ខេត្តសៀមរាប៖តុលាការបានសម្រេចលើក ពេលជម្រះ សំណុំរឿងព្រហ្មទណ្ឌ ដែលដើមបណ្តឹងប្តឹងទាមទារសំណង១.២០០.០០០ដុល្លារ។
អង្គសវនាការនេះ បានធ្វើឡើងនៅព្រឹកថ្ងៃទី២៨ខែឧសភាឆ្នាំ២០២០ ដែលមានលោកមុយ សុភក្ត្រ័ ចៅក្រមជំនំុជម្រះ លោកស្រេង វុទ្ធា តំណាងអយ្យការលោកទី សុខណាង ជាក្រឡាបញ្ជី និងវត្តមានគូរភាគី។ ប៉ុន្តែត្រូវបានសម្រេចលើកពេលទៅថ្ងៃទី៣ខែមិថុនាឆ្នាំ២០២០វិញ ដោយសាអស់ពេលសម្រាប់សាកសួរ និងសាក្សីដើមបណ្តឹងចូលបំភ្លឺមិនទាន់គ្រប់ចំនួន។
ដើមបណ្តឹង នៃសំណុំរឿងព្រហ្មទណ្ឌលេខ១១៦ចុះថ្ងៃទី៧ខែកុម្ភ:ឆ្នាំ២០១៩មានឈ្មោះស៊ីម ឈីវឈានពិសិដ្ឋ អតីត អនុប្រធានមន្ទីរបរិស្ថានខេត្ត សៀមរាប។ ចំណែកចុងបណ្តឹងមានឈ្មោះគង់ មង្គល ប្រធានសហគមន៍បឹងពារាំង រួមនិងមន្ត្រីសហគមន៍៤នាក់ទៀត។
នៅមុខតុលាការខេត្តម្សិលមិញ លោកស៊ីម ឈីវឈានពិសិដ្ឋ បានផ្តល់បទ សម្ភាសន៍ថា អង្គសវនាការនេះតុលាការបានលើក ពេលហើយ។ តែបណ្តឹងដែលរូបលោកប្តឹងទាមទារសំណង១.២០០.០០០ដុល្លារ គឺមិនអាចថយក្រោយឡើយ ត្បិតពួកគេព្រួតគ្នាវាយមកលើរូបលោកយ៉ាងព្រៃផ្សៃ។ រឿងនេះលោករំពឹងថា តុលាការនិងកាត់ក្តីដោយយុត្តិធម៌ដល់រូបលោក។
លោកសិទ្ធបន្តថា កាលពីម៉ោងជាង៧យប់ ថ្ងៃទី២៦ខែមករា ឆ្នាំ២០១៩ កន្លង ទៅ ក្នុងខណ:ដែលរូបលោកចុះទៅថតរូបភាពបទល្មើសនៅតំបន់បឹងពារាំង ក៏ត្រូវបានមន្ត្រី និងលោកគង់ មង្គល ប្រធានសហគមន៍ខាងលើ ព្រួតគ្នាវាយរហូតសន្លប់។ ចឹងហើយទើបលោកប្តឹងទារសំណង ១.២០០.០០០ដុល្លារបែបនេះ។ ចំពោះថាពួកគេផ្ទុះហិង្សាមកលើរូបលោក ព្រោះតែរូបលោកទៅប្រកាសរំលាយសហគមន៍ បឹងពារាំងចោលនោះ គឺមិនពិតឡើយ។
ជាមួយការលើកឡើងរបស់ដើមបណ្តឹងនេះលោកគង់ មង្គល ប្រធានសហគមន៍បឹងពារាំង រួមនិងមន្ត្រីដែលរងដោយបណ្តឹង ក៏បានផ្តល់បទសម្ភាសន៍នៅមុខតុលាការដូចគ្នាផងដែរ។
លោកគង់ មង្គល បានប្រាប់អ្នកសារព័ត៌មានថា ចំពោះលុយ១.២០០.០០០ដុល្លារ លោកមិនដែលស្គាល់ទេ វាច្រើនណាស់។ តែការប្តឹងទាមទារជាសិទ្ធិបុគ្គល សំខាន់គឺតុលាការជាអ្នកស៊ើបអង្កេតនិងសម្រេចរឿងក្តីនេះ។ លោកបន្តថា ដើមចមដែលបណ្តាលអោយមានការ ប្តឹងផ្តល់គ្នាបែបនេះគឺ កាលពីអំឡុងចុងខែមករា ឆ្នាំ២០១៩ វេលាម៉ោងជាង ៧យប់ លោកពិសិដ្ឋដែលជាដើមបណ្តឹង បានចូលទៅកាន់បឹងពារាំង ជាតំបន់ដែលការពារត្រីមេពូជ សត្វស្លាបនិងសត្វល្មូន ដោយសហគមន៍ ដោយមិនមានការសុំសហការ។ គ្រានោះលោកពិសិដ្ឋ បានថត ឆ្នាំងបាយ និងកន្លែងដេករបស់មន្ត្រីសហគមន៍។ ក្រៅពីនោះក៏បានប្រកាស ប្រាប់មន្ត្រីសហគមន៍ថា រូបគេមកនេះគឺ បានការអនុញាតិពីអាជ្ញាធរក្រុង និងខេត្ត ដើម្បីមកប្រកាសរំលាយសហគមន៍ បឹងពារាំងចោល។ បន្ទាប់ពីឮពាក្យដូច្នេះ មន្ត្រីសហគមន៍ សួររកឯកសារដែលត្រូវរំលាយសហគមន៍ ហើយក៏មានការប្រកែករហូតផ្ទុះជាហិង្សាវាយតប់គ្នាតែម្តង។
ប្រធានសហគមន៍រូបនេះ បញ្ជាក់ថា ការប្តឹងទាម ទារសំណងរបស់បុគ្គល គឺជាសិទ្ធិ តែរឿងហិង្សានៅបឹងពារាំង គឺវាយទៅវាយមក ចឹងទេទុកអោយតុលាការសម្រេច។ ប៉ុន្តែរឿងលោកស៊ីម ឈីវឈានពិសិដ្ឋ បង្ហោះសារជេរប្រមាថ និងចោទប្រកាន់រូបលោកក្បត់ ជាតិ តាមបណ្តាញសង្គមហ្វេសប៊ុកផ្ទាល់ខ្លួន លោកក៏បានដាក់បណ្តឹង ទៅតុលាការវិញហើយដែរ។ចឹងទេសម្រាប់រូបលោកផ្ទាល់ ក៏រំពឹងទៅលើស្ថាប័នតុលាការដូចគ្នាផងដែរ ថានឹងទទួលបានភាពយុត្តិធម៌។
យោងតាមការអះអាងរៀងៗខ្លួនរបស់គូរភាគី អ្នកតាមដានដំណើររឿងខាងលើនេះ រំពឹងថា អាចទទួលបានភាពយុត្តធម៌ដូចគ្នា ក្រោយតុលារស៊ើបអង្កេតយ៉ាងល្អិតល្អន់៕SRPរូបភាព៖លោកពិសិដ្ឋ ពាក់អាវសនិងលោកគង់មង្គលពាក់អាវផ្ទៃមេឃដៃវែង

