ខេត្តសៀមរាប

ខេត្តសៀមរាប៖បុរស៣នាក់ ត្រូវបានកម្លាំងអាវុធហត្ថខេត្តសៀមរាប ចាប់ខ្លួន ពាក់ព័ន្ធករណីគ្រឿងញៀន។

ការបង្ក្រាបនេះធ្វើឡើងវេលាម៉ោង១៤និង០០នាទីថ្ងៃទី០៦ខែមករា ឆ្នាំ ២០២១ ដោយកម្លាំងមូលដ្ឋានអាវុធហត្ថស្រុកពួក សហការ ជាមួយ អាវុធហត្ថខេត្តសៀមរាប ដឹកនាំដោយលោកវសេនីយ៍ត្រីធាវ ច័ន្ទដារ៉ា នាយករិយាល័យ ប្រឆាំងបទល្មើស គ្រឿងញៀនអាវុធហត្ថ ខេត្តសៀមរាប នៅចំណុចភូមិប្រយុទ្ធ ឃុំពួក ស្រុកពួក ខេត្តសៀមរាប។

ជនសង្ស័យ
១ឈ្មោះពៅ រក្សា(ហៅចិន)ភេទ ប្រុស អាយុ៣៤ឆ្នាំរស់នៅភូមិកោគស្រុក ឃុំពួក ស្រុកពួក ខេត្តសៀមរាប។ មុខរបរកម្មករសំណង់។

២ឈ្មោះពៅ ចាន់ថន ភេទប្រុស អាយុ១៧ឆ្នាំរស់នៅភូមិស្វាយដង្គុំ សង្កាត់ស្វាយដង្គំ ក្រុងសៀមរាប។ មុខរបរកម្មករសំណង់។

៣ឈ្មោះរៀន យ៉ាងពៅ ភេទប្រុស អាយុ១៧ឆ្នាំរស់នៅភូមិតាភុល សង្កាត់ស្វាយដង្គំ ក្រុងសៀមរាប។ មុខរបរកម្មករសំណង់។

អាវុធហត្ថបានឲ្យដឹងថា ករណីនេះ សមត្ថកិច្ច ដកហូត វត្ថុតាង ម្សៅក្រាមពណ៌សថ្លា(ម៉ាទឹកកក) ចំនួន០៣កញ្ចប់ ដាវ០២ដើម
ទូស័ព្ទ០៣គ្រឿង និងឧបករណ៍ប្រើប្រាស់មួយចំនួន។

បច្ចុប្បន្នជនសង្ស័យនិងវត្ថុតាងបញ្ជូនទៅការិយាល័យគ្រឿងញៀន អាវុធហត្ថខេត្តសៀមរាប អនុវត្តន៍និតិវិធី៕SRP

ខេត្តសៀមរាប៖លោកឡុង កុសល អ្នកនាំពាក្យ អាជ្ញាធរជាតិអប្សរា ត្រូវបាន ពលរដ្ឋ ចំនួន៧នាក់ ដាក់ពាក្យប្ដឹងទៅ តុលាការខេត្តសៀមរាប ដោយចោទប្រកាន់ពីបទ «រំលោភបំពាន នៅលើផ្ទៃដីកម្មសិទ្ធិ និងបំផ្លិចបំផ្លាញដំណាំ»។

នេះបើយោងតាម ពាក្យបណ្ដឹង ដែល បណ្ដាញ«សៀមរាបប៉ុស្ដិ៍» ទទួលបាននៅល្ងាចថ្ងៃទី០៥ ខែមករា ឆ្នាំ២០២១ម្សិលមិញ។

ជុំវិញបណ្ដឹង ចោទប្រកាន់នេះ «សៀមរាបប៉ុស្ដិ៍» នៅមិនទាន់ ទទួលបាន ការបកស្រាយ ពី លោកឡុង កុសល អ្នកនាំពាក្យ អាជ្ញាធរជាតិអប្សរា នៅឡើយទេ។ខាងក្រោមជាពាក្យបណ្ដឹងរបស់ពលរដ្ឋ ទាំង៧នាក់៖

ខេត្តសៀមរាប៖សមត្ថកិច្ច ក្រុងសៀមរាប បានរាយការណ៍ថា នៅវេលាម៉ោង២២និង៣០នាទី ថ្ងៃទី០៥ ខែមករាឆ្នាំ២០២១ នៅចំណុច រង្វង់ផ្លូវ៦០ម៉ែត្រ ស្ថិតនៅភូមិអញ្ចាញ សង្កាត់នគរធំ ក្រុងសៀមរាប ខេត្តសៀមរាប មានគ្រោះថ្នាក់ចរាចរណ៍ មួយ បង្កឡើងដោយខ្លួនឯង។

សមត្ថកិច្ចបានបន្តថាករណីនេះ រថយន្តម៉ាកកាមរី បាឡែនពណ៌ស្ករ ពាក់ស្លាក់លេខភ្នំពេញ ២AE ៨៩១៤ បើកបរដោយបុរសម្នាក់ មិនស្គាល់អត្តសញ្ញាណ ក្រោយកើតហេតុ ក៏បានជិះpass appគេចខ្លួនបាត់។

