ខេត្តឧត្តរមានជ័យ៖យ៉ាងហោចណាស់មានមនុស្សម្នាក់បានស្លាប់នឹងពីរនាក់ទៀតរងរបួសធ្ងន់ ដោយគ្រោះថ្នាក់ចរាចរណ៍ បង្កឡើងដោយរថយន្តដឹកឈើបែកកង់។

ហេតុការណ៍បានកើតឡើង នៅវេលាម៉ោង១៨ និង៣០នាទីថ្ងៃទី ១៤ ខែ កញ្ញា ឆ្នាំ ២០២៣ លើបណ្តោយផ្លូវជាតិលេខ ៦៧B ចន្លោះបង្គោលគីឡូម៉ែត្រ លេខ ៩៣-៩៤ ( ចំណុចអូរក្រូច ) ស្ថិតក្នុងភូមិអូរតាមែង ឃុំអន្លង់វែង ស្រុកអន្លង់វែង ខេត្តឧត្តរមានជ័យ បង្កឡើងដោយ រថយន្តបើកធ្លាក់ផ្លូវខ្លួនឯង ក្នុងទិសដៅពីជើងទៅត្បូង។

ប្រភពព័ត៌មានពីសមត្ថកិច្ច បានប្រាប់ថា ករណីនេះ រថយន្តម៉ាកTOYOTA SIENA ពណ៌ស សេរីឆ្នាំ ២០០៤ ពាក់ផ្លាកលេខ ភ្នំពេញ 2K – 2633 បើកបរដោយឈ្មោះ ឯក សំអូន ភេទប្រុស អាយុ ៤២ឆ្នាំ រស់នៅភូមិសំរោងជើង ឃុំសំរោង ស្រុកសូទ្រនិគមន៍ ខេត្តសៀមរាប មុខរបរ អ្នកបើករថយន្ត បានស្លាប់នៅនឹងកន្លែងកើតហេតុ ហើយបានពាក់ខ្សែក្រវ៉ាត់សុវត្ថិភាព និងអ្នករួមដំណើរ ០២នាក់។
១. ឈ្មោះ ឡាយ សុជា ភេទប្រុស អាយុ ៤៣ឆ្នាំ រស់នៅភូមិមណ្ឌល២ សង្កាត់ស្វាយដង្គំ ក្រុង ខេត្តសៀមរាប រងរបួសធ្ងន់ បានពាក់ខ្សែក្រវ៉ាត់សុវត្ថិភាព។
២. ឈ្មោះ សាលី ភេទប្រុស អាយុប្រហែល ៤២ឆ្នាំ រស់នៅខេត្តសៀមរាប មុខរបរ កម្មករ រងរបួសធ្ងន់ បានពាក់ខ្សែក្រវ៉ាត់សុវត្ថិភាព។

ប្រភពបានបន្តថា មូលហេតុនៃគ្រោះថ្នាក់ចរាចរណ៍ ខាងលើនេះ បណ្តាលមកពី រថយន្តបែកកង់មុខខាងស្តាំ ហើយរ៉េចង្កូតធ្លាក់ប្រឡាយបណ្ដាលឱ្យស្លាប់និងរបួសតែម្ដង។
បច្ចុប្បន្នវត្ថុតាងរថយន្តឈើយកទៅរក្សាទុកនៅអធិការដ្ឋាននគរបាលស្រុកអន្លង់វែង ដើម្បីចាត់ការបន្តតាមនីតិវិធីច្បាប់។ ចំណែក អ្នករងរបួសត្រូវបានយកទៅព្យាបាលរបួសនៅមន្ទីពេទ្យបង្អែកខេត្តសៀមរាប។ ឯសាកសពឈ្មោះ ឯក សំអូន ជាតៃកុងរថយន្ត ត្រូវបានប្រគល់ជូនសាច់ញាតិយកទៅធ្វើបុណ្យតាមប្រពៃណី។

សូមជម្រាបថា រថយន្តខាងលើ ធ្វើសកម្មភាព ដឹកគ្រឿងសង្ហារឹម ប្រភេទទ្វារ កណ្ដាលសម្រាច់មកពីខេត្តព្រះវិហារ ឆ្លងកាត់ស្រុកត្រពាំងប្រាសាទ ស្រុកអន្លង់វែងខេត្តឧត្ដរមានជ័យ ឆ្ពោះទៅខេត្តសៀមរាប៕

