ខេត្តសៀមរាប៖បុរសម្នាក់ត្រូវបានកម្លាំងមូលដ្ឋានកងរាជអាវុធហត្ថក្រុងសៀមរាប ដឹកនាំដោយលោកវរសេនីយទោ ប្រាក់ វណ្ណះ មេបញ្ជាការមូលដ្ឋាន ឃាត់ខ្លួនក្នុងការចុះបង្ក្រាបករណីជួញដូរ និងរក្សាទុកដោយខុសច្បាប់នូវសារធាតុញៀន។ ការបង្ក្រាបនេះធ្វើឡើង នៅថ្ងៃទី០៤ខែឧសភា​ឆ្នាំ​២០២០ ស្ថិតនៅចំណុច ភូមិសាលាកន្សែងសង្កាត់​ស្វាយដង្គំ ក្រុងសៀមរាប។ តាមការណែនាំពីលោកមេបញ្ជាការកងរាជអាវុធហត្ថខេត្តសៀមរាប។
ជនសង្ស័យ ឈ្មោះ វន្ត័ វ៉ាន ភេទប្រុសអាយុ៣៥ទីលំនៅភូមិខ្នារសង្កាត់ជ្រាវសង្កាត់សៀមបក្រុងសៀមរាប ខេត្តសៀមរាប។
ករណីនេះដកហូតវត្ថុតាងរួមមាន៖
ម្សៅ្រក្រាមពណ៌សថ្លាចំនួន០២កញ្ចប់
ទូរស័ព្ទដៃ០១គ្រឿង។
បច្ចុប្បន្នជនសង្ស័យ និងវត្ថុតាង ត្រូវបានបញ្ជូនបន្តទៅការិយាល័យគ្រឿងញៀនកងរាជអាវុធហត្ថខេត្តសៀមរាប៕SRP

ខេត្តសៀមរាប៖សមត្ថកិច្ចស្រុកស្វាយលេីបានរាយការណ៍ថាអគ្គិភ័យ បានបំផ្លាញ សាលាឆាន់មួយខ្នង ទាំងស្រុង ។
ហេតុការណ៍បានកើតឡើងនៅវេលាម៉ោង​ ១៣និង១៥នាទី ថ្ងៃទី៥ខែឧសភាឆ្នាំ​ ២០២០​ នៅអាស្រមតាអេវ​ ស្ថិតក្នុងភូមិសង្កែឡាក់​ ឃុំខ្នង​ភ្នុំ ស្រុកស្វាយលើ។
សមត្ថកិច្ចបញ្ជាក់ថាករណីបណ្ដាលឲ្យខូចខាតសាលាឆាន់មួយខ្នងធ្វេីអំពីឈេី ប្រក់សង្កសី ទំហំ​២០ម៉ែត្រគុណ ២០ម៉ែត្រ​និងឆេះអស់ព្រះតូចធំចំនួន​ ១៥អង្គ​ ផងដែរ។
បើតាមសមត្ថកិច្ចថាមូលហេតុ​ យាយៗដុតទៀនទុកចោល​ បណ្ដាលអោយឆេះតែម្ដង៕SRP

ខេត្តសៀមរាប៖សមត្ថកិច្ច​ស្រុក​បន្ទាយស្រីបានឲ្យដឹងថាបុរសម្នាក់បាន ចងក សម្លាប់ខ្លួនបង្កឲ្យមានការភ្ញាក់ផ្អើល។ហេតុការណ៍បានកើតឡើងនៅថ្ងៃទី៤ ខែឧសភា ឆ្នាំ២០២០ វេលាម៉ោង១៨និង០០នាទី នៅចំណុចក្រុមទី១ ភូមិតាត្រៃ ឃុំព្រះដាក់ ស្រុកបន្ទាយស្រី ខេត្តសៀមរាប។