បើតាមសមត្ថកិច្ចបញ្ជាក់ថាមូលហេតុ បើកបរ ល្បឿនលឿនពេក បួងចង្កូតមិនទាន់ បណ្ដាលអោយធ្លាក់ប្រឡាយតែម្ដង។

បច្ចុប្បន្ន រថយន្ត ត្រូវបាន​កម្លាំង​ជំនាញ​ការិយាល័យ​ នគរបាលចរាចរណ៍ ផ្លូវគោក ខេត្តសៀមរាបយកមករក្សាទុក៕SRP

ខេត្តសៀមរាប៖បុរសម្នាក់ ឡើងដផមឈើ ដើម្បីបាញ់សត្វ តែជាអកុសល កំភ្លើងច្នៃ រាលកៃ ត្រូវចំខ្លួនឯង ហើយធ្លាក់ចំថ្ម បណ្តាលឲ្យស្លាប់។

ហេតុការណ៍បានកើតឡើង វេលាម៉ោង១០និង១៥នាទី ថ្ងៃទី០៥ ខែមករា ឆ្នាំ២០២១ នៅចំណុចលើភ្នំបុស្សត្រា (ហៅភ្នំក្បាលខ្មោច) ចំងាយ១៤គីឡូម៉ែត្រ ពីភូមិជ្រៃ ឃុំខ្វាវ ស្រុកជីក្រែង។

សមត្ថកិច្ចស្រុកជីក្រែងបានឲ្យដឹងថា
ជនរងគ្រោះ មានឈ្មោះ រឿន រ៉ូ អាយុ២៧ឆ្នាំ មានទីលំនៅ ភូមិជ្រៃ ឃុំខ្វាវ ស្រុកជីក្រែង។

បើតាមសមត្ថកិច្ចថា មូលហេតុ
ជនរងគ្រោះ យកកាំភ្លើងឆ្នុក (កែច្នៃ)ឡើងចុងលើឈើ បាញ់សត្វ កម្ពស់ជាង១០ម៉ែត្រ បានរាលកៃដោយខ្លួនឯង ត្រូវចំពោះ ធ្លាក់ពី
លើដើមឈើផ្កាប់មុខប៉ះនិងថ្ម បណ្ដាលឲ្យ បែកក្បាលផ្នែកខាងមុខ ស្លាប់ភ្លាមៗ។

តាមការបំភ្លឺ របស់ក្រុមគ្រួសារសព « ជនរងគ្រោះ ពិតជាបានរាលកៃ អាវុធកៃច្នៃ ត្រូវខ្លួនឯង ហើយធ្លាក់ពីលើដើមឈើពិតប្រាកដមែន»៕SRP

ខេត្តសៀមរាប៖ឯកឧត្តមអ្នកឧកញ៉ា សៀង ណាំ តំណាងរាស្ដ្រមណ្ឌលសៀមរាប និងជាប្រធានក្រុមសម្ព័ន្ធមេត្រីភាពជាមួយវរសេនាតូចការពារព្រំដែនលេខ១របស់តំបន់ប្រតិបត្តិការសឹករងខេត្តសៀមរាប នៅព្រឹកថ្ងៃទី០៥ ខែមករា ឆ្នាំ២០២១ នេះ បានប្រគល់ថវិកាចំនួន៦៤០០ដុល្លារ អាមេរិកដល់វរសេនាតូចការពារព្រំដែនលេខ១ សម្រាប់សាងសង់អគារផ្ទះបាយថ្មី ដែលឈរជើងនៅចំណុចអូរកូនតឹង ក្នុងភូមិត្រពាំងក្រសាំង ឃុំស្រែណូយ ស្រុកវ៉ារិន។

ឯកឧត្ត ឧត្តមសេនីយ៏ទោ ស៊ីន ភាត់ មេបញ្ជាការតំបន់ប្រតិបត្ដិការសឹករងសៀមរាប បានថ្លែងអំណរគុណយ៉ាងធំធេងចំពោះ ឯកឧត្តមអ្នកឧកញ៉ា សៀង ណាំ សៀង ណាំ តំណាងរាស្ដ្រមណ្ឌលសៀមរាបរួមជាមួយសមាជិកក្រុមសម្ព័ន្ធមេត្រីភាពទាំងអស់ ដែលជានិច្ចកាលតែងតែឧបត្ថម្ភគាំទ្រដល់កងកម្លាំងពិសេសវរសេនាតូចការពារព្រំដែនលេខ១នេះ។
តំណាងឱ្យកងកម្លាំងទាំងអស់ នៃវរសេនាតូចការពារព្រំដែនលេខ១ បានប្តេជ្ញាថា និងខិតខំក្នុងកិច្ចការការពារជាតិមាតុភូមិឱ្យបានល្អ ជាពិសេសគឺតាមខ្សែបន្ទាត់ព្រំដែន។

