Skip to content
Siem Reap Post
  • ព័ត៌មានជាតិ
  • ព័ត៌មានអន្តរជាតិ
  • ទូរស័ព្ទ: 069382925/ 0886737999

Avatar photoសៀមរាប ប៉ុស្តិ៍

Avatar photo
សៀមរាប ប៉ុស្តិ៍
១៧ មេសា ២០២០

ខេត្តសៀមរាប៖បុរសម្នាក់បានដួលស្លាប់ដោយសារខ្យល់គរ។
សមត្ថកិច្ចស្រុកសូទ្រនិគមបានរាយការណ៍ថាហេតុការណ៍បានកើតឡើងវេលាម៉ោង១៨និង០០នាទី ថ្ងៃទី១៦ ខែមេសា ឆ្នាំ២០២០ នៅចំណុច ភូមិផ្សារឃ្លាំង ឃុំកំពង់ឃ្លាំង ស្រុកសូទ្រនិគម ខេត្តសៀមរាប​។ ករណី ខ្យល់គរ ដួលស្លាប់នេះ ជនរងគ្រោះ ឈ្មោះ
រុន រិត ភេទប្រុស អាយុ៣៣ឆ្នាំ ទីលំនៅភូមិរទាំង ឃុំកំពង់ឃ្លាំង ស្រុកសូទ្រនិគម ខេត្តសៀមរាប។ បើតាមសមត្ថកិច្ចថា
ចំពោះមូលហេតុគឺជនរងគ្រោះ ស្រវឹស្រា កើតខ្យល់បណ្ដាលឲ្យដួលស្លាប់តែម្ដង៕SRP

Like 195
Comment 0
Share ចែកចាយ
Views 0
Avatar photo
សៀមរាប ប៉ុស្តិ៍
១៧ មេសា ២០២០

ខេត្តសៀមរាប៖សេចក្ដីរាយការណ៍បឋមបានឲ្យដឹងថាឈើគ្រញូងចំនួន០៤ដើម ត្រូវបានគេលួចកាប់ដោយសុវត្ថិភាព។

ហេតុការណ៍បានកើតឡើងនៅវលាម៉ោង១៤និង០០នាទី
ថ្ងៃទី១៦ខែមេសាឆ្នាំ២០២០នៅចំណុច
ព្រៃឧទ្យានអង្គរ ស្ថិតភូមិក្រវ៉ាន់សង្កាត់នគរធំ ក្រុងសៀមរាប។
បើតាមប្រភពពីសមត្ថកិច្ចបានឲ្យដឹងថាករណីនេះធ្វើឡើងដោយជនសង្ស័យពុំស្គាល់អត្តសញ្ញាណបានលួចកាប់អស់អស់ចំនួន០៤ដេីម។
ទោះយ៉ាងណាជុំវិញហេតុការណ៍នេះ
ក្រុមមន្រ្តីនៅមិនទាន់រកមុខ អ្នកប្រព្រឹត្តបទល្មើសឃើញនៅឡើយទេ។
សូមបញ្ជាក់ថាដើមឈេីគ្រញូងនេះត្រូវបានជនសង្ស័យលួចកាប់ប្រហែល៥ថ្ងៃមកហេីយ។
ពាក់ព័ន្ធករណីខាងលើនេះ អង្គភាពបណ្ដាញសារព័ត៌មាន សៀមរាបប៉ុស្តិ៍
នៅមិនទាន់ទទួលបានការបំភ្លឺពីអាជ្ញាធរអប្សរានៅលើទេ៕SRP

Like 195
Comment 0
Share ចែកចាយ
Views 300
Avatar photo
សៀមរាប ប៉ុស្តិ៍
១៦ មេសា ២០២០

ខេត្តសៀមរាប៖បុរសម្នាក់ត្រូវបានរថយន្តបុកស្លាប់ភ្លាមៗនៅកន្លែងកើតហេតុខណៈកំពុងបើកម៉ូតូ។
ហេតុការណ៍បានកើតឡើង វេលាម៉ោង១៩និង២៥នាទីថ្ងៃទី១៦ខែមេសាឆ្នាំ២០២០ នៅលេីផ្លូវ
ជាតិលេខ៦ចំណុចឃុំគោកធ្លកក្រោម ស្រុកជីក្រែង។
បើតាមសមត្ថកិច្ចបានឲ្យដឹងថា ករណីនេះគឺរវាងរថយន្តមិនស្គាល់ម៉ាក
បានបេីកម៉ូតូម៉ាកC១២៥ពណ៌ខ្មៅពាក់ស្លាកលេខ ឧ.មានជ័យ១C៨០៧៤ ( ទិសដៅស្របគ្នាពី
លិចទៅកេីត)។
ជនរងគ្រោះឈ្មោះ រ៉ន រិទ្ធ ភេទប្រុស អាយុ២៥ឆ្នាំ រស់នៅភូមិតាអុងឃុំល្វែងឫស្សីស្រុកជីក្រែង (អ្នកបេីកបរម៉ូតូ ស្លាប់)។ ចំណែកអ្នកបេីកបររថយន្ត គេចខ្លួនបាត់ ដោយសមត្ថកិច្ចកំពុងស្រាវជ្រាវ៕SRP

