ខេត្តកំពង់ធំ៖កម្លាំងកងរាជអាវុធហត្ថក្រុងស្ទឹងសែន ដឹកនាំដោយលោកអនុសេនីយ៍ឯក ឈុន ណារី មេបញ្ជាការបាន ចាប់ខ្លួនបុរសម្នាក់ រួមនិងរថយន្តលុចស៊ិសដឹកឈើមួយគ្រឿង។

ហេតុការណ៍ធ្វើឡើងនៅល្ងាច ថ្ងៃទី២៩ ខែមីនាម្សិលមិញ នៅចំណុចភូមិបល្ល័ង្កលិច សង្កាត់ដំរីជាន់ខ្លា ក្រុងស្ទឹងសែន ខេត្តកំពង់ធំ។
រថយន្តនេះ ម៉ាក lexus Rx300 ពណ៌ខ្មៅ ពាក់ផ្លាកលេខ២F២៤៤១ ដឹកឈើសុក្រម ចំនួន១៦ដុំ។ ចំណែក
ជនសង្ស័យ ឈ្មោះ សួន រីម ភេទប្រុស អាយុ៣២ឆ្នាំ រស់នៅភូមិ ត្រពាំងឈើទាល ឃុំច្រេះ ស្រុកជុំ ខេត្តកំពត។
ករណីនេះជនសង្ស័យនិងវត្ថុតាងត្រូវបានបញ្ជូនទៅកាន់កងរាជអាវុធហត្ថខេត្ត ដើម្បីកសាងសុំរឿងតាមនិតិវិធីច្បាប់៕SRP

ភ្នំពេញ៖សម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជានៅព្រឹកនេះ កំពុងអញ្ជើញចូលរួមក្នុងកិច្ចប្រជុំសភា ដើម្បីបោះឆ្នោតផ្តល់សេចក្តីទុកចិត្តលើការតែងតាំង និងកែសម្រួលសមាសភាពរាជរដ្ឋាភិបាលកម្ពុជា។

សូមជម្រាបថា កាលពីថ្ងៃទី២៧ ខែមីនា គណៈអចិន្ត្រៃយ៍នៃរដ្ឋសភា ក៏បានសម្រេចលើកយកសំណើរបស់សម្តេចតេជោ នាយករដ្ឋមន្ត្រី​ មកបើកកិច្ចពិភាក្សា និងសម្រេចក្នុងកិច្ចប្រជុំនៅព្រឹកថ្ងៃទី៣០ ខែមីនា ឆ្នាំ២០២០នេះ។

បន្ទាប់ពីបញ្ចប់កិច្ចប្រជុំពេញអង្គនៃរដ្ឋសភា សម្តេចតេជោ ហ៊ុន សែន នឹងអញ្ជើញធ្វើសន្និសីទសារព័ត៌មាននៅវិមានរដ្ឋសភាផងដែរ៕SRP

ខេត្តកំពង់ធំ៖សេចក្ដីរាយការណ៍បឋមបានឲ្យដឹងថារថយន្តលុចស៊ិសមួយគ្រឿងប្រភេទ៣០០ពាក់ស្លាកលេខភ្នំពេញ២Z៩២០៨ បានបែកកង់បណ្ដាលឲ្យក្រឡាប់ ស្លាប់ក្មេងប្រុសម្នាក់និងរបួស០៥នាក់។

ហេតុការណ៍បានកើតឡើងនៅរសៀលថ្ងៃទី២៩ខែមីនាឆ្នាំ២០២០នេះ ចំណុចសសរ០១តាមផ្លូវ៥០Cខេត្តកំពង់ធំ.ខេត្តកំពង់ឆ្នំាង។

សេចក្ដីរាយការណ៍បានឲ្យដឹងថាអ្នកបើកបររថយន្តឈ្មោះសាន សុភាព ភេទប្រុសអាយុ៣១ឆ្នាំរបួសស្រាល

_ ប្រពន្ធឈ្មោះមុំ ចាន់សន្យា របួសធ្ងន់និងកូនចំនួន២នាក់។

2/ ឈ្មោះ ហេងគឹមហួន ភេទប្រុសអាយុ៤០ឆ្នាំត្រូវជាមិត្តភក្តិនិងប្រពន្ធឈ្មោះឡេង មុជថា ទាំងកូនតូច០២នាក់របួសស្រាល។