ឯកឧត្តមអ្នកឧកញ៉ា សៀង ណាំ បានមានប្រសាសន៍ថា បើទោះបីប្រទេសកម្ពុជាក៏ដូចជាបណ្តាប្រទេសផ្សេងៗនៅលើពិភពលោកបានកំពុងជួបការលំបាកដោយសារការកូវីដ ក៍ប៉ុន្តែក្នុងនាមជាសម្ព័ន្ធមេត្រីភាព ឯកឧត្តមអ្នកឧកញ៉ាតែងតែគិតគូដល់កងកម្លាំងប្រដាប់អាវុធជានិច្ច ជាក់ស្តែងសកម្មភាពនៅពេលនេះស្រាប់ គឺបានបង្ហាញឱ្យឃើញពីការបង្កើតភាពស្និទ្ធស្នាល លើកទឹកចិត្ដ និងធ្វើឱ្យកងកម្លាំងមានភាពជឿជាក់ និងភាពកក់ក្ដៅក្នុងការរួមចំណែកការពារ ជាតិ សាសនា ព្រះមហាក្សត្រ ជាពិសេស គឺការពារបូរណភាពទឹកដី និងរដ្ឋធម្មនុញ្ញ ដែលជាច្បាប់កំពូលរបស់ជាតិ។

សូមបញ្ជាក់ថា នៅក្នុងរយៈពេលជាង១០ឆ្នាំមកនេះ ក្នុងនាមសម្ព័ន្ធមេត្រីភាព ឯកឧត្តមឧកញ៉ា សៀង ណាំ តំណាងរាស្ដ្រមណ្ឌលសៀមរាប និងជាប្រធានក្រុមសម្ព័ន្ធមេត្រីភាពជាមួយវរសេនាតូចការពារព្រំដែនលេខ១ របស់តំបន់ប្រតិបត្តិការសឹករងខេត្តសៀមរាប គឺបានជួយយ៉ាងច្រើន ដល់អង្គភាពមួយនេះ ទាំងផ្នែកស្បៀងអាហារ និងការងារអភិវឌ្ឍទីបញ្ជាការ ផងដែរ៕SRP

ខេត្តសៀមរាប៖បុរសពីរនាក់ បានស្លាប់ភ្លាមៗ ដោយគ្រោះថ្នាក់ចរាចរណ៍។

ហេតុការណ៍បានកើតឡើង នៅវេលាម៉ោង២២និង៥១នាទី ថ្ងៃទី ០៤ ខែមករាឆ្នាំ២០២១ នៅចំណុចបង្គោលគី
ឡូម៉ែត្រលេខ៣៨ លើផ្លូវជាតិលេខ៦៨ ស្ថិតនៅភូមិត្រុំខាងជើង ឃុំជ្រោយនាងងួន ស្រុកស្រីស្នំ
ខេត្តសៀមរាប។

សមត្ថកិច្ចស្រុកស្រីស្នំបានដឹងថា ករណីនេះ មិនដឹងបើកបរម៉ូតូបុកជាមួយអ្វីនោះទេ ហើយមិនដឹង មានទិសដៅពីណាទៅណាដែរ។ ពីព្រោះបុករួច ទាំងអ្នកបើកបរម៉ូតូនិងអ្នករួមដំណើរម្នាក់ស្លាប់ទាំង២នាក់។

សមត្ថកិច្ចបានបញ្ជាក់ថាតាមការសន្និដ្ឋាន ប្រហែលជនរងគ្រោះ បើកម៉ូតូ មានទិសដៅពីជើង ទៅត្បូង ហើយបុក ជាមួយយានយន្តផ្សេងទៀត ពីក្រោយពីព្រោះ (ក ម៉ូតូបាក់)។

ម៉ូតូម៉ាកហុងc១២៥
ពណ៌ខ្មៅ សេរី២០១៤ពាក់ស្លាកលេខឧត្ដរមានជ័យ១B-០៩១៤។

ជនរងគ្រោះទីឈ្មោះយឹម ខេវិន ភេទ
ប្រុសអាយុ២១ឆ្នាំមុខរបរ ធ្វើស្រែ នៅភូមិ
ចម្ការចេក ឃុំស្លែងស្ពាន ស្រុកស្រីស្នំ
(បើកបរមិនពាក់មួកសុវត្ថិភាព)ស្លាប់។
ទី២ឈ្មោះសក់ ណារីន ភេទប្រុស អាយុ២១ឆ្នាំ មុខរបរ បើកបរ ត្រាក់ទ័រ(ឈ្នួល) មិនពាក់មួកសុវត្ថិ
ភាព នៅភូមិសំពៅលូន ឃុំប្រាសាទ
ស្រុកព្រះនេត្រព្រះ ខេត្តបន្ទាយមានជ័យ័
(ស្លាប់)។ ចំណែកម៉ូតូរងការខូចធ្ងន់៕SRP