ខេត្តសៀមរាប៖សកម្មជនរបស់បក្ស «LDP»ម្នាក់ ត្រូវបានរថយន្តបុកស្លាប់ ខណៈកំពុងជិះម៉ូតូ។ ហេតុការណ៍បានកើតឡើងនៅវេលាម៉ោង១៨និង១៥នាទី ថ្ងៃទី១៣ ខែកញ្ញា ឆ្នាំ២០២៣រថយន្តនិងម៉ូតូ បើកបរទិសដៅខ្វែងគ្នា លើផ្លូវជាតិលេខ២៦៤១ ត្រង់ចំណុច មុខទីបញ្ជាការស្រាល ប្រចាំការចម្ការ១២ហិកតារបស់ (LDP) ស្ថិតនៅភូមិថ្មរជល់ ឃុំត្បែង ស្រុកបន្ទាយស្រី។

សមត្ថកិច្ចបានប្រាប់ថាគ្រោះថ្នាក់ចរាចណ៍នេះរថយន្តម៉ាកVOLVOពណ៌បៃតង-ក្រហមផ្លាកលេខ៣F-៩៧១៨ បើកបរដោយឈ្មោះសាន សេងហ៊ួត ភេទប្រុសអាយុ៣១ឆ្នាំ មានទីលំនៅភូមិស្វាយដំណាក់ ឃុំជំនីក ស្រុកក្រូចឆ្នារ ខេត្តកំពង់ចាម (បើកបរពីជើងទៅត្បូង) បុកជាមួយម៉ូតូម៉ាកហុងដា ពណ៌ខ្មៅផ្លាកលេខពោធិ៍សាត់ ១G-៥៤៦៩ បើកបរដោយឈ្មោះម៉ៃ ធី (សកម្មជន(LDP) ភេទប្រុសអាយុ៥៩ឆ្នាំ មានទីលំនៅភូមិខ្នាចរមាស់ ឃុំបឹងខ្នារ ស្រុកបាកាន ខេត្តពោធិ៍សាត់ (បើកបរពីលិចទៅកើត) បណ្តាលអោយស្លាប់ភ្លាមៗនៅកន្លែងកើតហេតុ។

សមត្ថកិច្ចបន្តថាបច្ចុប្បន្នសាកសព​ ត្រូវបានប្រគល់ជូនក្រុមគ្រួសារ យកទៅធ្វើបុណ្យតាមប្រណៃណី។ ចំណែកអ្នកបើកបររថយន្តត្រូវបាននគរបាលឃាត់ខ្លួនរួមនិងវត្ថុតាងម៉ូតូនិងរថយន្តកសាងសំណុំរឿងចាត់ការតាមនិតិវិធីច្បាប់៕ដោយុនាគខៀវ

ភ្នំពេញ៖សម្ដេចធិបតីហ៊ុន ម៉ាណែត នាយករដ្ឋមន្ត្រី នៅថ្ងៃពុធនេះ លើកឡើងថា៖ថ្មីៗនេះមានការផ្សព្វផ្សាយព័ត៌មានមួយចំនួន ពាក់ព័ន្ធនឹងការតម្រូវឱ្យស្នើសុំច្បាប់អនុញ្ញាតប្រកបអាជីវកម្ម និងបន្តសុពលភាពអាជីវកម្ម នៅការិយាល័យច្រកចេញ-ចូលតែមួយ នៃរដ្ឋបាលក្រុង ស្រុក ខណ្ឌ ដែលការណ៍នេះបានបង្កឱ្យមានការព្រួយបារម្ភ ក្នុងចំណោម ប្រជាពលរដ្ឋ ដែលបាន និងកំពុងប្រកបអាជីវកម្ម, មុខរបរ និង ការងារ តូចតាចនៅក្នុងសេដ្ឋកិច្ចក្រៅប្រព័ន្ធ។

សម្ដេចហ៊ុន ម៉ាណែតបានបន្តថា៖ក្រោយពីបានពិភាក្សាជាមួយ ឯឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្ត្រី រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ ខ្ញុំបានចេញសេចក្តីសម្រេចផ្អាកការផ្តល់សេវារដ្ឋបាលមួយចំនួន របស់រដ្ឋបាលក្រុង ស្រុក ខណ្ឌ ពាក់ព័ន្ធនឹងការបំពេញបែបបទធ្វើអាជីវកម្ម ដូចមានចែងនៅក្នុងសេចក្តីសម្រេចរបស់នាយករដ្ឋមន្ត្រី ខាងក្រោមនេះ។