ខេត្តសៀមរាប៖រថយន្តចំនួនពីរគ្រឿងដឹកធ្យូងត្រូវបានសមត្ថកិច្ចចាប់ឃាត់ទុក។
ហេតុការណ៍បានកើតឡើង
វេលាម៉ោង១៤និង៣០នាទី
ថ្ងៃទី២៨ខែឧសភាឆ្នាំ២០២០នៅចំណុចមុខវត្តត្រាងភូមិត្រពាំងស្វាយឃុំស្វាយលើ ស្រុកស្វាយលើ នៅលើដងផ្លូវជាតិលេខ៦៤។
ការបង្ក្រាបនេះដោយកម្លាំងអាវុធហត្ថស្រុកស្វាយលើដឹកនាំដោយលោកវសេនីយ៍ត្រីឈាសាវុធមេបញ្ជាការកងរាជអាវុធហត្ថស្រុកស្វាយលើ សហការជាមួយកម្លាំងរដ្ឋបាលព្រៃឈើស្វាយលើ។
សមត្ថកិច្ចបានឲ្យដឹងថាការឃាត់
រថយន្តដឹកធ្យូងទាំងពីរគ្រឿងនេះដោយមិនមានអនុញ្ញាត។រថយន្តទី០១ម៉ាកសាំយ៉ុងកែឆ្នៃ ពណ៌សនិងមួយគ្រឿង ពណ៌ស្លែ។
សមត្ថកិច្ចបន្តថារថយន្តទាំងពីរគ្រឿងដឹកធ្យូងសរុប៥០០ការ៉ុងស្មើ១តោនកន្លះ។
ម្ចាស់រថយន្តឈ្មោះហោ ប៉ាវ ភេទប្រុសអាយុ២៧ឆ្នាំរស់នៅភូមិត្រពាំងថ្ម ឃុំរលាំងចក ស្រុកសំរោងទង ខេត្តកំពង់ស្ពឺ។ ចំណែកម្នាក់ទៀតរត់គេចខ្លួន។ម្ចាស់រថយន្តនិងវត្តុតាងប្រគល់អោយសង្កាត់រដ្ឋបាលព្រៃឈើស្វាយលើចាត់ការតាមនិតិវិធី៕SRP

ខេត្តសៀមរាប៖សមត្ថកិច្ចបានឲ្យដឹងថារថយន្តសង្គ្រោះរបស់មន្ទីរពេទ្យស្រុកក្រឡាញ់ ដឹកអ្នករបួស ជួបគ្រោះថ្នាក់ចរាចរណ៍ បណ្ដាលឲ្យមានអ្នករបួសធ្ងន់ស្រាល០៧នាក់។

