ភ្នំពេញ៖រដ្ឋមន្ត្រីក្រសួងមហាផ្ទៃ ឯកឧត្តម ស សុខា បានចេញសេចក្ដីប្រកាសគោលការណ៍ ស្ដីពីការពង្រឹងការគ្រប់គ្រងនិងការត្រួតពិនិត្យការចេញ-ចូលឆ្លងកាត់ព្រំដែន៕

សូមអានលិខិតខាងក្រោម៖

ខេត្តពោធិ៍សាត់៖យ៉ាងហោចណាស់មនុស្សចំនួន 7 នាក់បានរងរបួសធ្ងន់ស្រាលនិងម្នាក់ទៀតបានស្លាប់បាត់បង់ជីវិតក្នុងហេតុការណ៍គ្រោះថ្នាក់ចរាចរណ៍ ពីរករណីផ្សេងគ្នា។

សមត្ថកិច្ចខេត្តពោធិ៍សាត់បានប្រាប់ថា ហេតុការណ៍ទី១នៅវេលាម៉ោង១១និង៣០នាទី ថ្ងៃទី២ ខែតុលា ឆ្នាំ២០២៣ លើផ្លូវគ្រួសក្រហម ចំណុចផ្លូវខ្វែងជាបួន ភូមិបត់រំដួល ឃុំផ្ទះរុង ស្រុកតាលោសែនជ័យ ខេត្តពោធិ៍សាត់។ ករណីនេះ បង្កដោយម៉ូតូមម៉ាកវ៉េវអាល់ហ្វា ពណ៌ខ្មៅ ពាក់ស្លាកលេខ ពោធិ៍សាត់ ១G.៦៣៩៥ បើកបរឈ្មោះ សារាយ សុភក្តិត្រា ភេទស្រី អាយុ ២០ឆ្នាំ រស់នៅភូមិ/ឃុំផ្ទះរុង ស្រុកតាលោសែនជ័យ ខេត្តពោធិ៍សាត់ (របួសស្រាល) និងអ្នករួមដំណើរ ២នាក់៖
១.ឈ្មោះ សឿន ចាន់  ភេទស្រី អាយុ ៤២ឆ្នាំ រស់នៅភូមិ/ឃុំជាមួយគ្នា (រងរបួសធ្ងន់)។
២.ឈ្មោះ ម៉េត នីកា ភេទស្រី អាយុ ៥ខែ រស់នៅភូមិ/ឃុំជាមួយគ្នា (រងរបួសស្រាល) មកដល់ចំណុចកើតហេតុ បានបុកម៉ូតូម៉ាកYAMAHA ពណ៌ក្រហម (គ្មានស្លាកលេខ) បើកបរដោយឈ្មោះ ឈឿន ធារ: ភេទប្រុស អាយុ ២០ឆ្នាំ រស់នៅភូមិសំសាន្ត ឃុំតាលោ ស្រុក/ខេត្ត (របួសធ្ងន់) និងអ្នករួមដំណើរ ២នាក់៖
១.ឈ្មោះ ប៊ុន បុប្ផា ភេទស្រី អាយុ ៥៣ឆ្នាំ រស់នៅភូមិ/ឃុំជាមួយគ្នា (របួសធ្ងន់)
២.ឈ្មោះ ជឿន ស្រីអុីត ភេទស្រី អាយុ ៩ឆ្នាំ រស់នៅភូមិ/ឃុំជាមួយគ្នា (របួសស្រាល)។

បច្ចុប្បន្ន៖ វត្ថុតាងរក្សារទុកនៅអធិការដ្ឋាននគរបាលស្រុកតាលោសែនជ័យ។

សមត្ថកិច្ចបានបន្តទៀតថា ហេតុការណ៍ទី ២ នៅវេលាម៉ោង១២”១០នាទី ថ្ងៃទី២ ខែតុលា ឆ្នាំ២០២៣ លើផ្លូវជាតិលេខ៥ ចំណុចភូមិតាកែវលើ ឃុំត្នោតជុំ ស្រុកកក្រគរ ខេត្តពោធិ៍សាត់។ បង្កដោយរថយន្តម៉ាកTOYOTA camry ពណ៌ខ្មៅ ពាក់ស្លាកលេខបន្ទាយមានជ័យ ២A ១៥៥១ ជ្រុលទៅបុកម៉ូតូម៉ាកហុងដាឌ្រីម C១២៥ ពណ៌ខ្មៅ ពាក់ស្លាកលេខព្រះវិហារ ១G ៣៤២៣ បើកបរដោយឈ្មោះ រាម គានី ភេទប្រុស អាយុ ២៣ឆ្នាំ ខ្មែរ រស់នៅភូមផ្ទះព្រីង ឃុំកោះជុំ ស្រុកកណ្តៀង ខេត្តពោធិ៍សាត់ (បណ្តាលឲ្យរបួសធ្ងន់) និងអ្នករួមដំណើរ ឈ្មោះ ឡែន យ៉េន ភេទស្រី អាយុ ២៧ឆ្នាំ ខ្មែរ រស់នៅភូមិ/ឃុំជាមួយគ្នា(បណ្តាលឲ្យស្លាប់)។ ចំណែកអ្នកបើកបររថយន្តចុះរត់គេចខ្លួនបាត់)