Like 195
Comment 0
Share ចែកចាយ
Views 0
Avatar photo
សៀមរាប ប៉ុស្តិ៍
១៦ មេសា ២០២០

ខេត្តកំពង់ចាម​៖លោក​វេជ្ជបណ្ឌិត​ គឹម​ សួរ​ភីរុណ​ ប្រធាន​មន្ទីរ​សុខាភិបាល​ខេត្ត​កំពង់ចាម​ នៅព្រឹកមិញនេះបាន​នាំយក​នូវ​ថវិកា​រួម​របស់​មន្ត្រី​សុខាភិបាល​ ចំនួន​៥.១៦០.០០០៛​ សម្រាប់​ផ្តល់​ជូន​គណៈកម្មការ​ប្រយុទ្ធ​នឹង​ជំងឺ​កូវីដ​១៩​ ខេត្តកំពង់ចាម​ ដែល​ជា​ការ​ចូល​រួម​ចំណែក​ជា​មួយ​រាជរដ្ឋាភិបាល​ ក្នុង​ការ​បង្ការ​ទប់ស្កាត់​ការ​រីករាលដាល​នៃ​ជំងឺ​កូវីដ​១៩។
លោក​​អ៊ុន​ ចាន់ដា​ អភិបាលខេត្តកំពង់ចាម​ បាន​ថ្លែងអំណរគុណ​ដល់​មន្ត្រី​នៃ​មន្ទីរ​សុខាភិបាល​ខេត្ត​កំពង់ចាម​ ទាំងអស់​ ដែល​បាន​ចូល​រួម​ចំណែក​ឧបត្ថម្ភ​ជា​​ថវិកា​​ សម្រាប់​គណៈកម្មការ​ប្រយុទ្ធ​នឹង​ជំងឺ​កូវីដ​១៩​ ខេត្តកំពង់ចាម​ យកទៅ​ប្រេីប្រាស់​ តាមតម្រូវការចាំបាច់ ក្នុង​យុទ្ធនាការ​នានា​ ដេីម្បី​រួម​គ្នា​បង្ការ​ទប់ស្កាត់​ការ​រីករាលដាល​នៃ​ជំងឺ​កូវីដ​១៩ ដែល​មន្ត្រី​សុខាភិបាល​ជាកងទ័ព​ជួរមុខ​យ៉ាង​សំខាន់​ ក្នុង​ការ​ប្រយុទ្ធ​ប្រឆាំង​ទប់ស្កាត់​ការ​រាតត្បាត​នៃ​ជំងឺ​ដ៏​កាច​សាហាវ​នេះ​។
លោក​វេជ្ជបណ្ឌិត​ គឹម​សួរ​ ភីរុណ​ ប្រធាន​មន្ទីរ​សុខាភិបាល​ខេត្ត​កំពង់ចាម​ បាន​ឲ្យដឹងថា​ កន្លងមក​នេះ​មន្ត្រី​សុខាភិបាល​ បាន​ធ្វើ​ការ​ផ្សព្វផ្សាយ សភាពការណ៍ និងធ្វើបច្ចុប្បន្នភាពពីករណី COVID ១៩ នៅក្នុងខេត្តកំពង់ចាម​ បាន​គ្រប់គ្រងសភាពការណ៍​ ដោយចុះស្រង់ស្ថិតិ​ ពលករចំណូលស្រុកជាប្រចាំរៀងរាល់ថ្ងៃ ដើម្បីធ្វើការតាមដាន អប់រំ ពីអនាម័យ ការបង្ការចម្លងមេរោគ (ក្នុងករណីសង្ស័យ) ត្រូវទុកដាក់ដោយឡែកចំនួន១៤ថ្ងៃ ដើម្បីចៀសវាងការចម្លង ជាសហគមន៍ដែលជាបញ្ហាព្រួយបារម្ភ។​ បានត្រៀមលក្ខណៈទុកជាមុន ចំពោះ​ករណី​ ពលករចំណូលមកពីប្រទេសជិតខាង ដោយមានអគារសម្រាប់ទុកដាក់ករណីសង្ស័យ ដែល​មាននៅមន្ទីរពេទ្យខេត្ត សណ្ឋាគារមេគង្គ និងសាលាគរុកោសល្យ ភូមិភាគកំពង់ចាុម​ សរុបជាង ៥០០គ្រែ។​ ព្រមទាំង​បាន​បរិច្ចាគថវិកាដោយស្ម័គ្រចិត្តរបស់ថ្នាក់ដឹកនាំ មន្ត្រីរាជការរបស់យើង ក្នុងការជួយឩបត្ថម្ភដល់​ គណៈកម្មការជាតិកូវីត១៩ ក៏ដូច គណៈកម្មការខេត្តគ្រប់គ្រងកូវីត១៩ផងដែរ​៕​SRP

