ខេត្តសៀមរាប – Page 131

ខេត្តសៀមរាប៖ក្របីអ្នកភូមិចំនួន៤ក្បាលត្រូវបានចោរចូលលួចបានដោយសុវត្ថភាព។

ហេតុការណ៍ចោរលួចក្របីនេះ បានកើតនៅទៀបភ្លឺឈានចូលថ្ងៃទី២០ ខែមិថុនា ឆ្នាំ២០២១ ក្នុងភូមិបុស្សធំ ឃុំអំពិល ស្រុកប្រាសាទបាគង ខេត្តសៀមរាប។

ប្រភពពីពលរដ្ឋបានឲ្យដឹងថាករណីនេះគឺម្ចាស់ក្របីបានចងក្របីទុកខាង ក្រោយផ្ទះចម្ងាយប្រហែល៣០ម៉ែត្រ ដោយមិនមានរបងឬក្រោលនោះទេ ដោយចោរបើកឡាន ចូលមកដឹកក្របី៦ក្បាល ប៉ុន្តែ រត់រួចមកវិញ ២ក្បាល។

សមត្ថកិច្ចស្រុកប្រាសាទបាគង បានប្រាប់ថា ក្រោយកើតហេតុ ជនរងគ្រោះ បានមកដាក់ពាក្យបណ្តឹងថា បានបាត់ក្របីមួយក្រោល មានចំនួន ៦ក្បាល ឈ្មោល២ក្បាលញី៤ក្បាលក្នុងនោះមានសម្បុរ សរ១(ឃ្លៀច)នៅចំណុចខាងលើ។

ប្រភពបានបញ្ជាក់ថា ជនរងគ្រោះឈ្មោះ ឈឺន មៃ ភេទស្រី អាយុ៥២ឆ្នាំ មុខរបរ កសិករ រស់នៅភូមិឃុំកើតហេតុ រហូតម៉ោង៥និង ០០នាទីព្រឹក ថ្ងៃទី ២០ខែមិថុនាឆ្នាំ២០២១ ទើបជនរងគ្រោះ ដឹងខ្លួន ទៅមើល ក្របីក៏បាត់ រួចបានរាយការណ៍ជូននគបាលប៉ុស្តិ៍នគរបាលអំពិល តែម្ដង។

បើតាមសម្ដី របស់ម្ចាស់បានប្រាប់សមត្ថកិច្ចថា កាលពីមុន គាត់ចិញ្ចឹមក្របីមានចំនួន ១២ ក្បាល ហើយក្នុងអំឡុងឆ្នាំ២០១៩ ចោ ចូលលួចដឹកតាមឡានអស់៦ក្បាលផងដែរ។

បច្ចុប្បន្ន កម្លាំងសមត្ថកិច្ចកំពុងស្វែងរក តាមចាប់ខ្លួនជនសង្ស័យ យកមកផ្តន្ទាទោសទៅតាមផ្លូវច្បាប់៕SRP

ខេត្តសៀមរាប៖លោកសឹង្ហ សំរឹទ្ធិ អនុប្រធានក្រុមការងារចុះជួយឃុំកណ្តែក និង លោកស្រី មុិល សុគង្គា ប្រធានគណៈកម្មធិការបក្សឃុំកណ្តែក បានដឹកនាំក្រុមការងារ ចុះចែកអំណោយ ដល់គ្រួសារសមាជិកបក្ស ដែលកំពុងធ្វើចត្តាឡីស័ក ចំនួន១៥គ្រួសារ។

ការចុះផ្ដល់អំណោយ នៅថ្ងៃសុក្រ ទី១៨ ខែមិថុនា ឆ្នាំ២០២១ នេះ ភូមិជ្រៃចំនួន០៧គ្រួសារ និងនៅគោកត្នោតចំនួន០៨គ្រួសារ។

លោកសឹង្ហ សំរឹទ្ធិ អនុប្រធានក្រុមការងារចុះជួយឃុំកណ្តែក តំណាង លោក ប៉ោ វណ្ណនិត ប្រធានក្រុមការងារចុះជួយឃុំកណ្តែក បានឲ្យដឹងថា សមាជិកបក្សគ្រួសារសរុប១៥គ្រួសារក្នុងមួយគ្រួសារទទួលបាន៖ +អង្ក១០គីឡូ+មី១កេស +ត្រីខ១យួរ +ទឹកសុទ្ធ៣យួរ
+ប្រេងឆា១ដប +ស្ករ១ថង់+អំបិល១ថង់ +ចែលលាងដៃ១ដប +ទឹកត្រី១យួរ +ទឹកសុីអុី១យួរ។

លោកសឹង្ហ សំរឹទ្ធិបាន ក៏បានមានមតិសំណេះសំណាល ដោយក្រើនរំលឹកដល់សមាជិកបក្ស ដែលកំពុងធ្វើចត្តាឡៃស័ក ទាំងអស់ ត្រូវគោរពអោយបានខ្ជាប់ខ្ជួន នូវអនុសាសន៍ដ៏ខ្ពងខ្ពស់ របស់សម្តេចតេជោ ៣កុំ ៣ការពារ និងបាននាំសារផ្តាំផ្ញើសាកសួរសុខទុក្ខពីថ្នាក់ដឹកនាំគណបក្ស ក្នុងការយកចិត្តទុកដាក់ ដល់សមាជិកផងដែរ៕SRP

