាក ក្អួត ហើយរោគវិនិច្ឆ័យគ្រូពេទ្យគឺ ឈឺបំពង់ក។ ករណីផ្សេងៗទៀតគាត់ប្រាប់ថា មិនបានទៅពេទ្យទេ គឺទិញថ្នាំពីឱសថស្ថានលេប សរុបទាំងអស់១០លេប ហើយពិនិត្យជាក់ស្ដែងលេបអស់៥លេប។ ក្រុមភ្ញៀវ២៩នាក់ បានមកជួបក្រុមការងារមន្ទីរសុខាភិបាលជាក់ស្ដែង មិននៅមានរោគសញ្ញាដូចខាងលើទៀតទេ(ធូរស្រាល) និង មានអ្នកខ្លះបានទៅធ្វើការងារនៅក្រុមហ៊ុនធម្មតាផងដែរ។

បន្ទាប់ពីជួបភាគីទាំងសងខាង ក្រុមការងារមន្ទីរសុខាភិបាល បានបន្តចុះទៅត្រួតពិនិត្យបញ្ហាអាម័យនៅភោជនីយដ្ឋាន ម្តងទៀតសង្កេតឃើញថា
១ អនាម័យក្នុងកន្លែងចម្អិនអាហារមិនមានបញ្ហា
២ អនាម័យនៅក្នុងកន្លែងបរិភោគមិនមានបញ្ហា
៣ សម្ភារប្រើប្រាស់មានអនាម័យសមស្រប
៤ គ្រឿងឧបភោគបរិភោគ បានធ្វើការលាងសំអាតបានសមស្រប។

ក្រុមការងារមន្ទីរសុខាភិបាលខេត្តសៀមរាបបញ្ជាក់ថា ជាសេចក្តីសន្និដ្ឋានសរុបមក គឺមិនមានករណីពុលអាហារនៅខេត្តសៀមរាបទេ។ ករណីខាងលើគឺអាចបណ្ដលមកពី«ភាពមិនអាចទទួលយកបានចំពោះចំណីអាហាររបស់អ្នកទទួលទាន» ទើបបណ្តាលឲ្យមានចេញរោគសញ្ញារាក ក្អួត៕ដោយនាគខៀវ

ជនសង្ស័យបានសារភាពថា បានធ្វើសកម្មភាពយកដំបងឬស្សី វាយទៅលើប្រពន្ធ ឈ្មោះ ឆួយ វន អាយុ ៤៨ឆ្នាំចំនួន៣០ដំបង បណ្ដាលឲ្យស្លាប់ពិតប្រាកដមែន។

ជនសង្ស័យ ឈ្មោះ ជា សុភាព អាយុ ៣១ឆ្នាំ ស្នាក់នៅភូមិភ្ជាវ ឃុំត្រែងស្រុករតនមណ្ឌល ខេត្តបាត់ដំបង។

សមត្ថកិច្ចខេត្តបាត់ដំបងបានប្រាប់ សៀមរាប ប៉ុស្ដិ៍ នៅថ្ងៃពុធនេះថា ករណីឃាតកម្ម នេះ វេលាម៉ោងប្រហែល១និង៣០នាទី ទៀបភ្លឺ នៅចំណុចអូរត្រជាក់ចិត្ត ស្ថិតនៅភូមិភ្ជាវ ឃុំត្រែង ស្រុករតនមណ្ឌល ខេត្តបាត់ដំបង លុះ វេលាម៉ោង១០និង៣០នាទីព្រឹកថ្ងៃទី១៨ ខែកក្កដា ឆ្នាំ២០២៣ កម្លាំងប៉ុស្តិ័នគរបាលរដ្ឋបាលត្រែងបានធ្វើការឃាត់ខ្លួនជនសង្ស័យជាប្ដី។