Like 195
Comment 0
Share ចែកចាយ
Views 0
Avatar photo
សៀមរាប ប៉ុស្តិ៍
១៦ មេសា ២០២០

ខេត្តសៀមរាប៖មានការលើកឡើងថាឈ្មោះ សៀង បានបើកល្បែងអាប៉ោង
នៅខាងជើងវត្តសុភី ក្នុងទឹកដីស្រុកប្រាសាទបាគង ជាយូរឆ្នាំហើយ មិនទាន់មានអាជ្ញាធរសមត្ថកិច្ចចុះបង្ក្រាបនៅឡើយទេ។
បើតាមប្រភពបានឲ្យដឹងថាទីតាំងល្បែងស៊ីសងប្រភេទអាប៉ោងនេះ ស្ថិតនៅខាងជើងវត្តសុភីប្រហែក៣០០ម៉ែត្រខាងស្តាំដៃនៃផ្លូវទៅប្រាសាទបឹងមាលា ឡើងតាមផ្សារអង្គ្រង ស្ថិតក្នុងស្រុកប្រាសាទបាគង ខេត្តសៀមរាប៕SRP

Like 195
Comment 0
Share ចែកចាយ
Views 0
Sponsored
Avatar photo
សៀមរាប ប៉ុស្តិ៍
១៦ មេសា ២០២០

ខេត្តសៀមរាប៖អាជ្ញាធរ ក្រុងសៀមរាប ប្រកាសទុកពេល១៥ថ្ងៃ ឲ្យអ្នកពាក់ព័ន្ធ ទាំងអស់ ត្រូវធ្វើការរុះរើ ការរំលោភចញ្ចើមដី សាធារណ: និងការលក់ដូរលើសួន។ នេះបើតាមសេចក្ដីជូនដំណឹង។
រដ្ឋបាលក្រុងសៀមរាប សូមជូនដំណឹងដល់សាធារណជនជ្រាបថា រដ្ឋបាលខេត្តបាននិងកំពុងបន្តការរៀបចំហេដ្ឋារចនាសម្ព័ន្ធផ្លូវថ្នល់ក្នុងឆ្នាំ២០២០ក្នុងក្រុងសៀមរាបឱ្យកាន់តែប្រសើរឡើង។

ដើម្បីឱ្យដំណើរការអនុវត្តគម្រោងខាងលើមានប្រសិទ្ធភាពនិងមានភាពរលូន សូមអ្នកពាក់ព័ន្ធទាំងអស់ត្រូវធ្វើការរុះរើសំណង់តូប សំយាប ខឿន ខ្សាច់ ថ្ម ការ៉ូឡា ឥដ្ឋ បណ្តាញខ្សែភ្លើងដែលធ្លាក់រាយប៉ាយ សួនច្បារ សម្ភារ និងសំណង់ផ្សេងៗទាំងអស់ ព្រមទាំងបញ្ឈប់ការលក់ដូរនៅលើសួនច្បារ និងផ្លូវសាធារណៈខាងលើឱ្យអស់ក្នុងរយៈពេល ១៥ថ្ងៃ គិតចាប់ពីថ្ងៃចុះហត្ថលេខានេះជាកំហិត។

ព័ត៌មានលម្អិតសូមអានសេចក្តីជូនដំណឹងខាងក្រោម៖SRP

Like 195
Comment 0
Share ចែកចាយ
Views 0
Avatar photo
សៀមរាប ប៉ុស្តិ៍
១៦ មេសា ២០២០

ខេត្តកំពង់ចាម៖លោកអ៊ុន ចាន់ដា​ អភិបាលខេត្តកំពង់ចាម​ និង​លោក​​ខ្លូត ផន​ ប្រធាន​​ក្រុមប្រឹក្សា​ខេត្ត​ នៅព្រឹកមិញនេះបាន​អញ្ជើញ​ចុះ​សាកសួរ​សុខទុក្ខ​ កម្មករ​ កម្មការនីនិយោជិត​ ក្រុម​ហ៊ុន​មេតថេត​ ស្រុក​កំពង់សៀម​ ប្រមាណ​ជិត​៤០០០នាក់​​​ ដែល​កំពុង​បំពេញ​ការងារ​ជា​ធម្មតា​ ដូច​រោងចក្រ​នានា​ និង​មន្ត្រី​រាជការ​ នៅ​ទូទាំង​ខេត្ត​កំពង់ចាម​ តាម​ការ​ណែនាំ​​របស់​រាជរដ្ឋាភិបាល​ ដេីម្បី​ចូលរួម​បង្ការ​ទប់ស្កាត់​ការ​រីករាលដាល​នៃ​ជំងឺ​កូវីដ​១៩​ នៅ​កម្ពុជា​។ ​