សម្ដេចនាយករដ្ឋមន្ត្រីបានបញ្ជាក់ថា៖ទន្ទឹមនេះដែរ, ខ្ញុំក៏សូមឆ្លៀតយកឱកាសនេះបញ្ជាក់ផងដែរថា រាជរដ្ឋាភិបាលផ្តល់អាទិភាពខ្ពស់បំផុតចំពោះ ប្រជាពលរដ្ឋដែលស្ថិតនៅក្នុងសេដ្ឋកិច្ចក្រៅប្រព័ន្ធ។ ក្នុងគោលដៅនេះ រាជរដ្ឋាភិបាលបាននិងកំពុងរៀបចំ យុទ្ធសាស្ត្រជាតិ ស្តីពីការអភិវឌ្ឍសេដ្ឋកិច្ចក្រៅប្រព័ន្ធ ឆ្នាំ ២០២៣-២០២៨ ដែលនឹងត្រូវឱ្យអនុវត្តក្នុងពេលឆាប់ៗខាងមុខ ដើម្បីបង្កលក្ខណៈងាយស្រួល, ព្រមទាំងផ្តល់ប្រយោជន៍, ថែបំប៉ន និងលើកកម្ពស់ការយល់ដឹង ដល់អ្នកប្រកបអាជីវកម្ម, មុខរបរ និងការងារ ដែលស្ថិតនៅក្នុងសេដ្ឋកិច្ចក្រៅប្រព័ន្ធ៕

ខេត្តសៀមរាប៖កម្លាំងនគរបាលផ្នែកព្រហ្មទណ្ឌនៃអធិការដ្ឋានស្រុកបន្ទាយស្រី បានឃាត់ខ្លួនជនសង្ស័យ ម្នាក់ពាក់ព័ន្ធនិងករណី ហិង្សាដោយចេត្តនាមានស្ថានទម្ងន់ទោស (យកដុំថ្មវាយជនរងគ្រោះជាអនិតិជន)។

ករណីហិង្សានេះស្ថិតត្រង់ចំណុចដីឡូត៍(អក្សy៥៨២០) ក្នុងតំបន់អភិវឌ្ឍន៍រុនតាឯកស្ថិតនៅភូមិតានី (ភូមិធម្មជាតិ) ឃុំរុនតាឯក ស្រុកបន្ទាយស្រី ខេត្តសៀមរាប។

ជនសង្ស័យឈ្មោះ សរ ម៉ាប់ ហៅលុយ រៀបភេទប្រុសអាយុ៥០ឆ្នាំ មុខរបរ(គ្មាន) ជាមនុស្សសតិមិនសូវល្អ រស់នៅភូមិឃុំកើតហេតុខាងលើ។

បើកតាមរបាយការណ៍ នៅថ្ងៃទី១២ខែកញ្ញា ឆ្នាំ២០២៣ វេលា ម៉ោង០៦ព្រឹក ជនរងគ្រោះចំនួន(០២នាក់) ១/.ឈ្មោះ លឿម កញ្ញា ភេទស្រី អាយុ០៨ឆ្នាំ និង២/.ឈ្មោះហៃ រដ្ឋា ភេទប្រុសអាយុ១៦ឆ្នាំ រស់នៅតំបន់ អភិវឌ្ឍន៍រុនតាឯក ភូមិតានី (ភូមិធម្មជាតិ) ឃុំរុនតាឯក ស្រុកបន្ទាយស្រី បាននាំគ្នាធ្វើ ដំណើរតាមផ្លូវ ដល់ចំណុចកើតហេតុខាងលើ ស្រាប់តែពេលនោះ ជនសង្ស័យបានចាប់ជនរងគ្រោះ ឈ្មោះ លឿម កញ្ញា បោកក្បាលទៅនឹងគំនរថ្មនៅលើចិញ្ចើមផ្លូវ បណ្តាលឲ្យផុងលលាក្បាល និងបានយកដុំថ្ម វាយទៅលើ ជនរងគ្រោះ ឈ្មោះ ហៃ រដ្ឋា ចំនួន៣ដំថ្ម ត្រូវចំដើមទ្រូងចំហៀងខាងឆ្វេង បណ្តាលឲ្យ(រងរបួសធ្ងន់ទាំង២នាក់)។