សមត្ថកិច្ចបានបញ្ជាក់ថាមូលហេតុជនរងគ្រោះឈ្មោះហល់ ហាន់ ភេទប្រុស អាយុ៥៥ឆ្នាំ រស់នៅភូមិតាត្រៃ ឃុំព្រះដាក់ ស្រុកបន្ទាយស្រី ខេត្តសៀមរាប ជាមនុស្សញៀនស្រាស និង មានជំងឺសសៃប្រសាទ បានយកខ្សែភ្លើងទៅចងកសម្លាប់ខ្លួននៅក្នុងបន្ទប់ទឹក ផ្ទះប្អូនថ្លៃរបស់គាត់ឈ្មោះរឹម មុំ ភេទស្រី អាយុ៤៧ឆ្នាំ ចងជាប់និងធ្នឹម ផុតពីការរ៉ូ បន្ទប់ទឹក កន្លះម៉ែត្រ បន្ទាប់មកបងប្អូនរបស់គាត់បានយកកាំបិតកាត់ខ្សែយកគាត់មកដាក់លើគ្រែខាងមុខផ្ទះ ទើបបានរាយការណ៍ប្រាប់សមត្ថកិច្ចយើងតែម្ដង៕SRP

ខេត្តសៀមរាប៖សមត្ថកិច្ចស្រុកសូទ្រនិគមបានឲ្យដឹងថាបុរសម្នាក់ ធ្លាក់ពីលើជណ្ដើរផ្ទះ បណ្ដាលឲ្យស្លាប់ភ្លាមៗ។ហេតុការណ៍បានកើតឡើងល្ងាចថ្ងៃទី០៤ ខែឧសភា ឆ្នាំ២០២០ នៅចំណុចភូមិត្រពាំត្រុំ ឃុំពពេល ស្រុកសូទ្រនិគម ។

សមត្ថកិច្ចបានបញ្ជាក់ថាជនរងគ្រោះឈ្មោះរ៉ម រី ភេទប្រុស អាយុ៤២ឆ្នាំ ទីលំនៅភូមិ ឃុំកើតហេតុខាងលើ ។ ករណីនេះមូលហេតុ ញៀនស្រា ស្រវឹងជាប្រចាំ។ តាមការពិនិត្យ របស់មន្ត្រីជំនាញ ឃើញថាពុំមានពាក់ព័ន្ធនិងបទល្មើសឡើយ ៕SRP

ខេត្តសៀមរាប៖ប្រតិបត្តិការឆែកឆេរផ្ទះមួយកន្លែងរកឃើញកាំភ្លើង ប្រភេទប្រើហ្គាស ០៣ដើម និងគ្រាប់មួយចំនួន។ ហរតុការណ៍បានកើតឡើងនៅ.ថ្ងៃទី០៤ខែឧសភាឆ្នាំ២០២០ វេលាម៉ោង១៦និង៣០នាទីស្ថិតនៅភូមិ ស្វាយដង្គំ សង្កាត់ស្វាយដង្គំ ក្រុងសៀមរាប ខេត្តសៀមរាប ដោយកម្លាំងសន្តិសុខផ្ទៃក្នុងនៃស្នងការដ្ឋាននគរបាលខេត្តសៀមរាប។

ផ្ទះរបស់មុខសញ្ញាជួញដូរអាវុធ ឈ្មោះ អ៊ុំ ពេជ្ររស្មីឧត្តម ភេទប្រុស អាយុ ២០ឆ្នាំ ស្ថិតនៅភូមិ ស្វាយដង្គំ សង្កាត់ស្វាយដង្គំ ក្រុងសៀមរាប ខេត្តសៀមរាប។

វត្ថុតាងរួមមាន

.ទី១ /កាំភ្លើងមួយដើមម៉ាក Glock19 ពណ៌ខ្មៅ លេខ DN16697 ជាប្រភេទប្រើហ្គាស គ្រាប់ជ័រ គ្រាប់ដែក រួមមិងបង់ចំនួន ០១ ។

.ទី២ /កាំភ្លើងមួយដើមម៉ាក Combat master ពណ៌ខ្មៅ លេខ DN020580 ជាប្រភេទប្រើហ្គាស គ្រាប់ជ័រ គ្រាប់ដែក រួមមិងបង់ចំនួន ០២ ។

.ទី៣ /កាំភ្លើងមួយដើមម៉ាក Combat master ពណ៌ខ្មៅ លេខ DN00050ជាប្រភេទប្រើហ្គាស គ្រាប់ជ័រ គ្រាប់ដែក រួមមិងបង់ចំនួន ០២ ។