ឆ្លៀត​ក្នុង​ឱកាស​នោះ​ដែរ​ លោក​អ៊ុន ចាន់ដា អភិបាល​ខេត្តកំពង់ចាម​ បានថ្លែងអំណរគុណ ចំពោះ ក្រុមហ៊ុន​មេតថេត​ ​ ដែលបានសហការ ចូលរួមចំណែកជាមួយរាជរដ្ឋាភិបាលកម្ពុជា​ ក្នុងការអនុវត្តនូវ​វិធានការ​ បង្ការទប់ស្កាត់ការរាត្បាត នៃជម្ងឺកូវីដ១៩ ជាពិសេស បានណែនាំអប់រំដល់កម្មករ​ និយោជិត​ ឲ្យមកបំពេញការងារ ទៅតាមតួនាទី ភារកិច្ចរៀងៗខ្លួន​ ប្រកបដោយការទទួលខុសត្រូវ និងទឹកចិត្តសប្បាយរីករាយ​ ព្រមទាំង​បានធ្វើការអប់រំណែនាំ​ ឲ្យ​មានការចូលរួមថែរក្សាអនាម័យ តាមរយៈ ការលាងដៃជាមួយសាប៊ូ ឬអាល់កុល និងការវាស់កំដៅមុនពេលចូលធ្វើការ ដើម្បី បង្ការការឆ្លង នៃជម្ងឺកូវីដ ១៩ ទៅអ្នកដទៃ ដែលកំពុងបំរើការងារនៅក្នុងរោងចក្រ។
លោក​អភិបាលខេត្ត​ បាន​សង្កត់​ធ្ងន់ថា​ បើទោះបីជាពេលនេះ ខេត្តកំពង់ចាម បានបិទការព្យាបាលជម្ងឺកូវីដ១៩ យ៉ាងណាក្ដី តែយើងទាំងអស់គ្នា នៅតែបន្តការប្រុងប្រយ័ត្នជានិច្ច ជាពិសេស ការអនុវត្តទៅតាមការណែនាំ របស់ក្រសួងសុខាភិបាល ដើម្បី បញ្ជៀសការឆ្លង នៃមេរោគ ដ៏កាចសាហាវ មួយនេះ ឲ្យខាងតែបាន​។
ជាមួយ​គ្នានោះ​ លោក​អភិបាលខេត្ត​ ក៏បានថ្លែងអំណរគុណ ចំពោះ រោងចក្រ Medtecs ដែលកន្លងមក បានជួយឧបត្ថម្ភ នូវម៉ាស់ និងសម្លៀកបំពាក់មួយចំនួន ដល់គណៈកម្មការ​ប្រយុទ្ធ​នឹង​ជំងឺ​កូវីដ ១៩ ខេត្តកំពង់ចាម សម្រាប់ផ្ដល់ជូនក្រុមគ្រូពេទ្យ នៅក្នុងខេត្តកំពង់ចាម ដើម្បី ផ្ដល់សេវាព្យាបាលថែទាំអ្នកជម្ងឺកូវីដ១៩ ដែលមកសម្រាកព្យាបាល នៅមន្ទីរពេទ្យខេត្តកំពង់ចាម ផងដែរ។

សូមបញ្ជាក់ថា បច្ចុប្បន្ន នៅទូទាំងខេត្តកំពង់ចាម មានរោងចក្រធំៗ សរុបចំនួន ១៧កន្លែង និងមានកម្មករសរុប​ចំនួន ៣២.៨៦៨នាក់ ។ ដោយឡែក រោងចក្រ (MEDTECS Cambodia Corp Limited) មានកម្មករសរុបចំនួន ៣.៥៤៦នាក់ ស្រី ៣.២៧៥នាក់ ។ បច្ចុប្បន្ន រោងចក្រមួយនេះ បានផលិតសម្ភារៈផ្នែកវេជ្ជសាស្ត្រ មានដូចជា សម្លៀកបំពាក់ការពារ សម្រាប់គ្រូពេទ្យ ជាដើម ដោយនាំចេញទៅលក់ នៅក្រៅប្រទេស នៅក្នុងពិភពលោក ។ ដោយឡែក  បច្ចុប្បន្ននេះ ដោយសារតែកម្ពុជាទទួលរងផលប៉ះពាល់ជម្ងឺកូវីដ ១៩ ក្រុម​ហ៊ុន​ ក៏បានផ្គត់ផ្គង់ នូវសម្ភារៈពេទ្យមួយចំនួន ទៅ​ឲ្យ​ក្រសួងសុខាភិបាលកម្ពុជាប្រើប្រាស់ ផងដែរ៕SRP