ភ្នំពេញ៖អំណោយ របស់ រាជរដ្ឋាភិបាល កម្ពុជា ជូនរដ្ឋាភិបាល និងប្រជាជនប្រទេសនេប៉ាល់ រួមមានម៉ាសចំនួនជាង២លាន និងបរិក្ខារពេទ្យចំនួន១២មុខទៀត ត្រូវបានដឹកជញ្ជូនតាមយន្តហោះពិសេស ចេញពីកម្ពុជា ឆ្ពោះទៅកាន់ប្រទេសនេប៉ាល់ហើយនៅព្រឹកថ្ងៃទី០៤ ខែមករា ឆ្នាំ២០២១ ក្រោមការដឹកនាំដោយឯកឧត្តម អ៊ុច បូររិទ្ធ រដ្ឋមន្រ្តីប្រតិភូអមនាយករដ្ឋមន្រ្តី តំណាងសម្តេចតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា អមដោយ លោកស្រី យក់ សម្បត្តិ រដ្ឋលេខាធិការក្រសួងសុខាភិបាល រួមទាំងមន្រ្តីមួយចំនួនទៀត។

នេះជាលើកទី៤ ដែលកម្ពុជាយើង បានចូលរួមទប់ស្កាត់ជំងឺកូវីដ-១៩ នៅបណ្ដាប្រទេសជាមិត្ដ ដោយកាលពីពេលថ្មីៗនេះ គឺបានផ្តល់ម៉ាសចំនួនជាង២លាន និងសម្ភារពេទ្យមួយចំនួនដល់ប្រទេសឡាវ, ផ្តល់ម៉ាសចំនួនជាង២លាន និងសម្ភារៈពេទ្យមួយចំនួនទៀត ដល់ប្រទេសមីយ៉ាន់ម៉ា, ផ្តល់ជំនួយម៉ាស១លាន និងសម្ភារៈមួយចំនួនទៀត ដល់ប្រទេសទីម័រឡេស្ត និងនៅប្រទេសនេប៉ាល់ ដែលយើងបានរៀបចំរួចរាល់ដាក់ចូលយន្ដហោះនេះ ត្រៀមដឹកតាមយន្ដហោះ ដើម្បីប្រគល់ជូននៅថ្ងៃទី៤ មករា នេះ។

អំណោយសប្បុរសធម៌របស់រាជរដ្ឋាភិបាល និងប្រជាជនកម្ពុជា ជូនរដ្ឋាភិបាលនៃប្រទេសនេប៉ាល់រួមមាន៖ ម៉ាសចំនួន២លាន, ម៉ាសក្រណាត់១០ម៉ឺន, ម៉ាស N95 ចំនួន២ម៉ឺន, វែនតាសុវត្ថិភាព ចំនួន២ម៉ឺន, សំលៀកបំពាក់សុវត្ថិភាព សម្រាប់មន្ត្រីសុខាភិបាល (ជាឈុត) ចំនួន២ម៉ឺនឈុត, ម៉ាស៊ីនវាស់កំដៅ ចំនួន៥០០, របាំងមុខចំនួន២ម៉ឺន, ឧបករណ៍ជំនួយការដកដង្ហើម សម្រាប់ប្រយោធនកម្ម ចំនួន២០, ទូរទស្សន៍តាមដានសុខភាពអ្នកជំងឺ និងសម្ភារៈបន្ទាប់បន្សំម៉ូឌែល Vista 120 ចំនួន២០, ម្សៅថ្នាំបាញ់សម្លាប់មេរោគ ២៥គីឡូក្រាមក្នុង១ធុង (ក្លរ៉ាមីនប្រភេទB) ៥០០កេស, ស្បែកជើងក៏វែងសុវត្ថិភាព១ពាន់គូ និងសាប៊ូលាងដៃ ២ពាន់គូ៕SRP

ខេត្តសៀមរាប៖គិតត្រឹមថ្ងៃទី៣ខែមករាឆ្នាំ២០២១ ម្សិលមិញនេះ គ្រឿងបង្គំនៃផ្ទះចំនួន១៣៩ ខ្នងក្នុងចំណោមផ្ទះចំនួន ៤៣០ ខ្នង របស់ ពលរដ្ឋ ដែលបានស្មគ្រ័ចិត្ត រុះរើចេញពី ដីចំណី ស្ទឹង ទៅទីតាំងថ្មី ត្រូវបាន ក្រុម ការងារ នៃរដ្ឋបាល ក្រុងសៀមរាប ដឹកនាំដោយ លោកនួន ពុទ្ធារ៉ា អភិបាលក្រុងសៀមរាប ជួយដឹកជញ្ជូនចេញ ទៅទីតាំង ថ្មី នៅក្នុងភូមិរុនតាឯក ស្រុកបន្ទាយស្រី ខេត្តសៀមរាប ។