.ទី៤/ កំប៉ុងហ្គាសចំនួន ៤ កំប៉ុង។

.ទី៥ /គ្រាប់ជ័រចំនួន ៣ កញ្ចប់។

.ទី៦ /គ្រាប់ដែកចំនួន ៨ ប្រអប់។

.ទី៧ /គ្រាប់ពិតប្រើសំរាប់ប្រភេទគ្រាប់កាំភ្លើង វ៉ាងឌីឡុង ចំនួន ១០០គ្រាប់។

.ទី៨ /Laptop ម៉ាកMSI ពណ៌ខ្មៅ ចំនួន១ Mouse ចំនួន១ និងកាសដាក់ក្រចៀកចំនួន១។

ពាក់ព័ន្ធករណីនេះសមត្ថកិច្ចកំពុងអនុវត្តតាមផ្លូវច្បាប់៕SRP

ខេត្តសៀមរាប៖បុរសជាប្ដីប្រច័ណ្ឌប្រពន្ធខ្លួន បានយកកាំបិត ចាក់ប្រពន្ធរួចចាក់ខ្លួនឯង បណ្ដាលឲ្យស្លាប់ ពេលសង្រ្គោះដល់មន្ទីរពេទ្យ។
ហេតុការណ៍បានកើតឡើងវេលាម៉ោង៣និង៣០នាទីថ្ងៃទី០៤ខែឧសភាឆ្នាំ២០២០ចំណុចវាលស្រែជាប់វត្តត្រកៀត ក្រុមទី៤ ក្នុងភូមិគោករុន ឃុំមុខប៉ែន ស្រុកពួក ខេត្តសៀមរាប។
អធិការនគរបាលស្រុកពួកលោកវរសេនីយ៍ឯកទេពពុំ សែន បានរាយការណ៍បឋមថាករណីអំពើហិង្សាប្រព្រឹត្តដោយសហព័ទ្ធ ឬអនីតិសង្វាសជនដោយ វេលាម៉ោងកើតហេតុខាងលើ រវាងភាគីប្ដីឈ្មោះ វង់ ផុសហៅ ញ៉ាញ់​ អាយុ៣២ឆ្នាំ ស្រុកកំណើតនៅ ភូមិបុស្សក្រឡាញ់ សង្កាត់ជ្រាវ ក្រុងសៀមរាបខេត្តសៀមរាប។ សព្វថ្ងៃបានប្រពន្ធឈ្មោះ បោះ គឿន អាយុ២៥ឆ្នាំ រស់នៅ ភូមិ_ឃុំកើតហេតុខាងលើ។
អធិការបន្តថាទំនាស់ឈានដល់ភាគីប្តី បានប្រើអាវុធកាំបិតចុងស្រួច ដងឈើស្រោបដែក ប្រវែង៣៧សង់ទីម៉ែត្រ ចាក់ទៅលើភាគីប្រពន្ធ និងចាក់ពោះខ្លួនឯងបណ្ដាលឱ្យរងរបួសធ្ងន់។
លោកថាភាគីប្តី រងបួសមុតចូលសាច់ពោះដាច់ចេញពោះវៀនមកក្រៅ រួចខ្លួនលោតទំលាក់ទឹកស្រះ ហើយបានស្លាប់ពេលសង្គ្រោះដល់ពេទ្យបង្អែកពួក។ ចំណែកប្រពន្ធ ត្រូវរងរបួសមុតចូលសាច់ពោះក្បែរក្រលៀនខាងស្ដាំ១កន្លែង,មុតរយះដៃសាច់ដៃស្ដាំ១កន្លែង ធ្ងន់ធ្ងរកំពុងសង្គ្រោះនៅពេទ្យបង្អែកខេត្ត។
លោកអធិការបន្តថាជុំវិញការបំភ្លឺលោកមេភូមិ និងពលរដ្ឋរស់នៅជិតខាង
បានឱ្យដឹងថា៖ ប្តីប្រពន្ធ ពួកគេមានជំលោះញឹកញ៉ាប់ ភាគីប្ដីតែងតែប្រច័ណ្ឌប្រពន្ធខ្លាំង រយៈពេលអំឡុង១ខែមុននេះគ្រួសារពួកគេជំលោះគ្នា។ ភាគីប្តីនៅហូបបាយវត្តត្រកៀត (ជិតផ្ទះ)មិនបាននិយាយរកប្រពន្ធទេ។ លុះក្នុងពេលកើតហេតុភាគីប្រពន្ធកំពុងបោកខោ-អាវនៅមាត់ស្រះក្នុងបរិវេណវត្តត្រកៀត -ត្រូវប្ដីទៅរករឿងប្រវាយប្រតប់ឈានដល់ការចាក់ទៅទៅលើប្រពន្ធនិងចាក់ខ្លួនឯងតែម្ដង។
បើតាមអធិការថាពេលនេះសាកសពប្ដី ត្រូវបានបញ្ជូនមកដល់វត្តត្រកៀតវិញ។ដោយលោកសហការជាមួយការិនគរបាលបច្ចេកទេសវិទ្យាសាស្ត្រខេត្ត ពិនិត្យសាកសព ឃើញមានរបួស មុតចូលសាច់ពោះប្រវែង បណ្ដោយ៤សង់ទីម៉ែត្រ មុខកាត់ប្រវែង២សង់ទីម៉ែត្រ។ក្រោយពិនិត្យតាមនីតិវិធីសាកសពប្រគល់ជូនក្រុមគ្រួសារធ្វើបុណ្យតាមប្រពៃណី៕SRP