បច្ចុប្បន្ន៖ សពជនរងគ្រោះ ត្រូវបានសមត្ថកិច្ចប្រគល់ឲ្យក្រុមគ្រួសារ។ វត្ថុតាងរក្សាទុកនៅស្នងការដ្ឋាននគរបាលខេត្តពោធិ៍សាត់៕

ថ្លែងក្នុងពិធីសំណេះសំណាល ជាមួយកម្មករ និយោជិត តាមរោងចក្រ សហគ្រាស នៅក្នុងខណ្ឌដង្កោ និងខណ្ឌមានជ័យ រាជធានីភ្នំពេញ នៅ ថ្ងៃអង្គារនេះ សម្តេចធិបតីនាយករដ្ឋមន្ត្រីហ៊ុន ម៉ាណែត បានគូសបញ្ជាក់បន្ថែមទៅដល់ប្រជាពលរដ្ឋ នៅទូទាំងប្រទេសផងដែរ អំពីគោលការណ៍ និងការគិតគូររបស់រាជរដ្ឋាភិបាល ចំពោះវិស័យពន្ធដារ ដែលកំពុងត្រូវបានមហាជនមានការចាប់អារម្មណ៍។

សម្តេចធិបតីនាយករដ្ឋមន្ត្រី បានបញ្ជាក់យ៉ាងច្បាស់ថា រាជរដ្ឋាភិបាលក្នុងអាណត្តិទី៧ មិនមានការបង្កើតពន្ធថ្មីនោះទេ៖
១) ពន្ធដែលមានស្រាប់ គឺមិនមានតំឡើងអត្រាពន្ធ, ២) នឹងដាក់ចេញនូវគោលការណ៍មួយចំនួនពាក់ព័ន្ធនឹងពន្ធដារ បន្ទាប់ពីកិច្ចប្រជុំជាមួយវិស័យឯកជននៅក្នុងខែវិច្ឆិកា ឆ្នាំ២០២៣ ខាងមុខ និង ៣)

រាជរដ្ឋាភិបាលបន្តគោលការណ៍ ក្នុងការមិនយកពន្ធលើ៖ ដីកសិកម្ម ដីស្រែ ជាលក្ខណៈគ្រួសារ, ពន្ធនាំចូលសម្ភារៈកសិកម្ម, ពន្ធកសិផលកសិកម្ម, ពន្ធអចលនទ្រព្យ តម្លៃទាបជាង ២ម៉ឺន៥ពាន់ដុល្លារ​,​ ពន្ធប្រថាប់ត្រា អចលនទ្រព្យ ទាបជាង​ ៧ម៉ឺនដុល្លារ​,​ ពន្ធប្រថាប់ត្រាពី ឳពុកម្តាយ មកកូន, យាយតាមកចៅ ប្រពន្ធ និងប្តី សម្រាប់អំណោយ តែ ១ លើក និងមរតក, ពន្ធផ្លូវសម្រាប់ទោចក្រយានយន្ត​ និងការអនុញ្ញាតឱ្យម្ចាស់តូបអាជីវកម្ម ទាំងផ្សាររដ្ឋ​ និងឯកជនអាចមានសិទ្ធិ ក្នុងការផ្ទេរកម្មសិទ្ធិ៕

ខេត្តព្រះសីហនុ៖មន្ទីរសុខាភិបាលខេត្តព្រះសីហនុ នៅថ្ងៃទី០៣ ខែតុលា ឆ្នាំ២០២៣នេះ បានចេញសេចក្តីសម្រេចស្តីពីការបិទមន្ទីរសម្រាកព្យាបាល និងសម្ភព មួយកន្លែងដែលមានឈ្មោះ “សមុទ្រក្រុង” ដែលមានទីតាំងនៅក្បែររោងចក្រស្រាបៀរអង្គរ ក្នុងសង្កាត់លេខ១ ក្រុងព្រះសីហនុ ដោយមូលហេតុមិនមានលិខិតអនុញ្ញាតបើកមន្ទីរសំរាកព្យាបាល៕