Like 195
Comment 0
Share ចែកចាយ
Views 300
Avatar photo
សៀមរាប ប៉ុស្តិ៍
១៦ មេសា ២០២០

ខេត្តសៀមរាប៖មនុស្សបីនាក់ត្រូវបានចាប់ខ្លួន ក្រោយធ្វើសកម្មភាពលួចកាណូតចំនួនពីរគ្រឿង។
យោងតាមរបាយការណ៍របស់សមត្ថកិច្ចបានឲ្យដឹងថានៅវេលាម៉ោង១០និង៣០ថ្ងៃទី១៥ខែមេសាឆ្នាំ២០២០ ដោយបានទទួលបណ្តឹងតាមទូរស័ព្ទពីជនរងគ្រោះ យឹម យិច ភេទប្រុស រស់នៅភូមិគោកក្តុល ឃុំកំពង់ភ្លុក ស្រុកប្រាសាទបាគង ខេត្តសៀមរាប ដោយបានរាយការណ៍ប្រាប់សមត្ថកិច្ចថា មានករណី៖ អំពើលួច កាណូតចំនួន០២គ្រឿង៖
១/.បណ្តោយប្រវែង ៦,៩ម៉ែត្រ ទទឹង ១,២ម៉ែត្រ ពណ៌សលាយក្រហម បំពាក់ដោយម៉ាស៊ីន ហ៊ីណូតា ១៨សេះ។
២/.បណ្តោយប្រវែង ៦,៩ម៉ែត្រ ទទឹង ១,២ម៉ែត្រពណ៌បៃតង បំពាក់ដោយម៉ាស៊ីន យានដាយ១៨សេះ។
នៅភូមិគោកក្តុល ឃុំកំពង់ភ្លុក ស្រុកប្រាសាទបាគង ខេត្តសៀមរាប។
របាយការណ៍បានបញ្ជាក់ថានៅពេលទទួលបណ្តឹងខាងលើ ភ្លាមៗនោះកម្លាំង
ស្នាក់ការបេ៨.២ ចំនួនពីរនាក់ ដឹកនាំដោយលោក អនុសេនីយ៍ឯក ផល គឹមណាន ប្រធានស្នាក់ការបេ៨.២ សហការជាមួយកម្លាំងប៉ុស្តិ៍នគរបាលរដ្ឋបាលកំពង់ភ្លុក ចំនួនពីរនាក់, ប្រជាការពារចំនួន១០នាក់ និងក្រុមប្រឹក្សាឃុំកំពង់ភ្លុកចំនួនពីរនាក់ បានដេញចាប់ប្រផាប់ប្រភីង ទើបនៅម៉ោង២៣និង៣០ នាទី ថ្ងៃទីខែឆ្នាំដដែល ទើបកម្លាំងចម្រុះ
ឃាត់ខ្លួនជនសង្ស័យបានចំនួនបីនាក់៖
ទី០១.ឈ្មោះ យ៉ត អ៊ាងម៉ូលី ភេទប្រុស អាយុ២៥ឆ្នាំ រស់នៅភូមិគោកក្តុល ឃុំកំពង់ភ្លុក ស្រុកប្រាសាទបាគង ខេត្តសៀមរាប ។
ទី០២. ឈ្មោះ ជា ទុង ភេទប្រុស អាយុ ២៧ឆ្នាំ រស់នៅភូមិអូតាពុត ឃុំកំពង់ឃ្លាំង ស្រុកសូទ្រនិគម ខេត្តសៀមរាប។
ទី០៣. ឈ្មោះ ហួរ ចម្រើន ភេទប្រុស ២៧ឆ្នាំ រស់នៅភូមិអូតាពុត ឃុំកំពង់ឃ្លាំង ស្រុកសូទ្រនិគម ខេត្តសៀមរាប។
ក្រោយឃាត់ខ្លួន ដកហូតវត្ថុតាង៖ កាណូតស្មាច់ចំនួនបីគ្រឿង៖
១/. បណ្តោយ ប្រវែង៦,៩ម៉ែត្រទទឹង ១,ម៉ែត្រ ពណ៌សលាយក្រហម បំពាក់ដោយម៉ាស៊ីនហ៊ីណូតា១៨សេះ។
២/.បណ្តោយប្រវែង៦,៩ម៉ែត្រទទឹង ១,២ម៉ែត្រពណ៌បៃតង បំពាក់ដោយម៉ាស៊ីន យានដាយ១៨សេះ។
៣/បណ្តោយប្រវែង៦,៩ម៉ែត្រទទឹង ១,២ម៉ែត្រពណ៌បៃតង បំពាក់ដោយម៉ាស៊ីន កាវ៉ា១៨សេះ។
បច្ចុប្បន្នជនសង្ស័យ និងវត្ថុតាង បានឃាត់ នៅអធិការដ្ឋាននគរបាលស្រុកប្រាសាទបាគង ចាត់ការតាមនីតិវិធី៕SRP