ខេត្តកំពង់ចាម៖អភិបាលខេត្តកំពង់ចាម លោកអ៊ុន ចាន់ដា បានដាក់ចេញនូវផែនការដល់មន្ត្រីជំនាញពាក់ព័ន្ធនិងអាជ្ញាធរ  ដែនដីនីមួយៗដែលនៅស្របតាមបណ្តោយដងផ្លូវជាតិលេខ៦និងផ្លូវជាតិលេខ ៧ចាប់ពីចំណុចស្ពានគីហ្សូណា ព្រំប្រទល់  ខេត្តត្បូងឃ្មុំ -ក្រុងកំពង់ចាម រហូតដល់ស្រុកបាធាយ ជាប់ព្រំប្រទល់ ខេត្តកណ្តាលត្រូវរៀបចំសណ្តាប់ធ្នាប់នៅតាមដងផ្លូវ ទាំង២ខ្សែ ខាងលើនេះ ធ្វើយ៉ាងណាត្រូវរៀបចំឲ្យមាន សោភ័ណភាព ស្រស់ស្អាត ។

ដើម្បីអនុវត្តលើការងារនេះ ឲ្យមានប្រសិទ្ធភាពខ្ពស់  លោកអភិបាលខេត្តបានជំរុញដល់មន្ត្រីពាក់ព័ន្ធឲ្យមានការយកចិត្តទុកដាក់សហការគ្នារៀបចំទាំងខ្សែបណ្ដាញអគ្គិសនីខ្វាត់ខ្វែងផ្ទាំងស្លាកសញ្ញាប៉ាណូឆ្លងកាត់ផ្លូវថ្នល់និងអ្នកលក់ដូរគ្មាន សណ្ដាប់ធ្នាប់នៅតាមទីសាធារណៈ ដើម្បីសម្រួលដល់ការធ្វើដំណើររបស់ភ្ញៀវទេសចរជាតិ និងអន្តរជាតិ ក្នុងការធ្វើដំណើរឆ្លងកាត់ ឬចូលទស្សនាកម្សាន្ត នៅតំបន់រមណីយដ្ឋាននានា ក្នុងខេត្តកំពង់ចាម។នេះបើតាមមន្ត្រីរដ្ឋបាលសាលាខេត្តថ្លែងប្រាប់អ្នកសារព័ត៌មាន។