ការបញ្ជូនរថយន្តជាច្រើនគ្រឿង ទៅជួយដឹកជញ្ជូនសម្ភារ និងគ្រឿងឈើបង្គំ នៃផ្ទះពលរដ្ឋ ដែលបានរុះរើចេញពី ដីចំណី ស្ទឹង ទៅទីតាំងថ្មីនេះ គឺដើម្បីរួមចំណែកគាំទ្រដល់គម្រោងសាងសង់ ហេដ្ឋា រចនា សម្ព័ន្ធចំនួន ៣៨ខ្សែ និង ការស្តារស្ទឹងសៀមរាប ដែលជា អំណោយ ដ៏ថ្លៃថ្លា របស់ប្រមុខរាជរដ្ឋាភិបានិង ដើម្បីរួមចំណែក សម្រាល ដល់ការលំបាក របស់ ពលរដ្ឋ ជាម្ចាស់សំណង់ មិនរៀបរយ លើដីចំណីមាត់ស្ទឹងសៀមរាប ដែលបានស្ម័ត្រចិត្តធ្វើការរុះរើ ទៅនៅទីតាំងថ្មី ផងដែរ។

គួរបញ្ជាក់ផងដែរថា ពលរដ្ឋ ជាម្ចាស់សំណងមិនរៀបរយ ដែលស្ម័ត្រចិត្តធ្វើការរុះរើ ទៅនៅទីតាំងថ្មី ចេញពីដីចំណីមាត់ស្ទឹងសៀមរាប នឹងទទួលបានគោលនយោបាយដីស្របច្បាប់ ទំហំ ២០ម៉ែត្រគុណនឹង ៣០ម៉ែត្រ ដែលស្ថិតក្នុងភូមិធម្មជាតិរុនតាឯក ស្រុកបន្ទាយស្រី ជាមួយនឹងការបោះបង្គោលព្រំយ៉ាងច្បាស់លាស់ អណ្តូងទឹក ប្រពន្ធ័ភ្លើង បង្គន់អនាម័យ និងការរៀបចំហេដ្ឋារចនាសម្ព័ន្ធ សមស្រប ទៅតាមតម្រូវការក្នុងជីវភាព របស់ប្រជាពលរដ្ឋផងដែរ៕SRP

ខេត្តសៀមរាប៖បុរសវ័យចំណាស់ម្នាក់បានស្លាប់ភ្លាមៗ ខណ:កំពុងជិះម៉ូតូត្រូវបានរថយន្តបុកចំពេញទំហឹង។

ហេតុការណ៍ាបានកើតឡើងម៉ោង១៥នឹង០០នាទី
ថ្ងៃទី០៣ ខែមករាឆ្នាំ២០២១ នៅលើផ្លូវជាតិលេខ៦ ខាងកើតស្ថានីយ៍ថ្លឹងរថយន្ត ក្នុងភូមិពួកថ្មី ឃុំពួក ស្រុកពួក ខេត្តសៀមរាប។

សមត្ថកិច្ចស្រុកពួក បានរាយការណ៍ឲ្យដឹង នៅមុននេះបន្តិចថា គ្រោះថ្នាក់ចរាចរណ៍នេះ កើតឡើង រវាងរថយន្ត នឹងម៉ូតូស្របទិសគ្នា ពីខាងកើត ទៅខាងលិច ដោយរថយន្តបុកម៉ូតូ បណ្ដាលអោយស្លាប់នឹងកន្លែងតែម្ដង។

ជនរងគ្រោះ ឈ្មោះ ម៉ៅ វ៉ាត អាយុ៧៤ឆ្មាំនៅភូមិគោកថ្មី ឃុំពួក ស្រុកពួក ខេត្តសៀមរាប ជិះម៉ូតីវេវឆ្នាំ២០០១ពណ៌ក្រហម ស្លាកលេខ ស្វាយរៀង១A.១៤៨៤។ ចំណែករថយន្តម៉ាកហៃឡែនឌ័រ ឆ្នាំ២០០១ពណ៌ស ស្លាកលេខ បាត់ដំបង ២B៣៦០៦ អ្នកបើកគេចខ្លួនបាត់។

បើតាមការសន្និដ្ឋាន របស់សមត្ថកិច្ច មូលហេតុអាចម៉ូតូបត់ឆ្វេងឯរថយន្តបើកល្បឿនលឿន។ ករណីនេះនគរបាល ស្រុកចុះវាស់វែងនិងអនុវត្តតាមផ្លូវច្បាប់៕SRP

ខេត្តសៀមរាប៖ប្រជាពលរដ្ឋ រស់នៅស្រុកអង្គរធំ នៅតែបន្តបិទផ្លូវសាជាថ្មី មិនឲ្យរថយន្តដឹកថ្ម បើកឆ្លងកាត់ ដោយសារតែរថយន្តទាំងនេះ បើកបរ បង្កឲ្យដីហុយខ្លាំងពេក។