Like 195
Comment 0
Share ចែកចាយ
Views 100
Avatar photo
សៀមរាប ប៉ុស្តិ៍
១៦ មេសា ២០២០

ភ្នំពេញ៖ សម្ដេចតេជោហ៊ុនសែន នាយករដ្ឋមន្ត្រី បានបញ្ជាក់ថាសូមបងប្អូនប្រជាពលរដ្ឋបើកបរមានការប្រុងប្រយ័ត្នខ្ពស់បំផុតទាំងសុវត្ថិភាពចរាចរណ៍ និងសុវត្ថិភាពសុខភាពផ្ទាល់ខ្លួនដោយសារថ្ងៃនេះអាចមានអ្នកធ្វើដំណើរច្រើនតាមដងផ្លូវ ដូច្នេះសូមបងប្អូនប្រជាពលរដ្ឋ ជាពិសេសអ្នកបើករថយន្តតាក់ស៊ី និងរថយន្តដឹកទំនិញធំៗ សូមបើកបរដោយមានការប្រុងប្រយ័ត្នខ្ពស់ និងគោរពច្បាប់ចរាចរណ៍ ដើម្បីសុវត្ថិភាពទាំងអស់គ្នា។

ទន្ទឹមនឹងនេះដែរ សូមបងប្អូនប្រជាពលដ្ឋនិងកូនក្មួយកម្មករកម្មការនីយកចិត្តទុកដាក់ចេះការពារសុខភាពផ្ទាល់ខ្លួនកុំអោយឆ្លងរោគកូវីដ-១៩ ដោយពាក់ម៉ាស និងឧស្សាហ៍ដុសលាងសម្អាតដៃជាមួយទឹកអាល់កុលឬជិលកម្ចាត់មេរោគ ជាពិសេសក្នុងពេលជិះរថយន្តជាមួយអ្នកធ្វើដំណើរច្រើននាក់ជុំគ្នាក្នុងរថយន្តឈ្នួលតែមួយ។

សូមអរគុណសារជាថ្មីដល់បងប្អូនជនរួមជាតិដែលបានយោគយល់ដល់កាដាក់បម្រាមមិនអោយធ្វើដំណើរឆ្លងកាត់ខេត្តបណ្តោះអាសន្នរយៈពេលខ្លីកន្លងទៅនេះ ដើម្បីបង្ការទប់ស្កាត់ការឆ្លងរាលដាលជំងឺកូវីឌ -១៩ នៅក្នុងប្រទេសជាតិយើង។

ក្នុងឱកាសចូលឆ្នាំថ្មីប្រពៃណីជាតិ ២០២០ នេះ សូមជូនពរបងប្អូនជនរួមជាតិទាំងក្នុង និងក្រៅប្រទេស ព្រមទាំងមន្រ្តីរាជការ និងកងកម្លាំងប្រដាប់អាវុធដែលកំពុងឈរជើងនៅតាមព្រំដែនមានសុខភាពល្អ ព្រមទាំងពរ៥ប្រការគឺអាយុ វណ្ណៈ សុខៈ ពលៈ និងបដិភាណៈកុំបីឃ្លៀងឃ្លាតឡើយ៕SRP

Like 195
Comment 0
Share ចែកចាយ
Views 0
Avatar photo
សៀមរាប ប៉ុស្តិ៍
១៦ មេសា ២០២០

ខេត្តសៀមរាប៖ សូមចូលរួមគោរពច្បាប់ចរាចរណ៍ បុរសម្នាក់ បើកម៉ូតូ បុកបង្គោលខ្សែភ្លើង នៅស្រុកបន្ទាយស្រី បណ្ដាលឲ្យស្លាប់ភ្លាមៗ។ ហេតុការណ៍បានកើតឡើងថ្ងៃទី១៥ ខែ មេសា ឆ្នាំ២០២០ វេលាម៉ោង១៩ និង ២០ នាទី ត្រង់ចំណុច ខាងជើង ភ្នំតូចចម្ងាយ ១៥០ ម៉ែត្រ ស្ថិតនៅភូមិ ស្គន់ ឃុំត្បែង ស្រុកបន្ទាយស្រី ខេត្តសៀមរាប។

