ខេត្តសៀមរាប

ខេត្តសៀមរាប៖អំណោយសម្ភារនិងទេយ្យទានួមមាន ទៀនចំណាំវស្សាចំនួន ២២គូ .សាដក ១១០កញ្ចប់ មីជាតិ៤៤កេស ត្រីខ៤៤យួរ ទឹកត្រី៤៤យួរ ទឹកស៊ីអ៉ីវ៤៤យួរ ទឹកសុទ្ឋ៤៤កេស ទឹកក្រូច៤៤កេស អង្ករ១.១០០គ.ក្រ ដំណាប់ស្វាយ២០០កញ្ចប់ ម៉ាស១១០០០ម៉ាស អង្ករសុខភាព២០០កញ្ចប់ អាល់កុល៤៤កានស្មើនឹង១៣២០លីត្រ សរុបថវិកាចំណាយទាំងអស់ជាង ៤០លានរៀល ត្រូវបាន លោក ង៉ាន់ ភិរុណ អភិបាលរងខេត្ត និងជាប្រធានក្រុមការងារខេត្ត ចុះជួយមូលដ្ឋានស្រុកបន្ទាយស្រី ដឹកនាំសមាជិក សមាជិកា ក្រុមការងារ នាំយកប្រគេនព្រះសង្ឃ ដែលគង់ចាំព្រះវស្សា សម្រាប់វត្តនិងអាស្រមទាំង២២ ក្នុងស្រុកបន្ទាយស្រី ទៅតាមគន្លងប្រពៃណីព្រះពុទ្ធសាសនា។

ការប្រគេនធ្វើឡើង នៅថ្ងៃទី២២ខែកក្កដាឆ្នាំ២០២១នេះ។

សូមជម្រាបថាគ្រឿងឧបភោគបរិភោគ និងទេយ្យទានទាំងនេះ សម្រាប់ព្រះភិក្ខុសង្ឃប្រើប្រាស់ ពេលចូលព្រះវស្សា ក៏ដូចជាតបទៅនឹងតម្រូវការចាំបាច់នៃដំណាក់កាល ជួបការលំបាកដោយជំងឺកូវី-១៩ រាតត្បាតឆ្លងចូលសហគមន៍ ជាបន្តបន្ទាប់ ហើយប្រជាពលរដ្ឋត្រូវគោរពតាមសេចក្តីណែនាំនិងវិធានការ៣ការពារ ៣កុំ របស់រាជរដ្ឋាភិបាល ដោយពួកគាត់ ពុំបានទៅជួបជុំធ្វើបុណ្យទាន ឬពិធីសាសនាផ្សេងៗ ដូចពេលមុនឡើយ ជាហេតុបណ្តាលឱ្យវត្ត និងអាស្រមមួយចំនួនជួបនូវការខ្វះខាតផ្នែកចង្ហាន់និងភេសជ្ជៈ៕SRP

ខេត្តសៀមរាប៖រថយន្តចំនួន២គ្រឿងបានបុកគ្នាបណ្ដាលឲ្យឆេះទាំងពីរ និងមនុស្ស ២ នាក់បានរងរបួស។

ហេតុការណ៍បានកើតឡើង នៅថ្ងៃព្រហស្បតិ៍ ទី២២ ខែកក្កដា ឆ្នាំ២០២១វេលាម៉ោង០.៥០នាទី លើផ្លូវជាតិលេខ៦ បង្គោលគីឡូម៉ែត្រលេខ៣៣០. ៣៣១ ភូមិគោកថ្មី ឃុំពួក ស្រុកពួក ខេត្តសៀមរាប។

យោងតាមរបាយការណ៍របស់ប៉ូលិសស្រុកពួកបានបង្ហាញថា គ្រោះថ្នាក់ចរាចរណ៍នេះរថយន្តម៉ាកTRAILERពាក់ស្លាកលេខកំពង់ចាម3A8132 សណ្តោងស៊ឺមីរ៉ឺម៉កពាក់ស្លាកលេខ ភព4A.8127 ពណ៌ខៀវបើកបរដោយឈ្មោះ អាំ ធារី ភេទប្រុស អាយុ៣២ឆ្នាំ នៅភូមិព្រៃចម្លាក់ ឃុំកញ្ជូ ស្រុកឆ្លូងខេត្តក្រចេះ ដឹកមនុស្សម្នាក់ ឈ្មោះអាំ ដារី ភេទប្រុស អាយុ២៥ឆ្នាំ នៅភូមិឃុំជាមួយគ្នា ពីកើតទៅលិចបានបុកជាមួយសត្វក្របីឆ្លងផ្លូវ ពីត្បូងទៅជើង ហើយរថយន្តរេចង្កូតទៅបុករថយន្តមួយទៀត ម៉ាកហ៊ីយ៉ាន់ដាយពាក់ស្លាកលេខកំពង់ចាម3B.0773 សណ្តោងស៊ឺមីរ៉ឺម៉កពាក់ស្លាកលេខ ភ្នំពេញ4A2947 ពណ៌ខៀវបើកបរមិនស្គាល់ អត្តសញ្ញាណគេចខ្លួនបើកបរពីទិសខាងលិច ទៅទិសខាងកើត។