សមត្ថកិច្ចបន្តថា ហេតុការណ៍នេះសមត្ថកិច្ចដកហូតវត្ថុតាង៖ ដំបងឬស្សីប្រវែង៩៤សង់ទីម៉ែត១ដើម។ បច្ចុប្បន្នជនសង្ស័យត្រូវនគរបាលស្រុករៀប បញ្ជូនទៅការិយាល័យជំនាញស្នងការខេត្តបាត់ដំបង៕ដោយនាគខៀវ

បុរសម្នាក់បានធ្វើអត្តឃាត(ចងក)សម្លាប់ខ្លួនឯង នៅថ្ងៃទី១៨ ខែកក្កដា ឆ្នាំ២០២៣ នៅ ភូមិទុស ឃុំតាអង ស្រុកកូនមុំ ខេត្តរតនគិរី។

ជនរងគ្រោះ ឈ្មោះរួន ម៉ាន អាយុ២៨ ឆ្នាំ ជនជាតិ គ្រឹង សញ្ជាតិខ្មែរ  មុខរបរកសិករមានទីលំនៅ ភូមិទុស ឃុំតាអង ស្រុកកូនមុំ ខេត្ត រតនគិរី។

សមត្ថកិច្ចបានឲ្យដឹងថា ផ្អែកតាមការពិនិត្យសាកសព អាចបញ្ជាក់ថា ជនរងគ្រោះពិតជាស្លាប់ដោយសារខ្សែរឹតក បិតផ្លូវដង្ហើមនិងបិតប្រព័ន្ធសរសៃឈាមខួក្បាលបណ្ដាលដាច់ខ្យល់ស្លាប់ពិតប្រាកដមែន។ មូលហេតុខឹងប្រពន្ធស្តីបន្ទោសឲ្យរឿងដើរលេងហើយធ្វើឲ្យបែកក្បាំងម៉ូតូ៕ដោយនាគខៀវ

តាមរយៈលិខិតបំភ្លឺមកអង្គភាពសារព័ត៌មានសៀមរាប ប៉ុស្តិ៍ គ្រូពេទ្យបំភ្លឺថា អ្មកសរសេរ ពុលអាហារ នៅ អាហារប៊ូហ្វេ ស្រីខួចខិនថេនើរ ជាម្ដាយក្មេងអាយុជាង១ខួប អ្នកសរសេរមិនមែនលោកសរសេរនោះទេ៕ដោយនាគខៀវ

ខេត្តឧត្តរមានជ័យ៖ក្មេងស្រីសិស្សសាលាម្នាក់គណៈកំពង់ជិះម៉ូតូត្រូវបានរថយន្តលក់ការ៉េមបុកចំពេញទំហឹងបណ្ដាលឱ្យស្លាប់ ក្នុងទិសដៅ បញ្ច្រាសទិសគ្នា។

ហេតុការណ៍បានកើតឡើង នៅវេលាម៉ោង​១១:០០នាទី​ថ្ងៃទី​១៧ ខែ​កក្កដា ឆ្នាំ២០២៣​ នៅភូមិ​ត្រពាំង​ប្រាសាទ​ ឃុំស្រុក​ត្រពាំង​ ខេត្ត​ឧត្ដរមានជ័យ​។

សមត្ថកិច្ចបានឲ្យដឹងថាគ្រោះថ្នាក់ចរាចរណ៍ នេះបង្កដោយ​រថយន្ត​ម៉ាក​កូរ៉េ​ លក់ការរ៉េមកី​ ​ស្លាកលេខ២B ៥៤០៥​ អ្នកបើកបររថយន្ត​ឈ្មោះ​​ កៃ​ ក្រឹម​ ភេទប្រុស​ អាយុ​៣២ឆ្នាំ​ មុខរបរ​លក់ដូ​ រស់​នៅ​ភូមិ​ទួលតាសេក​ ឃុំស្រុកត្រពាំង​ប្រាសាទ​ ខេត្តឧត្តរមានជ័យ។

