ខេត្តសៀមរាប៖នារីជាជនជាតិចិនម្នាក់ បានលោតពីលើអគារ បណ្ដាលឱ្យរងរបួសធ្ងន់ ត្រូវបានគេជួយសង្គ្រោះដឹកយកមកមន្ទីរពេទ្យ តែជាអកុសលបានស្លាប់នៅតាមផ្លូវ។
យោងតាមរបាយការណ៍ប៉ូលិសអន្តោប្រវេសន៍បានឲ្យដឹងថា នៅវេលាម៉ោង០៨និង១០នាទីព្រឹកថ្ងៃទី០៥ ខែធ្នូ ឆ្នាំ២០២០ នេះ ជនបរទេសម្នាក់បានស្លាប់ពេលកំពុងបញ្ជូនមកសង្គ្រោះ នៅមន្ទីរពេទ្យអន្តរជាតិរ៉ូយ៉ាល់អង្គរ។
ជនរងគ្រោះឈ្មោះ LI YI ភេទស្រី កើតថ្ងៃទី១១-១២-១៩៩០ ជនជាតិ ចិន កាន់លិខិតឆ្លងដែនលេខ EJ១៤៨៧១៥០ មុខរបរ បុគ្គលិកចុងភៅ សណ្ឋាគារអូរស្មាច់ មានទីតាំងស្ថិតនៅភូមិ អូរស្មាច់ សង្កាត់អូរស្មាច់ ក្រុងសំរោង ខេត្តឧត្តរមានជ័យ។
តាមការសាកសួរឈ្មោះ ZHANG FENGBO ភេទប្រុស កើតថ្ងៃទី០៥-១២-១៩៩២ ជនជាតិចិន កាន់លិខិតឆ្លងដែនលេខEC១២១៧៩៥៣ ជាមិត្តប្រុស បានឲ្យដឹងថា ពួកគេទាំងពីរនាក់ស្នាក់នៅបន្ទប់លេខ២៣០៥ សណ្ឋាគារអូរស្មាច់។ លុះនៅវេលាម៉ោងប្រហែល០២ៈ០០នាទីរំលងអាធ្រាតឈានចូលថ្ងៃទី០៥-១២-២០២០ ពួកគេបានឈ្លោះប្រកែកគ្នា រហូតដល់វេលាម៉ោង០៥ៈ០០នាទីព្រឹក ឈ្មោះLI YI ក៏បានលោតពីលើអគារជាន់ទីពីរ ចុះមកក្រោមបណ្តាលឲ្យរងរបួស ត្រូវបានបញ្ជូនមកសង្គ្រោះនៅមន្ទីរពេទ្យសំរោង និងបន្តបញ្ជូនមកមន្ទីរពេទ្យខេត្តសៀមរាប តែដោយស្ថានភាពជម្ងឺធ្ងន់ធ្ងរពេក ជនរងគ្រោះក៏បានស្លាប់នៅលើរថយន្តក្នុងពេលធ្វើដំណើរមកដល់ចំនុចភូមិ ពួក ឃុំពួក ស្រុកពួក ខេត្តសៀមរាប។
ផ្អែកតាមការស្រាវជ្រាវរបស់សមត្ថកិច្ចជំនាញ និងលោកវេជ្ជបណ្ឌិត គង់ រឹទ្ធី គ្រូពេទ្យអមតុលាការបានសនិដ្ឋានថា៖ជនរងគ្រោះស្លាប់ដោយសារ ទ្រុតលលាដ៏ក្បាល(ធ្លាក់ទីខ្ពស់)។សាកសពរៀបចំបញ្ជូនទៅតម្កល់ទុកបណ្តោះអាសន្ននៅវត្តស្ទឹងមានជ័យ រាជធានីភ្នំពេញ ដើម្បីរង់ចាំការសម្រេចពីក្រុមគ្រួសារនិងស្ថានទូត៕SRP
ខេត្តសៀមរាប៖បុរសចំនួន៣នាក់ ត្រូវបានកម្លាំងនគរបាល ប៉ុស្តិ៍សង្កាត់ស្លក្រាម ឃាត់ខ្លួន ពាក់ព័ន្ធប្រើប្រាស់គ្រឿងញៀន។
ការឃាត់ខ្លួន នៅថ្ងៃទី០៥ ខែធ្នូ ឆ្នាំ២០២០ នេះនៅភូមិមណ្ឌល៣ សង្កាត់ស្លក្រាម ក្រុងសៀមរាប។
សមត្ថកិច្ចបានដឹងថា ក្រោយឃាត់ខ្លួនបុរសទាំង ៣នាក់ នឹងសាកសួរ ធ្វេីតេសទឹកនោម នៅប៉ុស្តិ៍ គឺវិជ្ជមាន ទាំង៣នាក់។