ករណីនេះបណ្តាលឲ្យរបួសមនុស្សចំនួន២នាក់១/ឈ្មោះអាំ ធារី ២/អាំ ដារី បានសង្គ្រោះនៅមន្ទីរពេទ្យបង្អែកស្រុកពួក។ ចំណែករថយន្តទាំង២គ្រឿង បានឆេះទាំងពីរ និងងាប់ក្របីញី១ក្បាល។

របាយការណ៍បានបន្តថាមូលហេតុដោយសាសត្វក្របីរត់ឆ្លងផ្លូវនិងអ្នកបើកបររថយន្តTRiALRបើកបរល្បឿនលឿនខ្វះការប្រុងប្រយ័ត្ន។ ក្នុងពេលកំពុងកើតហេតុរថយន្តពន្លត់អគ្គិភ័យស្រុក១គ្រឿង និងរថយន្តពន្លត់អគ្គិភ័យរបស់ស្នងការខេត្តមួយគ្រឿងបានជួយអន្តរាគន៍ប្រើប្រាស់ទឹកអស់៣ឡាន និងបានរលត់ទាំងស្រុងនៅម៉ោង២និង៣០នាទី៕SRP

ខេត្តសៀមរាប៖បុរសម្នាក់ត្រូវបានប៉ូលិសប៉ុស្តិ៍ឃុំត្រពាំងធំ នៃស្នងការខេត្តសៀមរាប ចាប់ខ្លួនករណីលេងល្បែងស៊ីសង។

ការចាប់ខ្លួនធ្វើឡើងនៅ ថ្ងៃទី១៩ ខែកក្កដា ឆ្នាំ២០២១ នៅភូមិអន្លង់ពីរ ឃុំត្រពាំងធំ ស្រុកប្រាសាទបាគង ខេត្តសៀមរាប។

ប៉ូលិសខេត្តសៀមរាបបានឲ្យដឹងថាជនសង្ស័យ មានឈ្មោះ ប៉ក់ ប៉ាន់ អាយុ ៤៩ឆ្នាំ នៅភូមិភ្នំដី ឃុំត្រពាំងធំ ស្រុកប្រាសាទបាគ ខេត្តសៀមរាប។

ប៉ូលិសបានបន្តថា ការបង្ក្រាបនេះដកហូតវត្ថុតាងរួមមាន៖ មេអាប៉ោង១គ្រាប់,កំរាលសម្រាប់ចាក់លុយ១,គំរ៉ប១,ចានបាញ់មេ១ និងចានទ្រ១។

ជនសង្ស័យ បានសារភាពថាពិតជាបានលេងស្បែងស៊ីសងខុសច្បាប់ពិតមែន(លេងអាប៉ោង) ហើយសម្ភារខាងលើគឺជារបស់គាត់ពិតមែន ហើយគាត់ជាអ្នកបាញ់មេផ្ទាល់។

បើតាមប៉ូលិសបានបញ្ជាក់ថាក្រោយសាកសួរ សមត្ថកិច្ចបានបញ្ជូនជនសង្ស័យទៅការិយាល័យ នគរបាល ព្រហ្មទណ្ឌកម្រិតស្រាល នៃស្នងការខេត្តសៀមរាបដើម្បីអនុវត្តតាមផ្លូវច្បាប់៕SRP

ខេត្តសៀមរាប៖ថៅកែគ្លីនិកឯកជនយីហោ ស៊ឹង រិទ្ធីរ៉េត និងជាអនុប្រធានមន្ទីរសុខាភិបាលខេត្តផងនោះ បានត្រូវប៉ូលិសពាក់សក្ត័៤កន្លះម្នាក់ ប្តឹងទៅសាលាឧទ្ធរណ៍ពីបទ រំលោភលើទំនុកចិត្ត ដែលមានទឹកប្រាក់រហូត២៣៥០០០ដុល្លារអាមេរិក។

ថៅកែគ្លីនិកឯកជន និងជាអនុប្រធានមន្ទីរសុខាភិបាលខេត្តសៀមរាប ដែលរងបណ្តឹង ពីបទរំលោភលើទំនុកចិត្តនោះ មានឈ្មោះ ស៊ឹង រិទ្ធីរ៉េត។ ចំណែកដើមបណ្តឹងមានឈ្មោះសំ សុខហេន ជាវរសេនីយ៍ទោ មានតួនាទីនាយរងការិយាល័យបច្ចេកទេសវិទ្យាសាស្ត្រនៃស្នងការនគរបាលខេត្តសៀមរាប។