អធិការដ្ឋាននគរបាលស្រុកបន្ទាយស្រី លោកវរសេនីយ៍ឯក ឡុង សំណាងបានឲ្យដឹងនៅព្រឹកនេះថា គ្រោះថ្នាក់ចរាចរណ៍នេះ បង្កឡើង ដោយ ខ្លួន ឯង ដោយជនរងគ្រោះ បើកម៉ូតូមួយគ្រឿង ម៉ាក ហុងដា ឌ្រីម ពណ៌ ខ្មៅ ពាក់ស្លាកលេខ ភ្នំពេញ១HI៣១១០ ឈ្មោះ ពុំ សាលូ ភេទប្រុស អាយុ ២០ ឆ្នាំ រស់នៅ ភូមិ តានី ឃុំ រុន តាឯក ស្រុកបន្ទាយស្រី ខខេត្តសៀមរាប។ បេីកបរ មាន ទិសដៅ ពី ត្បូង ទៅ ជើង ក្នុង ល្បឿន លឿន ក៏ ទៅ បុក ចំ បង្គោល ខ្សែ ភ្លើង បណ្តាលអោយស្លាប់នៅនិងកន្លែង។ខូចខាតម៉ូតូ មួយគ្រឿងធ្ងន់។ លោកវរសេនីយ៍ឯក ឡុង សំណាង បានបញ្ជាក់ថាមូលហេតុមកពីអ្នកបេីកបរម៉ូតូ ល្បឿនលឿន។បេីកបរ ក្នុង ស្ថានភាព ស្រវឹង ៕SRP

Like 195
Comment 0
Share ចែកចាយ
Views 0
Sponsored
Avatar photo
សៀមរាប ប៉ុស្តិ៍
១៦ មេសា ២០២០

ភ្នំពេញ៖រាជរដ្ឋាភិបាលកម្ពុជា បានចេញសេចក្ដីសម្រេច ការបញ្ចប់ សុពលភាពបទបញ្ជា ស្ដីពីការដាក់កំហិត លើការធ្វើដំណើរក្នុងប្រទេស៕SRP សូមអានលិខិតខាងក្រោម៖

Like 195
Comment 0
Share ចែកចាយ
Views 0
Avatar photo
សៀមរាប ប៉ុស្តិ៍
១៦ មេសា ២០២០

ភ្នំពេញ៖ យោងតាមផេកផ្លូវការ របស់សម្ដេចតេជោហ៊ុនសែន បានបញ្ជាក់យ៉ាងដូច្នេះថា៖ *Profile និង Page ផ្លូវការ សម្តេចតេជោនាយករដ្ឋមន្រ្តី គឺមានតែមួយគត់។

ក្នុងពេលដែលរាជរដ្ឋាភិបាលកម្ពុជាបានដាក់ចេញនូវយុទ្ធសាស្រ្តប្រយុទ្ធប្រឆាំងនឹងជំងឺកូវីដ-១៩ ក៏មានជនអគតិមួយចំនួនបានប្រឌិតនូវព័ត៌មានមិនពិតជាច្រើនដើម្បីបំពុលសង្គមជាតិ។ ទន្ទឹមនឹងនោះ ក៏មានជនអគតិមួយចំនួនបានលួចបង្កើត Profile និង Page មិនពិតជាច្រើនក្នុង facebook ដាក់ឈ្មោះ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា ក្នុងចេតនាមិនល្អដោយបានបង្ហោះសារ និងព័ត៌មានបោកប្រាស់បំភ័ន្តភ្នែកសាធារណៈជនជាច្រេីន។

សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា មាន Profile និង Page ផ្លូវការតែមួយគត់ ក្នុង Facebook ដែលមានសញ្ញាគូសធិក (tick) ពណ៍ខៀវ ដែលបញ្ជាក់ថាពិត (Verified) ពីក្រុមហ៊ុន facebook [ https://www.facebook.com/hunsencambodia/ ] ។ ក្រៅពីនោះគឺសុទ្ធតែជា Profile និង Page ក្លែងក្លាយទាំងអស់។

សូមបងប្អូនជនរួមជាតិប្រើប្រាស់បណ្តាញសង្គម facebook មានការទទួលខុសត្រូវនឹងប្រុងប្រយ័ត្នខ្ពស់ ហើយកត់សម្គាល់ Profile/Page ពិត និង Profile/Page ក្លែងក្លាយដែលដាក់ឈ្មោះ សម្តេចតេជោ ហ៊ុន សែន កំពុងបង្ហោះសារ និងព័ត៌មានមិនពិតដែលធ្វើអោយប៉ះពាល់យ៉ាងធ្ងន់ធ្ងរដល់កិត្តិយសនិងសេចក្តីថ្លៃថ្នូររបស់ប្រមុខដឹកនាំ។
សូមក្រសួងជំនាញស្រាវជ្រាវពិនិត្យនិងបិទ Profile/Page ក្លែងក្លាយទាំងនោះជាបន្ទាន់ ដើម្បីកុំអោយបន្តផ្សព្វផ្សាយសារនិងព័ត៍មានបោកបញ្ឆោតបំពុលបរិកាសសង្គមជាបន្តទៀត៕SR