ហេតុការណ៍ពលរដ្ឋ បិទផ្លូវនេះ
ម៉ោង០៨និង៤០នាទី នាថ្ងៃទី០៣ ខែមករា ឆ្នាំ២០២១ នៅចំណុចភូមិទ័ពស្វាយ ឃុំជប់តាត្រាវ ស្រុកអង្គរធំ។

សមត្ថកិច្ចស្រុកអង្គរធំបានរាយការណ៍ថាករណីនេះ គឺមានប្រជាពលរដ្ឋ ជាង៥០នាក់ ធ្វើសកម្មភាព បន្តបិទផ្លូវមិនឲ្យរថយន្តដឹកថ្ម ធ្វើចរាចរណ៍ឆ្លងកាត់បាន។ មូលហេតុដោយសារតែ ដីហុយខ្លាំងពេក បណ្ដាល ធ្វើឲ្យប៉ះពាល់ ដល់ការរស់នៅរបស់ពួកគាត់។

ទោះជាយ៉ាងណា ខណៈកំពុងបិទផ្លូវ ក៏គេសង្កេតឃើញ លោកឡុង រដ្ឋារក្ស អភិបាលស្រុក ចុះទៅអន្តរាគមន៍ ដល់ប្រជាពលរដ្ឋ ដើម្បីបានធ្វើចរាចរណ៍ផងដែរ។ ប៉ុន្តែប្រជាពលរដ្ឋ មិនយល់ស្រប ឡើយ រង់ចាំរថយន្តក្រុមហ៊ុនមកស្រោចទឹកសិន។

សូមជម្រាបថា ការបិទផ្លូវនេះ មិនមែនជាលើកទី១ទេ ដោយកន្លងទៅ ក្រុមប្រជាពលរដ្ឋ ក៏បាននាំគ្នាបិទផ្លូវ ដើម្បីឲ្យក្រុមហ៊ុនដឹកជញ្ជូនថ្ម បើកបរធ្វើការស្រោចទឹក និងជួសជុលផ្លូវផងដែរ។ ក៏ប៉ុន្តែការសន្យា របស់តំណាងក្រុមហ៊ុន នឹងអាជ្ញាធរស្រុក ហាក់មិនមានប្រសិទ្ធភាព ទើបពួកគាត់នាំគ្នាបិទផ្លូវបន្តទៀត៕SRP

ខេត្តសៀមរាប៖បុរសម្នាក់ បាន ចងកសម្លាប់ខ្លួនឯង បង្កឲ្យមានការភ្ញាក់ផ្អើល។

ហេតុការណ៍បានកើតឡើង នៅព្រឹកថ្ងៃទី០៣ ខែមករា ឆ្នាំ ២០២១ នេះ នៅភូមិត្រពាំងថ្នល់ ឃុំកន្រ្ទាំង ស្រុកប្រាសាទបាគង ខេត្តសៀមរាប។

សមត្ថកិច្ចស្រុកប្រាសាទបាគង បាន
រាយការណ៍ថា ជនរងគ្រោះ មានឈ្មោះញ៉ាន វុទ្ធី អាយុ២៦ឆ្នាំ មុខរបរធ្វើស្រែរស់នៅ ភូមិ ឃុំ កើតហេតុខាងលើ។

សមត្ថកិច្ចបានបញ្ជាក់ថា តាមការធ្វើកោសល្យវិច័យ នគរបាល ជំនាញថា ជនរងគ្រោះ ពិតជាបានចងកសម្លាប់ខ្លួនឯងពិតប្រាកដមែន។ តាមការសន្និដ្ឋាន ផឹកស្រា វង្វេងស្មារតី ហើយចូលកសម្លាប់ខ្លួនតែម្ដង៕SRP

ខេត្តសៀមរាប៖ជនសង្ស័យចំនួន ៦នាក់ត្រូវបានកម្លាំងនគរបាល ក្រុងសៀមរាបឃាត់ខ្លួន ករណីលួចម៉ូតូដ៏សកម្ម។

នគរបាលក្រុងសៀមរាបបានឲ្យដឹងថានៅចន្លោះវេលាម៉ោង​០២:០០នាទី រហូតដល់ម៉ោង០៤:០០នាទី រំលងអាធ្រាត្រ នៅថ្ងៃទី៣០ ខែធ្នូ ឆ្នាំ២០២០​ មានករណីលួចកាច់សោរ កម៉ូតូ ចំនួន០២គ្រឿង ជាបន្តបន្ទាប់​ នៅចំណុចភូមិវិហារ​ចិន សង្កាត់ស្វាយដង្គំ ក្រុងសៀមរាប។