ហេតុការណ៍បានកើតឡើងវេលាម៉ោង ១៨និង០០នាទីថ្ងៃទី២៨ខែឧសភាឆ្នាំ២០២០នៅលើផ្លូវជាតិលេខ៦ ចំណុច ផ្លូវចូលភូមិរំដេង(ឈ្នាន់) ស្ថិតនៅភូមិរំដេង ឃុំស្រណាល ស្រុកក្រឡាញ់ ខេត្តសៀមរាប។

សមត្ថកិច្ចបានបន្តថាករណីនេះគឺមានរថយន្តមួយគ្រឿងម៉ាកហ្វតរ៉េនជរ័ ពណ៌ស ពាក់ស្លាកលេខ សៀមរាប រដ្ឋ១២.២.០៥៨០ជារថយន្តរបស់ពេទ្យស្រុកក្រឡាញ់ បើកបរដោយឈ្មោះ ស្ងួន ចាយ ភេទប្រុសអាយុ៣៨ ឆ្នាំ រស់នៅភូមិរលំស្វាយ ឃុំចន្លាស់ដៃ ស្រុកក្រឡាញ់ ខេត្តសៀមរាប។ដោយមានអ្នករួមដំណើរជាមួយចំនួន០៥នាក់ ទី០១ឈ្មោះ ធឿម ប៊ុនយ៉ិញភេទប្រុស អាយុ២៧ឆ្នាំរស់នៅភូមិទឹកជោរ ឃុំទឹកជោរ ស្រុកព្រះនេត្រព្រះខេត្តបន្ទាយមានជ័យ
ទី០២ ឈ្មោះ ថាំ ធិប ភេទប្រុស អាយុ២០ឆ្នាំ
ទី០៣ឈ្មោះ ឆាវ ចេន ភេទស្រី
អាយុ៤០ ឆ្នាំ
ទី០៤ឈ្មោះ ម៉ី ផល ភេទប្រុស អាយុ៤៥ឆ្នាំ
ទី០៥ឈ្មោះថី ថាំ ភេទប្រុស អាយុ៤០ឆ្មាំ រស់នៅភូមិល្បើកប្រីយ៍ ឃុំរោងគោ ស្រុកក្រឡាញ់ខេត្តសៀមរាប ធ្វើដំណើរជាមួយគ្នាដោយ ក្នុងទិសដៅពីកើតទៅលិច មកពីដឹកអ្នករបួសឈ្មោះ ថី ថាំ ដោយសាត្រឡប់គោយន្តយកទៅព្យាបាលនៅពេទ្យក្រឡាញ់ បានបុករថយន្តមួយគ្រឿង D.max ISUZU ពាក់ស្លាកលេខ ថៃ៣១៨០ បើកបរឈ្មោះ រៀម សារិន ភេទប្រុស. អាយុ២៩ឆ្នាំ រស់នៅភូមិរំដេង(ឈ្នាន់) ឃុំស្រណាល ស្រុកក្រឡាញ់ ខេត្តសៀមរាបក្នុងទិសដៅពីកើតទៅលិចរួចបត់ឆ្វេង។
សមត្ថកិច្ចបញ្ជាក់ថាហេតុការណ៍នេះបណ្តាលអោយរបួសស្រាល៥នាក់ឈ្មោះថាំ ធិប .ម៉ី ផល.ឆាវ ចេន.ស្ងួន ចាយ.រៀម សារិន។របួសធ្ងន់ពីរនាក់ឈ្មោះ ថី ថាំ (ដោយសាត្រឡប់គោយន្តមុនគ្រោះថ្នាក់ចរាចរណ៍)និងឈ្មោះ ធឿន ប៊ុនយ៉ិញ។ ខូចខាតរថយន្ត ធ្ងន់០២ គ្រឿង។
បើតាមសមត្ថកិច្ចថាមូលហេតុគ្រោះថ្នាក់បណ្តាលមកពីអ្នកបើកបររថយន្តម៉ាក D.max ISUZU បានបត់ឆ្វេង ក្នុងស្ថានភាពគ្រោះថ្នាក់។ ចំណែអ្នកបើកបររថយន្តម៉ាក ហ្វតរ៉េនជ័របើកក្នុងល្បឿនលឿន។ វត្ថុតាងរថយន្តទាំង០២គ្រឿង កម្លាំងជំនាញបានយកមករក្សាទុកនៅអធិការដ្ឋាននគរបាលស្រុក។ ឯអ្នករបួសត្រូវបានរថយន្តសុីរ៉ែនស្នាក់ការ៦១០ដឹកមកមន្ទីរពេទ្យស្រុកក្រឡាញ់៕SRP

ខេត្តកំពង់ចាម​៖លោក​កែវ នាឬទ្ធិ អភិបាលរងខេត្តកំពង់ចាម នារនារសៀលៃថ្ងនេះ បាន​អញ្ជើញជាអធិបតីក្នុងពិធីប្រកាសចូលកាន់មុខតំណែងមន្ត្រីរាជការ នៃមន្ទីរព័ត៌មានខេត្តកំពង់ចាម។