ភ្នំពេញ៖លោកឧត្តមសេនីយ៍ទោ ជួន ណារិន្ទអគ្គស្នងការរង និងជាស្នងការនគរបាលរាជធានីភ្នំពេញ បានចេញសេចក្ដីសម្រេចចាត់តាំង លោកវរសេនីយ៍ឯក សំ វិច្ឆិកា នាយការិយាល័យផ្សព្វផ្សាយអប់រំ ជាអ្នកនាំពាក្យរបស់ស្នងការដ្ឋាននគរបាលរាជធានីភ្នំពេញ៕SRP

ខេត្តក្រចេះ៖ម្នាក់បានស្លាប់នឹងពីរនាក់ទៀតរងរបួសក្នុងហេតុការណ៍គ្រោះថ្នាក់ចរាចរណ៍មួយ។

ហេតុការណ៍បានកើតឡើង ម៉ោង០៤.៤០នាទី ថ្ងៃទី០១ ខែតុលា ឆ្នាំ២០២៣ នៅត្រង់ចំណុចភូមិអូរព្រះ ឃុំអូរកណ្តៀរ ស្រុកអូរគ្រៀងសែនជ័យ ខេត្តក្រចេះ លើផ្លូវជាតិលេខ៧ ចម្លោះគីឡូម៉ែត្រលេខ ៤១៥-៤១៦។

សមត្ថកិច្ចខេត្តក្រចេះបានប្រាប់ថា គ្រោះថ្នាក់ចរាចរណ៍នេះ បង្កដោយរថយន្ត ១គ្រឿង ម៉ាក Hillux Rally ពណ៌ត្រេអ៉ី ពាក់ផ្លាកលេខ ភ្នំពេញ 2BU.9286 បើកបរដោយឈ្មោះ ហេង ឈិន ភេទ ប្រុស អាយុ ៦៥ឆ្នាំ (គ្មានរបួស) មានទីលំនៅសង្កាត់ស្រះចក រាជធានីភ្នំពេញ និងអ្នករួមដំណើរពីរនាក់ ១.ឈ្មោះ ម៉ម សុហ៊ីម ភេទ ប្រុស អាយុ ៦៨ឆ្នាំ  មានទីលំនៅ ភូមិកាឡែង ឃុំកាឡែង ស្រុកលំផាត់ ខេត្តរតនគិរី (បាក់ជើងខាងស្តាំ)។
២.ឈ្មោះ ឈាវ ម៉េងស៊ាង ភេទ ប្រុស អាយុ ៥៦ឆ្នាំ មានទីលំនៅភូមិដីឡូ ឃុំជ័យឧត្តម ស្រុកលំផាត់ ខេត្តរតនគិរី (គ្មានរបួស) បានបើកបុក ត្រាក់ទ័រ ០១គ្រឿង សណ្តោងរឺម៉ក ពីក្រោយ បើកបរដោយឈ្មោះ ហ៊ាង តារា ភេទ ប្រុស អាយុ ៣០ឆ្នាំ មានទីលំនៅភូមិ-ឃុំអូរកណ្តៀរ ស្រុកអូរគ្រៀងសែនជ័យ (រងរបួសធ្ងន់) និង អ្នករួមដំណើរឈ្មោះ ញឹម សុផន ភេទ ប្រុស អាយុ ២៧ឆ្នាំ មានទីលំនៅជាមួយគ្នា (ស្លាប់នៅកន្លែងកើតហេតុ)។

សមត្ថកិច្ចបានបន្តថា បច្ចុប្បន្ន ប្រគល់សាកសពជូនក្រុមគ្រួសារយកទៅធ្វើបុណ្យ ឯ ជនរងគ្រោះ បញ្ជូនទៅមន្ទីរពេទ្យ។ ចំណែករថយន្តនិងត្រាក់ទ័រ រក្សាទុកនៅអធិការដ្ឋាននគរបាលស្រុកអូរគ្រៀងសែនជ័យ៕

