ខេត្តសៀមរាប៖នគរបាលតាមបណ្ដាប៉ុស្ដិ៍នៃអធិការនគរបាលក្រុងសៀមរាប បានបន្តចុះណែនាំដល់ពលរដ្ឋ កុំឲ្យមានការទុកម៉ូតូនៅក្រៅបន្ទប់ចៀសវាងការបាត់បង់ដោយប្រការណាមួយ។
លោកវរសេនីយ៍ឯក ណុប សារ៉ាក់ អធិការដ្ឋាននគរបាលក្រុងសៀមរាបបានឲ្យដឹងនៅព្រឹកថ្ងៃទី១៣ខែសីហានេះថា កម្លាំងប៉ុស្តិ៍បានសហការជាមួយកម្លាំងប្រជាការពារ ចេញល្បាតនៅក្នុងមូលដ្ឋាន​និងបានចុះណែនាំតាមបន្ទប់ជួល​ ភូមិ​ស្វាយ​ដង្គំនិងភូមិ​គ្រួស​ ដែលមានម៉ូតូទុកក្រៅបន្ទប់អោយគាត់យកម៉ូតូទុកក្នុងបន្ទប់។
ក្នុងនាម អធិការដ្ឋាននគរបាលក្រុងសៀមរាប លោកវរសេនីយ៍ឯក ណុប សារ៉ាក់ សូមធ្វើការអំពាវនាវដល់ ប្រជាពលរដ្ឋ ដែលបានស្នាក់នៅតាមបន្ទប់ជួល ក៏ដូចពលរដ្ឋដ៏ទៃទៀត មេត្តាចូលរួមសហការនិងសមត្ថកិច្ចក្នុងការថែរក្សាឡាន ម៉ូតូ អោយមានការប្រុងប្រយ័ត្នខ្ពស់ ដោយមុនចូលសម្រាកត្រូវយកម៉ូតូដាក់ក្នុងបន្ទប់ បើបន្ទប់ចង្អៀតសូមទិញសោរសុវត្ថិភាព ចាក់កង់មុខ ឬកង់ក្រោយបន្ថែម លើសោរកផង ចៀសវាងការបាត់បង់ដោយប្រការណាមួយ៕SRP

ខេត្តសៀមរាប៖បន្ទាប់ពីមានការបង្ហើបព័ត៌មាននិងការបង្ហោះតាមហ្វេសប៊ុកថាម្ចាស់ឡាននេះជាប៉ូលីសម្នាក់ធ្វើការនៅស្នងការនគរបាលខេត្តសៀមរាបបែកថ្នាំនិងប្រើប្រាស់គ្រឿងញៀន ស្នងការនគរបាលខេត្តសៀមរាបសុំបកស្រាយករណីនេះ។
ក្រុមការងារប្រតិកម្មរហ័សនៃស្នងការដ្ឋាននគរបាលខេត្តសៀមរាប សូមធ្វើការបំភ្លឺជូនសាធារណជន អ្នកសារព័ត៌មាន និងពិសេសអ្នកនិយមប្រើប្រាស់បណ្ដាញទំនាក់ទំនងសង្គមមេត្តាជ្រាបថា តាមការស្រាវជ្រាវរបស់មន្ត្រីជំនាញនៃស្នងការដ្ឋាននគរបាលខេត្តសៀមរាបបានរកឃើញថា កម្មសិទ្ធិករ និងអ្នកបើកបររថយន្តម៉ាក Mazda ពាក់ស្លាកលេខ នគរបាល 2-2355 ដែលបានចតនៅចំណុចជិតរបងវត្តគោកចក ស្ថិតនៅភូមិវាល សង្កាត់គោកចក ក្រុង/ខេត្តសៀមរាបនោះ គឺលោកអនុសេនីយ៍ទោ សាង រ៉ាយូ នាយរងការិយាល័យនៃស្នងការនគរបាលខេត្តសៀមរាប ។