3/ ឈ្មោះសៅ សុឃីមប្រុសអាយុ៣៣ឆ្នាំ( មិត្តភក្តិ)មានកូនតូចស្លាប់នៅកន្លែងកើតហេតុ។

4/ឈ្មោះ លន់ ចាប់ប្រុស (មិត្តភក្តិ)របួសធ្ងន់។

ករណីតាមព័ត៌មានបឋមស្លាប់ក្មេងប្រុសអាយុ៥ឆ្នាំម្នាក់

មូលហេតុបែកកង់បណ្តាលឲ្យក្រឡាប់។ជនរងគ្រោះ ធ្វើដំណើរពីកំពង់ឆ្នាំងមកខេត្តកំពង់ធំ។ ជុំវិញហេតុការណ៍នេះសមត្ថកិច្ចនៅមិនទាន់បញ្ជាក់លំអិតនៅឡើយទេ៕SRP

ខេត្តកំពង់ធំ៖សេចក្ដីរាយការណ៍បឋមបានឲ្យដឹងថារថយន្តលុចស៊ិសមួយគ្រឿងប្រភេទ៣០០ពាក់ស្លាកលេខភ្នំពេញ២Z៩២០៨ បានបែកកង់បណ្ដាលឲ្យក្រឡាប់ ស្លាប់ក្មេងប្រុសម្នាក់និងរបួស០៥នាក់។

ហេតុការណ៍បានកើតឡើងនៅរសៀលថ្ងៃទី២៩ខែមីនាឆ្នាំ២០២០នេះ ចំណុចសសរ០១តាមផ្លូវ៥០Cខេត្តកំពង់ធំ.ខេត្តកំពង់ឆ្នំាង។

សេចក្ដីរាយការណ៍បានឲ្យដឹងថាអ្នកបើកបររថយន្តឈ្មោះសាន សុភាព ភេទប្រុសអាយុ៣១ឆ្នាំរបួសស្រាល

_ ប្រពន្ធឈ្មោះមុំ ចាន់សន្យា របួសធ្ងន់និងកូនចំនួន២នាក់។

2/ ឈ្មោះ ហេងគឹមហួន ភេទប្រុសអាយុ៤០ឆ្នាំត្រូវជាមិត្តភក្តិនិងប្រពន្ធឈ្មោះឡេង មុជថា ទាំងកូនតូច០២នាក់របួសស្រាល។

3/ ឈ្មោះសៅ សុឃីមប្រុសអាយុ៣៣ឆ្នាំ( មិត្តភក្តិ)មានកូនតូចស្លាប់នៅកន្លែងកើតហេតុ។

4/ឈ្មោះ លន់ ចាប់ប្រុស (មិត្តភក្តិ)របួសធ្ងន់។

ករណីតាមព័ត៌មានបឋមស្លាប់ក្មេងប្រុសអាយុ៥ឆ្នាំម្នាក់

មូលហេតុបែកកង់បណ្តាលឲ្យក្រឡាប់។ជនរងគ្រោះ ធ្វើដំណើរពីកំពង់ឆ្នាំងមកខេត្តកំពង់ធំ។ ជុំវិញហេតុការណ៍នេះសមត្ថកិច្ចនៅមិនទាន់បញ្ជាក់លំអិតនៅឡើយទេ៕SRP

ខេត្តកំពង់ធំ៖កម្លាំងសមត្ថកិច្ចខេត្តកំពង់ធំ បានឃាត់រថយន្តដឹកឈើចំនួន០២គ្រឿង ខណ:កំពុងធ្វើចរាចរណ៍។ ការឃាត់នេះធ្វើឡើងនៅថ្ងៃទី២៨ ខែមីម្សិលមិញនា ស្ថិតនៅចំណុចផ្លូវច្រមុះជ្រូកខេត្តកំពង់ធំ វេលាម៉ោង១១យប់។ សមត្ថកិច្ចនៅមិនទាន់បញ្ជាក់លម្អិតចំពោះហេតុការណ៍នេះនៅឡើយទេ។ ប៉ុន្តែតាមប្រភពបានរាយការណ៍ថា រថយន្តទាំងពីរគ្រឿង គឺបានដឹកឈើ ជំនៀរ របស់ក្រុមហ៊ុនមួយ ដែលមានPC។ ទោះយ៉ាងណារថយន្តដឹកឈើទាំងពីរគ្រឿង សមត្ថកិច្ចមិនបានរឹបអូសយកទៅអនុត្តតាមផ្លូវច្បាប់នោះទេ ដោយសារការពិនិត្យ មិនឃើញមានបទល្មើស ព្រោះជាឈើជំនៀរ ដឹកចេញពីក្រុមហ៊ុន ៕SRP