Sponsored

ខេត្តសៀមរាប៖លោក ធឿន វុឌ្ឍី លេខាធិការ សមាគមចលនាយុវជនកម្ពុជា (ក្រុម១៥៧) ស្រុកជីក្រែង បានដឹកនាំសមាជិក នាំយកអំណោយប្រគល់ជូនសាលាឃុំឬស្សីលក សម្រាប់ទុកចែកជូនប្រជាពលរដ្ឋ ដែលកំពុងធ្វេីចត្តាទ្បីស័ក ចំនួន៣០គ្រួសារ។

ការប្រគល់នេះធ្វើឡើង នៅសាលាឃុំឬស្សីលក នា ថ្ងៃសុក្រ ទី១៨ ខែមិថុនា ឆ្នាំ២០២១នេះ តាមកាណែនាំរបស់លោក ហ៊ុន ប៉ូគា ប្រធានសមាគមចលនាយុវជនកម្ពុជា (ក្រុម១៥៧) សាខាខេត្តសៀមរាប ដោយមានការចូលរួមពី
លោកស្រី សែន សុផល មេឃុំ ឬស្សីលក ព្រមទាំងមន្ត្រីអាជ្ញាធរឃុំនិងនគរបាលផងដែរ។

ឆ្លៀតក្នុងឱកាស នោះផងដែរ លោក ធឿន វុឌ្ឍី បាន មានមតិ សំណេះណាល ជាមួយលោកស្រីមេឃុំ និងអំពាវនាវដល់ប្រជាពលរដ្ឋ ដែលកំពុងធ្វេីចត្តាទ្បីស័កទាំងអស់ សុំឱ្យបង្កើនការប្រុងប្រយ័ត្នការពារឱ្យបានខ្ពស់ ចំពោះជំងឺកូវីដ-១៩ តាមប្រសាសន៍ណែនាំរបស់ សម្តេច តេជោ (៣កុំ ៣ការពារ ) ឲ្យបានខ្ជាប់ខ្ជួន ដើម្បីចៀសផុតពីជំងឺដ៏កាចសាហាវនេះ។

សូមជម្រាបថាអំណោយដែលបានប្រគល់ជូន សម្រាប់ពលរដ្ឋទាំង៣០ គ្រួសាររួមមាន៖
-អាល់កុល ៣០លីត្រ -ម៉ាស ៥០០ម៉ាស
-ត្រីខ ១០០ កំប៉ុង -មី ២៥០ កញ្ចប់ -ប៊ីចេង ៣០ កញ្ចប់ -អំបិល ៣០ កញ្ចប់ -ស្ករស ៣០ កញ្ចប់ -ពងទា ៣០០ គ្រាប់ -ទឹកត្រី ៣០ ដប
-ទឹកសុីអុីវ ៣០ ដប -បន្លែត្រកួន ៣០ គ.ក
-ត្រសក់ ៣០ គ.ក -ទឹកបរិសុទ្ធ ៣០ យួរ៕SRP

ខេត្តសៀមរាប៖សមត្ថកិច្ចបានរាយការណ៍ថាបុរសម្នាក់ បានខ្យល់គរស្លាប់ នៅក្នុងបន្ទប់ទឹក នៃ អធិការដ្ឋានគរបាលស្រុកសូទ្រនិគម កន្លែងធ្វើចត្តាឡីស័ក។

ហេតុការណ៍បានកើតឡើងនៅថ្ងៃទី១៨ ខែ មិថុនា ឆ្នាំ ២០២១ ចំណុចក្នុងបន្ទប់ទឹកនៃ អធិការដ្ឋានគរបាលស្រុកសូទ្រនិគម កន្លែងធ្វើចត្តាឡីស័ក។

សមត្ថកិច្ចបានឲ្យដឹងថាជនរងគ្រោះ ឈ្មោះ ណី វរះ អាយុ ៤៣ ឆ្នាំ ឋានៈ អនុសេនីយ៍ឯក នាយផ្នែកបច្ចេកទេសវិទ្យាសាស្រ្ត។

បើតាមរបាយការណ៍បានបញ្ជាក់ថាមុនពេលកើតហេតុជនរងគ្រោះ បានក្រោកពីដេកពេលព្រឹក ហើយបានស្លៀកកន្សែងចូលបន្ទប់ទឹក។ លុះដល់ម៉ោង១១ ព្រឹក យើងបានរកគាត់មកហូបបាយ តែរកមិនឃើញ យើងក៏ទៅមើលនៅក្នុងបន្ទប់ទឹកឃើញបន្ទប់ទឹកបិទទ្វារពីក្នុង យើងហៅមិនឮក៏កម្លាំងយើងក៏បានអើតមើល តាមប្រហោងជញ្ជាំងបន្ទប់ទឹក ក៏ឃើញគាត់នៅក្នុងបន្ទប់ទឹក ក៏នាំគ្នាធាក់ទ្វារបន្ទប់ទឹកចូលទៅមើល ក៏ឃើញគាត់ស្លាប់នៅក្នុងបន្ទប់ទឹកតែម្ដង។