ភ្នំពេញ៖មន្ត្រីយោធាមួយរូបបានស្លាប់ក្នុងហេតុការណ៍អគ្គីភ័យមួយ។

ហេតុការណ៍បានកើតឡើងវេលាម៉ោង​០០:៤០នាទី​ ឈាន​ចូល​ថ្ងៃ​ទី​៣០ ខែ​កញ្ញា ​ឆ្នាំ​២០២៣ ​នៅ​ចំណុច​ផ្លូវ​បេតុង ​ភូមិ​តិក្ខប្បបញ្ញោ​ សង្កាត់​សំរោង​ក្រោម​ ខណ្ឌ​ពោធិ​សែន​ជ័យ​។

សមត្ថកិច្ចបានរាយការណ៍ថា ជនរងគ្រោះឈ្មោះ​ ឡាច ​សាម៉ុន​ ភេទ​ប្រុស​ អាយុ​៦៥ឆ្នាំ​ មុខរបរ មន្រ្តីយោធាចូលនិវត្តន៍ (ឆេះខ្លោចស្លាប់នៅជាន់ឡៅតឿ)។ ម្ចាស់​ផ្ទះ​ឈ្មោះ​ ម៉ុន​ លក្ខិណា​ ភេទ​ស្រី​ អាយុ ​២០ឆ្នាំ​(ត្រូវជាកូន)។

សមត្ថកិច្ចបានបន្តថាផ្ទះដែលរងការឆេះប្រភេទថ្មក្រោម​ឈេីលេី​ ឆេះអស់ប្រម៉ាណ80% សម្ភារខូច​ខាត​ ទាំងស្រុង។ មូលហេតុ​ បណ្តាលពីការដុតធូកទៀនថ្ងៃសីល។
​​ករណី​អគ្គិភ័យនេះ​ ប្រេីប្រាស់​រថយន្តពន្លត់​អគ្គីភ័យ​ អស់​ចំនួន​ ១២គ្រឿងបាន​ រលត់​នៅ​ វេលា​ម៉ោង​ ១:១៥នាទីឈានចូលថ្ងៃទី៣០ ខែកញ្ញា ឆ្នាំ២០២៣។ បច្ចុប្បន្នសពរង់ចាំសមត្ថកឹច្ចជំនាញធ្វើកោសល្យវិច័យ៕

ឯកឧត្តម សុខ លូ អភិបាលខេត្តបាត់ដំបង បានអំពាវនាវដល់ប្រជាពលរដ្ឋ ដែលរស់នៅតាមបណ្ដោយដងស្ទឹងសង្កែ សូមមេត្តាប្រុងប្រយ័ត្នឱ្យបានខ្ពស់ ដើម្បីចៀសវាងគ្រោះថ្នាក់ជាយថាហេតុណាមួយ ក្នុងអំឡុងពេលដែលទឹកកំពុងឡើងនាពេលនេះ ។ ឯកឧត្តមបានបញ្ជាក់បន្ថែមថា ប្រសិនបើមិនមានភ្លៀងធ្លាក់ច្រើននៅផ្នែកខាងលើទេនោះ ទឹងអាចនឹងស្រកទៅវិញនាពេលល្ងាចនេះ ឬស្អែកព្រឹកតែម្ដង។

ការអំពាវនាវធ្វើឡើងនៅថ្ងៃទី២៩ ខែកញ្ញា ឆ្នាំ២០២៣ បានអញ្ជើញដឹកនាំក្រុមការងារជំនាញ ចុះពិនិត្យមើលស្ថានភាពទឹកនៅក្នុងក្រុងបាត់ដំបង ដែលកំពុងជន់ឡើងនៅក្នុងដងស្ទឹងសង្កែ និងបានលិចតំបន់ទំនាបមួយចំនួននៅក្នុងក្រុងបាត់ដំបង ដោយសារជំនន់ទឹកភ្លៀងផ្នែកខាងលើមួយរយៈចុងក្រោយនេះ។

បើតាមការបញ្ជាក់ឲ្យដឹងពីមន្ត្រីជំនាញមន្ទីរធនធានទឹក និងឧត្តុនិយមខេត្តបាត់ដំបង នៅម៉ោងប្រមាណ ១០ នេះ ស្ថានភាពទឹកជំនន់ នៅតំបន់ប៉ែកខាងលើនៃស្រុកសំឡូត គឺពុំមានភ្លៀងធ្លាក់បន្តទៀតទេ ដែលនេះជាមូលហេតុមិនបង្កឲ្យទឹកស្ទឹងជន់ឡើយ  រីឯនៅទំនប់ស្ទាក់ទឹកពហុបំណងសេកសកក៏ត្រូវបានទំលាក់ទ្វារបិទបណ្ដើរៗហើយដែរ៕