ខេត្តសៀមរាប៖បុរសម្នាក់បានរងរបួសធ្ងន់ក្នុងករណីគ្រោះថ្នាក់ចរាចរណ៍ រវាងរថយន្តដឹកជ្រូកនិងម៉ូតូ។
ហេតុការណ៍បានកើតឡើងនៅវេលាម៉ោង ០៤និង២០នាទីថ្ងៃទី១៤ខែមិថុនាឆ្នាំ ២០២០នៅចំណុចភូមិព្រៃខ្មាំ ឃុំស្រែណូយស្រុកវ៉ារិនខេត្តសៀមរាប។
សមត្ថកិច្ចបានឲ្យដឹងថាករណីនេះបង្កដោយរថយន្តដឹកជ្រូកមួយគ្រឿងម៉ាក បេអង ពាក់ស្លាកលេខចង្កូតស្ដាំPSHN0393បើកបរដោយមិនស្គាល់អត្ដសញ្ញាណបានរត់គេចខ្លួនបាត់ បានបុកជាមួយម៉ូតូមួយគ្រឿងម៉ាក ហុងដាសេរី019ពណ៌ខ្មៅពាក់ស្លាកលេខសៀមរាប 1AH0420 បណ្ដាលអោយរបួសធ្ងន់។
ជនរងគ្រោះមានឈ្មោះ សាន់ គី ភេទប្រុសអាយុ 65 ឆ្នាំរស់នៅភូមិកន្ទួតឃុំកន្ទួតស្រុកស្វាយលើខេត្តសៀមរាប។បច្ចុប្បន្នជនរងគ្រោះត្រូវបានបញ្ជូនទៅសង្គ្រោះនៅមណ្ឌលសុខភាពឃុំស្រែណូយ។ ចំណែកម៉ូតូនិងរថយន្តដែលបង្កត្រូវបានកម្លាំងនគរបាលចរាចរណ៍ំ យកមករក្សាទុកនៅប៉ុស្តិ៍ស្រែណូយ ដើម្បីរង់ចាការដោះស្រាយ៕SRP
សៀមរាប ប៉ុស្តិ៍
១៤ មិថុនា ២០២០


