Siem Reap Post – Page 589 – Siem Reap News, Cambodia News

ខេត្តត្បូងឃ្មុំ៖គម្រោងមូលនិធិឃុំ-សង្កាត់ ឆ្នាំ២០២០ របស់គណៈកម្មការជាតិសម្រាប់ការអភិវឌ្ឍន៍តាមបែបប្រជាធិបតេយ្យនៅថ្នាក់ក្រោមជាតិ ក្នុងការជួសជុល និងសាងសង់ផ្លូវនៅតាមមូលដ្ឋាន ត្រូវបានដាក់ឲ្យដំណើរការដេញថ្លៃ ចំនួន០៣គម្រោង ដោយបានជោគជ័យ២គម្រោង និងលេីកពេល១គម្រោង ព្រោះមិនគ្រប់លក្ខខណ្ឌផ្ទៃក្នុងអ្នកទទួលការ ដែលការដេញថ្លៃនេះត្រូវបានធ្វេីឡើងព្រឹកថ្ងៃទី១៥ ខែមិថុនា ឆ្នាំ២០២០នេះ នៅសាលាស្រុកត្បូងឃ្មុំ ក្រោមវត្តមាន លោក មិត្ត ផល្លី នាយករងទីចាត់ការផែនការនិងវិនិយោគខេត្តត្បូងឃ្មុំ ដោយមានការចូលរួមពី អភិបាលរងស្រុក គណៈកម្មការម្ចាស់លទ្ធកម្ម និងតំណាងក្រុមហ៊ុន អ្នកទទួលការ ជាច្រើនរូប។
គួរបញ្ជាក់ផងដែរថា គម្រោងដែលបានដាក់ឲ្យដេញថ្លៃខាងលើនេះ គឺមានផ្លូវចំនួន០៣ខ្សែ ដែលត្រូវស្ថាបនា ជូនប្រជាពលរដ្ឋប្រើប្រាស់ ក្នុងនោះមាន ១-ឃុំពាមជីលាំង សាងសង់ផ្លូវក្រាលក្រួសក្រហម ប្រវែង២.៩ គីឡូម៉ែត្រ។
២-ឃុំជីរោទ៍ ទី១ សាងសង់ផ្លូវបេតុងអាមេ ប្រវែង០.៤១ គីឡូម៉ែត្រ។
ដោយឡែកគម្រោងរបស់ឃុំបឹងព្រួល ត្រូវបានលេីកពេលទៅដេញថ្លៃនៅថ្ងៃក្រោយ ព្រោះមិនគ្រប់លក្ខខណ្ឌក្នុងការដេញថ្លៃនោះ។
ស្ថិតក្នុងពិធីនោះដែរ ប្រធានគណៈកម្មាការម្ចាស់លទ្ធកម្មទាំងពីរឃុំ បានធ្វើការប្រកាសទទួលយកទាំង០២គម្រោង ព្រមទាំងបានធ្វើការផ្តាំផ្ញើរដល់ក្រុមហ៊ុនអ្នកទទួលការទាំងអស់ សូមឲ្យអនុវត្តន៍ការងារសាងសង់ផ្លូវ ឲ្យមានគុណភាពល្អ និងត្រូវតាមស្តង់ដារ លក្ខណៈបច្ចេកទេស ប្រយោជន៍ដល់ការប្រើប្រាស់បានយូរអង្វែងផងដែរ៕SRP

ខេត្តព្រះវិហារ៖ មនុស្សពីរនាក់ជិះម៉ូតូឌុបគ្នា ត្រូវបានរថយន្តដឹកឈើបុកស្លាប់ភ្លាមៗ។

គ្រោះថ្នាក់ចរាចរណ៍បុកមនុស្សស្លាប់កើតឡើងនៅវេលាម៉ោង១១ និង៣៥នាទី ថ្ងៃទី១៤ ខែមិថុនា ឆ្នាំ២០២០ តាមបណ្តោយផ្លូវជាតិលេខ៦២នៅចំណុចខ្លោងទ្វារចូលវត្តដំបូកខ្មៅ ត្រង់ចន្លោះបង្គោលគីឡូម៉ែត្រលេខ១១៣-១១៤ ក្នុងភូមិក្រាំងដូង ឃុំព្រះឃ្លាំង ស្រុកត្បែងមានជ័យ ខេត្តព្រះវិហារ បង្កឡើងដោយរថយន្តសាំយ៉ុងដឹកឈើគេចពន្ធពណ៌លឿងពាក់ស្លាកលេខភ្នំពេញ 2BA-5352។