ដើមបណ្តឹងលោកសំ សុខហេន បានផ្តល់បទ សម្ភាសន៍ដោយផ្ទាល់ថា កាលថ្ងៃទី៣១ខែឧសភាឆ្នាំ ២០១៩ រូបលោកនិងឪពុក រួមទាំងចុងបណ្តឹង បានព្រមព្រៀងគ្នាទិញដីនិងផ្ទះមួយកន្លែង ក្នុងភូមិវត្តបូព៌សង្កាត់សាលាកំរើក ក្រុងសៀមរាប តម្លៃ៥៦ម៉ឺនដុល្លារ។ ក្នុងនោះរូបលោកមានចំណែក២៥គាគរយ ឪពុក២៥ ភាគរយ ហើយចុងបណ្តឹង៥០ភាគរយ ដោយស្រាក់គ្នាខ្ចីលុយពីធនាគារ។ ក្រោយពេលទិញហើយក៏ត្រូវបានអ្នកផ្សេងមករកទិញវិញដោយអោយតម្លៃ៩៦ម៉ឺនដុល្លារ តែពួកគាត់ទាំង៣ភាគហ៊ុនសម្រេចមិនលក់ ដោយព្រមព្រៀងជួលអោយចុងបណ្តឹងធ្វើជាគ្លីនិកក្នុង១ខែ៣០០០ដុល្លារ។ ក្នុងពេលព្រមព្រៀងគ្នា ចុងបណ្តឹងបានរៀបចំជួសជុលហើយបង្កើតជាគ្លីនិកតែម្តង។

លោកបន្តថា ក្នុងកំឡុងពេលដំណើរការជួស ជុលរៀបចំ រូបលោកបានធ្វើលិខិតមួយច្បាប់បញ្ជាក់ពីចំណែកហ៊ុនទាំង៣ និងកិច្ចសន្យាជួល។ ប៉ុន្តែក្នុងពេលអោយលិខិតទៅចុងបណ្តឹងផ្តិតមេដៃ ចុងបណ្តឹងចេះតែពន្យាពេល រហូតចុងក្រោយឆ្លើយតបមកវិញថា ដីផ្ទះរបស់គាត់ឈ្មោះកម្មសិទ្ធិរបស់គាត់ ខ្ចីធនាគារក៏ឈ្មោះរបស់គាត់ តើមានរឿងអីត្រូវគាត់ផ្តិតមេដៃជួលនិងចែកភាគហ៊ុន។

លោកសំ សុខហេន អោយដឹងទៀតថា បន្ទាប់ពីចុងបណ្តឹងឆ្លើយថាដីផ្ទះនោះជារបស់គាត់តែម្នាក់រូបលោក បានដាក់ពាក្យប្តឹងទៅតុលាការសៀមរាប ដោយចោទពីបទ រំលោភលើទំនុកចិត្ត។ តែនៅថ្ងៃទី២៤ ខែមិថុនាឆ្នាំ២០២១នេះ សាលាដំបូងខេត្តសៀមរាបសម្រេចតម្កល់រឿងឥតចាត់ការ។

លោកសំ សុខហេន បានអោយដឹងទៀតថា ក្នុងការព្រមព្រៀងទិញដីនិងផ្ទះចូលគ្នា៣ ចំណែកនេះ ខ្ចីលុយធនាគារក៏ខ្ចីទាំង៣ចំណែក ហើយបង់ប្រាក់សងធនាគារវិញក៏៣ចំណែកដូចគ្នា។ គ្រាន់តែអោយចុងបណ្តឹងជាអ្នកចេញមុខដាក់ឈ្មោះទិញ និងចេញមុខខ្ចីធនាគារ ព្រោះរូបគាត់ជាបងនិងជាកូនរបស់សហភាគហ៊ុន។ ប៉ុន្តែបុគ្គលចុងបណ្តឹង ដែលត្រូវជាបង និងត្រូវជាកូន ធ្វើបែបនេះទៅវិញ។ រូបលោកនិងឪពុកដែលជាម្ចាស់ភាគហ៊ុន មានឯកាសារទូទាត់ប្រាក់ទៅធនាគារ និងទៅចុងបណ្តឹងទាំងអស់។ ក្នុងនោះសម្រាប់រូបលោក ដែលត្រូវជាប្អូនរបស់ចុងបណ្តឹងមានចំណែក២៥ភាគរយគឺស្មើទឹកប្រាក់ ២៣៥០០០ដុល្លារ។ តែតុលាការសៀមរាបតម្កល់រឿងឥតចាត់ការ។ ហេតុដូច្នេះហើយទើបរូបលោក សម្រេចប្តឹងបន្តទៅសាលាឧទ្ធរណ៍ ដោយចោទពីបទ រំលោភលើទំនុកចិត្ត ហើយលោករំពឹងថា នឹងទទួលបានភាពយុត្តធម៌។

ជុំវិញការចោទប្រកាន់នេះ លោកស៊ឹង រិទ្ធីរ៉េត ម្ចាស់គ្លីនិកយីហោ ស៊ឹង រិទ្ធីរ៉េត និងជាអនុប្រធានមន្ទីរសុខាភិបាលខេត្តសៀមរាប បានផ្តល់បទសម្ភាសន៍ ដោយផ្ទាល់ថា រូបលោកជាម្ចាស់កម្មសិទ្ធិដីមានប្លង់ស្រប់ច្បាប់ ហើយក៏ជាអ្នកខ្ចីធនាគារ ដោយផ្ទាល់ផងដែរ។ រឿងបុគ្គលដើមចោទអះអាងយ៉ាងណានោះ គឺជាការប្រឌិតព្រោះតែចង់បានទ្រព្យរបស់លោកតែប៉ុណ្ណោះ។