ភ្នំពេញ៖ព្រះករុណា ព្រះបាទ សម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា បានត្រាស់បង្គាប់ តម្លើងឋានន្តរស័ក្កិដល់នាយនគរបាលថ្នាក់ឧត្តមសេនីយ៍ ក្របខណ្ឌមន្ត្រីនគរបាលជាតិ កម្ពុជា នៃក្រសួងមហាផ្ទៃ០៣រូប៕SRP

ខេត្តត្បូងឃ្មុំ៖លោកហ៊ុន ម៉ានី តំណាងរាស្ត្រខេត្តកំពង់ស្ពឺ និងជាប្រធានសភាពសហព័ន្ធយុវជនកម្ពុជា ត្រូវជាកូនប្រុសទីពីររបស់សម្ដេចតេជោ ហ៊ុន សែន នាយករដ្ឋមន្ត្រី ត្រូវបាននគរបាលចរាចណ៍ចាប់ផាកពិន័យ នៅព្រឹកមិញថ្ងៃទី២៩ខែមីនាឆ្នាំ២០២០នេះ។

នៅក្នុងហ្វេសប៊ុកផ្លូវការរបស់លោកហ៊ុន ម៉ានី បានសរសេរថា (ថ្ងៃមុនភ្នំពេញថ្ងៃនេះខេត្ត
អរគុណពូៗប៉ូលិសដែលបានណែនាំនិងអនុវត្តច្បាប់សម្រាបសុវត្ថិភាពប្រជាពលរដ្ឋគ្រប់ៗរូប

Happy Sunday everyone
Stay safe and obey the law )

បើយោងតាមរូបភាព ដែល លោកហ៊ុន ម៉ានី បានបង្ហោះបីសន្លឹកនឹងមានខ្លឹមសារខាងលើ ក្នុងរូបភាពមួយដែល ជាបង្កាន់ដៃបង់ប្រាក់ ចេញដោយនគរបាលស្រុកពញាក្រែក ខេត្តត្បូងឃ្មុំ បានបញ្ជាក់ថា(ទឹកប្រាក់៦០០០០(ប្រាំមួយម៉ឺនរៀល) អត្ថន័យ ពិន័យលើករណីល្មើសនិងមាត្រា៩នៃអនុក្រឹតលេខ៨៥ អនក្រ.បក ចុះថ្ងៃទី០៨ខែកក្កដាឆ្នាំ២០១៥ ។ ស្លាកលេខយានយន្ត ភ្នំពេញ២AX១៨៣៥ ។

បើមើលតាមរូបភាពដែល លោកហ៊ុន ម៉ានី បានបង្ហោះ មិនមាននរណាផ្សេង ដែលអាចធ្វើដំណើរ ជាមួយរូបលោកនោះឡើយ។ ទំនងលោក ហ៊ុន ម៉ានី បើកបរតែម្នាក់ឯង។ ទោះយ៉ាងណា លោកហ៊ុន ម៉ានី បានបញ្ចេញកាយវិការទន់ភ្លន់ រីករាយនូវការផាកពិន័យរបស់នគរបាលចរាចណ៍ ចំពោះរូបលោក ដោយមានការគាំទ្រយ៉ាងខ្លាំងពីប្រជាពលរដ្ឋ៕SRP

ខេត្តសៀមរាប៖ករណីភ្លើងឆេះព្រៃនៅតំបន់ព្រៃលិចទឹកក្នុងភូមិសាស្ត្រសង្កាត់ជ្រាវ រហូតដល់ថ្ងៃទី ២៨ខែមីនានេះរកមុខអ្នកលួចដុតមិនទាន់ឃើញនៅឡើយទេ។