ចំណែកម៉ូតូរងគ្រោះម៉ាកសង់ឌ្រីម​ស្លាក​លេខ១CC ៣៥១០​ បើកបរដោយសិស្សឈ្មោះ លួន ឆវី ភេទស្រី​ អាយុ១៣ឆ្នាំ​ រៀនថ្នាក់ទី ៨Cរស់នៅភូមិព្រៃស្អាកឃុំ/ស្រុក​ត្រពាំង​ប្រាសាទ​ ខេត្ត​ឧត្ដរមានជ័យ​របួស ធ្ងន់ធ្ងរ ហើយលោកគ្រូនិងអាព្យាបាលបានបញ្ជូនដល់មណ្ឌលសុខភាព បានស្លាប់នៅមណ្ឌលសុខភាព៕

ខេត្តសៀមរាប៖បន្ទាប់ពីសារព័ត៌មានសៀមរាប ប៉ុស្ដិ៍ បានផ្សាយត្រដាង ករណីពលរដ្ឋ បានទៅពិសារអាហារនៅ«អាហារប៊ូហ្វេ ស្រីខួចខិនថេនើរ» ហើយមានអាការៈ រាគរុះ ,ក្អួត ចង្អោរ ម្ចាស់ទីតាំងប៊ូហ្វេបានចេញមុខបកស្រាយបំភ្លឺ​ ដោយមានអ្នកសារព័ត៌មានមួយចំនួន ជួយបកស្រាយឲ្យផងដែរ។

ម្ចាស់អាហារប៊ូហ្វេ ស្រីខួចខិនថេនើរ បានប្រាប់អ្នកសារព័ត៌មាននៅល្ងាចថ្ងៃទី១៦ខែកក្កដា ឆ្នាំ២០២៣ ក្នុងហាងរបស់ខ្លួនថា៖ បុគ្គលិកប្រមូលសំរាម របស់ក្រុមហ៊ុនសិនទ្រី ជាង២០នាក់ បានពិសារអាហារនៅហាងរបស់គាត់ រួមទាំងភ្ញៀវផ្សេងៗរាប់សិបនាក់ទៀតផង។ ករណីនេះនៅថ្ងៃទី១៦ ព្រឹកមិញ ក៏ស្រាប់តែបុគ្គលិកប្រមូលសំរាមទាំងនោះ ខលទូរស័ព្ទមកគាត់ថា៖ មានពួកគេជាង១០នាក់ មានអាការ: ក្អួតចង្អោរ ហើយនាំគ្នាចោទថា៖ ពុលអាហារ ទាំងភ្ញៀវផ្សេងៗទៀតមិនមាន នរណាម្នាក់កើតអីនោះទេ។

ម្ចាស់ហាង«អាហារប៊ូហ្វេ ស្រីខួចខិនថេនើរ»បន្តថា លុះពេលរូបគាត់សាកសួរបុគ្គលិកទើបដឹងថា៖ បុគ្គលិកក្រុមហ៊ុនស៊ីនទ្រី) ពិសារខុសលក្ខណ: ខុសពីការណែនាំ (ខ្យងសំរាប់អាំង ពួកគាត់ដាក់ស្ងោរក្នុងទឹកស៊ុប ក្តាមដែលបានចងកៅស៊ូ ពួក គាត់ស្ងោរទាំងកៅស៊ូ មិនបកស្រកីចេញ) ហើយបែជា មកចោទថា ពុលអាហារទៅវិញ។ មិនតែប៉ុណ្ណោះ ពួកគេ ទាមទារតម្រូវអោយគាត់ (ម្ចាស់ហាង) ដោះស្រាយថ្លៃពេទ្យ២២០ដុល្លារទៀត។ ម្ចាស់ហាងរូបនេះបន្តថា ការញាំគ្រឿងសមុទ្រ ក៏អាចទាក់ទងនិងសុខភាពដែរ ដោយពេលខ្លះសុខភាពរបស់គាត់អាចប្រតិកម្ម និងមុខម្ហូបណាមួយផងដែរ។ ក្នុងនាមជាម្ចាស់សូមបញ្ជាក់ជូនថា មិនមានអាហារ ណាមួយពុល នៅក្នុងហាងរបស់ខ្លួនឡើយ។