បន្ទាប់ពីទទួលបានបទបញ្ជាពីឧត្តមសេនីយ៍ទោ ទិត្យ ណារ៉ុង ស្នងការនគរបាលខេត្តសៀមរាប ក្រុមការងារអនុវត្តវិន័យនៃស្នងការដ្ឋាន បានកោះហៅសាម៉ីខ្លួនខាងលើមកធ្វើការបំភ្លឺ ក្នុងនោះលោកអនុសេនីយ៍ទោ សាង រ៉ាយូ បានបញ្ជាក់ថា លោកពិតជាបានបើកបររថយន្តពាក់ស្លាកលេខនគរបាលខាងលើនោះពិតប្រាកដមែន គឺបើកបរចេញពីកន្លែងហូបចុកជាមួយមិត្តភក្កិ ក្នុងស្ថានភាពស្រវឹង ទើបលោកសម្រេចចិត្តចតរថយន្តនៅចំណុចខាងលើដើម្បីចៀសវាងបង្កគ្រោះថ្នាក់ដល់ខ្លួនឯង ក៏ដូចជាអ្នកដទៃ ។

បន្ទាប់ពីការបំភ្លឺ ជំនាញបានយកទឹកនោមសាមីខ្លួនខាងលើ ដើម្បីទៅពិនិត្យវិភាគស្វែងរកសារធាតុញៀន ។ ក្នុងករណីនេះប្រសិនរកឃើញមានសារធាតុញៀនថ្នាក់ដឹកនាំនៃស្នងការដ្ឋាននគរបាលខេត្តសៀមរាបនឹងចាត់វិធានការយ៉ាងម៉ឺងម៉ាត់បំផុត ឈានដល់ការអនុវត្តវិន័យរបស់កងកម្លាំងនគរបាលជាតិបន្ថែមផងដែរ។
ទោះយ៉ាងណាក្នុងនាមថ្នាក់ដឹកនាំស្នងការនគរបាលខេត្តសៀមរាប សូមថ្លែងអំណរគុណយ៉ាងជ្រាលជ្រៅបំផុតចំពោះសាធារណជន អ្នកសារព័ត៌មាន និងពិសេសបណ្ដាញទំនាក់ទំនងសង្គមដែលបានចូលរួមចំណែកក្នុងការការពារសន្តិសុខ សណ្ដាប់ធ្នាប់សាធារណៈ និងសុវត្ថិភាពសង្គម។ ជាមួយគ្នានេះដែរ
សូមអំពាវនាវសូមបងប្អូនកុំធ្វើការសន្និដ្ឋានវាយតម្លៃដោយខ្វះមូលដ្ឋានស៊ើបបញ្ជាក់ឲ្យបានច្បាស់លាស់ ដើម្បីចៀសវាងការសន្និដ្ឋាននោះ មានឥទ្ធិពលប៉ះពាល់ដល់កិត្តិយស និងសេចក្តីថ្លៃថ្នូររបស់បុគ្គល ឬស្ថាប័ន៕SRP

ខេត្តកំពង់ចាម៖ មនុស្ស៥នាក់បានលង់ទឹកនៅមុខវត្តជ្រោយថ្ម ក្រុងកំពង់ចាម ដោយជួយសង្គ្រោះបានបីនាក់ ចំណែក២នាក់ទៀតបានស្លាប់។ ជនរងគ្រោះដល់អាយុជីវិតជាក្មេងស្រីនឹងមនុស្សប្រុសវ័យចំណាស់មានអាយុ៣០ឆ្នាំជាងត្រូវបានរកសពឃេីញហើយ។