សមត្ថកិច្ចបានឱ្យដឹងថាជនរងគ្រោះជិះម៉ូតូម៉ាកហុងដាឌ្រីម សេ១២៥ ពាក់ស្លាកលេខ ព្រះវិហារ 1A-5872។

ជនរងគ្រោះទី១-ឈ្មោះ គង់ សំអូន ភេទប្រុស អាយុ៣៨ឆ្នាំ នៅភូមិដូនម៉ា ឃុំរក្សា ស្រុករវៀង ខេត្តព្រះវិហារ ជាអ្នកបើកម៉ូតូ

និងជនរងគ្រោះទី២-ឈ្មោះ វណ្ណៈ ភេទប្រុស អាយុ៤០ឆ្នាំ មានទីលំនៅភូមិឃុំជាមួយគ្នា បណ្តាលឱ្យជនរងគ្រោះទាំងពីរនាក់ស្លាប់នៅចំណុចកើតហេតុ។

យោងតាមសាក្សីនៅកន្លែងកើតហេតុបានឱ្យដឹងថា ម៉ូតូជនរងគ្រោះបានជិះឆ្លងផ្លូវពីកើតទៅលិចស្របពេលរថយន្តដឹកឈើខាងលើបើកលឿនពេកជ្រុលទៅបុកម៉ូតូជនរងគ្រោះពេញទំហឹងតែម្តង បណ្តាលឱ្យជនរងគ្រោះខ្ទាតធ្លាក់ពីលើម៉ូតូស្លាប់ភ្លាមៗតែម្ដង។

សូមបញ្ជាក់ថាការដឹកជញ្ជូនឈើនៅក្នុងខេត្តព្រះវិហារនៅតែបន្តកើតមានបើទោះបីអាជ្ញាធរខេត្តសមត្ថកិច្ចជំនាញបានកំពុងតែរឹតបន្ទឹងយ៉ាងណាក៏ដោយ៕SRP

ខេត្តកំពង់ធំ៖នៅទីបំផុតសមត្ថកិច្ចឃាត់ខ្លួនអ្នករស៊ីទិញកៅស៊ូចំនួនពីរនាក់ដែលបន្លំភ្នែកជញ្ជីង ដោយយកកៅស៊ូស្បែកជើង មកកល់នៅម៉ាស័រនៅក្នុងជញ្ជីង បញ្ជូនទៅតុលាការនៅថ្ងៃទី១៤ខែមិថុនាឆ្នាំ២០២០នេះបន្ទាប់ពីបានឃាត់ខ្លួន៤៨ម៉ោង។ជនសង្ស័យឈ្មោះយន បុប្ឋា ភេទស្រីនិងឈ្មោះឡុង ចន្ថា ភេទស្រី ដែលជាអ្នកទិញកៅស៊ូ ស្ថិតនៅតំបន់អូស្រែស្តៅ ភូមិលែង ឃុំទំរីង ស្រុកសណ្ដាន់ ខេត្តកំពង់ធំ។

សមត្ថកិច្ចបានឲ្យដឹងថាដើមបណ្ដឹងឈ្មោះស្រួយម៉េងគង់និងចុងបណ្ដឹងឈ្មោះយនបុប្ឋា។ករណីនេះសមត្ថកិច្ចស្រុកសណ្ដាន់បានធ្វើកំណត់ហេតុ ពិនិត្យជញ្ជីងឃើញថាជញ្ជីងខ្នាត១២០គីឡូក្រាម ឃើញមានកៅស៊ូស្បែកជើង កាល់ម៉ាស័រ ឲ្យថ្លឹងនៅត្រឹម៨០គីឡូក្រាមទោះដាក់ប៉ុន្មាន ក៏នៅត្រឹម៨០គីឡូក្រាមពិតប្រាកដមែន។