ករណីនេះ ជនរងគ្រោះឈ្មោះហៃ រដ្ឋា ត្រូវបានគឹបញ្ជូនទៅសង្គ្រោះបន្ទាន់ នៅមន្ទីរពេទ្យ បង្អែកខេត្តសៀមរាប។  ចំណែក ជនរងគ្រោះឈ្មោះ លឿម កញ្ញា យកទៅសង្គ្រោះ នៅមន្ទីរពេទ្យគន្ធបុប្ផា ខេត្តសៀមរាប។

ជនសង្ស័យបានឆ្លើយសារភាពថា រូបខ្លួនពិតជាបានធ្វើសកម្មភាព យកដុំថ្មវាយលើជនរងគ្រោះ ពិតប្រាកដមែន។ នគរបាលកសាងសំណុំរឿង៕

ភ្នំពេញ៖សម្ដេចធិបតី ហ៊ុន ម៉ាណែត នាយករដ្ឋមន្ត្រី បានចេញសម្រេចតែងតាំងសមាសភាព អាជ្ញាធរជាតិប្រយុទ្ធប្រឆាំងគ្រឿងញៀន។ នេះបើតាមសេចក្ដីសម្រេច ចុះថ្ងៃទី ១២ ខែកញ្ញាឆ្នាំ ២០២៣៕

ភ្នំពេញ៖សម្តេចធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា នឹងដឹកនាំគណៈប្រតិភូជាន់ខ្ពស់អញ្ជើញបំពេញទស្សនកិច្ច ផ្លូវការ នៅសាធារណរដ្ឋប្រជាមានិតចិន ពីថ្ងៃទី១៤ ដល់ថ្ងៃទី១៦ ខែកញ្ញា ឆ្នាំ២០២៣។

ភ្នំពេញ៖រដ្ឋមន្ត្រីក្រសួងមហាផ្ទៃ​ ឯកឧត្តមបណ្ឌិត​ ស​ សុខា​ បានសម្រេចបដិសេធសំណើសុំបង្កើត “គណបក្សអាយ៉ងខ្មែរ” ដែលមានលោក​ឯម​ សុខសុវណ្ណ​ តំណាងស្ថាបនិក។ នេះបើតាមសេចក្ដីប្រកាសរបស់ក្រសួងមហាផ្ទៃ៕

ខេត្តសៀមរាប៖ក្មេងម្នាក់បានលង់ទឹកស្លាប់ ខណៈឪពុកម្ដាយមិនបាននៅ។ ហេតុការណ៍បានកើតឡើង វេលសម៉ោង៨ និង១០នាទីថ្ងៃទី១២ ខែកញ្ញា ឆ្នាំ២០២៣ នៅចំណុច
ខាងជើងចម្ងាយ៤០ម៉ែត្រ ពីភូមិដំណាក់ដំរី ឃុំស្លែងស្ពាន ស្រុកស្រីស្នំ ខេត្តសៀមរាប។

អាជ្ញាធរមូលដ្ឋានបានប្រាប់ថា ជនរងគ្រោះមាបឈ្មោះ ស្រៀត ប៊ុនសិ ភេទប្រុស អាយុ២ឆ្នាំ (ក្នុងបន្ទុកឪពុកម្តាយ) ភូមិដំណាក់ដំរី ឃុំស្លែងស្ពាន ស្រុកស្រីស្នំ ខេត្តសៀមរាប។

អាជ្ញាធរបានបញ្ជាក់ថា ករណីនេះមូលហេតុ ឪពុកម្ដាយមិនបាននៅផ្ទះ ហើយជនរងគ្រោះបានដើរទៅតាមឪពុកធំ ទៅមើលចម្ការដូងដែលលិចទឹក ហើយបានចុះលេងទឹកបណ្ដាលអោយលង់ស្លាប់តែម្ដង៕

ភ្នំពេញ៖សម្តេចក្រឡាហោម ស ខេង អនុប្រធានគណបក្សប្រជាជនកម្ពុជា ឧត្តមប្រឹក្សាផ្ទាល់ព្រះមហាក្សត្រ នៅ
ថ្ងៃចន្ទ ថ្ងៃទី១១ ខែកញ្ញា ឆ្នាំ២០២៣ នេះ
បានសារផ្ញើជូនបងប្អូនជនរួមជាតិ ជាទីគោរព និងជាមេត្រី!។