របាយការណ៍បានបញ្ជាក់ទៀតថា ក្រោយពេលឃើញហេតុការណ៍ ដូច្នេះយើងក៏ឲ្យគ្រូពេទ្យមកយកសំណាងរកមេរោគ covid-19លទ្ធផលអវិជ្ជមាន។ តាមការសន្និដ្ឋានសាកសពស្លាប់ដោយសារខ្យល់គរ៕SRP

Sponsored

ខេត្តសៀមរាប៖លោក សឿន តុលា ស្ថាបនិកក្រុមហ៊ុនផា ផា យ៉ា បានសរសេរនូវអត្ថបទមួយក្រោមចំណងជើងថា«ភាពប្រថុយប្រថានជាមួយសមត្ថភាពខ្លួន»។

លោក សឿន តុលា បានសរសេរថា “ប្រសិនបើអ្នកសម្រេចចិត្តទទួលយកហានិភ័យ ក្នុងកម្រិតសមត្ថភាពគ្រប់គ្រងបាន នោះអ្នកនឹងអាចបង្កើតឱកាសថ្មី នឹងទទួលបានផលប្រសើរឡើង ក្នុងពេលអនាគត” នៅក្នុងលោកយើងនេះ មនុស្សអាចសម្រេចធ្វើអ្វីក៏បានដែរ ពេលដែលពួកគេ ប្រកាន់ភ្ជាប់ខ្លួននៅតែចំណុចអវិជ្ជមាន ជាពិសេសនោះ គឺហ៊ានសម្រេចចិត្តប្រថុយ ដើម្បីឱ្យបានសម្រេចកិច្ចការអ្វីមួយ។

រីឯកចំពោះការបរាជ័យវិញ គឺជាសញ្ញាមួយបញ្ជាក់ប្រាប់ថា:
# ស្វែងរកចំណេះដឹងបន្ថែម ហើយ កុំបោះបង
# រៀនពីកំហុស ដឹងភាពដាច់ខាតជាមួយវិន័យផ្ទាល់ខ្លួន និងនៅក្នុងអង្គភាព
# បន្ថែមជំនឿលើខ្លួនឯង និងរក្សាមេត្រីភាពល្អ ជាមួយមនុស្សជុំវិញខ្លួន ដឹងបន្ថែមអំពើល្អផ្សេងៗទៀត ដើម្បីលើកកម្លាំងចិត្ត និងកម្លាំងការងារ។

ប្រសិនបើអ្នកខ្វះចំណេះដឹង ក្នុងការធ្វើកិច្ចការអ្វីមួយ សូមធ្វើការប្រថុយក្នុងកម្រិតទាប ដើម្បីមានឱកាសគ្រប់គ្រាន់ រៀនយកចំណេះដឹង ពីព្រោះចំណេះដឹងមានសារះសំខាន់ នៃប្រភព ជោគជ័យ។

សូមចូលចាំថា : ភាពក្លាហានពិតប្រាកដគឺមិនមែនជាការ លោតផ្លោះនោះទេ ” គឺការក្លាហានប្រថុយប្រថាន ជាមួយធ្វើចំណេះដឹង និងកម្រិតសមត្ថភាព សម្រាប់គ្រប់គ្រង រៀបចំកិច្ចការដដែល ប៉ុន្តែឱ្យប្រសើរជាងមុនជារៀងរាល់ថ្ងៃ ពោលគឺ ផ្ដោតទៅលើ ទៅលើគុណភាពការងារ ប្រសើរឡើង ។

ជាទូទៅអ្នកដែលបរាជ័យ កើតចេញពីការងារដែលគ្មានគុណភាព ។
សូមចងចាំថា: ដើម្បីឱ្យមានភាពប្រសើរឡើង គឺត្រូវចំណាយពេលវេលា រៀនពីបទពិសោធ..និងបន្តធ្វើ..
#បញ្ហាដ៏ធំនោះ គឺសំនួរមួយ ដែលត្រូវសួរថា:

តើអ្នក តាំងចិត្តគ្រប់គ្រាន់ ដើម្បីប្រថុយ ដើម្បីរៀន ដើម្បីបង្កើនសមត្ថភាព ដែរឬទេ? ហើយសូមចងចាំថា នៅក្នុងលោកយើងនេះ ប្រសិនបើគ្មានការប្រថុយ នោះមិនមានការរីកចម្រើនអ្វីឡើយ៕

និពន្ធដោយលោក សឿន តុលា ស្ថាបនិកក្រុមហ៊ុន ផា ផា យ៉ា PAPAYA NEXT STEP CO,.LTD. *PAPAYA REAL ESTATE (គម្រោងអភិវឌ្ឍន៍អចលនទ្រព្យ)

*PAPAYA HOMESTAY (គម្រោងលើវិស័យទេសចរណ៍)*PAPAYA GARDEN
(គម្រោងលើវិស័យកសិកម្មនិងចែកចាយអាហារ) ៕ល៕