សូមបញ្ជាក់ថានៅព្រឹកមិញនេះលោកអ៊ុន ចាន់ដា អភិបាលខេត្តកំពង់ចាម បានអញ្ជើញចុះពិនិត្យការរៀបចំសណ្តាប់ធ្នាប់  នៅតាមបណ្ដោយដងផ្លូវជាតិលេខ៦និងផ្លូវជាតិលេខ៧ត្រង់ចំណុច ទីប្រជុំជននានា ចាប់ពីគល់ស្ពានគីហ្សូណា រហូតដល់ ព្រំប្រទល់ខេត្តកណ្ដាល៕SRP

ខេត្តសៀមរាប៖ខ្ញុំបាទឈ្មោះអ៊ឹង សុខហេង កើតនៅថ្ងៃទី០៥ខែមីនាឆ្នាំ១៩៨១ មានទីលំនៅបច្ចុប្បន្នរស់នៅភូមិកំពង់ក្ដី២ ឃុំកំពង់ក្ដី ស្រុកជីក្រែង ខេត្តសៀមរាប និងខ្ញុំបាទឈ្មោះ សេង ហូ កើតនៅថ្ងៃទី១០ខែវិច្ឆិកាឆ្នាំ១៩៧១ បច្ចុប្បន្នរស់នៅភូមិកំពង់ក្ដី២ ឃុំកំពង់ក្ដី ស្រុកជីក្រែង ខេត្តសៀមរាប។

( សុំអភ័យទោស សូមគោរពជូន លោកជំទាវឧកញ៉ាបណ្ឌិត លី អ៊ុំអេង ) សូមអានលិខិតសុំអភ័យទោសខាងក្រោម៖

ខេត្តសៀមរាប៖មន្ត្រីរដ្ឋបាលព្រៃឈើសៀមរាបនិងសមត្ថកិច្ចមួយចំនួនទៀតនៅព្រឹកថ្ងៃទី០៣ខែឧសភាម្សិលមិញ បានចុះត្រួតពិនិត្យ រថយន្តដឹកឈើ០២គ្រឿង របស់ក្រុមហ៊ុនខេអាយយូ ផ្លេនថេសិន(ខេមបូឌា) ក្នុងទីតាំងដេប៉ូ របស់លោកស្រី តាំង សុខនី នៅស្រុកប្រាសាទបាគង។

សមត្ថកិច្ចបានឲ្យដឹងថារថយន្តដឹកឈើរបស់ក្រុមហ៊ុនខេអាយយូ ផ្លេនថេសិន(ខេមបូឌា) ទាំង២គ្រឿងខាងលើបានដឹកចេញពីរោងម៉ាស៊ីនអារកែឆ្នៃឈើ របស់ហ៊ុនខេអាយយូ ផ្លេនថេសិន(ខេមបូឌា) នៅស្រុកលំផាត់ ខេត្តរតនគិរី ដោយមកយកដាក់នៅរោងសន្ឋិធិ លោកស្រី តាំង សុខនី ស្ថិតនៅភូមិរលួចខាងលិច ឃុំរលួស ស្រុកប្រាសាទបាគង ខេត្តសៀមរាប។

សមត្ថកិច្ចបានបញ្ជាក់ថារថយន្តទីមួយពាក់ស្លាកលេខកណ្ដាល៣A០៧៣២ មានផ្ទុកឈើលេខ០២(ចំនួនសរុប១៨ម៉ែត្រត្រីគុណ,២៧៣ )រថយន្តទីពីរពាក់ស្លាកលេខព្រះសីហនុ៣A១៦៤៤ មានផ្ទុកឈើ(ចំនួនសរុប១៨ម៉ែត្រត្រីគុណ,៦១០ ) រថយន្តទាំង២គ្រឿងនេះ អនុញាត្តឲ្យដឹកជញ្ជូនចេញពីក្រុមហ៊ុនខេអាយយូ ផ្លេនថេសិន(ខេមបូឌា) ដែលស៊ីញ៉េដោយលោក ជាកុណារ៉ា នាយផ្នែករដ្ឋបាលព្រៃឈើលំផាត់។