សម្ដេច ស ខេង បានសរសរថា នៅក្នុងរយៈពេលចុងក្រោយនេះ ជាពិសេសក្រោយពេលដែលរាជរដ្ឋាភិបាល អាណត្តិទី៧ នៃរដ្ឋសភាត្រូវបានបង្កើតឡើង មជ្ឈដ្ឋានដែលមាននិន្នាការប្រឆាំងនៅតែបន្តលើកឡើងដដែលៗតាមរយៈបណ្តាញសង្គម សារព័ត៌មាននានា និងជាពិសេសតាមការឃោសនាអកុសល ប្រតិដ្ឋនូវព័ត៌មាននានាក្នុងបំណងដ៏កខ្វក់ដើម្បីបំបែកបំបាក់ផ្ទៃក្នុងគណបក្សប្រជាជនកម្ពុជា ហើយបានយកឈ្មោះខ្ញុំជាប្រធានបទមួយសម្រាប់បម្រើមហិច្ឆតាទុច្ចរិត និងស្មោកគ្រោករបស់ពួកគេ ។

ក្នុងនាមខ្ញុំជាអនុប្រធានគណបក្សប្រជាជនកម្ពុជា ខ្ញុំសូមជម្រាបជូនប្រជាពលរដ្ឋខ្មែរទាំងអស់ ជាពិសេសបងប្អូនជនរួមជាតិដ៏ច្រើនលើសលប់ដែលគាំទ្រគណបក្សប្រជាជនកម្ពុជា មេត្តាជ្រាបថា៖ ការលើកឡើងរបស់មជ្ឈដ្ឋានដែលមាននិន្នាការប្រឆាំងនេះ ជាការប៉ុនប៉ងទាំងល្ងិតល្ងង់ក្នុងគ្រាអស់សង្ឃឹម និងជាការបំផុសបំផុលដ៏គ្រោះថ្នាក់ដល់ប្រទេសជាតិ។

ខ្ញុំសូមអំពាវនាវឲ្យក្រុមជនអគតិ និងទុច្ចរិតទាំងនោះ បញ្ឈប់ជាបន្ទាន់រាល់ទង្វើទាំងឡាយណាដែលប៉ះពាល់ដល់សន្តិភាព ស្ថិរភាពនយោបាយ និងរាំងស្ទះដល់ការអភិវឌ្ឍសង្គម សេដ្ឋកិច្ចកម្ពុជា និងធ្វើឲ្យសាធារណជនមានការភ័ន្តច្រឡំលើគោលការណ៍ដឹកនាំដ៏ត្រឹមត្រូវរបស់គណបក្សប្រជាជនកម្ពុជា ដែលមានសម្តេចអគ្គមហាសេនាបតីតេជោ ហ៊ុន សែន ជាប្រមុខ។

ជាថ្មីម្តងទៀត ខ្ញុំសូមអះអាងឡើងវិញនូវគោលជំហរដ៏ពេញទំហឹងឥតងាករេរបស់ខ្ញុំថា ខ្ញុំនៅតែបន្តគាំទ្រ និងលើកទឹកចិត្តតាមការដែលអាចធ្វើបាន រាជរដ្ឋាភិបាលអាណត្តិទី៧ នៃរដ្ឋសភា ដែលមានសម្តេចមហាបវរធិបតី ហ៊ុន ម៉ាណែត ជានាយករដ្ឋមន្រ្តី បានបំពេញភារកិច្ចរបស់ខ្លួនឲ្យបានសម្រេច និងទទួលបានជោគជ័យយ៉ាងល្អប្រសើរ តាមយុទ្ធសាស្រ្តបញ្ចកោណរបស់រាជរដ្ឋាភិបាល ដែលបានប្រកាសកាលពីថ្ងៃទី២៤ ខែសីហា ឆ្នាំ២០២៣។

សូមជូនពរបងប្អូនជនរួមជាតិ ជួបប្រទះតែសេចក្តីសុខ និងសេចក្តីចម្រើនគ្រប់ប្រការ។សូមអរគុណ សន្តិភាព។