ខេត្តសៀមរាប៖លោក ធឿន វុឌ្ឍី លេខាធិការដ្ឋាន ចលនាយុវជនកម្ពុជា (ក្រុម១៥៧)ស្រុកជីក្រែង ព្រមជាមួយសមាជិក សមាជិកា បាននាំយកអំណោយ ទៅចែកជូនប្រជាពលរដ្ឋ មុខផ្សារភូមិអូរ។

ការចែកនៅថ្ងៃពុធ ទី១៦ ខែមិថុនា ឆ្នាំ២០២១ នេះ តាមការណែនាំពីលោក ហ៊ុន ប៉ូគា ប្រធានសមាគមចលនាយុវជនកម្ពុជា(ក្រុម១៥៧) សាខាខេត្តសៀមរាប ដោយការចូលរួមពីអាជ្ញាធរសមត្ថកិច្ចមូលដ្ឋានផងដែរ។

ឆ្លៀតក្នុងឱកាសនោះដែរ លោក ធឿន វុឌ្ឍី បានអំពាវនាវដល់បងប្អូន ប្រជាពលរដ្ឋ ទាំងអស់ឱ្យបង្កើនការប្រុងប្រយ័ត្ន ការពារឱ្យបានខ្ពស់ ចំពោះជំងឺកូវីដ១៩ ជាពិសេសអនុវត្តតាមប្រសាសន៍របស់ សម្តេចតេជោ (៣កុំ ៣ការពារ ) ឲ្យបានខ្ជាប់ខ្ជួន ដើម្បីចៀសផុតពីជំងឺដ៏កាចសាហាវនេះ។អំណោយចែកចាយជូនរួម មាន៖-អាកុល ៧០លីត្រ -ម៉ាស ២៥០០ម៉ាស -ដបបាញ់អាកុល ២០០ដប -សាប៊ូ ១០០ដុំ+ក្នុងមួយនាក់ទទួលបាន៖-អាកុល ១ដប-សាប៊ូ ១ដុំ-ម៉ាស ១គូ៕SRP

ខេត្តសៀមរាប៖មានការលើកឡើងថាគេបានឈូសឆាយដីផ្នូរខ្មោច (កប់ខ្មោច)ធ្វើជាដីឡូតិ៍សម្រាប់លក់ ករណីនេះស្ថាបនិក របស់សមាគមសពគ្រីស្ទាន និងជាប្រធានសមាគម គ្រូគង្វាលប្រចាំខេត្តសៀមរាប គ្រោងដាក់ពាក្យប្តឹងទៅតុលាការ។

ដីផ្នូរខ្មោចឬកប់ខ្មោច ដែលត្រូវបានគេឈូសឆាយ បោះបង្គោលធ្វើជាដីឡូតិ៍ សម្រាប់លក់ ស្ថិតក្នុងភូមិបុស្សក្រឡាញ់ សង្កាត់ជ្រាវ ក្រុងសៀមរាប។

ស្ថាបនិករបស់សមាគមសព គ្រី ស្ទាន និងជាប្រធានសមាគមគ្រូគង្វាល លោកប្រាក់ វុទ្ធី បានថ្លែងតាមទូរស័ព្ទប្រាប់នៅថ្ងៃទី១៥ខែមិថុនាឆ្នាំ២០២១ ម្សិលមិញថា លោកនឹងប្តឹងទៅតុលាការ ចំពោះអ្នកឃុបឃិតគ្នាឈូសឆាយដីផ្នូរខ្មោចនេះ យកធ្វើជាដីពុះឡូតិ៍សម្រាប់លក់។ ដីនេះមានទំហំ៥០ម៉ែត្រគុណ១០០ម៉ែត្រស្ថិតក្នុងភូមិបុស្សក្រឡាញ់ សង្កាត់ជ្រាវ ក្រុងសៀមរាប។ កាលពីអំឡុងឆ្នាំ២០០៤ អង្គការ វិហារមេថីឌីសកម្ពុជា បានប្រគល់អោយសមាគមសពគ្រីស្ទាន ទុកសម្រាប់កប់សព។ អីចឹងទេចំពោះបុគ្គល ដែលឃុបឃិតគ្នារំលោភបំពានយកដីនេះធ្វើជាកម្មសិទ្ធិ ឬពុះឡូតិ៍លក់ត្រូវតែទទួលទោសតាមផ្លូវច្បាប់។

លោកបន្តថា ក្នុងរយៈកាលនេះខាងលោកមិន បានដឹងថា មានជនឃុបឃិតទៅឈូសឆាយផ្នូរខ្មោចដើម្បីយកដីពុះចែកគ្នាលក់អីចឹងទេ។ តែបើមានអីចឹងលោកនឹងរៀបចំដើម្បីដាក់ពាក្យប្តឹងលើជនដែលជាប់ពាក់ព័ន្ធទៅតាមផ្លូវច្បាប់។

លោក ក្អោប រ៉ន ចៅសង្កាត់ជ្រាវ បានថ្លែងថា ករណីនេះលោកនៅមិនទាន់ដឹងច្បាស់ដែរទេ តែអាចសួរទៅលោក ខន ទើបដឹងច្បាស់។