លោកបន្តថា សម្រាប់លោក គឺមិនបរិយាយវែងទេ ពីព្រោះសំអាងលើឯកសារ ម្យ៉ាងវិញទៀត តុលាការបាន សម្រេចតម្កល់រឿងឥតចាត់ការរួចទៅហើយ។ ចឹងទេទោះគាគីប្តឹងទៅណាទៀតក៏មិនជាអ្វីដែរ។

ទោះជាបែបនេះ មហាជននៅក្នុងខេត្តសៀមរាប រងចាំមើលថា តើរឿងក្តីដែលមានទំហំទឹកប្រាក់រហូតជាង២៣ម៉ឺនដុល្លារនេះទៅជាយ៉ាងណា។ម្ខាងជាប៉ូលិសមានឋាន: ឯម្ខាងទៀត ជាមន្ត្រីមានមុខមាត់ ពិសេសជាថៅកែគ្លីនិកដ៏ល្បីល្បាញ ប្រចាំខេត្តសៀមរាប ទៀតផង៕SRP

ខេត្តសៀមរាប៖ប៉ូលិសស្រុកស្វាយលើ ចាប់ខ្លួនមនុស្សចំនួន២នាក់ ពីបទធ្វើចរាចរណ៍ក្រដាសប្រាក់រៀលក្លែងក្លាយ។

ប៉ូលិសខេត្តសៀមរាបបានឲ្យដឹងថាការចាប់ខ្លួនធ្វើឡើងនៅថ្ងៃទី១៩ ខែកក្កដា ម្សិលមិញ ក្រោយទទួលបណ្តឹងពីប្រជាពលរដ្ឋ។

ប៉ូលិសបានបន្តថាជនសង្ស័យ ១.ឈ្មោះ រ៉េត ពន្លក ភេទប្រុស អាយុ៣១ឆ្នាំរស់នៅភូមិបាខម ឃុំសំពងជ័យ ស្រុកជើងព្រៃ ខេត្តកំពង់ចាម។

២.ឈ្មោះ លឹម ឡៃហ៊ាង ភេទស្រី អាយុ ២៦ ឆ្នាំ ទីលំនៅភូមិបាខម ឃុំសំពងជៃ ស្រុកជើងព្រៃខេត្តកំពង់ចាម។

ក្នុងប្រតិបត្តិការ នេះសមត្ថកិច្ចបានឆែកឆេរកាបូបជនសង្ស័យ រកឃើញក្រដាសប្រាក់ក្លែងក្លាយចំនួន១៥,៧០០,០០០៛(ដប់ប្រាំលានប្រាំពីរសែនរៀល) ក្នុងនោះក្រដាស៥០០០០រៀល ចំនួន១៣,៩០០,០០០៛(ដប់បីលានប្រាំបួនសែនរៀល) ក្រដាស១០០០០រៀលចំនួន១,៨០០,០០០៛(មួយលានប្រាំបីសែនរៀល) និងប្រាក់រៀល (ប្រាក់សុទ្ធ)មួយចំនួន។ ក្រៅពីនោះឃើញមានអត្តសញ្ញាណប័ណ្ណ កាតធនាគារប័ណ្ណបើកបរ ទូរស័ព្ទដៃ កាតទូរស័ព្ទmetfoneនិងកាតទូរស័ព្ទsmart មួយចំនួនទៀត។

ជនសង្ស័យបានសារភាពថា៖ពួកខ្លួនបានធ្វើសកម្មភាពជិះម៉ូតូមកពីខេត្តព្រះវិហារ មកកាន់ខេត្តសៀមរាប ឆ្លងកាត់តាមផ្លូវជាតិលេខ៦៤ ដោយនាំយក ក្រដាសប្រាក់ ក្លែងក្លាយ(ក្រដាសប្រាក់ ៥០០០០រៀលនិង១០០០០រៀល) មកចាយ នៅក្នុងភូមិសាស្រ្តឃុំស្វាយលើ។ ករណីនេះត្រូវបានសម្ថកិច្ច កសាងសំណុំរឿង តាមនិតិវិធីច្បាប់៕SRP

ខេត្តសៀមរាប៖លោក សឿន តុលា ស្ថាបនិកក្រុមហ៊ុនផាផាយ៉ា បាននិពន្ធនូវអត្ថបទមួយក្រោមចំណងជើងថា«ភាពស្មោះត្រង់ និង ក្លាហាន»។

លោក សឿន តុលា បានសរសេរថា” ភាពក្លាហាន មានន័យថាមាន ការប្រថុយ ទាំងអស់នោះកើតឡើងសម្រាប់សហគ្រិន ដើម្បីឱ្យ អាជីវកម្ម មានភាពការរីកចម្រើន” ជាទូទៅ គ្មាននរណាម្នាក់ ដឹងថា មានអ្វីខ្លះកើតឡើងចំពោះជាតិរបស់យើងក្នុងពេលអនាគតបានទេ   ពីព្រោះ អនាគត គឺជាអាថ៌កំបាំង សម្រាប់យើងគ្រប់គ្នា  នៅទីនេះ ការសម្រេចចិត្ត ក្លាហាន ដាក់គោលដៅ ហ៊ានចាប់យក ការដាក់វិន័យក្នុងខ្លួន  ដើម្បីអោយចេញផុត ពីទម្លាប់ធម្មតា ផ្លាស់ប្ដូរមកវិញ នៅទម្លាប់ថ្មី