ក្នុង​ពិធី​នោះ​ដែរ​លោក​​ កែវ​ នា​ឫទ្ធិ​ ​ បានណែនាំដល់មន្ត្រីដែលទើបតែងតាំង ចូលកាន់តំណែងថ្មី ត្រូវមានសាមគ្គីភាព ខិតខំបំរើការងារលើវិស័យព័ត៌មាន ពោលធ្វើយ៉ាងណា ផ្សព្វផ្សាយព័ត៌មាន ឲ្យបានជ្រោតជ្រាប ទៅដល់សាធារណៈជន ពិសេស ត្រូវលុបបំបាត់ព័ត៌មានក្លែងក្លាយ ដែលនាំឲ្យប៉ះពាល់ដល់សុខសន្តិសង្គម ដែលបង្កឲ្យមានការភាន់ច្រលំពីសំណាក់មហាជនទូទៅ មកលើការខិតខំប្រឹងប្រែង របស់រាជរដ្ឋាភិបាល និងអាជ្ញាធរ ។
ជាមួយគ្នា​នោះ​ លោក​អភិបាលរងខេត្ត ក៏បានណែនាំដល់ថ្នាក់ដឹកនាំមន្ទីរព័ត៌មាន ជាពិសេស មន្ត្រីជំនាញគ្រប់គ្រងព័ត៌មានទូរទស្សន៍ និងវិទ្យុក្នុងខេត្ត ត្រូវបន្តយកចិត្តទុកដាក់ការផ្សព្វផ្សាយអំពីអនាម័យ និងវិធីបង្ការការពារជំងឺកូវីដ១៩ ជូនដល់ប្រជាពលរដ្ឋ ឲ្យបន្តអនុវត្តឲ្យបានខ្ជាប់ខ្ជួន តាមការណែនាំ របស់ក្រសួងសុខាភិបាល ដើម្បី ជៀសផុតពីជម្ងឺដ៏កាចសាហាវនេះ គ្រប់ៗគ្នា ។

គួសបញ្ចាក់ថាយោងដីកាស្ដីពីការតែងតាំង និងគល់ភារកិច្ចជូនមន្ត្រីរាជការ របស់រដ្ឋបាលខេត្តកំពង់ចាម ត្រូវបានតែងតាំងមន្ត្រីរាជការ ចំនួន ០៦រូប ទៅក្នុងរចនាសម្ព័ន្ធមន្ទីរព័ត៌មាន ខេត្តកំពង់ចាមក្នុងនោះមាន៖អនុប្រធានមន្ទីរចំនួន០២រូប ប្រធានការិយាល័យចំនួន២រូបនិងអនុប្រធានការិយាល័យចំនួន០២រូប​៕SRP

ខេត្តកំពង់ចាម​៖លោក​​អ៊ុន​ ចាន់ដា​ អភិបាលខេត្តកំពង់ចាម​ និង​លោក​​ ខ្លូត​ ផន​ ប្រធាន​ក្រុមប្រឹក្សា​ខេត្ត​​ បានអញ្ជើញ​ចូលរួម​ការ​រៀបចំកម្មវិធីធ្វើបទបង្ហាញ​ ស្តីពីលទ្ធភាពនៃការផ្តល់ឥណទាន​ ដល់កសិករ ចញ្ចឹមត្រី មាន់ ទា និងដាំបន្លែ និងអាជីវករជាម្ចាស់សិប្បកម្ម សហគ្រាសធុនតូច និងមធ្យម ក្នុងវិស័យកែច្នៃផលិតផលកសិកម្ម កសិ-ឧស្សាហកម្ម និងកសិកម្ម​ ដែល​បាន​ធ្វេី​ឡើង​នារសៀល​ថ្ងៃ​ទី​២៨​ ខែឧសភា​ឆ្នាំ​២០២០​នេះ នៅ​សាលា​ខេត្ត​កំពង់ចាម​ ក្រោម​វត្តមាន​លោក​ កៅ ថាច អគ្គនាយក នៃធនាគារអភិវឌ្ឍន៍ជនបទ និងកសិកម្ម និង​សហការី ដោយមានការចូលរួមពី​ លោក​ លោកស្រី​អភិបាល​រង​ខេត្ត​ មន្ត្រី​ពាក់ព័ន្ធ​តាមបណ្តាក្រុង ស្រុក និងបងប្អូនប្រជាកសិករ សហគមន៍ ជាច្រើននាក់ផងដែរ៕SRP

ខេត្តសៀមរាប៖បុរសម្នាក់ត្រូវបានឃាត់ខ្លួន ក្រោយម្តាយប្រាប់សមត្ថកិច្ចថាបានលួចយកកាបូបរបស់ម្តាយម៉ីង ពីខេត្តកណ្តាល យកមកដើរចាយនៅខេត្តសៀមរាប។
ការឃាត់ខ្លួនធ្វើឡើងនៅថ្ងៃទី២៧ខែឧសភាឆ្នាំ២០២០នៅភូមិ វាល សង្កាត់គោកចក ក្រុងសៀមរាប។
លោកឧត្តមសេនីយ៍ត្រី ភឹង ចិន្តារ៉េត ស្នងការរងទទួលផែនគណ្តាលព្រហ្មទណ្ឌ ស្នងការដ្ឋានខេត្តសៀមរាប
បានឲ្យថាជនសង្ស័យឈ្មោះ ថន ប៊ុនធីម ភេទប្រុសអាយុ១៥ឆ្នាំរស់នៅភូមិ វាល សង្កាត់គោកចក ក្រុងសៀមរាប។ជនសង្ស័យក៏ពាក់ព័ន្ធបទ