សូមជម្រាបថាមានពលរដ្ឋមួយក្រុមមានគ្នាប្រមាណជិត៣០នាក់ទៅញ៉ាំអាហារ«អាហារប៊ូហ្វេ ស្រីខួចខិនថេនើរ» ក្នុងម្នាក់ត្រូវបង់លុយអស់៧ដុល្លារ រួចក៏រាគរុះនិងក្អួតចង្អោរ ហើយក៏ទៅសម្រាកព្យាបាលនៅមន្ទីរពេទ្យឯកជនដោយត្រួវចំណាយលុយរាប់រយដុល្លារក្នុងការព្យាបាល ឯរាងស្រាលសម្រាកនៅតាមផ្ទះ។​ ករណីនេះម្ចាស់ហាង«អាហារប៊ូហ្វេ ស្រីខួចខិនថេនើរ» និយាយយករួចខ្លួន ដោយមិនទទួលខុសត្រូវ ហើយនិយាយថា ជួយយចេញថ្លៃពេទ្យ២០ដុល្លារ។

ប្រជាពលរដ្ឋបន្ថែមថា ម្ចាស់ហាង«អាហារប៊ូហ្វេ ស្រីខួចខិនថេនើរ» គួរតែទទួលយកនូវការរិះគន់ ដើម្បីស្ថាបនារបស់ពលរដ្ឋ។ ប្រជាពលរដ្ឋ សំណូមពរឱ្យអាជ្ញាធរពាក់ព័ន្ធ ជួយចុះពិនិត្យមើល«អាហារប៊ូហ្វេ ស្រីខួចខិនថេនើរ»ផងជៀសវាងអាចប៉ះពាល់ដល់សុខភាពនិងអាយុជីវិតរបស់ពលរដ្ឋ។

បញ្ជាក់ អាហារប៊ូហ្វេ ស្រីខួចខិនថេនើរ មានទីតាំងស្ថិតក្នុងភូមិតាភុល សង្កាត់ស្វាយដង្គំ ក្រុងសៀមរាប តាមបណ្តោយផ្លូវបេតុងថ្មីម្តុំផ្សារញ៉ែ៕ដោយនាគខៀវ

ពិតជាអាណោចអាធម៌ខ្លាំងណាស់ ក្មេងស្រីអាយុ ១២ ឆ្នាំ បានស្លាប់បាត់បង់ជីវិតភ្លាមៗ ខណៈឪពុកប្រើកាំភ្លើងកែច្នៃរាលចំ។

ហេតុការណ៍បានកើតឡើង នៅថ្ងៃទី 16ខែកក្កដាឆ្នាំ 2023 នៅវេលាម៉ោង 11:00នាទី នៅចំណុចខ្ទមចំការជាំតាមិង ខាងលិចភូមិស្ទឹង ឃុំរអាង ស្រុកសង្គមថ្មី ខេត្តព្រះវិហារ។

សមត្ថកិច្ចខេត្តព្រះវិហារបានប្រាប់អង្គភាពសៀមរាប ប៉ុស្ដិ៍ នៅថ្ងៃចន្ទនេះថា ករណីមនុស្សឃាតដោយអចេតនា នេះ ដោយអាវុធកែច្នៃ(កាបុិន)ចំកូនស្រីបណ្ដាលឱ្យស្លាប់តែម្ដង។