ទោះយ៉ាងណាពាក់ព័ន្ធទៅនឹងការចុះត្រួតពិនិត្យរថយន្តដឹកឈើទាំងពីរគ្រឿងខាងលើនេះ លោកម៉ុង ប៊ុនលីម នាយខណ្ឌរដ្ឋបាលព្រៃឈើបានបញ្ជាក់នៅព្រឹកនេះថា ការត្រួតពិនិត្យនោះលោកមិនបានចូលរួមនោះទេ ប៉ុន្តែមន្ត្រីរដ្ឋបាលព្រៃឈើរបស់លោកបានប្រាប់ថា មិនមានឈើលើសចំនួនPCនោះឡើយ។

សូមបញ្ជាក់ថាទីតាំងដែលរថយន្តដឹកឈើរបស់ក្រុមហ៊ុនខេអាយយូ ផ្លេនថេសិន(ខេមបូឌា)មកទម្លាក់នេះ ជារបស់លោកស្រី តាំង សុខនី ដែលបានការអនុញាត្តក្នុងការបើករោងសន្ឋិធិលក់ចែកចាយផល អនុផលព្រៃឈើប្រភេទធំ(ច្រកចេញចូលតែមួយ) ជាបណ្ដោះអាសន្ន ចុះហត្ថលេខាដោយលោក វេង សាខុន រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ កាលពីថ្ងៃទី០៨ខែមេសាឆ្នាំ២០២០៕

ភ្នំពេញ៖នៅថ្ងៃទី៣ខែឧសភា ឆ្នាំ២០២០ ក្នុងឱកាសទិវាសេរីភាពសារព័ត៌មានលើកទី២៧ឆ្នាំនេះ សហភាពសហព័ន្ធអ្នកសារព័ត៌មានកម្ពុជា (ស.ស.ស.ក) បានរៀបចំផ្តល់អំណោយជាសម្ភារនិងថវិកាដល់រៀមច្បងសារព័ត៌មានដែលមានវ័យជរាចំនួន១៨រូប។
ប្រធានសហភាពសហព័ន្ធអ្នកសារព័ត៌មានកម្ពុជា លោក ហ៊ុយ វណ្ណៈ មានថ្លែងថា ការធ្វើកតញ្ញូចំពោះរៀមច្បង គឺជាវប្បធម៌ដ៏ល្អ ដែលគួរធ្វើជាបន្តបន្ទាប់។ ដូច្នេះហើយដែលយើងបានប្រែក្លាយថ្ងៃនេះ ជាថ្ងៃនឹករលឹក និងការដឹងគុណដល់រៀមច្បងសារព័ត៌មានរបស់យើងសរុប១៨រូប ដែលពួកគាត់បានដឹកដៃអ្នកទាំងឡាយក្នុងវិស័យនេះឆ្លងកាត់ដំណាក់កាលនីមួយៗ ហើយឥឡូវពួកគាត់ខ្លះក្លាយជាព្រឹទ្ធាចារ្យនិងមានវ័យជរាទៅហើយ។

ស.ស.ស.ក បានរៀបចំនូវអំណោយរួមមាន៖ ម៉ាស់ អាល់កុល សាប៊ូ ថ្នាំដុះធ្មេញ អង្ករ ភេសជ្ជៈ ថ្នាំសម្ភារប្រើប្រាស់ផ្សេងទៀត រួមទាំងថវិកាផងដែរ ជូនដល់រៀមច្បងយើងក្នុងស្មារតីកតញ្ញូ «ជួយគ្នាក្នុងគ្រាលំបាក» និង «ធ្វើបុណ្យទាន់ខែភ្លឺ»៕SRP