ប្រើប្រាស់ដោយខុសច្បាប់នូវសារធាតុញៀនផងដែរ។លោកបន្តរំលឹកថានៅថ្ងៃទី២៥ខែឧសភា

ឆ្នាំ២០២០ លោកសេចក្ដីរាយការណ៍ពីម្ដាយឈ្មោះ រឿង ស៊ីណាតអាយុ៤១ឆ្នាំរស់នៅភូមិវាល សង្កាត់គោកចក ថាខ្លួនបានទទួលព័ត៌មានពីឈ្មោះ វ៉ាន់ ដានី ហៅ ពៅ ភេទ ស្រីអាយុ៣៦ឆ្នាំរស់នៅភូមិស្វាយលើ ឃុំព្រែកថ្មី ស្រុកកោះធំ ខេត្តកណ្ដាល ថាកូនបង្កើតបានលួចយកកាបូបលុយពណ៌ សូកូឡា។ ក្នុងនោះមានលុយ២៤០០ដុល្លារ លុយខ្មែរ៨០ម៉ឺនរៀល ចិញ្ចៀនលោហៈធាតុពណ៌លឿង ០៣វង់ ក្រវិលលោហៈធាតុពណ៌លឿង០១ គូ ប្លង់ដី០១ កាតធនាគារ០៣ អត្តសញ្ញាណ ប័ណ្ណ០១សន្លឹក ប័ណ្ណសំគាល់យានយន្ត០២ ប័ណ្ណបើកបរ០១ ខណៈពេល ដែលម្ដាយមីងទុកកាបូបចោលនៅក្នុងបន្ទប់។
ជនសង្ស័យបានសារភាពថា ខ្លួនពិតជាបានធ្វើសកម្មភាពពិតប្រាកដមែនដោយចាយវាយអស់មួយចំនួន និងបានទុកនៅជាមួយ នៅមិត្តភក្កិឈ្មោះ ហើម ហៅប៉ោ មិនស្គាល់ត្រកូលរស់នៅភូមិ មណ្ឌល៣ សង្កាត់ ស្លក្រាម ទុកសម្រាប់ទិញម៉ូតូ។
បច្ចុប្បន្ននគរបាលកសាងសំណុំរឿងបញ្ជូនខ្លួនទៅតុលាការដើម្បីអនុវតតាមច្បាប់៕SRP

ខេត្តសៀមរាប៖ ជនសង្ស័យ០២នាក់បានយករថយន្តម៉ាកលុចស៊ីស RX300 របស់អ្នកស្គាល់គ្នាដែលគេផ្ញើយកទៅបញ្ចាំ ហើយនាំគ្នាគេចខ្លួន ត្រូវបាននគរបាលឃាត់ខ្លួន។

ការឃាត់ខ្លួននេះធ្វើឡើងនៅរសៀលថ្ងៃទី២៧ ខែឧសភា ឆ្នាំ២០២០ ខណៈជនរងគ្រោះបានហៅជនសង្ស័យមកសាកសួរនៅប៉ុស្តិ៍នគរបាលសង្កាត់ស្លក្រាម ក្រុងសៀមរាប។

លោកឧត្តសេនីយ៍ត្រី ភឹង ចិន្តារ៉េត ស្នងការរងទទួលផែនកណ្តាលព្រហ្មទណ្ឌស្នងការខេត្តសៀមរាប បានឲ្យដឹងថាជនសង្ស័យ

០១-ឈ្មោះ សាក់ ចិន្ដា ហៅ ញ៉ាញ់ ភេទប្រុស អាយុ៤១ឆ្នាំមុខរបរជាងបាញ់ថ្នាំរថយន្ត រស់នៅភូមិបន្ទាយចាស់ សង្កាត់ស្លក្រាម ក្រុងសៀមរាប។

០២-ឈ្មោះ ស៊ាន សឿន ភេទប្រុស អាយុ៣០ឆ្នាំមុខរបររកស៊ីដី រស់នៅភូមិអូរទទឹង ឃុំព្រះដាក់ ស្រុកបន្ទាយស្រី ខេត្តសៀមរាប។
លោកឧត្តសេនីយ៍ត្រី ភឹង ចិន្តារ៉េត បន្តថាហេតុការណ៍យករថយន្តទៅបញ្ចាំនៅក្នុងអំឡុងខែវិច្ឆិកាឆ្នាំ២០១៩ ស្ថិតភូមិបន្ទាយចាស់ សង្កាត់ស្លក្រាម ក្រុងសៀមរាប។