ជនបង្កឈ្មោះ រិន គង់ ភេទប្រុស អាយុ36ឆ្នាំមុខរបរកសិករ ត្រូវជាឪពុកបង្កើតជនរងគ្រោះ បច្ចុប្បន្នរស់នៅភូមិដា ឃុំចំរើន ស្រុកសង្គមថ្មី។ ជនរងគ្រោះ ឈ្មោះ រិន ខាត់ណា ភេទស្រី អាយុ12 ឆ្នាំ មុខរបរសិស្ស។

សមត្ថកិច្ចបានបន្តថា មូលហេតុ: ជនបង្កជាមនុស្សញៀនស្រា បានយកអាវុធកែច្នៃមកលេង បណ្តាលឲ្យរាលកៃផ្ទុះត្រូវជនរងគ្រោះជាកូនស្រីតែម្តង។

សមត្ថកិច្ចបញ្ជាក់ថា ភ្លាមៗនោះ ឈ្មោះ ព្រេជ សុភាព ត្រូវជាប្រពន្ធ ជនបង្កបានទាញកាំបិតកាប់ក្បាលចំនួន03កាំបិតទៅលើ ឈ្មោះ រិន គង់ ជាប្ដីរបស់ខ្លួនដោយទប់កំហឹងមិនបាន ដោយឃើញប្ដីធ្វើអោយរាលកៃអាវុធត្រូវកូនខ្លួនឯងស្លាប់។ ក្រោយពេលកើតហេតុកម្លាំងសមត្ថកិច្ច បានចុះទៅដល់កន្លែងកើតហេតុនាំជនបង្ក ទៅព្យាបាលនៅមណ្ឌលសុខភាពចំរើន រួចបញ្ជូនទៅមន្ទីរពេទ្យបង្អែក16មករា ខេត្តព្រះវិហារ។ ឯសពសមត្ថកិច្ចប្រគល់ជូនក្រុមគ្រួសារយកមកធ្វើបុណ្យតាមប្រពៃណី៕ដោយនាគខៀវ

ខេត្តសៀមរាប៖តាមរយ:លេខទូរស័ព្ទ0884499995 ដែលបានទូរស័ព្ទមកអង្គភាពសៀមរាប ប៉ុស្ដិ៍ ដោយអះអាងថា ជាម្ចាស់ប៊ូហ្វេ ស្រីខួច ប្រតិកម្មសួររកអ្នកផ្ដល់ព័ត៌មានឲ្យសៀមរាប ប៉ុស្ដិ៍ផ្សាយ ពីហាងប៊ូហ្វេរបស់គេ។ ម្ចាស់លេខថា ការផ្សាយជារឿងមិនពិត។

សូមជម្រាបថាមានពលរដ្ឋជាង១០នាក់ នៅសៀមរាបបានពុលអាហារ ក្រោយពីបានចូលទៅហូបហាង អាហារប៊ូហ្វេ របស់ប៊ូហ្វេ ស្រីខួច។

ពលរដ្ឋដែលចូលទៅហូប អាហារ ប៊ូហ្វេ ស្រីខួច
គឺនៅល្ងាចថ្ងៃទី១៥ ខែកក្កដា ឆ្នាំ២០២៣ ក្នុងក្រុងសៀមរាប តាមផ្លូវបេតុងថ្មីក្បែរផ្សារញ៉ែ។

ការពុលអាហារ របស់ពលររដ្ឋ មានអាការរ:ឈឺពោះរាគ ក្អួត ចង្អោរ ហើយករណីនេះ មនុស្សចំនួន៣នាក់ មានអាការៈ ធ្ងន់ ហើយត្រូវបានគេជួយសង្គ្រោះយកទៅសម្រាកព្យាបាលនៅមន្ទីរពេទ្យឯកជន។ ចំណែក១០នាក់ទៀតរាងស្រាលបានសម្រាកនៅតាមផ្ទះ។ ករណីការពុលនេះមន្ទីរពេទ្យក៏បានចេញលិខិតបញ្ជាក់ថាពុលអាហារផងដែរ។