ក្រោយពីមានករណីនេះ នគរបាល ក្រុងសៀមរាប បានចេញល្បាត ប្រទះឃើញ ជនសង្ស័យ ០៣នាក់ កំពុងនាំគ្នា ដើរបណ្តើរម៉ូតូចំនួន០២គ្រឿង តាមផ្លូវ ជនសង្ស័យ បាននាំគ្នាទុកម៉ូតូចោល​ ហើយនាំគ្នារត់គេចខ្លួន តែត្រូវបានកម្លាំងល្បាត​ និង ប្រជាពលរដ្ឋ ដេញតាមចាប់បានម្នាក់(ឈ្មោះ លី លីវណ្ណលីតា)​ យកមកធ្វើការសាកសួរនិងដកហូតបានម៉ូតូចំនួន០២គ្រឿង។ទី១/ម៉ាកហុងដាឌ្រីមសេ១២៥ ពណ៌ខ្មៅ សេរីឆ្នាំ២០១០ ពាក់ផ្លាកលេខសៀមរាប 1L-2371 លេខតួ/លេខម៉ាស៊ីន ៨៥០០៥៨៦ ។

-ទី២/ម៉ាកហុងដាឌ្រីមសេ១២៥ ពណ៌ខ្មៅ សេរីឆ្នាំ២០១៨ ពាក់ផ្លាកលេខ សៀមរាប ១Z-៤២៤៦ លេខតួ/លេខម៉ាស៊ីន ៥១២៩០៨៤ ។

ជនសង្ស័យរូបនេះ បានឆ្លើយសារភាពថា រូបគេមានឈ្មោះ លី លីវណ្ណលីតា ភេទស្រី អាយុ៣២ឆ្នាំ ស្នាក់នៅបន្ទប់ជួលភូមិវត្តស្វាយ សង្កាត់សាលាកំរើក ក្រុងសៀមរាបនិងបក្ខពួកចំនួន០២នាក់ទៀត មានឈ្មោះ អាន បញ្ញា ឬ លី អានសុខបញ្ញា ភេទប្រុស អាយុ៣៩ឆ្នាំ មុខរបរមិនពិតប្រាកដ ស្នាក់នៅមន្ទប់ជួលភូមិគ្រួស សង្កាត់ស្វាយដង្គំ ក្រុងសៀមរាប និងឈ្មោះ ព្រំ សាក់ ភេទប្រុស អាយុ៣៩ឆ្នាំ រស់នៅភូមិកក្រាញ់ សង្កាត់សៀមរាប ក្រុងសៀមរាប ពិតជាបានធ្វើសកម្មភាពលួចម៉ូតូ ចំនួន០២​គ្រឿង​ របស់ប្រជាពលរដ្ឋ រងគ្រោះ រស់នៅភូមិវិហារចិន សង្កាត់ស្វាយដង្គំ ក្រុងសៀមរាប ពិតមែន។

ដោយមានបញ្ជាផ្ទាល់ពីលោកឧត្តមសេនីយ៍ទោទិត្យ ណារ៉ុង ស្នងការនគរបាល ខេត្តសៀមរាប និងលោកឧត្តមសេនីយ៍ត្រី ភឹង​ ចិន្តារ៉េតស្នងការរងទទួលផែនការងារព្រហ្មទណ្ឌ បានបន្តធ្វើការស្រាវជ្រាវ និងឈានដល់ការនាំខ្លួនជនសង្ស័យចំនួន០២នាក់បន្ថែមទៀតមានឈ្មោះ អាន បញ្ញា និងឈ្មោះ ព្រំ សាក់ មកធ្វើការសាកសួរ បានឆ្លើយសារភាពថា ពួកគេពិតជាបានធ្វើសកម្ម ភាពលួចយកម៉ូតូរបស់់ជនរងគ្រោះទាំងពីរគ្រឿងខាងលើពិតប្រាកដមែន។

ជនសង្ស័យទាំងបីនាក់ បានឆ្លើយសារភាពបន្តទៀតថា កន្លងមកពួកគេ ធ្លាប់បានធ្វើសកម្មភាពលួចម៉ូតូ.នៅក្នុងក្រុងសៀមរាបជាច្រើនករណីផ្សេងទៀតមានដូចជា៖