ហេតុការណ៍នេះបានកើតឡើងនៅមុខវត្តជ្រោយថ្ម ក្នុងសង្កាត់កំពង់ចាម ក្រុងកំពង់ចាម ។

បេីតាមប្រជាពលរដ្ធដែលបានឃេីញក្នុងហេតុការនោះបានអោយដឹងថា នៅវេលាម៉ោង១១ថ្ងៃទី12ខែសីហាឆ្នាំ2020 គេឃេីញមានមនុស្សវ័យចំណាស់អាយុជាង៣០ឆ្នាំ ម្នាក់នឹងក្មេងប្រុសស្រី៤នាក់បាននាំគ្នាទៅងូតទឹកទន្លេលេងក្បែរមាត់ច្រាំងមុខវត្តជ្រោយ លុះរំលងបាន២០នាទីក៏បានលង់ទឹកហេីយស្រែកអោយគេជួយ ភ្លាមនោះបុរសវ័យចំណាស់នោះបានហែលទៅជួយក្មេងប្រុសម្នាក់ បាន ហេីយបានបន្តទៅជួយក្មេងស្រីម្នាក់ទៀត តែមិនអាចជួយបាន ក៏បានលង់ទឹកបាត់ខ្លួនទាំង២នាក់ ។ដោយឡែកក្មេងប្រុស៣នាក់ទៀតត្រូវបានពលរដ្ឋដែលនៅក្បែរនៅឃេីញនឹងចុះទៅជួយទាន់ពេលវេលាបញ្ជូនទៅមន្ទីពេទ្យខេត្តកំពង់ចាម។ ចំណែកក្មេងស្រីនឹងមនុស្សវ័យជាង៣០ឆ្នាំបានរកឃើញសពនៅវេលាម៉ោង៤ល្ងាចថ្ងៃដដែល៕SRP

ខេត្តសៀមរាប៖ ស្នងការរងទទួលការងារព្រហ្មទណ្ឌ នៃស្នងការខេត្តសៀមរាបលោកឧត្តមសេនីយ៍ត្រីភឹង ចិន្តារ៉េត បានឲ្យដឹងថានគរបាលស្រុកអង្គរជុំបានឃាត់ជនសង្ស័យម្នាក់ឈ្មោះ ឈឿម ឆេន ភេទប្រុសអាយុ ៤៣ឆ្ឆ្នាំនៅ ភូមិតាកួយ ឃុំគោល ស្រុកអង្គជុំ ខេត្តសៀមរាប ពីបងហិង្សាដោយចេតនាមានស្ថានទម្ងន់ទោស។

លោកឧត្តមសេនីយ៍ត្រីភឹង ចិន្តារ៉េត បន្តថានៅថ្ងៃទី១១ ខែសីហា ឆ្នាំ២០២០ វេលាម៉ោង ១៤,00 នាទី មាន ឈ្មោះ លឿម គា ភេទប្រុស អាយុ២៧ ឆ្នាំ នៅភូមិគោកក្នាំង ឃុំស្រែខ្វាវ ស្រុកអង្គរជុំ ខេត្តសៀមរាប បានទៅលេងផ្ទះរបស់ឈ្មោះ ឈើយ ម៉ាប់ ភេទស្រីអាយុ ៤០ ឆ្នាំនៅភូមិតាកួយ ឃុំគោល ស្រុកអង្គជុំ (មេម៉ាយ) បាននាំគ្នាផឹកស្រាជាមួយ ឈ្មោះ ឈឿម ឆេន ភេទប្រុស(ជនសង្ស័យ) ដោយពួកគរបានស្រលាញ់ម្ចាស់ផ្ទះ ទាំង២នាក់ ហើយច្រណែនគ្នាទៅវិញទៅមក។
លោកថា នៅពេលជនរងគ្រោះស្រវឹងខ្លាំងក៏ឡើងដេកលើអង្រឹងក្បែកន្លែងផឹក ចំណែកជនសង្ស័យនិងម្ចាស់ផ្ទះក៏បានផឹកជាមួយគ្នាបន្តទៀត។

ក្រោយមកជនសង្ស័យឈ្មោះ ឈឿម ឆេន បានទាញកំណល់ឈើអង្គុយវាយមកលើជនរងគ្រោះចំក្បាលបណ្ដាលអោយរបួសធ្ងន់។ ក្រោយកើតហេតុជនរងគ្រោះត្រូវបានបញ្ជូនទៅមន្ទីពេទ្យបង្អែកស្រុកអង្គរជុំ ដើម្បីសង្គ្រោះ។ចំណែកជនសង្ស័យបានរត់កេចខ្លួន។