សេចក្ដីរាយការណ៍បានឲ្យដឹងថាភ្លើងឆេះព្រៃលិចទឹកនេះបានកើតមានជាច្រើនថ្ងៃមកហើយ ប៉ុន្តែការគ្រប់គ្រងចុះពន្លត់ នៅមិនទាន់បានជោគជ័យបានទាំងស្រុង។
ពាក់ព័ន្ធករណីភ្លើងឆេះព្រៃលិចទឹកនេះ
ក្រុមសមត្ថកិច្ចចម្រុះ បានសហការគ្នា ចុះអន្តរាគមន៍ជួយ ត្រួសត្រាយព្រៃ ដើម្បីធ្វើផ្លូវ ចូលពន្លត់ភ្លើងឆេះព្រៃ ដែលបានអូសបន្លាយរយ:ពេល០៣ថ្ងៃមកហើយ គិតត្រឹមយប់ថ្ងៃនេះ។ទីតាំងភ្លើងឆេះព្រៃនេះ ស្ថិតនៅក្នុងតំបន់ព្រៃខ្នងចំការ ក្នុងភូមិសាស្រ្ត សង្កាត់ជ្រាវ ក្រុងសៀមរាប។

បើតាមប្រភពបានលើកឡើងថារហូតមកដល់យប់ថ្ងៃទី២៨នេះលទ្ធផលនៃកិច្ចអន្តរាគមន៍ចុះពន្លត់គ្រប់គ្រងបានប្រហែល%៦០ ប៉ុណ្ណោះ ហើយនឹងបន្តធ្វើនៅព្រឹកថ្ងៃទី២៩ស្អែកបន្តទៀត។
ជុំវិញករណីភ្លើងឆេះព្រៃនេះ លោកនួនពុទ្ធារ៉ា អភិបាលក្រុងសៀមរាប ធ្លាប់បានថ្លែងថា ឱ្យសមត្ថកិច្ចថ្នាក់ក្រោម ស្រាវជ្រាវ រកជនសង្ស័យដែលបង្កឲ្យមានភ្លើងឆេះនេះមកផ្ដន្ទាទោសតាមផ្លូវច្បាប់។ ប៉ុន្តែបើទោះបីមានការលើកឡើងពី
អភិបាលក្រុងយ៉ាងនេះក្ដី រហូតដល់ពេលនេះ អាជ្ញាធរសមត្ថកិច្ចមូលដ្ឋាន នៅមិនទាន់បានចាប់ជនសង្ស័យណាម្នាក់ពាក់ព័ន្ធករណីនេះ នៅឡើយទេ។
សូមបញ្ជាក់ថាកន្លងទៅក៏មានករណីភ្លើងឆេះព្រៃនៅតំបន់ភូមិសាស្ត្រសង្កាត់ជ្រាវផងដែរ។ បើទោះបែបនេះក្ដី មជ្ឈដ្ឋាននានា សង្ឃឹមថាអាជ្ញាធរមូលដ្ឋាននិងចាត់វិធានការតឹងរឹងនិងស្រាវជ្រាវជនបង្កមកផ្ដន្ទាទោសតាមផ្លូវច្បាប់ជាក់ជាមិនខាន៕SRP

ខេត្តព្រះវិហារ៖ក្រុមសមត្ថកិច្ចបានបើកប្រតិបត្តិការចុះបង្ក្រាបទីតាំងស្តុកឈើនៅព្រំប្រទល់ខេត្តព្រះវិហារនិងខេត្តកំពង់ធំរកឃើញវត្ថុតាងឈើជាង៤ម៉ត្រគូប។
ហេតុការណ៍ធ្វើឡើង នៅយប់ថ្ងៃទី២៧ ខែមីនា ឆ្នាំ២០២០ រហូតដល់ព្រឹកថ្ងៃទី២៨ខែមីនានេះ ជិតសាលាបឋមសិក្សា ជីឱក ព្រំប្រទល់ខេត្តព្រះវិហារ កំពង់ធំ ស្ថិតនៅក្នុងភូមិជីឱក ឃុំរមណីយ ស្រុក រវៀង ខេត្តព្រះវិហារ។
បើតាមសេចក្ដីរាយការណ៍ថាទីតាំងខាងលើ ជាកន្លែងស្តុកឈើ របស់ក្រុមឈ្មួញមួយចំនួន សម្រាប់ដឹកយកទៅលក់នៅខេត្តកំពង់ធំ៕SRP