ខេត្តសៀមរាប៖សេចក្ដីរាយការណ៍បានអោយដឹងថាយុវជនម្នាក់បានដេកស្លាប់នៅក្រុងសៀមរាប។
ហេតុការណ៍បានកើតឡើងវេលាម៉ោង១១និង៣០នាទីព្រឹកថ្ងៃទី០៣ខែឧសភាឆ្នាំឆ្នាំ២០២០ ស្ថិតនៅក្នុងបន្ទប់ដេក លេខ២០ របស់ជនរងគ្រោះ ក្នុងក្រុមទី០៣ភូមិទក្សិណខាងត្បូង សង្កាត់គោកចក ក្រុងសៀមរាប ខេត្តសៀមរាប។
លោកវរសេនីយ៍ឯកណុប សារ៉ាក់ អធិការនគរបាលក្រុងសៀមរាបបានឲ្យដឹងថាជនរងគ្រោះឈ្មោះ សាន់ នីម ភេទប្រុស អាយុ១៩ឆ្នាំ មុខរបរ សិស្ស ស្នាក់នៅក្រុមទី០៣ ភូមិទក្សិណខាងត្បូង សង្កាត់គោកចក ក្រុងសៀមរាប ខេត្តសៀមរាប។
អធិការនគរបាលក្រុងសៀមរាប បានបញ្ជាក់ថាយោងតាមការបំភ្លឺរបស់សាក្សី ឈ្មោះ សន ចំណាន ភេទប្រុស អាយុ ៣៥ឆ្នាំ ត្រូវជាពូបង្កើតរបស់សព បានឲ្យដឹងថា រូបគាត់ធ្លាប់បានឮក្មួយប្រាប់ថា កន្លងមក រូបគេមានជំងឺបេះដូង ហើយបានថប់ៗដង្ហើមក្នុងខ្លួន។ បន្ទាប់ក្រោយមកម្ដាយឪពុកជនរងគ្រោះ បានឲ្យជនរងគ្រោះយកទៅពេទ្យ ដើម្បីពិនិត្យពីជំងឺរបស់គេ។
បើតាមអធិការនគរបាលក្រុងសៀមរាបថាការពិនិត្យសព របស់មន្រ្ទីជំនាញថាជុំវិញខ្លួនសពពុំមានស្លាកស្នាមដែលពាក់ព័ន្ធនឹងបទល្មើសឡើយ។
ករណីនេះការសន្និដ្ឋាន ជនរងគ្រោះបាន
ស្លាប់ដោយឡើងសម្ពាធឈាមខ្លាំង បណ្ដាលឱ្យគាំងបេះដូង។ក្រោយពិនិត្យរួចសមត្ថកិច្ចបានប្រគល់សាកសពឲ្យក្រុមគ្រួសារយកទៅធ្វើបុណ្យតាមប្រពៃណី៕SRP

ខេត្តឧត្តរមានជ័យ៖លោកវេង សាខុន រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ នៅព្រឹកមិញនេះអមដំណើរដោយលោក ប៉ែន វិបុល អភិបាល និងសហការីបានអញ្ជើញចុះមកពិនិត្យវឌ្ឍនភាពរបស់កសិដ្ឋានចិញ្ចឹមបង្កងអូស្រ្តាលី របស់ក្រុម ហ៊ុន Cambodia Amazing Aquaculture Technological Co., Ltd ស្ថិតនៅក្នុងភូមិថ្នល់កែង ឃុំត្រពាំងប្រសាទ ស្រុកត្រពាំងប្រសាទ ខេត្តឧត្តរមានជ័យ។