លោកបានបញ្ជាក់ថានៅថ្ងៃទី12ខែសីហាឆ្នាំ2020 វេលាម៉ោង១១នគរបាលស្រុកអង្គរជុំបានសហការជាមួយ គរបាលស្រុកក្រឡាញ់ បានឃាត់ខ្លួនជនសង្ស័យបាននៅចំណុច ភូមិខ្សី ឃុំសែនសុខ ស្រុកក្រឡាញ់ ខេត្តសៀមរាប។
ជនសង្ស័យបានសារភាពថា ខ្លួនពិតជាបានប្រព្រឹត្តទៅលើ ជនរងគ្រោះពិតមែន។ ករណីនេះសមត្ថកិច្ចកសាងសំណុំរឿងបញ្ជូនទៅតុលាការដើម្បីអនុវត្តតាមផ្លូវច្បាប់៕SRP

ខេត្តសៀមរាប៖ លោកឧត្តមសេនីយ៍ត្រីភឹង ចិន្ដារ៉េត ស្នងការរងខេត្តសៀមរាបទទួលផែនកណ្ដាលព្រហ្មទណ្ឌខេត្តបានឲ្យដឹងថាកម្លាំងនគរបាលព្រហ្មទណ្ឌកម្រិតស្រាលនៅថ្ងៃទី ១២ខែ សីហា ឆ្នាំ២០២០នេះបាន សហការជាមួយការិយាល័យប្រឆាំងគ្រឿងញៀន អធិការក្រុង ប៉ុស្តិ៍នគរបាលរដ្ឋបាលសង្កាត់ស្វាយដង្គំ នឹងប្រជាការពារភូមិសង្កាត់ ស្វាយដង្គំ ស្រាវជ្រាវនិងសើុបអង្កេត ចាប់ខ្លួននារីម្នាក់។

ជនសង្ស័យឈ្មោះ តាំង ជែនី ភេទស្រី អាយុ២៧ឆ្នាំ មុខរបរមិនពិតប្រាកដ មានទីលំនៅ ភូមិសាលាកន្សែង សង្កាត់ស្វាយដង្គំ ក្រុងសៀមរាប ស្នាក់នៅបន្ទប់ជួល ភូមិសាលាកន្សែងសង្កាត់ស្វាយដង្គំ ក្រុងសៀមរាប។ លទ្ធផលធ្វើតេស្ត វិជ្ជមាន។

លោកឧត្តមសេនីយ៍ត្រីភឹង ចិន្ដារ៉េត បន្តថាករណីនេះដកហូតគ្រឿងញៀន ៩កញ្ចប់ … ៨កញ្ចប់តូច និង១កញ្ចប់ធំ និងថង់សម្រាប់វេចខ្ជប់គ្រឿនញៀនមួយចំនួន។  លោកថាបានប្រគល់ជនសង្ស័យអោយទៅការិយាល័យប្រឆាំងការជួញដូរគ្រឿងញៀន ដើម្បីបន្តនីតិវិធី៕SRP

ខេត្តព្រៃវែង៖ ប្រជាពលរដ្ឋជាង៣០គ្រួសារ រស់នៅឃុំកំពង់ពពិល ស្រុកពារាំង ដែលបានលក់ដី ឲ្យក្រុមហ៊ុនមានរយៈពេលជិតមួុយឆ្នាំមកហើយ ក៏ប៉ុន្តែ ពួកគាត់នៅពុំទាន់ទទួលបានលុយគ្រប់ចំនួន ពីខាងក្រុមហ៊ុនអ្នកទិញដីនៅឡើយទេ។
ករណីបែបនេះពួកគាត់ស្នើសុំឲ្យអាជ្ញាធរជួយអន្តរាគមន៍ផង។ ក្រុមប្រជាពលរដ្ឋថាពួកគាត់បានលក់ដីអាស្រ័យផលរបស់ខ្លួនម្នាក់ៗមានទំហំ ចាប់ពី០១ហិកតាដល់០៧ហិកតា នៅចំណុច(បឹងបាយសី)ស្ថិតនៅក្នុងឃុំកំពង់ប្រាំង និងឃុំកំពង់ពពិល ស្រុកពារាំង ឱ្យទៅក្រុមហ៊ុន។  ដោយពលរដ្ឋខ្លះទទួលបាន១០% ខ្លះបាន២០% ខ្លះបាន៥០%ទៅ៦០% និងខ្លះទៀតពុំទាន់បានលុយទាល់តែសោះ។ ហើយខ្លះទៀតបានត្រឹមលុយកក់បន្តិចបន្តួច ក៏ក្រុមហ៊ុនលើកទំនប់យកដីពួកគាត់ទាំងអស់ដែរ ដោយឡែក(អ្នកបានលុយគ្រប់គឺរក្សាភាពស្ងៀមស្ងាត់)។