លោកឃុន សុខន ថៅកែដីឡូតិ៍ ក្នុងតំបន់សៀមរាប បានអោយដឹងថា ដីខាងលើនេះរូបលោកបានត្រៀមទិញមែន។ តែមិនទាន់ទិញទេ គ្រាន់តែកក់សម្ដីប៉ុណ្ណោះ ព្រោះរងចាំអោយអ្នកលក់រត់ច្បាប់បានសិន។ ឯការឈូសឆាយចាក់ដីនោះ ក៏មិនមែនរូបលោកដែរ។ អីចឹងទេសូមសួរទៅលោក ចាន់ ឆ្វៀល ព្រោះគាត់ជាម្ចាស់។

ទោះជាយ៉ាងណា បណ្ដាញសៀមរាបប៉ុស្ដិ៍ មិនអាចទំនាក់ទំនងស្វែងជួបដើម្បីសុំការពន្យល់ពីលោកចាន់ ឆ្វៀល ដែលអះអាងថាជាម្ចាស់ដីនេះបានទេ នៅថ្ងៃទី១៥ខែមិថុនាម្សិលមិញ។
ប៉ុន្តែលោក នួន ពុទ្ធារ៉ា អភិបាលក្រុងសៀមរាប បានបញ្ជាក់តាមទូរស័ព្ទថា រាល់ការឈូសឆាយពុះជាដីឡូតិ៍ត្រូវមានលិខិតកាន់កាប់ដី និងច្បាប់អនុញ្ញាតត្រឹមត្រូវ។ មិនចឹងទេគឺខុសច្បាប់។ តែបើដីខាងលើនៅជាប់ពាក់ព័ន្ធនិងសមាគម ខាងសមាគមអាចមកដាក់ ពាក្យនៅសាលាក្រុងបាន។

លោកអភិបាលក្រុងបន្តថា ថ្វីត្បិតអាជ្ញាធរក្រុងមិនទាន់បានចុះទៅពិនិត្យ ទីតាំងដីនោះពិតមែន តែបើពិនិត្យឃើញ ថាដីនោះស្ថិតក្រោមការគ្រប់គ្រង របស់អាជ្ញាធរបឹងទន្លេសាប សាលាក្រុងមិនអនុញ្ញាតច្បាប់ឡើយ។

យ៉ាងណាមិញ លោកប្រាក់ វុទ្ធី នៅតែបញ្ជាក់ជំហរ របស់ខ្លួនថា នឹងរៀបចំឯកសារដាក់ពាក្យប្តឹង ព្រម ទាំងធ្វើសន្និសីទកាសែត នៅលើដីផ្នូរខ្មោចតែម្តង ដើម្បីដឹងថា មានបុគ្គលណាខ្លះជាប់ពាក់ព័ន្ធ ហើយចេញមកតតាំង៕SRP

Sponsored

ខេត្តសៀមរាប៖នៅទីបំផុត កម្មករប្រុសស្រីជាង៧០នាក់ អ្នកធ្វើផ្លូវនៅក្រុងសៀមរាប បានទទួលបានឈ្នួលហើយ កាលពីថ្ងៃទី១២ ខែមិថុនា ឆ្នាំ២០២១ បន្ទាប់ពីបានធ្វើការតវ៉ា។

ក្រុមកម្មករធ្វើផ្លូវទាំងនោះ បានអោយដឹងថា ពួក គាត់ទាំងអស់គ្នា ទទួលបានប្រាក់ខែទាំងអស់គ្នាហើយគឺខែ៤និងខែ៥ គ្រាន់តែមានបញ្ហាខុសច្រឡំថ្ងៃឈប់ បន្តិចបន្តួចប៉ុណ្ណោះ។

សូមបញ្ជាក់ កម្មករប្រុសស្រីជាង៧០នាក់ កាលពីរសៀលថ្ងៃទី១១ខែមិថុនាឆ្នាំ២០២១ បាននាំគ្នាតវ៉ារឿងអ្នកម៉ៅការធ្វើផ្លូវ ព្យាពេលការបើកប្រាក់ខែ។

ក្រុមកម្មករបានទៅប្រមូលផ្តុំគ្នានៅទីតាំងស្នាក់ ការនៅរបស់អ្នកម៉ៅការ ក្នុងភូមិគោកចក សង្កាត់គោកចក ក្រុងសៀមរាប។ ប៉ុន្តែក្នុងពេលផ្ទុះការតវ៉ាខ្លាំង សមត្ថកិច្ចនគរបាល ក៏បាននាំអ្នកម៉ៅការផ្លូវនោះទៅកាន់សាលាសង្កាត់ បញ្ជៀសការផ្ទុះហិង្សា។

ក្រុមកម្មករបានរៀបរាបថា ពួកគាត់ទាំងជាង៧០ នាក់ ជាកម្មករធ្វើផ្លូវបេតុង១ខ្សែក្នុងគំរោង(៣៨)ខ្សែក្នុងសង្កាត់គោកចក ឈ្មោះថាផ្លូវលេខ០៧ ដែលគេនិយមហៅថា ផ្លូវពេទ្យ (រ៉ាក់)។ ពួកគាត់អ្នកខ្លះអត់ទាន់បើកប្រាក់តាំងខែ៣មក ឯខ្លះទៀតតាំងខែ៤មក។ នៅរសៀលថ្ងៃទី១១ខែមថុនា អ្នកម៉ៅការសន្យាបើក ប្រាក់ខែអោយ។ លុះពេលមកបើក បែជាឆ្លើយថាអត់ទាន់មានលុយ ទើបពួកគាត់តវ៉ាបែបនេះ។ ប៉ុន្តែកាល ពី ថ្ងៃទី១២ខែមិថុនា ពួកគាត់បានបើកប្រាក់ខែទាំងអស់គ្នាវិញហើយ៕SRP