ដើមបណ្ដឹងបានប្រាប់អ្នកសារព័ត៌មានថាគាត់បានទុកចិត្តអ្នកទិញដោយមិនដែលខ្វល់និងការថ្លឹងកៅស៊ូនោះទេ។នេះដោយសារតែការទុកចិត្ត រកស៊ីជាមួយគ្នាជាងមួយឆ្នាំមកហើយ។ តែក្រោយមកដោយមានការសង្ស័យថា ដោយសារបាត់កៅស៊ូម្តង៧០០គីឡូក្រាមក្នុងមួយរថយន្ត។ ក្នុងថ្ងៃកើតហេតុ លោកបានសូមពិនិត្យជញ្ជីង ដោយដោះមើលផ្នែកខាងក្នុង ទើបបានឃើញកៅស៊ូស្បែកជើងផ្ទាត់កល់ម៉ាស័រនៅខាងក្នុងដោយកំណត់ត្រឹមតែ៨០គីឡូក្រាម ទើបលោកប្តឹងទៅអធិការនគបាលស្រុកសណ្តាន់ដើម្បីឃាត់ខ្លួនសាកសួរតែម្ដង។

បើតាមដើមបណ្ដឹងបន្ថែមថាបើទោះជាមានករណីបែបនេះក្ដីលោកមិនប្រកាន់ទោសនោះទេប្រសិនបើអ្នកប្រព្រឹត្តសុំទោសនិងទទួលស្គាស់ការពិត។តែនេះមិនទទួលស្គាល់ហើយ ជេរនិងរកប្តឹងរូបលោក ថែមទាំងរករឿងវាយតបទៀតផង ទើបលោកសម្រេចប្តឹងហើយឲ្យសងសំណង ២០លានរៀល ដែលបានកេងចំណេញជាងមួយឆ្នាំមកនេះ៕SRP

Sponsored

ខេត្តសៀមរាប៖បុរសម្នាក់បានរងរបួសធ្ងន់ក្នុងករណីគ្រោះថ្នាក់ចរាចរណ៍ រវាងរថយន្តដឹកជ្រូកនិងម៉ូតូ។
ហេតុការណ៍បានកើតឡើងនៅវេលាម៉ោង ០៤និង២០នាទីថ្ងៃទី១៤ខែមិថុនាឆ្នាំ ២០២០នៅចំណុចភូមិព្រៃខ្មាំ ឃុំស្រែណូយស្រុកវ៉ារិនខេត្តសៀមរាប។
សមត្ថកិច្ចបានឲ្យដឹងថាករណីនេះបង្កដោយរថយន្តដឹកជ្រូកមួយគ្រឿងម៉ាក បេអង ពាក់ស្លាកលេខចង្កូតស្ដាំPSHN0393បើកបរដោយមិនស្គាល់អត្ដសញ្ញាណបានរត់គេចខ្លួនបាត់ បានបុកជាមួយម៉ូតូមួយគ្រឿងម៉ាក ហុងដាសេរី019ពណ៌ខ្មៅពាក់ស្លាកលេខសៀមរាប 1AH0420 បណ្ដាលអោយរបួសធ្ងន់។
ជនរងគ្រោះមានឈ្មោះ សាន់ គី ភេទប្រុសអាយុ 65 ឆ្នាំរស់នៅភូមិកន្ទួតឃុំកន្ទួតស្រុកស្វាយលើខេត្តសៀមរាប។បច្ចុប្បន្នជនរងគ្រោះត្រូវបានបញ្ជូនទៅសង្គ្រោះនៅមណ្ឌលសុខភាពឃុំស្រែណូយ។ ចំណែកម៉ូតូនិងរថយន្តដែលបង្កត្រូវបានកម្លាំងនគរបាលចរាចរណ៍ំ យកមករក្សាទុកនៅប៉ុស្តិ៍ស្រែណូយ ដើម្បីរង់ចាការដោះស្រាយ៕SRP

ខេត្តសៀមរាប៖សេចក្ដីរាយការណ៍បឋមបានឲ្យដឹងថាក្មេងអាយុជាងពីរឆ្នាំម្នាក់បានស្លាប់ភ្លាមៗនិងស្ត្រីម្នាក់ទៀតបានរងរបួសធ្ងន់ដោយគ្រោះថ្នាក់ចរាចរណ៍។