ខេត្តសៀមរាប៖លោកទា គឹមសុទ្ធ ប្រធានមន្ទីរកសិកម្ម រុក្ខាប្រមាញ់ និងនេសាទខេត្តសៀមរាប នៅថ្ងៃទី២៧ខែមីនាម្សិលមិញ បានដឹកនាំក្រុមមន្ត្រីជំនាញ សហការជាមួយ អាជ្ញាធរមូលដ្ឋានស្រុកសូទ្រនិគម ចុះត្រួតពិនិត្យ ទប់ស្កាត់បទល្មើសជលផលនៅបឹងទន្លេសាប ចាប់ពីចំណុច មាត់ពាមឃ្លាំង ទៅដល់ចំណុច កន្ទូរ ក្នុងភូមិសាស្ត្រឃុំកំពង់ឃ្លាំង ស្រុកសូទ្រនិគម។ ដោយក្រុមសមត្ថកិច្ចបានរកឃើញនិងបានបំផ្លាញឧបករណ៍នេសាទខុសច្បាប់នៅនឹងកន្លែង រួមមាន ឧបករណ៍ ប ចំនួន ៨គ្រឿង របាំងសាច់មង ប្រវែង១ពាន់ម៉ែត្រ ចម្រឹងឈើ៧០០ដើម ព្រលែងកូនត្រីប្រមាណជាង១០គីឡូក្រាម។

ក្នុងឱកាសនោះដែរលោកទា គឹមសុទ្ធ ក៏បានជំរុញដល់មន្ត្រីក្រោមឱវាទ ត្រូវបន្តយកចិត្តទុកដាក់ សហការគ្នា ចេញត្រួតពិនិត្យឱ្យបានញឹកញាប់ ដើម្បីទប់ស្កាត់បទល្មើសជលផល ក្នុងភូមិសាស្ត្ររបស់ខ្លួនឱ្យបានជាប្រចាំផងដែរ៕SRP

ខេត្តសៀមរាប៖អាជ្ញាធរខេត្តសៀមរាប នៅថ្ងៃនេះ បានបង្ហាញថាគិតត្រឹមថ្ងៃទី២៧ ខែមីនា ឆ្នាំ២០២០ ក្រុមការងារបច្ចេកទេសបាននឹងកំពុងដំណើរការសាងសង់ផ្លូវក្រវ៉ាត់ក្រុង ដែលចាប់ពីចំណុចភ្លើងស្តុប​ចុងកៅស៊ូ​រហូតដល់ផ្លូវបំបែកជន្លង់ដោយមានប្រវែង២២៣០ម៉ែត្រ និងមានទទឹង ១៤ម៉ែត្រ។

ជាមួយគ្នានេះ ដំណើរការនៃការសាងសង់អនុវត្តបាន ៨៥% ដោយបានក្រាលកៅស៊ូរួចរាល់ និងការដាក់លូមូលមុខកាត់​១ម៉ែត្រ​តាមបណ្តោយផ្លូវ​ ដែលជាគម្រោងរបស់​ក្រសួងសាធារណការនិងដឹកជញ្ជូន ផ្លូវនេះដែរគឺជាប្រភេទផ្លូវ DBST។ កិច្ចការនៅសេសសល់ខ្លះលើការរៀបចំចិញ្ចើមផ្លូវ និងបណ្តាញបង្ហូរទឹកជាដើម។

ទន្ទឹមនឹងនេះ រដ្ឋបាលខេត្តសៀមរាបក៏សូមធ្វើការយោគយល់ខ្ពស់ពីសំណាក់បងប្អូនប្រជាពលរដ្ឋដែលរស់នៅ និងធ្វើដំណើរតាមផ្លូវនេះដែលមានការប៉ះពាល់ដោយក្រុមការងារសាងសង់៕SRP

ខេត្តកំពង់ចាម៖រដ្ឋបាលខេត្តកំពង់ចាម បានចេញសេចក្ដី ណែនាំ អនុវត្តវិធានការទប់ស្កាត់ការរីករាលដាលជំងឺកូវីដ១៩ ក្នុងភូមិសាស្ត្រ ខេត្តកំពង់ចាម។ សូមអានខ្លឹមសារខាងក្រោម៖