ខេត្តសៀមរាប៖លោកសឿន តុលា ស្ថាបនិកក្រុមហ៊ុនផាផាយ៉ា បានសរសេរនូវអត្ថបទមួយក្រោមចំណងជើងថា«សុភមង្គល គឺជាទ្រព្យ»។

លោកសឿន តុលា បានសរសេរថា សុភមង្គល ដែលអ្នកជ្រើសរើសចេញពីក្នុងចិត្ត នាំឲ្យអ្នក មានលុយនិងមានទ្រព្យ ហើយតែងតែប្រសើរជាងការចង់បានតែលុយ និងទ្រព្យសម្បត្តិ ដើម្បីឱ្យមានសុភមង្គលនោះ។

មានគោលការណ៍ធំៗមួយចំនួន ដែលយើងត្រូវអនុវត្តជាប្រចាំថ្ងៃ ដើម្បីឲ្យមានសុភមង្គលក្នុងផ្លូវចិត្ត:
# រៀន បើកចិត្តទូលាយ ដោយបោះចោលភាពប្រកាន់និយមជ្រុល:
ការប្រកាន់ និយមតែគំនិតរបស់ខ្លួន យល់ថាខ្លួនជាអ្នកត្រឹមត្រូវ អ្នកនិងបាត់បង់ឱកាស រៀនពីអ្នកដែលមានគំនិតផ្សេងៗពីយើង ព្រមទាំង បាត់បង់ ភាពទំនាក់ទំនង ស្វែងយល់ពីគ្នាទៅវិញទៅមក ដើម្បីស្វែងយល់ នៅបុព្វហេតុរួម ។
# រក្សាភាពម្ចាស់ការ និង ប្រកាន់ជំហរម្ចាស់ការខ្លួនឯង:
សុភមង្គល ភាពរីករាយ មិនអាចកើតឡើងតែឯងបានទេ ប៉ុន្តែ យើងក៏មិនពឹងផ្អែក អ្នកដទៃ ផ្ដល់សុភមង្គលឲ្យយើងដែរ នៅក្នុងលោកយើងនេះ គ្មានអ្នកណាមួយ មិនជួបការលំបាក មិនជួបបញ្ហានោះទេ ដូច្នេះ ការមើលឃើញអ្នកដទៃ ប្រសើរជាងខ្លួន សប្បាយចិត្តជាងខ្លួន នោះពិតជាមិនត្រឹមត្រូវ សម្រាប់ខ្លួនយើងទេ ” សុភមង្គល គឺជាជម្រើសចេញពីក្នុងចិត្ត ដែលយើងចាប់ផ្ដើមគិត នឹងធ្វើ តែម្ដង ” អ្នកអាចឲ្យ សុភមង្គល ការលើកទឹកចិត្ត ដល់អ្នកដទៃ នៅពេលដែលអ្នក រៀនចាប់យក សុភមង្គល និង ចេះ ចាប់យក ការលើកទឹកចិត្តខ្លួនឯង ពីព្រោះ អ្នកអាចផ្ដល់ឱ្យអ្នកដទៃ នូវអ្វីដែលអ្នកមានប៉ុណ្ណោះ”។

# រៀនបត់បែន តាមកាលៈទេសៈ

ប្រសិនបើអ្នក ចេះរាំតែមួយបទ អ្នកមិនមានអារម្មណ៍ ល្អ នឹងសប្បាយចិត្តទេ ពីព្រោះ មានបទភ្លេងច្រើនណាស់ តើអ្នកត្រូវរាំបន្តទៀត..យើងអាចគ្រប់គ្រងខ្លួនយើងបាន យើងអាចមានវិន័យចំពោះខ្លួនយើងបាន យើងអាចទិញវត្ថុ ដែលយើងត្រូវការបាន ប៉ុន្តែក្នុងលោកយើងនេះ យើងមិនអាចគ្រប់គ្រង ឲ្យមានភាពសប្បាយ ពេញក្នុងដៃ របស់យើងបានដោយ ” សេដ្ឋកិច្ច មានឡើង មានចុះ ” ទំនាក់ទំនងក្នុងគ្រួសារឬមិត្តភក្កិក្នុងសង្គម មានល្អនឹងអត់ល្អ ទាំងអស់នោះ ទាមទារឲ្យយើង អត់ធ្មត់ និងបត់បែន ហើយចាប់យក ចំណុចល្អៗ ដើម្បីសន្សំក្នុងចិត្ត ហើយមានភាពរីករាយ ទោះស្ថិតក្នុង កាលៈទេសៈណាក៏ដោយ។ យ៉ាងហោចណាស់ អ្នកត្រូវសម្ដែងនូវអំណរគុណ ជាប្រចាំថ្ងៃ ដែលយើងបានដើរ ដែលយើងមានខួរក្បាលគិត ដែលយើងបានរស់រានមានជីវិត ដែលយើងមានលទ្ធភាព ប្រស្រ័យទាក់ទងគ្នាបាន មកដល់ថ្ងៃនេះ។
# រស់ក្នុងបច្ចុប្បន្នភាព: លុបបំបាត់រឿងលំបាកឈឺចាប់ កើតទុក្ខ និងគំនុំពីអតីតកាល ហើយកុំបណ្ដោយខ្លួន គិតចំណុចអវិជ្ជមានក្នុងពេលអនាគត។