ហេតុការណ៍បានកើតឡើងវេលម៉ោង១៤,៣០នាទី ថ្ងៃទី១៤ខែមិថុនា ឆ្នាំ២០២០ នៅចំណុចភូមិដំដែកថ្មី ឃុំដំដែក ស្រុកសូទ្រនិគម ខេត្តសៀមរាប។
សមត្ថកិច្ចស្រុកសូទ្រនិគមបានរាយការណ៍ថាករណីនេះ បង្កដោយរថយន្តម៉ាកហ៊ីយិនដាយ ក្បាលពណ៌លឿងស្លាកលេខ សៀមរាប៣A១៧០១(អ្នកបើកបររត់គេចខ្លួន) បើកបុកម៉ូតូម៉ាកវ៉េវអាល់ហ្វា ពណ៌ខ្មៅ គ្មានពាក់ស្លាកលេខ បណ្ដាលអោយស្លាប់ក្មេងម្នាក់ និងរបួសធ្ងន់ម្នាក់។

សមត្ថកិច្ចបន្តថាជនរងគ្រោះដែលស្លាប់ឈ្មោះតន់ លីហ៊ាង ភេទប្រុស អាយុ០២ឆ្នាំ០៤ខែ ទីលំនៅភូមិដំដែកលើ ឃុំដំដែក ស្រុកសូទ្រនិគម
ខេត្តសៀមរាប។អ្នករបួសធ្ងន់ ឈ្មោះណូ ស្រីនាង ភេទស្រី អាយុ១៨ឆ្នាំ ទីលំនៅភូមិគោល ឃុំពពេល ស្រុកសូទ្រនិគមខេត្តសៀមរាប (ជាអ្នកបើកបរម៉ូតូ)។សាកសពប្រគល់អោយក្រុមគ្រួសារធ្វើបុណ្យតាមប្រពៃណី។ អ្នករបួសបញ្ជូនទៅមន្ទីពេទ្យខេត្តសៀមរាប។ ចំណែកម៉ូតូនិងរថយន្តរក្សារទុកកន្លែងនគរបាលស្រុក។ទោះយ៉ាងណាសមត្ថកិច្ចមិនទាន់បញ្ជាក់លម្អិតអំពីមូលហេតុនៅឡើយទេ៕SRP

ខេត្តសៀមរាប៖ កម្លាំងអាវុធហត្ថខេត្តសៀមរាបចាប់ខ្លួនបានមនុស្សម្នាក់ក្នុងចំណោម ០៥នាក់ ធ្វើឲ្យខូចខាតដោយចេតនា។

សមត្ថកិច្ចអាវុធហត្ថបានឲ្យដឹងថានៅវេលាម៉ោង០២ និង០០នាទី ថ្ងៃទី១៤ ខែមិថុនា ឆ្នាំ២០២០ នៅចំណុច តាមបណ្តោផ្លូវកូម៉ៃ ក្រោយមន្ទីរពេទ្យគន្ធបុប្ផា ស្ថិតនៅភូមិសាលាកន្សែង សង្កាត់ស្វាយដង្គំ ក្រុងសៀមរាប ខេត្តសៀមរាប មានករណី៖ ធ្វើឲ្យខូចខាតដោយចេតនា បង្កដោយជនសង្ស័យចំនួន ០១ក្រុម មានគ្នា០៥ នាក់ បានធ្វើសកម្មភាព យកកាំបិតកាប់ម៉ូតូម៉ាកហុងដាទ្រីម ផលិតឆ្នាំ២០១៣ ពណ៌ខ្មៅ ពាក់ផ្លាកលេខ បន្ទាយមានជ័យ 1I-1803 បណ្តាលឲ្យបែកកុងទ័រ, បែកអាវខាងឆ្វេង និងបែកស្តុបក្រោយ ដែលជាកម្មសិទ្ធិរបស់ជនរងគ្រោះឈ្មោះ មៀន ចំរើន ភេទប្រុស អាយុ ២៣ឆ្នាំ មុខរបរ បុគ្គលិកសណ្ឋាគារ ទីលំនៅ បច្ចុប្បន្ន ភូមិទ្រាំង សង្កាត់ស្លក្រាម ក្រុងសៀមរាប ខេត្តសៀមរាប ។ បន្ទាប់ពីកើតហេតុកំលាំងជំនាញបានឃាត់ខ្លួនជនសង្ស័យចំនួន ០១នាក់៖