សូមចងចាំថា សកម្មភាពដែលយើងធ្វើបច្ចុប្បន្ននេះត្រូវបានបែងចែកជាទម្លាប់ 2 ដែលបែងចែកផ្ទុយគ្នាដាច់ស្រឡះ 1 ទម្លាប់ប្រចាំថ្ងៃ  គឺជាថ្នាំបំពុលឲ្យយើងស្លាប់។ 2: ទម្លាប់ប្រចាំថ្ងៃ គឺជាអ្នកបម្រើដ៏ល្អសម្រាប់ជីវិតរបស់យើងភាពក្លាហានដែលល្អបំផុត គឺការយកឈ្នះទម្លាប់របស់យើង ហើយស្មោះត្រង់ចំពោះខ្លួនឯង។

យ៉ាងណាមិញ សម្រាប់អាជីវកម្ម ប្រសិនបើយើង ធ្វើរឿងដដែលៗ ហើយគ្មានការប្រថុយបន្ថែម និងមានភាពស្មោះត្រង់  ចំពោះចំនុចខ្សោយ  ដើម្បីរៀន បង្កើនសមត្ថភាព នោះទេ  គុណភាពការងារ ត្រូវបានធ្លាក់ ចុះ  ហើយលក្ខណៈសម្បត្តិនៃមនុស្សជុំវិញខ្លួនមិនអាចជះឥទ្ធិពលល្អ ដល់សាធារណៈបណ្ដោយ។

ប្រភពប្រាក់ចំណូល ដើម្បី និរន្តរភាពការងារនិងបង្កើនប្រាក់ចំណេញរបស់អាជីវកម្មប្រាកដណាស់  មិនអាចកើតឡើងបានទេ ”  និយាយរួមការប្រថុយប្រថានពិតប្រាកដ  គឺការយកឱ្យឈ្នះខ្លួនឯង ដោយស្មោះត្រង់និងជាមួយសមត្ថភាពរបស់ខ្លួន ឲ្យកើនឡើងមួយកម្រិតទៀតតាមរយៈធ្វើការសម្រេចចិត្ត  ដើម្បីឲ្យបានរីកចម្រើនទៅមុខ។

សូមចងចាំថា ” អ្នកដែលប្រថុយហើយបានជោគជ័យ ពួកគាត់ដក់ជាប់ក្នុងចិត្តថា : ” គ្មានទេបរាជ័យ   រឿងរ៉ាវដែលកើតឡើង គ្រាន់តែឧបសគ្គ បណ្ដោះអាសន្ន ដើម្បីឱ្យពួកគេ មានការគិត ធ្វើការពិចារណា ទៅលើវិធីផ្សេងៗ  ដើម្បីឲ្យបានសម្រេចគោលដៅតែប៉ុណ្ណោះ”

ពួកគាត់មិនងាកក្រោយមើលឃើញផ្លូវបរាជ័យ ដើម្បីឲ្យ ឱ្យមានលេសផ្សេងៗ ដោយមិនបានទទួលស្គាល់ អំពីចំនុចខ្វះខាតរបស់ខ្លួនឡើយ ពីព្រោះពួកគាត់គិតថា ការបរាជ័យ  គ្រាន់តែជារឿងបណ្ដោះអាសន្នតែប៉ុណ្ណោះ ហើយគ្មានថ្ងៃដែលពូគាត់ចាប់យករបរថ្មី នៅពេលដែលកិច្ចការដែលពួកគាត់កំពុងធ្វើ  កំពុងតស៊ូ ជំនះឧបសគ្គ បានឡើយ ពោលពួកគេ ទទួលខុសត្រូវនូវអ្វីដែលពួកគេបានចាប់ផ្ដើម ។

សំណួរដែលត្រូវសួរគឺថា: តើអ្នក ស្វែងយល់ ដើម្បីដាក់គោលដៅអ្វី  សម្រាប់ជីវិតរបស់ខ្លួន ដែរឬទេ ? នៅក្នុងលោកយើងនេះ  មនុស្សដែលមិនដាក់គោលដៅ  តែងតែធ្វើការឲ្យអ្នកដែលបានដាក់គោលដៅ។

ហើយមនុស្សដែលមានផែនការនិងគោលដៅ  ពួកគេមិនបោះបង់ឡើយ

ដូចនៅក្នុងសៀវភៅ ” Think And Grow Rich by Nepoleon Hill ” គាត់បានសរសេរថា ” អ្នកជោគជ័យមិនដែលបោះបង់  រីឯអ្នកបោះបង់មិនដែលជោគជ័យ” នោះដោយសារពួកគេ យល់ច្បាស់អំពីតំលៃ នៃការដាក់គោលដៅ និងតម្លៃការតស៊ូចំពោះការលំបាក។

សូមឱ្យការប្រថុយរបស់អ្នក គឺជាគ្រាប់ពូជដើម្បីឈានទៅរកភាពជោគជ័យ នៃសមត្ថភាពរឹងមាំ  សូមចងចាំថា នៅពីក្រោយឆាករបស់មនុស្សខ្លាំង  គឺពួកគេ មិនឲ្យខ្លួនឯង មានជម្រើសឡើយ ” ពួកគេមិនអាចប្រើពាក្យថា: ” ប្រសិនបើបរាជ័យ ..ខ្ញុំនឹង……” នោះទេ  គេស្មោះត្រង់ជាមួយនិងកំហុស ហើយពួកគេ មានភាពដាច់ខាត ចំពោះជ័យជំនះ៕