អ្នកបច្ចេកទេសចិញ្ចឹមបានជម្រាបជូនលោករដ្ឋមន្រ្តីជ្រាបថា កសិដ្ឋានបានចាប់ ផ្តើមដំណើរការតាំងពីឆ្នាំ២០១៦ ដោយធ្វើការអភិវឌ្ឍជាបណ្តើរៗ មានជីកស្រះច្រើនប្រភេទ (ស្រះចិញ្ចឹមមេ បាពូជ កូន និងបង្កងសាច់) អាងភ្ញាស់ និងហេដ្ឋរចនាសម្ព័ន្ធក្នុងកសិដ្ឋាន។ល។ បច្ចុប្បន្នកំពុងធ្វើការសាកពិសោធន៍ភ្ញាស់ និងចិញ្ចឹមកូនពូជឱ្យស្របតាមក្សេត្របរិស្ថាននៅតំបន់នេះ ក្នុងទិសដៅដើម្បីសម្រេចតាមផែនការផលិតកម្ម ផលិតបង្កងសាច់ឱ្យបាន ១តោន/ថ្ងៃ និងកើនឡើងជាបន្តបន្ទាប់។ បច្ចុប្បន្នមានកូនពូជប្រមាណ ៦០ម៉ឺន ដែលអាចផ្តល់ផលប្រមាណ៥០តោននៅរយ:ពេល៦ខែ និងគ្រោងផលិតកូនឱ្យបាន ៥-១០លានកូននៅឆ្នាំក្រោយ។ បង្កងប្រភេទនេះមានតម្លៃ ២៥$/kg នៅកសិដ្ឋាន ឈ្មួញយកទៅលក់បន្តតម្លៃ ៣០-៣៥$/kg។ ផ្ទៃដីដែលបាននិងកំពុងចិញ្ចឹមមានចំនួន ២៥ហត នឹងធ្វើការពង្រីកដល់ ១០០ហត នៅពេលឆាប់ៗខាងមុខ ដែលក្នុងនោះ ៧០ហត សម្រាប់ផលិតបង្កងសាច់ ៣០ហត សម្រាប់ផលិតមេ បា និងកូនពូជ។ ការចិញ្ចឹមជាលក្ខណ:ធម្មជាតិ (លែងក្នុងស្រះ) ផ្តល់ចំណីផ្សំមានពោត ដំឡូងមី និងសណ្តែកសៀង ដែលជាវត្ថុធាតុដើមផលិតក្នុងស្រុក។
រដ្ឋមន្រ្តី និងអភិបាលខេត្ត បានកោត សរសើរ និងវាយតម្លៃខ្ពស់ចំពោះការចូលរួមវិនិយោគចិញ្ចឹមបង្កងពូជថ្មី ដែលរដ្ឋបាលជលផលបាននិងកំពុងជំរុញ និងលើកទឹកចិត្តឱ្យកសិករចិញ្ចឹមជាលក្ខណ:គ្រួសារ ព្រោះវាមានលក្ខណ: សាមញ្ញ និងទទួលបានកម្រៃខ្ពស់។ លោកបានសម្តែងការគាំទ្រចំពោះផែនការផលិតកម្មនាពេលអនាគត ព្រោះវាពិតជាបានចូលរួមចំណែកបង្កើតការងារជូនប្រជាពលរដ្ឋនៅមូលដ្ឋាន បង្កើនចំណូលក្នុងគ្រួសារ និងកាត់បន្ថយភាពក្រីក្រ បង្កើនបរិមាណផ្គត់ផ្គង់ ប្រើប្រាស់សក្តានុពលរបស់ ដីឱ្យអស់លទ្ធភាព ចូលរួមអនុវត្តគោនយោបាយ និងផែនការអភិវឌ្ឍវិស័យកសិកម្ម និងជា ពិសេសបង្កើតកាលានុវត្តភាពស្របតាមប្រសាសន៍ដ៏ខ្ពង់ខ្ពស់របស់សម្តេចតេជោ ហ៊ុន សែន។ ជាមួយអភិបាលខេត្ត លោកសុំឱ្យក្រុមហ៊ុនពិនិត្យលទ្ធភាពពង្រីកផលិតកម្ម ទៅតំបន់ផ្សេងៗទៀតដែលមានប្រភពទឹកធម្មជាតិល្អ ព្រោះខេត្តនេះមានលក្ខណ:ធម្មជាតិអំណោយផលក្នុងការចិញ្ចឹមបង្កងប្រភេទថ្មីនេះ។
លោកបានណែនាំឱ្យក្រុមហ៊ុន គួរតែពង្រីកការភ្ញាស់កូនបង្កង រួចលក់ចែកជូនកសិករដើម្បីយកមកចិញ្ចឹម ដោយផ្តល់បច្ចេកទេស ហើយប្រមូលទិញផលបង្កងមកវិញតាមរយ:ការធ្វើផលិតកម្មកសិកម្មតាមកិច្ចសន្យា ដើម្បីពង្រីកទីផ្សារនាពេលអនាគត។ រដ្ឋបាលជលផល និងសកលវិទ្យាល័យភូមិន្ទកសិកម្ម គួរបញ្ជូនមន្រ្តី និងនិស្សិតយកសិក្សា ដកស្រង់បទពិសោធន៍ បច្ចេកទេស ដើម្បីផ្សព្វផ្សាយផលិតកម្មបង្កងនេះឱ្យបានទូលំទូលាយទូទាំងប្រទេស៕SRP