ជនរងគ្រោះឈ្មោះថត សុផាត ភេទប្រុស អាយុ៤២ឆ្មាំរស់នៅភូមិកើតហេតុខាងលើបានយករថយនម៉ាកLexusRX300 ពណ៌ស ផលិតឆ្នាំ២០០០ ពាក់ផ្លាកលេខ សៀមរាប 2C-4414 លេខតួJT6HF10U2Y0147224 លេខម៉ាស៊ីន1MZ4409149 នឹងឯកសាររថយន្ត ទៅផ្ញើនឹងជនសង្ស័យឈ្មោះសាក់ ចិន្ដា ហៅញ៉ាញ់ ព្រមទាំងពឹង ឲ្យលក់ក្នុងតម្លៃ១៥៤០០ដុល្លារ។

ក្រោយពីជនសង្ស័យបានរថយន្តខាងលើហើយ ក៏ទាក់ទងជនសង្ស័យឈ្មោះស៊ាន សឿន ដើម្បីមកទិញរថយន្ត ក្រោយពីត្រូវរ៉ូវគ្នាឈ្មោះស៊ាន សឿន បានកក់ប្រាក់តាមរយៈជនសង្ស័យឈ្មោះសាក់ ចិន្ដា ហៅញ៉ាញ់ចំនួន១០០០ដុល្លារ លុះក្នុងកំឡុងខែមីនា ឆ្នាំ២០២០ ជនសង្ស័យទាំងពីរបានយកប័ណ្ណសម្គាល់យានយន្តខាងលើ រួមទាំងរថយន្តរបស់ជនរងគ្រោះទៅបញ្ចាំ បានប្រាក់ចំនួន១១៥០០ដុល្លារ ដោយជនសង្ស័យឈ្មោះស៊ាន សឿន បានចំណែកប្រាក់៧២០០ដុល្លារ ឯជនសង្ស័យឈ្មោះសាក់ ចិន្ដា បានប្រាក់ចំនួន៤៣០០ដុល្លារ ហើយគេចវេសពីជនរងគ្រោះ។ ដោយឡែកនៅថ្ងៃទី២៧ ខែឧសភាម្សិលមិញជនសង្ស័យទាំងពីរបានចាយវាយប្រាក់អស់ ក៏បាននាំគ្នាមកប្រាប់ជនរងគ្រោះ ហើយជនរងគ្រោះក៏បាននាំជនសង្ស័យទាំងពីរ មកប៉ុស្តិ៍ដើម្បីសាកសួរ។ ក្រោយពីសាកសួរជនសង្ស័យទាំងពីរបានឆ្លើយថាពិតជាប្រព្រឹត្តដូចពាក្យខាងលើពិតមែន។ ឯប្រាក់ដែលបានពីការបញ្ចាំរថយន្តជនសង្ស័យទាំងពីរបានយកចាយវាយផ្ទាល់ខ្លួនអស់។

បច្ចុប្បន្នជនសងសង្ស័ខាងលើត្រូវបាន ឃាត់ខ្លួន និងកសាងសំណុំរឿងបញ្ជូនខ្លួនទៅតុលាការចាត់ការតាមផ្លូវច្បាប់៕SRP

ខេត្តសៀមរាប៖លោកទៀ សីហា អភិបាលខេត្តបានថ្លែងដល់អាជ្ញាធរមូលដ្ឋានទាំងអស់ត្រូវធ្វើការណែនាំ និងទប់ស្កាត់ឱ្យខានតែបានចំពោះបងប្អូនប្រជាពលរដ្ឋដែលតែងតែកាប់ទន្ទ្រានព្រៃលិចទឹកជាជំរកត្រីពង ដើម្បីវាទទីយកដីធ្វើកសិកម្មក្នុងតំបន់៣។ ម្យ៉ាងទៀតត្រូវណែនាំដល់ប្រជាពលរដ្ឋកុំឱ្យមានការដុតគល់ស្រូវ ដែលធ្វើឱ្យឆេះរាលដាលដល់ផ្ទះប្រជាពលរដ្ឋ និងព្រៃលិចទឹកជាដើម។
អភិបាលខេត្តសៀមរាបបញ្ជាក់យ៉ាងដូច្នេះកាលពីថ្ងៃទី២៦ខែឧសភាឆ្នាំ២០២០ក្នុងពេលដឹកនាំក្រុមការងារចម្រុះចុះពិនិត្យស្ថានភាពរួមទំនប់៧៨ ស្ថានភាពផ្សេងៗនិងអាងទឹកក្នុងភូមិសាស្ត្រស្រុកសូទ្រនិគមរហូតដល់សង្កាត់ក្របីរៀល ក្រុងសៀមរាប ដើម្បីពិនិត្យលើការអភិវឌ្ឍន៍ និងដោះស្រាយបញ្ហាប្រឈមនានានៅតាមបណ្តោយទំនប់៧៨នេះ ប្រកបដោយចីរភាព។
ជាមួយគ្នានេះអភិបាលខេត្តក៏បានណែនាំដល់មន្ទីរធនធានទឹកនិងឧតុនិយមខេត្តពិនិត្យមើលស្ថានភាពទឹកនិងគ្រប់គ្រងទឹកទុកក្នុងអាងដើម្បីធ្វើការស្រោចស្រពក្នុងការបង្កបង្កេីនផលរបស់បងប្អូនប្រជាពលរដ្ឋ​ និងគ្រប់គ្រងឱ្យបានល្អផងដែរ៕SRP