និពន្ធដោយលោក សឿន តុលា ស្ថាបនិកក្រុមហ៊ុន ផា ផាយ៉ា PAPAYA  NEXT STEP CO,.LTD.*PAPAYA REAL ESTATE (គម្រោងអភិវឌ្ឍន៍អចលនទ្រព្យ)*PAPAYA HOMESTAY(គម្រោងលើវិស័យទេសចរណ៍)*PAPAYA GARDEN  (គម្រោងលើវិស័យកសិកម្មនិងចែកចាយអាហារ)

ខេត្តសៀមរាប៖លោក អៀម វ៉ាន់ដែត តំណាងក្រុមហ៊ុនអចលនទ្រព្យ E&T សៀមរាប ដែលមានទីតាំងស្ថិតនៅផ្លូវ(ហៃវេដុំគីឡូរ១៧) ក្នុងភូមិថ្នល់ ឃុំរុនតាឯក ស្រុកបន្ទាយស្រី ខេត្តសៀមរាប បានជួយឧបត្ថម្ភថវិកាចំនួន«២លានរៀល» និងលោក កា ធី ម្ចាស់ហាងសែនសប្បាយក្លាស៊ីក ជួយឧបត្ថម្ភទឹកសុទ្ធ ចំនួន១០០យួរ ជូនដល់ក្រុមការងារយុវជនស្រុកបន្ទាយស្រី ដើម្បីជួយសម្រួលដល់ការហូបចុក ក្នុងអំឡុងពេលចូលរួមយុទ្ធនាការ ចាក់វ៉ាក់សាំងបង្ការជំងឺកូវីដ-១៩ ជូនប្រជាពលរដ្ឋ នៅទូទាំងស្រុកបន្ទាយស្រី។

សូមជម្រាបថាក្រុមហ៊ុនអចលនទ្រព្យ E&T សៀមរាប ស្ថិតនៅភូមិថ្នល់ ឃុំរុនតាឯក ស្រុកបន្ទាយស្រី។ ក្រុមហ៊ុនអចលនទ្រព្យ E&T សៀមរាប មានដីដឡូតិ៍ ប្លង់រឹង ៥គុណ២០ តម្លៃត្រឹម«២៧៧០ដុល្លារ»​តែប៉ុណ្ណោះ។ ចំណែកវីឡាកូនកាត់លំហែកាយ មានលក់តម្លៃពិសេស បញ្ចុះតម្លៃ​ ១០០០០ដុល្លារ មិនដែលមាន ២៣៧៧០ដុល្លារ គឺបានវីឡាប្រណិតមួយយ៉ាងស្អាត ដែលជាដី ស្របច្បាប់១០០% ប្លង់រឹង💌 លោកអ្នកចង់បានដីឡូតិ៍ឬវីឡាកូនកាត់បែបលំហែកាយ នៅខេត្តសៀមរាប ដែលបានបញ្ចុះតម្លៃពិសេស កុំភ្លេច ហ៊ុនអចលនទ្រព្យ E&T សៀមរាប តាមរៈទូរស័ព្ទលេខ 012 679 779/098 679 779/067 679 779

ខេត្តសៀមរាប៖សមត្ថកិច្ចបានអះអាងថាបាន ប្រទះឃើញគ្រាប់បែកដៃ និងគ្រាប់កាំភ្លើងជាង៣០គ្រាប់ ចាស់ៗនៅផ្ទះប៉ូលិសម្នាក់ ក្នុងក្រុងសៀមរាប។

ការប្រទះឃើញនេះនៅវេលាម៉ោង០៨ និង៣០នាទី ថ្ងៃទី១៧ ខែកក្កដាឆ្នាំ២០២១នៅចំណុចផ្ទះរបស់ឈ្មោះ ចាន់ ភក្ត្រា មុខរបរ ប៉ូលិស មានអាសយដ្ឋាននៅភូមិត្រពាំងសេះសង្កាត់គោកចក ក្រុងសៀមរាប។

សមត្ថកិច្ចបានបន្តថាផ្ទះខាងលើឃើញមាន គ្រាប់បែកដៃប្រភេទNo-36 ចំនួន០៣គ្រាប់ និង គ្រាប់កាំភ្លើងមិនស្គាល់ប្រភេទចំនួន៣០គ្រាប់ ជារបស់ចាស់។បច្ចុប្បន្នបានប្រគល់ជូនកម្លាំងមន្ត្រីជំនាញអង្គការសុីម៉ាក់ យកទៅរក្សាទុកកន្លែងមានសុវត្ថិភាពរងចាំកម្ទេចចោល៕SRP