១. ឈ្មោះ យ៉ាង មករា ភេទប្រុស អាយុ ១៨ឆ្នាំ មុខរបរ នៅផ្ទះ ទីលំនៅបច្ចុប្បន្ន ភូមិស្លក្រាម សង្កាត់ស្លក្រាម ក្រុងសៀមរាប ខេត្តសៀមរាប។

ចំពោះបក្ខពួក០៤នាក់ទៀតជិះម៉ូតូរត់គេចខ្លួនបាត់។

អាវុធហត្ថបន្តថាករណីនេះដកហូតវត្ថុតាងកាំបិតតាំងតោចំនួន០១,ស្រោមដាវ ០១, ប្រដាប់ជក់គ្រឿងញៀនមួយចំនួន។

មូលហេតុ៖ នៅពេលដែលជនរងគ្រោះឃើញ ក្រុមជនសង្ស័យខាងជិះម៉ូតូកាត់មុខសណ្ឋាគារ ការ៉ង់អូតែល ប្រដាប់ដោយកាំបិតនិងដាវសាំមូរ៉ៃ ក៏រាយការណ៍មកការិយាល័យជំនាញ ហើយជនរងគ្រោះបានជិះតាមពីក្រោយ ទើបក្រុមជនសង្ស័យខាងលើស្ទាក់ជនរងគ្រោះបានផ្តួលម៉ូតូចោលហើយចុះរត់គេចខ្លួន ហើយក្រុមជនសង្ស័យបានធ្វើសម្មភាព កាប់ទៅលើម៉ូតូ របស់ជនរងគ្រោះតែម្តង។

បច្ចុប្បន្ន កំលាំងជំនាញកសាងសំណុំរឿង បញ្ជូនជនសង្ស័យទៅសាលាដំបូងខេត្តសៀមរាប និងស្រាវជ្រាវរកបក្ខពួកយកមកអនុវត្តតាមនីតិវិធី៕SRP

ខេត្តកំពង់ចាម៖ សតម្ថកិច្ចចាប់ឃាត់ខ្លួនអ្នកលេងល្បែងបាន ចំនួន ១៤ នាក់ ម៉ូតូ ៣៥ គ្រឿង និង វត្ថុតាង ជា ច្រើន ទៀត ករណីបង្ក្រាបទីតាំងជលមាន់។

ហេតុការណ៍ធ្វើឡើងស្ថិត នៅ ក្នុង ភូមិ ស្វាយ ស្រណោះ ទី ០១ ឃុំ រកាអា ស្រុក កងមាស វេលាម៉ោង ១១និង ៣០នាទី ព្រឹក ថ្ងៃ ទី ១៣ ខែមិថុនា ម្សិលមិញ។

សមត្ថកិច្ចបានឲ្យដឹងថាបន្ទាប់ពីទទួលបានព័ត៌មានពីប្រជាពលរដ្ឋ លោកឧត្តម សេនីយ៍ ទោ ឯម កុសល ស្នងការ នគរបាល ខេត្តកំពង់ចាមបានបញ្ជាដល់កម្លាំងជំនាញរបស់ផែនការងារនគរបាល ព្រហ្មទណ្ឌដឹកនាំ ដោយ លោក វរសេនីយ៍ឯក ថា ញ់ សុខ វុន នាយការិយាល័យ នគរបាល ព្រហ្មទណ្ឌ កម្រិត ស្រាល សហការ ជាមួយ កម្លាំង ជំនាញ របស់ អធិការដ្ឋាន នគរបាល ស្រុក កងមាស និង អាជ្ញាធរ មូលដ្ឋាន មានការ សម្របសម្រួល បញ្ជា ផ្ទាល់ ពី លោក សុធា ពិសិដ្ឋ ព្រះរាជអាជ្ញារង នៃ អយ្យការ អម សាលាដំបូង ខេត្តកំពង់ចាម ចុះបង្ក្រាប ល្បែងស៊ីសង ភ្នាល់ខុសច្បាប់ខាងលើ។

បច្ចុប្បន្ន ក្រុមអ្នកញៀនល្បែងរួមនឹងវត្ថុតាងខាងលើត្រូវបានបញ្ជូនមកកាន់ស្នងការដ្ឋាននគរបាលខេត្តកំពង់ចាមដើម្បី សាកសួរ និង កសាងសំណុំរឿងតាមនីតិវិធី ច្បាប់ ៕SRP