ខេត្តសៀមរាប៖លោកឧកញ៉ាសៀង ណាំ តំណាងរាស្ត្រមណ្ឌលសៀមរាប បាន ឈប់ឡាន ជួយសង្គ្រោះ ពលរដ្ឋម្នាក់ ដែលដួលម៉ូតូដោយខ្លួនឯង។
លោកឧកញ៉ាសៀង ណាំ តាមរយ:ទំព័រផេកហ្វេសប៊ុកបានសរសេរថានៅរសៀលថ្ងៃទី២៨ខែ៥ឆ្នាំ២០២០ខ្ញុំបាទត្រឡប់មកពីមើលការដ្ឋានធ្វើផ្លូវនៅស្រុកក្រឡាញ់វិញដល់ភូមិទឹកវិលសង្កាត់ទឹកវិលក្រុងសៀមរាបវេលាម៉ោង៤បានជួបប្អូនប្រុសម្នាក់គ្រួោះថ្នាក់ចរាចរណ៍ដោយដួលម៉ូតូដោយខ្លួនឯងហើយរងរបួសធ្ងន់។
លោកឧកញ៉ាសៀង ណាំ បន្តថាខ្ញុំបាទបានហៅឡានពេទ្យអង្គរសៀមរាបដឹកទៅពេទ្យហើយខ្ញុំបានជូនថវិកាចំនួន១០០ដុល្លាដើម្បីដឹកទៅព្យាលបាលមិនដឹងផ្ទះប្អូនប្រុសនេះនៅឯណាទេ។បើបងប្អូនណាស្គាល់តាមរយ:រូបថតនេះសូមទៅរកមើលនៅមន្ទីពេទ្យអង្គរសៀមរាប។សូមអគុណ៕

ខេត្តកំពង់ចាម​៖អភិបាលខេត្តកំពង់ចាម លោក​​អ៊ុន​ ចាន់ដា​ បាន​ថ្លែង​ក្រេីន​រំលឹក​ដល់​មន្ត្រី​ពាក់ព័ន្ធ​ ឲ្យ​បន្ត​ការ​ផ្សព្វផ្សាយ​តាម​ការ​ណែនាំ​របស់​ក្រសួង​សុខាភិបាល​ និង​អង្គការសុខភាពពិភពលោក​(​WHO​) និង​បន្ត​ការ​ផ្សព្វផ្សាយ​ ដោយ​ការ​ចាក់​ផ្សាយ​តាម​ឃោសនស័ព្ទ​​ និង​ឧបករណ៍​បំពង​សំឡេង​​ទៅដល់​គ្រប់​ទី​កន្លែង​ បេីទោះបីជា​ជំងឺ​ជំងឺ​កូវីដ​១៩នៅ​កម្ពុជា​មាន​ការ​​ស្ងប់ស្ងាត់​ក៏ដោយ​ ព្រមទាំង​បន្ត​ការ​គ្រប់គ្រង​លេី​ពលករ​មក​ពី​ក្រៅប្រទេស​ ដូច​ជា​ប្រទេស​ថៃ​ ឬ​ប្រទេស​កូរ៉េ​ជាដើម​ និង​បន្ត​ពិនិត្យ​លេីជីវភាព​រស់នៅ​របស់​បងប្អូន​ប្រជាពលរដ្ឋ​ក្រីក្រ​ ដើម្បី​ធ្វើការ​ជួយសង្គ្រោះឲ្យ​ទាន់​ពេល​វេលា​ផង​ដែរ​។ ការ​ថ្លែង​យ៉ាង​ដូច្នេះ​ក្នុង​កិច្ចប្រជុំ​បូកសរុប​ការងារ​បង្ការ​ទប់ស្កាត់​ការ​ឆ្លង​រីករាល​ដាល​នៃ​ជំងឺ​កូវីដ​១៩​ នៅ​ក្នុង​ខេត្ត​កំពង់ចាម​ នាព្រឹក​ថ្ងៃ​ទី​២៨​ ខែឧសភា​ ឆ្នាំ​២០២០​ ក្រោម​វត្តមាន​លោក​​ ខ្លូត​ ផន​ ប្រធាន​ក្រុមប្រឹក្សា​ខេត្ត​ ដោយ​មាន​ការ​ចូលរួម​ពី​អភិបាល​រង​ខេត្ត​ ថ្នាក់ដឹកនាំ​មន្ទីរអង្គភាព​ពាក់ព័ន្ធ​ជុំវិញខេត្ត​ និង​អភិបាល​ក្រុង​-ស្រុក​ទាំង​១០​ផង​ដែរ​៕SRP