កសិករឈ្មោះ ផល ផាន ភេទប្រុសអាយុ៣៩ឆ្នាំ មានទីលំនៅភូមិពហ៊ារ ឃុំកំពង់ពពិល ស្រុកពារាំង ខេត្តព្រៃវែង បានអះអាងនៅល្ងាចថ្ងៃទី១១ខែសីហា២០២០ថា៖ លោកផ្ទាល់ បានលក់ដីអាស្រ័យផល ត្រង់ចំណុច(បឹងបាយសី)នៅក្រោយភូមិកំពង់ប្រាំង ឃុំកំពង់ប្រាំង ស្រុកពារាំង ដែលមានទំហំជិត៥ហិកតា ឱ្យទៅក្រុមហ៊ុន កាលពីខែមករា ឆ្នាំ២០២០ ដោយក្នុង១ហិកតាតម្លៃ១១,០០០$ បើសរុបបាន៥២,៨០០$ ចាប់តាំងពីពេលលោកលក់រហូតដល់បច្ចុប្បន្នគឺបានទទួលលុយ២លើកសរុបស្មើ១១,០០០$ ហើយនៅសល់៤១,៨០០$ទៀត គឺក្រុមហ៊ុនមិនអោយគាត់ឡើយ។ ដោយយកលេសនិងលើកពេលរហូតពី១ខែទៅ១ខែ ខណៈដីគាត់ត្រូវបានក្រុមហ៊ុនលើកទំនប់ព័ទ្ធយក តាំងពីពេលលក់ដំបូងម្ល៉េះ។

បុរសខាងលើបន្តថា៖ ខ្ញុំកំសត់ណាស់លក់ដីអោយគេហើយ គេមិនអោយលុយ ពេលទៅយកលុយម្ដងៗដូចទៅសុំទានគេអញ្ចឹង គឺគេស្ដីឱ្យពីមុខពីក្រោយ? មិនមែនតែខ្ញុំទេ ពលរដ្ឋនៅភូមិពហ៊ារ និងភូមិខ្សុំត្បូង ជិត៤០គ្រួសារ ក៏មានវាសនាមិនខុសពីលោកដែរ។ (ដីគេយកអស់ឯលុយយកមិនបាន) ដល់រាយការណ៍ទៅលោកមេឃុំកំពង់ពពិល ម្ដងជាពីរដង គឺបានត្រឹមសម្រួល!(រីឯលុយនៅតែមិនបានដដែល)។ កត្តាបែបនេះកសិករម្នាក់ៗមិនហ៊ានចេញមុខតវ៉ាទេ ព្រោះតំណាងក្រុមហ៊ុនឈ្មោះ ស៊ុម សុខមាន(ហៅថេត)ជាមនុស្សមានលុយនិងមានឥទ្ធិពលខ្លាំង ដោយបានប្រើគ្រឿងចក្រលើកទំនប់ព័ទ្ធដីមុនទិញ ជាហេតុនាំឱ្យម្នាក់ៗខ្លាចក្រុមហ៊ុនរំលោភយកដីគាត់ ទើបបង្ខំចិត្តលក់ដីបឹងបាយសីតែម្ដងទៅ។

មិនតែប៉ុណ្ណោះក្រោយពេលលក់ដីរួចហើយ គឺពិបាកយកលុយពីក្រុមហ៊ុន បានត្រឹមនាំគ្នាកើតទុក្ខ និយាយខ្សឹបខ្សៀវពីមួយទៅមួយ មិនហ៊ានចេញមុខទេ ហើយបើនរណាហ៊ានចេញមុខតវ៉ា គឺក្រុមហ៊ុនមិនអោយលុយឡើយគឺអត់,,,? ។
ចំណែកបុរសម្នាក់ទៀតឈ្មោះអេង ឯម អាយុ៣៣ឆ្នាំនៅភូមិពហ៊ារ ក៏បានលើកឡើងស្រដៀងគ្នានេះដែរថា គាត់លក់ដីនៅ(បឹងបាយសី)ចំនួន២ហិកតា ប៉ុន្តែក្រុមហ៊ុនលោក(ថេត)ឱ្យលុយតែ១ហិកតាប៉ុណ្ណោះ សល់១ហិកតាទៀត គឺលើកពេលរហូត មិនឱ្យលុយឡើយតាំងពីចុងឆ្នាំ២០១៩រហូតដល់ពេលនេះ។