ភ្នំពេញ៖ជនសង្ស័យចំនួន៥នាក់ ត្រូវបាន
កម្លាំងនាយកដ្ឋាននគរបាលព្រហ្មទណ្ឌ បំបែកករណីលួចមានស្ថានទម្ងន់ទោស (គាស់ទូកុងទីន័រ) នៅចំណុចភូមិឃ្មួញ សង្កាត់ឃ្មួញ ខណ្ឌសែនសុខ រាជធានីភ្នំពេញ។

នគរបាលនាយកដ្ឋាននគរបាលព្រហ្មទណ្ឌ បានអះអាងថា កាលពីថ្ងៃទី២៥ ខែមិថុនាឆ្នាំ ២០២៣ វេលាប្រហែលម៉ោង០២រំលងអាធ្រាត មានជនសង្ស័យមួយក្រុម (មើលតាមកាមេរាសុវត្ថិភាព) បានធ្វើសកម្មភាពគាស់ ទំលុះទម្លាយកុងតឺន័រ ដែលចតទុកនៅក្នុងឃ្លាំងស្ថិតនៅភូមិឃ្មួញ លួចយកខ្សែភ្លើងបង្គុំតប្រព័ន្ធភ្លើងរថយន្ត ហើយគេចខ្លួនបាត់។ ក្រោយពីទទួលបានព័ត៌មាន កម្លាំងជំនាញរបស់នាយកដ្ឋាននគរបាលព្រហ្មទណ្ឌ បានធ្វើការស្រាវជ្រាវ និងកំណត់បានទីតាំងលាក់ខ្លួនរបស់ជនសង្ស័យ រហូតនៅថ្ងៃទី០៨ ខែកញ្ញា ឆ្នាំ២០២៣ កម្លាំងជំនាញរបស់នាយកដ្ឋាននគរបាលព្រហ្មទណ្ឌ បានដឹកនាំសហការជាមួយជំនាញអធិការដ្ឋាននគរបាលខណ្ឌសែនសុខ ធ្វើការឃាត់ខ្លួនជនសង្ស័យបានចំនួន០៥នាក់ រួមមាន៖

ទី១៖ឈ្មោះ នួន ឈុនលាង ភេទប្រុស អាយុ៣៨ឆ្នាំ, ទី២៖ឈ្មោះ សែ គន្ធា ភេទប្រុស អាយុ៤៥ឆ្នាំ, ទី៣៖ឈ្មោះ សុខ វណ្ណា ភេទប្រុស អាយុ៣៤ឆ្នាំ, ទី៤៖ឈ្មោះ អែម សំអុល ភេទប្រុស អាយុ៣៨ឆ្នាំ, ទី៥៖ឈ្មោះ ហេង ប៊ុនស ភេទប្រុស អាយុ៤៥ឆ្នាំ។

បច្ចុប្បន្នជនសង្ស័យ ត្រូវបាននាយកដ្ឋាននគរបាលព្រហ្មទណ្ឌ បានប្រគល់ឲ្យទៅអធិការដ្ឋានដ្ឋាននគរបាលខណ្ឌសែនសុខ ជាម្ចាស់ករណីដើម្បីចាត់ការបន្តតាមនីតិវិធី។

សូមជម្រាបថាប្រតិបត្តិការជាបន្ដបន្ទាប់នេះ ធ្វើឡើងដោយអនុវត្តតាមបទបញ្ជា របស់ ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ, អគ្គស្នងការរងទទួលផែន, ប្រធាននាយកដ្ឋានកណ្ដាលនគរបាលយុត្តិធម៌ និងបញ្ជារបស់ឯកឧត្តម ឧត្តមសេនីយ៍ឯក ង៉េង ជួ ប្រធាននាយកដ្ឋាននគរបាលព្រហ្មទណ្ឌ និងបង្ក្រាបដឹកនាំដោយលោកឧត្តមសេនីយ៍ត្រី ហ៊ុន មុន្នីរ័ត្ន លោកវរសេនីយ៍ឯក ហែម បូណា អនុប្រធាននាយកដ្ឋាននគរបាលព្រហ្មទណ្ឌ បានដឹកនាំកម្លាំងជំនាញរបស់នាយកដ្ឋាននគរបាលព្រហ្មទណ្ឌ សហការជាមួយកម្លាំងអធិការដ្ឋាននគរបាលខណ្ឌសែនសុខ និងអធិការដ្ឋាននគរបាលស្រុកកណ្តាលត្រាំកក់៕