ករណីនេះសមត្ថកិច្ចរៀបចំបញ្ជូនកសាងសំណុំរឿងតាមនីតិវិធី៕SRP
«លោកទៀ សីហា អភិបាលខេត្តសៀមរាប ក្នុងពេលដឹកនាំមន្ត្រីពាក់ព័ន្ធចុះពិនិត្យទំនប់ម្កាក់ កាលពីថ្មីៗនេះ»
ខេត្តសៀមរាប៖ទំនប់បឹងម្កាក់ ជាកន្លែង អាចស្ដុកទឹក ទុកបានរាប់លានម៉ែត្រគូប សម្រាប់ បម្រើ លើវិស័យកសិកម្ម នឹងបានក្លាយជាកន្លែងកម្សាន្ត បែបធម្មជាតិ បម្រើ អោយភ្ញៀវទេសចរណ៍ជាតិ និងអន្ដរជាតិ ទៅកម្សាន្ត
សប្បាយ ផងដែរ។
ទំនប់ម្កាក់ នេះមានចម្ងាយ ជាង៧០គីឡូម៉ែត្រ ពីទីក្រុងសៀមរាប ស្ថិតនៅទិសខាងកើត ក្នុងភូមិបឹងម្កាក់ ឃុំគោកធ្លក ស្រុកជីក្រែង ខេត្តសៀមរាមរាប។
ទំនប់បឹងម្កាក់ ជាជំនួយ របស់ក្រុមហ៊ុនចិនមួយបានស្តុកទឹកទុក សម្រាប់ស្រោចស្រប់ដំណាំកសិកម្ម របស់ប្រជាពលរដ្ឋ បានប្រមាណ១០ឃុំក្នុងស្រុកជីក្រែង ដោយអាជ្ញាធរ បានអនុញ្ញត ឲ្យប្រជាពលរដ្ន សាងសង់កញ្ចុះ នៅលើ ទំនប់បឹងម្កាក់នេះ ដើម្បីលក់ដូរ នំចំណីរ អាហារ បែបធម្មជាតិ។
ភ្ញៀវទេសចរជាតិនិងអន្តរជាតិ មក កម្សាន្ត នៅទំនប់ម្កាក់ អាចជិះទូក ក្នុងបឹង គយគន់សម្រស់ធម្មជាតិ អ្នកនេសាទត្រី សត្វស្លាប ផលដំណាំកសិកម្ម និងវាលស្រែ របស់កសិករជាដើម។
តែអ្វីដែលគួអោយទាក់ទាញនោះ គឺត្រីធម្មជាតិ និងមាន់ ទា របស់អ្នកភូមិ នៅទីនោះ ក៏មានឱរស់ជាតិឆ្ងាញណាស់ដែរ។ ចំណែកខ្យល់វិញ គឺត្រជាក់ស្រឹប បែបធម្មជាតិ ដែលបានបក់ពីលើផ្ទៃទឹកបឹង ដ៏ធំល្វឹងល្វើយ គួរអោយចាប់ចិត្តដឹតអារម្មណ៍។
បើនិយាយពីហត្ថរចនាសម្ព័ន្ធ វិញ បានរៀបចំដោយយកចិត្តទុក ទាំងគ្រោងទំនប់ និងផ្លូវចូលមានភាពស្អាតបាទ មានសន្តិសុខល្អ។ ចំណែកតម្លៃម្ហូបអាហារ នៅទីនោះវិញ មិនសូវថ្លៃទេ សមល្មម ទទួលយកបាន ម្យ៉ាងទៀត ភ្ញៀវទេសចរណ៍ អាចសម្រាកកម្សាន្ត នៅលើកញ្ចុះ និងផ្ទះបណ្តែតទឹក បានយ៉ាងត្រជាក់ចិត្តល្ហឹម។
សូមបញ្ជាក់ថា បឹងទំនប់បឹងម្កាក់ កសាងឡើងក្នុងឡុងឆ្នាំ ១៩៧៣ ប៉ុន្តែត្រូវបានទុកចោល លុះដល់ ឆ្នាំ២០១៦នេះ អាជ្ញាធរស្រុកជីក្រែង ខេត្តសៀមរាប បានឯកភាព ឲ្យក្រុមហ៊ុនចិនមួយជួយកសាងឡើងវិញ ដើម្បីបម្រើ ដល់វិស័យកសិកម្ម និងទេសចរណ៍ ក្នុងខេត្តសៀមរាបនេះ៕SRP