ថ្ងៃទី២២ ខែវិច្ឆិកា ឆ្នាំ២០២០ វេលាម៉ោង០១ រំលងអាធ្រាត្រ ស្ថិតនៅភូមិវត្តស្វាយ សង្កាត់សាលាកំរើក ក្រុងសៀមរាប ពួកគេបានធ្វើសកម្មភាពលួចម៉ូតូចំនួន ០២គ្រឿង គឺទុកនៅឯមុខផ្ទះដោយមិនបានចាក់សោសុវត្ថិភាពអ្វីទាំងអស់​ ម៉ូតូទី០១-មានម៉ាក BAJAJ DOMINAR ពណ៌ខ្មៅស៊េរីឆ្នាំ ២០១៨ ស្លាកលេខសៀមរាប 1AC -5417 លេខតួ ០៧៦៥៦ លេខម៉ាស៊ីន ០៤៩៨៧ នឹង១គ្រឿងទៀតម៉ាក Yamaha Fino ពណ៌ ស សេរីឆ្នាំ ២០១២ ស្លាកលេខ សៀមរាប 1K-8847 លេខតួ+លេខម៉ាស៊ីន ០៣២១០៩ របស់ជនរងគ្រោះឈ្មោះ Jayue well ភេទ ស្រី អាយុ ២៩ ឆ្នាំជនជាតិអាហ្វ្រិក ស្នាក់នៅផ្ទះជួលដាច់ភូមិវត្តស្វាយ សង្កាត់សាលាកំរើក ក្រុងសៀមរាប ដោយម៉ូតូទាំង០២គ្រឿងនេះជនសង្ស័យឈ្មោះ អាន បញ្ញា បានឆ្លើយសារភាពថារូបគេ បានធ្វើសកម្មភាពលួច ជាមួយ ប្អូនស្រីបង្កើត របស់គេឈ្មោះ លី វណ្ណលីតា និងប្រពន្ធរបស់គេឈ្មោះ នី ស្រីណា ភេទស្រី អាយុ ២០ឆ្នាំ ។កន្លងមកបានឲ្យប្អូនប្រុសរបស់គេ ឈ្មោះ លី ឈិនឡុង អាយុ៣៣ឆ្នាំ រស់នៅភូមិព្រែកអំបិល ឃុំព្រែកអំបិល ស្រុកស្អាង ខេត្តកណ្ដាល បានយកឡានរបស់គេមួយគ្រឿងម៉ាក HIGH LANDER ពណ៌ខ្មៅ ស៊េរីឆ្នាំ២០០១ ដឹកម៉ូតូយកទៅលក់ នៅរាជធានីភ្នំពេញចំនួន ០២លើក។

បន្ទាប់មកសមត្ថកិច្ចបានធ្វើការនាំខ្លួនឈ្មោះ លី ឈិនឡុង មកធ្វើការសាកសួរ ជនសង្ស័យរូបនេះ បានឆ្លើយបដិសេធថា រូបគេពុំបានធ្វើសកម្មភាព ដូចអ្វីដែល ឈ្មោះ អាន បញ្ញា បានឆ្លើយចោទប្រកាន់នោះទេ។

ប៉ុន្តែនៅបន្តធ្វើការឃាត់ខ្លួន ដោយយោងតាមលទ្ធផលធ្វើតេស្តរកសាធាតុញៀននូវក្នុងទឹកនោម គឺវិជ្ជមាន។

នគរបាលបានបន្តថានៅវេលាម៉ោង០៨:៣០ នាទីព្រឹក ថ្ងៃទី៣០ ខែធ្នូ ឆ្នាំ២០២០​ កម្លាំងបានធ្វើការឆែកឆេរ បន្ទប់ជួលរបស់ ឈ្មោះ អាន បញ្ញា រកឃើញវត្ថុតាងមួយចំនួននៅក្នុងបន្ទប់របស់គេរួមមាន៖

-កន្ត្រៃសម្រាប់កាត់ដេរ (ទំហំ៣៦អ៊ីង) ម៉ាក់ kingwa ពណ៌បៃតងចំនួន០១ដើម

-ញញួរដែក ដងជ័រពណ៌ខ្មៅចំនួន០១

-ម៉ូទ័រសម្រាប់កាត់ដែក ធុនតូច ម៉ាកNIKATEC ពណ៌ស្លាទុំ-ខ្មៅ ចំនួន ០១គ្រឿង

-ទុលល្វីស ចំនួន០៣ដើម ដែលមានផ្លែច្នៃ សំរាប់កាច់សោរ.កម៉ូតូ ចំនួន០១ដើម

– ដែកឆាប ដងជ័រ ពណ៌ផ្កាឈូកចំនួន០១ដើម

-ដងសោអក្សរT ទំហំ៨មីលីម៉ែត្រចំនួន០១ដើម

-សោរមាត់-ខ្សៀ ទំហំ១០មីលីម៉ែត្រ ចំនួន០១ដើម

-ដង្កាប់ដងជ័រ ពណ៌ក្រហម-លឿង ចំនួន០១

-អាវម៉ូតូ ផ្នែកខាងស្ដាំ ពណ៌ខ្មៅ ចំនួន០១ ជាអាវម៉ូតូរបស់ ម៉ូតូហុងដាឌ្រីម។

-​ឧបករណ៍កែឆ្នៃសម្រាប់ ជក់គ្រឿងញៀនមួយចំនួនទៀត ។

-ជនសង្ស័យឈ្មោះ អាន បញ្ញា ឬ លី អានសុខបញ្ញា បានឆ្លើយសារភាពបន្ថែមថា កាលពីថ្ងៃទី០៣ ខែធ្នូ ឆ្នាំ២០២០ វេលាម៉ោង០៤,០០នាទីទាបភ្លឺ នៅត្រង់ចំណុច បុរីអង្គរផាលេស ភូមិគ្រួស សង្កាត់ស្វាយដង្គំ ក្រុង-ខេត្តសៀមរាប រូបគេ និងប្រពន្ធឈ្មោះ នី ស្រីណា បានធ្វើ​សកម្ម​ភាពលួចកាច់សោរ.កម៉ូតូ បាន