ខេត្តសៀមរាប៖លោកយាយ ចិន មៀច មានវ័យ១០២ឆ្នាំ រស់នៅភូមិនគរក្រៅ សង្កាត់គោកចក ក្រុងសៀមរាបបានស្ម័គ្រចិត្តមកទទួលចាក់វ៉ាក់សាំង បង្ការជម្ងឺកូវីត១៩ រួចរាល់ នៅមណ្ឌលចាក់វ៉ាក់សាំង វត្តប្រាសាទគោកចក នាថ្ងៃទី១៧ខែកក្កដាឆ្នាំ២០២១នេះ។ នេះបើតាមអាជ្ញាធរក្រុងសៀមរាប បានបញ្ជាក់នៅព្រលប់ថ្ងៃនេះ៕SRP

ខេត្តសៀមរាប៖បុរសម្នាក់ខណៈកំពុងដើរត្រូវបានរថយន្តបុកចំពេញទំហឹង ខ្ទេចក្បាលស្លាប់ភ្លាមៗ។

អាជ្ញាធរស្រុកសូទ្រនិគមបានរាយការណ៍ថា ហេតុការណ៍នេះបានកើតឡើងនៅវេលាម៉ោង ០៧ ថ្ងៃទី១៧ ខែកក្កដា ឆ្នាំ ២០២១ ព្រឹកមិញ ស្ថិតនៅភូមិដំដែកផ្សារ ឃុំដំដែក ស្រុកសូនិគម លើផ្លូវគ្រួសក្រហម។

អាជ្ញាធរបានបន្តថាករណីគ្រោះថ្នាក់ចរាចរណ៍នេះកើតឡើងរវាងរថយន្តម៉ាកកូរ៉់េ ពណ៌ស ពាក់ស្លាកលេខ ភ្នំពេញ3B 5840 បើកបរដោយឈ្មោះ វ៉ិន សុរ៉ាន ភេទប្រុស អាយុ២៦ឆ្នាំ រស់នៅភូមិដំដែកផ្សារ ឃុំដំដែក ស្រុកសូទ្រនិគម ខេត្តសៀមរាប បានបើករថយន្តបុក និងជាន់មនុស្សដើរ ម្នាក់បណ្ដាលអោយនៅនឹងកន្លែងកើតហេតុ។ ចំណែកជនរងគ្រោះមានឈ្មោះផល ផាន្នី ភេទប្រុស អាយុ៤០ឆ្នាំ
មានទីលំនៅ ក្នុងភូមិឃុំ កើតហេតុខាងលើ។

បើតាមអាជ្ញាធរបានបញ្ជាក់ថា សមត្ថកិច្ចបានខ្លួនអ្នកបើកបរ និងរថយន្តទុកនៅអធិការនគរបាលស្រុក ដើម្បីអនុវត្តបន្ត។ ដោយឡែកសាកសព បានប្រគល់អោយក្រុមគ្រួសារយកទៅធ្វើបុណ្យតាមប្រពៃណី៕SRP

ខេត្តសៀមរាប៖លោកភឹង ចិន្តារ៉េត ស្នងការរង ទទួលផែនការងារនគរបាលព្រហ្មទណ្ឌ នៃស្នងការដ្ឋាននគរបាលខេត្តសៀមរាប និងភរិយា ព្រមទាំង ក្រុមការងារមនុស្សធម៌ បាននាំយកអំណោយ សម្បុរសជនចំនួន១១ គ្រួសារ ចែកជូនកងកម្លាំង៣គោលដៅ នៅក្នុងក្រុងសៀមរាប។

ការចែកអំណោយនាថ្ងៃទី១៦ ខែកក្កដា ព្រឹកមិញនេះ នៅវិទ្យាលយ័១០មករា១៩៧៩ ស្ថិតនៅក្នុងភូមិមណ្ឌល២ សង្កាត់ស្វាយដង្គំ ក្រុងសៀមរាប។

លោកភឹង ចិន្តារ៉េត បានឲ្យដឹងថា អំណោយមនុស្សធម៌ ដែលត្រូវបានចែកជូនកងកម្លាំងទាំង៣គោលដៅ ទី១នៅក្នុងបរិវេណវិទ្យាល័យ ១០ មករា ១៩៧៩ ទឹកសុទ្ធ៣៥កេះ អាកុល២កាន ម៉ាស ១កេះធំ . ទី២នៅសាលាអនុវិទ្យាល័យក្របីរៀល ទឹកសុទ្ធ ៣០កេះ អាកុល១កាន ម៉ាស១កេះធំ .ទី៣គោលដៅត្រៀមអត្តរាគមន៍ ទឹកសុទ្ធ៣៥កេះ អកុល២កាន ម៉ាស១កេះធំ។

លោកភឹង ចិន្តារ៉េត បន្តថាការចុះចែកនូវសម្ភារដល់កងកម្លាំងដើម្បីយកទៅប្រើប្រាស់ក្នុងកិច្ចប្រតិបត្តិការការពារមណ្ឌលព្យាបាលនិងទីកន្លែងចត្តាឡីស័កកំពុងមានការខ្វះខាត។

ក្នុងឱនោះផងដែរ លោកក៏បានមានមតិសំណេះសំណាលផ្តាំផ្ញើដល់កងកម្លាំងទាំងអស់ អោយយកចិត្តទុកដាក់ ក្នុងការពារ ឈរលើស្មារតីទទួលខុសត្រូវ ចំពោះភារកិច្ចនេះ និង ការពារខ្លួន អោយមានប្រសិទ្ធិភាពខ្ពស់ និងបានជូនពរដល់កងកម្លាំងនិងសប្បុរសជនទាំងអស់ សូមអោយចៀសផុតពីជម្ងឺឆ្លងកូវីតចង្រៃ មានសុខភាពល្អ គ្រប់ក្រុមគ្រួសារ កុំបីខាន៕SRP