ក្រុមពលរដ្ឋបានប្រាប់អង្គភាពសៀមរាប ប៉ុស្តិ៍ ថា ពួកគាត់បាននាំគ្នាទៅហូបប៊ូហ្វេ ស្រីខួច ខាងលើ ក្រោយពីទទួលទានរួចក៏ មានអាការរ:ឈឺពោះរាគ ក្អួត ចង្អោរតែម្ដង មានតែក្មេងទាំងចាស់ ដោយត្រូវចំណាយលើការព្យាបាលអស់រាប់រយដុល្លារ។

ជុំវិញករណីនេះ  អ្នកគ្រប់គ្រងហាងប៊ូហ្វេ ប៊ូហ្វេ ស្រីខួច បញ្ជាក់ប្រាប់សៀមរាប ប៉ុស្ដិ៍ថា ការពុលរបស់អតិថិជន អាចមកពីពួកគាត់ ហូបខុសបច្ចេកទេស ប្រសិនជាអាហារប៊ុហ្វេ របស់លោក មានជាតិពុលនោះ ដូច្នេះមនុស្សរាប់រយនាក់ ដែលបានមកហូប នៅទីនោះ ក៏មានអាការៈពុលដែរ។ មិនមែនពុលមួយក្រុមនោះទេ ជួនកាលគាត់អាចហូបអ្វីពីក្រៅមកក៏ថាបាន។ព

ប្រជាពលរដ្ឋសូមសំណូមពរដល់អាជ្ញាធរជំនាញពាក់ព័ន្ធ ចុះត្រួតពិនិត្យទីតាំងប៊ូហ្វេ ស្រីខួចផង ជៀសវាងមានអតិថិជនពុលថែមទៀត៕ដោយនាគខៀវ

ខេត្តសៀមរាប៖បុរសម្នាក់ ធ្វើសំយ៉ាបផ្ទះ មិនប្រយ័ត្ន ប៉ះខ្សែភ្លើងស្រាតបណ្ដាលអោយឆក់ធ្លាក់ពីលើដំបូលបណ្ដាលឲ្យរបួសធ្ងន់ធ្ងរ។

ហេតុការណ៍បានកើតឡើង នៅថ្ងៃអាទិត្យ ទី ១៦ ខែកក្តដា ឆ្នាំ២០២៣ វេលា ម៉ោង ១០ នឹង១២ នាទី នៅចំណុចភូមិភ្នំដី ឃុំស្លែងស្ពាន ស្រុកស្រីស្នំខេត្តសៀមរាប។

ប្រភពបានឱ្យដឹងថា ករណីខ្សែភ្លើងឆក់នេះជនរងគ្រោះ ឈ្មោះ រ៉េន  រស់ (ហៅឆេន ) ភេទប្រុស អាយុ ២៦ ឆ្នាំ មុខរបរ កសិកររស់នៅភូមិ-ឃុំខាងលើ។ ជនរងគ្រោះ បានសុីឈ្នួលធ្វើសំយ៉ាបផ្ទះ ហើយមិនប្រយ័ត្នបានលើក
ដែកទៅប៉ះខ្សែភ្លើងស្រាត បីខ្សែខាងលើបណ្ដាលអោយឆក់ធ្លាក់ពីលើដំបូលសំយ៉ាបផ្ទះមកដីតែម្ដង រងរបួសធ្ងន់ធ្ងរ ហើយក្រុមគ្រួសារ បានយកមកមណ្ឌលសុខភាព
ស្រីស្នំហើយបានបញ្ជូន បន្តទៅមន្ទីរពេទ្យ បង្អែក ស្រុកក្រឡាញ់។ ម្ចាស់ផ្ទះ ឈ្មោះ រិន  សារ័ត្ន ភេទប្រុស មុខរបរ គ្រូបង្រៀន។ រស់នៅភភូមិ- ឃុំ ជាមួយគ្នា៕ដោយនាគខៀវ