ភ្នំពេញ៖ប្រមុខមេដឹកនាំកម្ពុជាសម្ដេចតេជោ ហ៊ុន សែន នាយករដ្ឋមន្ត្រី បានបន្តអំពាវនាវដល់បងប្អូនប្រជាពលរដ្ឋ សូមប្រុងប្រយ័ត្ន រលកទី២ នៃការរាតត្បាត ជំងឺឆ្លងកូវីដ១៩។
សម្តេចតេជោនាយករដ្ឋមន្ត្រី បានលើកឡើងថាអ្វីដែលសំខាន់បំផុតនៅពេលនេះគឺការថែរក្សាអនាម័យសុខភាពអាយុជីវិតសម្រាប់ខ្លួនឯងផ្ទាល់ និងសម្រាប់កូនចៅជាទីស្រឡាញ់នៅក្នុងក្រុមគ្រួសារ កុំអោយឆ្លងមេរោគកូវីដ១៩ អោយសោះ។

សូមកុំអោយមានវិប្បដិសារីកើតឡើងព្រោះតែការធ្វេសប្រហែសមើលស្រាលចំពោះស្ថានការណ៍បច្ចុប្ប្នន្ន​។ ទោះបីចំនួនអ្នកឆ្លងក្នុងប្រទេសយើងមានតិចមែន តែយើងត្រូវបង្កើនការយកចិត្តទុកដាក់ខ្ពស់នឹងត្រៀមទប់ស្កាត់គ្រប់ពេល ជាពិសេសនៅក្នុងរលកទី២នៃការងើបឡើងវិញនៃជំងឺឆ្លងរលាកផ្លូវដង្ហើមកូវីដ១៩ ដ៏កាចសាហាវបំផុតនេះ។
នាយករដ្ឋមន្ត្រីបានបន្តថាមកទល់ថ្ងៃនេះ​ អង្គការសុខភាពពិភពលោក (WHO) បានបញ្ជាក់ចំនួនអ្នកឆ្លងក្នុងប្រទេស ២១៧ ដែលមានអ្នកឆ្លងរោគបានកើនឡើងជាង៥លាននាក់ហើយ (5,491,678) ហេីយស្លាប់ជាង30ម៉ឺននាក់ក្នុងនោះកម្ពុជាក៏មានអ្នកឆ្លងថ្មី2​នាក់ផងដែរ។

មកទល់ពេលនេះ​ មិនទាន់មានថ្នាំព្យាបាលកូវីដ១៩នៅឡេីយទេ។ ដូច្នេះ​ បងប្អូនប្រជាពលរដ្ឋត្រូវតែពាក់ម៉ាស់ ហេីយត្រូវដុសលាងសម្អាតដៃជាប្រចាំដោយទឹកអាល់កុល ឬចឹលសម្លាប់មេរោគ។ ត្រូវខ្ទប់មាត់ជាមួយក្រម៉ា ឬម៉ាស ឬខ្ទប់ដោយដៃនៅពេលក្អក ឬកណ្តាស​ ជាពិសេសនៅក្នុងចំណោមក្រុមមនុស្សច្រើន ឬទីប្រជុំជននានាដូចជាទីផ្សារ ភោជនីយដ្ឋាន និងទីកន្លែងធ្វើការជាដើម។

សូមបន្តស្តាប់តាមការណែនាំរបស់ក្រសួងសុខាភិបាលគ្រប់ពេល។ បើមានចម្ងល់ឬការសង្ស័យណាមួយ សូមទូរស័ព្វទៅលេខ ១១៥ ជាបន្ទាន់។យេីងទាំងអស់គ្នា​ ត្រូវបន្តចូលរួមទប់ស្កាត់ការរឆ្លងរាតត្បាតនៃជំងឺឆ្លងកូវីដ១៩នៅទូទាំងប្រទេស៕SRP

ភ្នំពេញ៖លោក កែន សត្ថា ត្រូវបានព្រះមហាក្សត្រចេញព្រះរាជក្រឹត្យត្រាស់បង្គាប់តែងតាំងជាអត់រដ្ឋលេខាធិការនៃទីស្ដីការគណៈរដ្ឋមន្ត្រី។
សូមបញ្ជាក់ថាលោក កែន សត្ថា អតីតអភិបាលខេត្តកែប ដែលត្រូវប្ដូរទៅកាន់មុខតំណែងថ្មីនេះ។ ដោយលោក សោម ពិសិដ្ឋ អភិបាលរងខេត្តកែប និងត្រូវប្រកាសតែងតាំង ជាអភិបាលខេត្ត ជំនួស។
បើតាមសេចក្ដីជូនដំណឹងថាពិធីផ្លាស់ប្ដូរមុខតំណែងនឹងធ្វើឡើង នាព្រឹកថ្ងៃទី២៩ ខែឧសភា ស្អែកនេះ នៅសាលប្រជុំធំរបស់សាលាខេត្តកែប ក្រោមអធិបតីភាពដ៏ខ្ពង់ខ្ពស់​របស់សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ៕SRP