ខេត្តសៀមរាប៖ដោយលោក សឿន តុលា ស្ថាបនិកក្រុមហ៊ុនផាផាយ៉ា បាននិពន្ធនូវអត្ថបទមួយក្រោមចំណងជើងថា«សម្លឹងទៅរកគោលដៅ»។ លោក សឿន តុលា បានសរសេរថា៖ មនុស្សឈ្នះមិនដែលរាថយ ជាមួយគោលដៅ   រីឯ មនុស្សរាថយជាមួយគោលដៅ ព្រោះគេមិនដែលមានថ្ងៃឈ្នះ។

” ប្រសិនបើយើងគិតថាលំបាក  ប្រាកដហើយ យើងនឹងលំបាក ប៉ុន្តែ ប្រសិនបើយើងគិតថា  តើយើងត្រូវដោះស្រាយ

បញ្ហា ឬការលំបាក របៀបណានោះ ប្រាកដណាស់ហើយ យើង នឹងមានដំណោះស្រាយ  ហើយរឿងរ៉ាវទាំងនោះ ក្លាយជាភាពធម្មតា”  នោះមានន័យថា  រឿងរ៉ាវទាំងអស់ដែលកើតឡើង ប្រែក្លាយជាលំបាក  ប្រែក្លាយជាបញ្ហាធំ  គឺអាស្រ័យទៅលើ ផ្នត់គំនិតនៃការគិតរបស់យើងតែប៉ុណ្ណោះ  មនុស្សដែលជោគជ័យ គឺមានផ្នត់គំនិត រកដំណោះស្រាយ ព្យាយាម ហើយជំរុញឲ្យ ដំណើរការទៅមុខជានិច្ច  រីឯអ្នកបរាជ័យវិញ  គឺ រុញរា មិនមានការតាំងចិត្តគ្រប់គ្រាន់ ដើម្បីរកដំណោះស្រាយ ចំពោះរឿងរ៉ាវ ដែលកើតឡើងនោះទេ  ពីព្រោះ ផ្នត់គំនិតរបស់ពួកគាត់ គឺគិតអំពីបញ្ហា ច្រើនជាងរកដំណោះស្រាយ ។

តាមពិតទៅ នៅក្នុងពិភពលោកនេះមិនមែនជារឿងលំបាកនោះទេ  គ្រាន់តែយើង គិតតែពីរឿងលំបាក  ប្រសិនបើយើង មានការតាំងចិត្តគ្រប់គ្រាន់  ដំណោះស្រាយតែងតែផុសចេញពីក្បាលរបស់យើង។

នៅក្នុងការស្រាវជ្រាវ អំពីមនុស្សដែលបានជោគជ័យកំពូល ហើយក្លាយជាមហាសេដ្ឋី  ពួកគេទាំងអស់នោះ កើតមកក្នុងត្រកូលគ្រួសារក្រីក្រ ដែលគ្រួសារគ្មានលទ្ធភាពផ្គត់ផ្គង់ពួកគេ  ប៉ុន្តែ ពួកគេរឹងមាំហើយក្លាយជាមហាសេដ្ឋីនៅក្នុងលំដាប់ពិភពលោក  មានដូចជា; Li His Cheng ( មហាសេដ្ឋីជនជាតិចិន) Thomas Alva Edison ( មហាសេដ្ឋីច្នៃប្រឌិត អំពូលភ្លើង ជនជាតិអាមេរិកាំង) Henry Ford , Andrew Carnegie..ជាដើម ។ ពួកគាត់ទាំងអស់នោះ គឺចេញមកពីការកសាងខ្លួនឯង លត់ដំក្នុងការរកស៊ីចេញពីបាតដៃទទេ នឹងទទួលបានជោគជ័យ ។

ប្រសិនបើយើងសួរសំណួរពិចារណាអំពីអំពីថា តើពួកគេទទួលបានជោគជ័យយ៉ាងដូចម្ដេច? គឺមានចម្លើយយ៉ាងខ្លី ” ឧស្សាហ៍ ព្យាយាម មិនបោះបង់” ពីព្រោះ អថ៍កំបាំង របស់ពួកគេគឺ ដាក់គោលដៅ ពួកគេជឿលើគោលដៅពួកគេជឿលើខ្លួនឯង ថា : ពួកគេធ្វើឱ្យបានសម្រេចគោលដៅ ដែលពួកគេបានកំណត់។

និពន្ធដោយលោក សឿន តុលា ស្ថាបនិកក្រុមហ៊ុន : ផា ផា យ៉ា PAPAYA NEXT STEP CO,.LTD*PAPAYA REAL ESTATE (គម្រោងអភិវឌ្ឍន៍អចលនទ្រព្យ)*PAPAYA HOMESTAY (គម្រោងលើវិស័យទេសចរណ៍)*PAPAYA GARDEN (គម្រោងលើវិស័យកសិកម្មនិងចែកចាយអាហារ)