ភាពស្ដាយស្រណោះ អ្វីដែលបានបាត់ ភាពឈឺចាប់ក្នុងអតីតកាល នឹងធ្វើឲ្យអ្នក
បាត់បង់កម្លាំងចិត្ត និងសុភមង្គលក្នុងពេលបច្ចុប្បន្ន រីឯ ការគិត ត្រេកត្រអាលចំពោះអនាគត នឹងធ្វើឲ្យអ្នក បាត់បង់ ភាពម៉ត់ចត់ និងភាពរីករាយ ក្នុងពេលបច្ចុប្បន្ន ។
អ្វីដែលយើងត្រូវធ្វើ គឺសប្បាយ រីករាយ ម៉ត់ចត់ ឲ្យអស់លទ្ធភាព ក្នុងពេលបច្ចុប្បន្ន ” ប្រសិនបើ យើង ធ្វើបានល្អ ក្នុងពេលបច្ចុប្បន្ន អនាគតយើង នឹងចាប់ផ្ដើម ពីថ្ងៃនេះទៅ”។

# គិតតែរឿងល្អ មើលតែចំណុចល្អ :
សូមចងចាំថា: លទ្ធផលដែលអ្នកបានទទួលមកដល់ថ្ងៃនេះ កើតចេញពីអ្វីអ្នកបានគិតក្នុងអតីតកាល ។
ប្រសិនបើអ្នកចាប់ផ្ដើមគិតល្អ ធ្វើតែរឿងល្អៗ អ្នកនឹងមានសុភមង្គល ដែលសុភមង្គលនោះ និងអ្នក ឲ្យមានទ្រព្យ មិនប្រាក់ កើនឡើង។
# រៀនលើកទឹកចិត្តខ្លួនឯង :
ពិភពលោក ឬពិភពខាងក្រៅ ពិតជាស្មុគស្មាញ អាចឱ្យយើង មានអារម្មណ៍ បាក់ទឹកចិត្ត និងអព្វមង្គល ប្រសិនបើយើង ទទួលយកលើសលប់ពេក ” មានផ្លូវតែមួយគត់ ដែលអ្នកត្រូវដើរ គឺកើតលើកទឹកចិត្តខ្លួនឯង ជាប្រចាំ ឲ្យបានច្រើនដង ជារៀងរាល់ថ្ងៃ ហើយក្លាយជា ” អ្នកជំនាញ ការលើកទឹកចិត្ត ឲ្យខ្លួនឯង”
# ទទួលយកការលំបាក ឲ្យក្លាយជាការពិត ដើម្បីរកដំណោះស្រាយ:
ជម្លោះកើតឡើង ក្នុងគ្រួសារ ឬក្នុងក្រុមការងារ រឿងក្នុងចិត្តរបស់យើង ដោយសារតែ ភាគច្រើនបំផុត មនុស្សមិនចង់ទទួលការលំបាក សូមចងចាំថា: នៅក្នុងលោកយើងនេះ គ្មានអ្វីលំបាកនោះទេ លើកលែងតែមនុស្សលំបាកប៉ុណ្ណោះ ពីព្រោះ ពួកគាត់ខ្ជិលគិត ពូគាត់ខ្ជិលធ្វើ ដោយសារតែពួកគាត់ចង់បានភាពងាយស្រួល។
# ចេះគោរពខ្លួនឯង
ការរៀនគោរពខ្លួនឯង គឺជាតម្លៃ ថ្លៃជាងគ្រាប់ពេជ្រ ឬជាងអ្វីទាំងអស់ សូមចូលចាំថា ” នៅពេលដែលយើងបាត់បង់ការគោរពខ្លួនឯង គឺយើងបាត់បង់ការស្រលាញ់ខ្លួនឯង នៅសល់តែ ភាពស្អប់ នឹងជម្លោះតែប៉ុណ្ណោះ ” នៅពេលដែលស្អប់ចូលខ្លួន យើងចាប់ផ្ដើមមើលជ្រុងអាក្រក់ យើងចាប់ផ្ដើមកុំគួនសងសឹក និងការយកឈ្នះយកចេញ ” ការយកឈ្នះយកចាញ់ មិនអាចពាំនាំ សុភមង្គលបានឡើយ ប៉ុន្តែការរៀនលត់ដំខ្លួនដើម្បីសុភមង្គល គឺជាទ្រព្យនៃជីវិត ”

