ទ្រព្យសម្បត្តិ ជាច្រើន រួមទាំងផ្ទះ ក្លាយជាចំណីរអគ្គិភ័យ

ខេត្តកំពង់ធំ៖ទ្រព្យសម្បត្តិ ជាច្រើន រួមនិងផ្ទះ ១ខ្នង ត្រូវបានឆាបឆេះទាំងស្រុង។

ហេតុការណ៍បានកើតឡើង នៅថ្ងៃទី៣០ ខែវិច្ឆិកា ឆ្នាំ២០២០ វេលាម៉ោង០៩និង៣០នាទីព្រឹក នៅចំណុចភូមិថ្នល់ជាតិ ឃុំបារាយណ៍ សុខបារាយណ៍ ខេត្តកំពង់ធំ។

សមត្ថកិច្ចបានឲ្យដឹងថាអគ្គិភ័យនេះ ផ្ទះទំហំ ៦x១២ធ្វើអំពីឈើប្រក់ក្បឿង ជញ្ជាំងក្តារ ម្ចាស់មានរបស់ឈ្មោះរៀម ចាន់វាសនា អាយុ៣៨ឆ្នាំ និងប្រពន្ធឈ្មោះ ជា បូលិកា អាយុ៣២ឆ្នាំ រស់នៅកន្លែងកើតហេតុខាងលើ។

បើតាមសមត្ថកិច្ចករណីនេះ បណ្តាលឲ្យខូចខាតទ្រព្យសម្បត្តិរួមមាន៖

១/ឆេះផ្ទះទាំងស្រុង

២/ឆេះប្រាក់ដុល្លា១៥០០$និងប្រាក់រៀលចំនួន៨.០០០.០០០រៀល

៣/ខ្សែរក ០១ខ្សែ និងក្រវិល០១គូគិតជាប្រាក់ស្មើនិង៩៥០$

៤/ឆេះសម្ភារប្រើប្រាស់លើផ្ទះទាំងស្រុង។មូលហេតុ៖សង្ស័យបណ្តាលមកពីឆ្លងចរន្តអគ្គីសនី។

ម្ចាស់ផ្ទះ ដែលជាជនរងគ្រោះ បានលើកដៃសំពះ អំពាវនាវ ទៅដល់សប្បុរសជន មេត្តាជួយដល់ពូកគាត់ផង ពេលនេះ គាត់អស់រលីងហើយនៅសល់តែបាតដៃទទេ៕SRP