Like 195
Comment 0
Share ចែកចាយ
Views 0
Older posts
Newer posts
← Previous Page1 … Page622 Page623 Page624 … Page635 Next →
តាមដានព័ត៌មាន
  • Telegram
  • Facebook
ព័ត៌មានថ្មីៗ
ការបើកល្បែងស៊ីសងអនឡាញ (រួមទាំងហ្គេមភ្នាល់ផ្សេងៗដែលមិនមានអាជ្ញាបណ្ណ) នៅក្នុងប្រទេសកម្ពុជា គឺជារឿង ខុសច្បាប់យ៉ាងធ្ងន់ធ្ងរ ការបើកល្បែងស៊ីសងអនឡាញ (រួមទាំងហ្គេមភ្នាល់ផ្សេងៗដែលមិនមានអាជ្ញាបណ្ណ) នៅក្នុងប្រទេសកម្ពុជា គឺជារឿង ខុសច្បាប់យ៉ាងធ្ងន់ធ្ងរ ចុះផ្សាយថ្ងៃទី ២១ មករា ២០២៦
ក្រសួងមហាផ្ទៃ បើក​ការធ្វើ​អធិការកិច្ច​អង្គ​លំអិត​លើ​អភិបាលស្រុក​ត្រាំកក់ ពាក់ព័ន្ធ​រឿងអាស្រូវ​រំលោភ​ដី​រដ្ឋ និង “​មន្ត្រី​ខ្មោច​” ក្រសួងមហាផ្ទៃ បើក​ការធ្វើ​អធិការកិច្ច​អង្គ​លំអិត​លើ​អភិបាលស្រុក​ត្រាំកក់ ពាក់ព័ន្ធ​រឿងអាស្រូវ​រំលោភ​ដី​រដ្ឋ និង “​មន្ត្រី​ខ្មោច​” ចុះផ្សាយថ្ងៃទី ២១ មករា ២០២៦
កម្ពុជាចាត់ទុកជំនួយមនុស្សធម៌របស់ចិន គឺជាការការពារ ផ្តល់ក្តីសង្ឃឹម និងផ្លាស់ប្តូរជីវិតមនុស្ស កម្ពុជាចាត់ទុកជំនួយមនុស្សធម៌របស់ចិន គឺជាការការពារ ផ្តល់ក្តីសង្ឃឹម និងផ្លាស់ប្តូរជីវិតមនុស្ស ចុះផ្សាយថ្ងៃទី ៨ មករា ២០២៦
ព័ត៌មានអ្នកទស្សនាច្រើន
ក្រសួងមហាផ្ទៃ បើក​ការធ្វើ​អធិការកិច្ច​អង្គ​លំអិត​លើ​អភិបាលស្រុក​ត្រាំកក់ ពាក់ព័ន្ធ​រឿងអាស្រូវ​រំលោភ​ដី​រដ្ឋ និង “​មន្ត្រី​ខ្មោច​” ក្រសួងមហាផ្ទៃ បើក​ការធ្វើ​អធិការកិច្ច​អង្គ​លំអិត​លើ​អភិបាលស្រុក​ត្រាំកក់ ពាក់ព័ន្ធ​រឿងអាស្រូវ​រំលោភ​ដី​រដ្ឋ និង “​មន្ត្រី​ខ្មោច​” ចុះផ្សាយថ្ងៃទី ២១ មករា ២០២៦
កម្ពុជាចាត់ទុកជំនួយមនុស្សធម៌របស់ចិន គឺជាការការពារ ផ្តល់ក្តីសង្ឃឹម និងផ្លាស់ប្តូរជីវិតមនុស្ស កម្ពុជាចាត់ទុកជំនួយមនុស្សធម៌របស់ចិន គឺជាការការពារ ផ្តល់ក្តីសង្ឃឹម និងផ្លាស់ប្តូរជីវិតមនុស្ស ចុះផ្សាយថ្ងៃទី ៨ មករា ២០២៦
ការបើកល្បែងស៊ីសងអនឡាញ (រួមទាំងហ្គេមភ្នាល់ផ្សេងៗដែលមិនមានអាជ្ញាបណ្ណ) នៅក្នុងប្រទេសកម្ពុជា គឺជារឿង ខុសច្បាប់យ៉ាងធ្ងន់ធ្ងរ ការបើកល្បែងស៊ីសងអនឡាញ (រួមទាំងហ្គេមភ្នាល់ផ្សេងៗដែលមិនមានអាជ្ញាបណ្ណ) នៅក្នុងប្រទេសកម្ពុជា គឺជារឿង ខុសច្បាប់យ៉ាងធ្ងន់ធ្ងរ ចុះផ្សាយថ្ងៃទី ២១ មករា ២០២៦
ទីស្នាក់ការនិពន្ធ៖ 069382925
×