និពន្ធដោយលោក សឿន តុលា ស្ថាបនិកក្រុមហ៊ុនផា ផា យ៉ា
PAPAYA NEXT STEP CO,.LTD.* PAPAYA REAL ESTATE(គម្រោងអភិវឌ្ឍន៍អចលនទ្រព្យ)*PAPAYA HOMESTAY(គម្រោងលើវិស័យទេសចរណ៍)*PAPAYA GARDEN (គម្រោងលើវិស័យកសិកម្មនិងចែកចាយអាហារ)

ខេត្តសៀមរាប៖តុលាការខេត្តសៀមរាប នៅរសៀលថ្ងៃទី១៣ ខែមិថុនា ម្សិលមិញ បានសម្រេចឃុំខ្លួន ជនបរទេសម្នាក់ ពីបទ:ទិញពេស្សាចារកុមារ។

នាយការិយាល័យនគរបាលប្រឆាំងការជួញដូរមនុស្ស និងការពារអនី តិជនខេត្ត លោកជា ហេង បានអោយដឹងថា ជនបរទេសនេះត្រូវបានចាប់ខ្លួនកាលពីល្ងាចថ្ងៃទី១១ខែមិថុនាឆ្នាំ២០២១។

លោកបន្តថា ដំណើររឿងកាលពីថ្ងៃទី១០ ខែ មិថុនា ឆ្នាំ២០២១ ម្តាយក្មេងរងគ្រោះ៣នាក់បានមកដាក់ពាក្យបណ្តឹង លើជនបរទេសម្នាក់មិនស្គាល់ឈ្មោះ និងសញ្ជាតិ។ តែក្មេងៗស្គាល់មុខច្បាស់ហើយហៅថា teacher។ ក្រោយពីទទួលពាក្យបណ្តឹងរួច សមត្ថកិច្ចបានសម្ភាសន៍ក្មេងស្រីរងគ្រោះ៤នាក់ដែលមានឈ្មោះដូចខាងក្រោម:

ទី១, ឈ្មោះ យ.ណ.ភេទស្រី អាយុ១២ ឆ្នាំ
២, ឈ្មោះ រ. ឡ.ភេទ ស្រី អាយុ ១២ឆ្នាំ
៣, ឈ្មោះ ផ.ព.ភេទ ស្រី អាយុ១៣ឆ្នាំ
៤, ឈ្មោះ រ. ល. ភេទស្រី អាយុ ១០ ឆ្នាំ

ពួកគាត់បំភ្លឺថា ជនបរទេសនោះ បានហៅពួកខ្លួនទៅផ្ទះក្នុងភូមិថ្មី សង្កាត់ស្វាយដង្គុំ ក្រុងសៀមរាប ទិញទូរស័ព្ទម៉ាកOPPOឲ្យម្នាក់១គ្រឿង។ បន្ទាប់មកជននេះអោយប្រាក់ពី១០ដុល្លារ រហូតឡើងដល់១០០ ដុល្លារ និងបានអោយពួកខ្លួនលេងប្រដាប់ភេទគាត់ ហើយគាត់បានលេងប្រដាប់ភេទរបស់ពួកខ្លួនវិញ ព្រមទាំងច្របាច់ដោះ អោបថើប។ ជនបរទេសនេះបានធ្វើមកលើពួកខ្លួនជាច្រើនលើកក្នុងពេលហៅទៅជួប។

លោកជា ហេង អោយដឹងទៀតថា ក្រោយពីការសម្ភាសន៍ លោកបានរាយការណ៍ទៅព្រះរាជអាជ្ញា សុំដីកា បើកការស៊ើបអង្គេតបឋម។ លុះថ្ងៃទី១១ខែមិថុនាឆ្នាំ២០២១ លោកបានកោះហៅជនបរទេសនោះមកសាកសួរ។

ជនសង្ស័យឈ្មោះ Xavier Vincent G ភេទប្រុស កើតថ្ងៃទី ០២ខែកុម្ភៈឆ្នាំ១៩៧០ ជនជាតិបែលហ្សិច កាន់លិខិតឆ្លងដែនលេខ ER595994។ ជននេះឆ្លើយថាគាត់ស្គាល់ក្មេងរងគ្រោះទាំង ៤នាក់នោះ ពិតប្រាកដមែន និងធ្លាប់បានទិញទូរស័ព្ទអោយ និងអោយលុយក្មេងៗនោះចាយ ធ្លាប់ទិញនំចំណីអោយនិងធ្លាប់នាំដើរលេងទៅកាន់ភ្នំគូលែន ប៉ុន្តែគាត់ មិនបានបំពារបំពានផ្លូវភេទទៅលើកុមារនោះទេ។

បើតាមលោកជា ហេង បញ្ជាក់ថា ក្រោយពីសាកសួរ ពិនិត្យចម្លើយ ស៊ីសង្វាក់គ្នា ពេលវេលាកន្លែងកើតហេតុ និងការផ្តល់លុយកាត់ សម្ភារ លោកព្រះរាជអាជ្ញា មាស ច័ន្ទពិសិទ្ធ បញ្ជាអោយឃាត់ខ្លួនហើយតុលាការឃុំខ្លួនចោទប្រកាន់ បទ:ទិញពេស្យាចារកុមារ៕SRP

Sponsored