ចំណែកអ្នកស្រី ចាន់ សុខឃឿន នៅភូមិពហ៊ារ បានអះអាងផងដែរថា៖ គាត់លក់ដីនៅទីនោះ ទំហំជាង៦ហិកតា ក្រោយពេលលក់រួចក្រុមហ៊ុនបានលើកពេលរហូត ប៉ុន្តែបានអោយលុយគាត់ចំនួន៦លើក គឺនៅខ្វះ១២,៤៧២$ទៀត ដែលក្រុមហ៊ុនមិនព្រមអោយទាល់តែសោះ ហើយជារៀងរាល់លើក ទៅទារលុយដូចទៅសុំទានគេ។

សូមរម្លឹកថាក្រោយផ្ទុះការរិះគន់តាមសារព័ត៌មាននិងពេញបណ្ដាញសង្គម រឿងក្រុមហ៊ុនលើកទំនប់ព័ទ្ធដី(បឹងបាយសី)និង(បឹងថ្លុកត្រីក្រាញ់) ដោយបោះបង្គោលរំលោភយកដីរបស់ ឈ្មោះ មិន ឆាង ជាង៣ហិកតា ដោយបានកាយផ្ដាច់ផ្លូវនិងកាយរំលោភយកដីគាត់ជិតកន្លះហិកតាបន្ថែមទៀត លើកទំនប់ខ្វាត់ខ្វែង បិទប្រព័ន្ទទឹកផងដែរ។ ប៉ុន្តែលោក សាត ហ៊ាង មេឃុំកំពង់ប្រាំង បានចេញលិខបញ្ជាក់ថា ផ្ទៃដី(បឹងបាយសី)ទាំងមូល មានទំហំតែ១៦០ហិកតាប៉ុណ្ណោះ ចំពោះដីបឹងថ្លុកត្រីក្រាញ់លោកមេឃុំថា៖ពុំមានការលក់ដូរទេ)។ ទោះយ៉ាងណាក្រុមពលរដ្ឋបញ្ជាក់ថា៖ ដី(បឹងបាយសី)និង(បឹងថ្លុកត្រីក្រាញ់)គឺក្រុមហ៊ុនបានទិញយកអស់ហើយ។  កសិករអ្នកដាំដុះនៅទីនោះអះអាងថា៖ដី(បឹងបាយសី) ទាំងនៅក្នុងតំបន់ឃុំកំពង់ពពិល និងឃុំកំពង់ប្រាំង គឺមានទំហំជាង៣០០ហិកតាឯណោះ មិនមែនជាង១៦០ហិកតា(ដូចលោកមេឃុំកំពង់ប្រាំង លើកឡើងនោះទេ។

ពលរដ្ឋ៖ខ្ញុំធ្វើកសិកម្មនឹងដី ខ្ញុំច្បាស់រឿងដីមិនត្រឹមតែប៉ុណ្ណោះ សូម្បីមេការក្រុមហ៊ុនឈ្មោះ(ហាន)និងឈ្មោះ(ចែម) ក៏ធ្លាប់អះអាងប្រាប់គាត់ដែរថាដីបឹងបាយសីជាង៣០០ហិកតា។ ពាក់ព័ន្ធលោក ថឹង សំនៀង មេឃុំកំពង់ពពិលបានបញ្ជាក់ថា៖ លោកច្បាស់ណាស់រឿងដីបឹងក្នុងមូលដ្ឋាន ចំពោះ(ដីបឹងបាយសី)បើសរុបទាំង២ឃុំ គឺមានទំហំជាង៣០០ហិកតា។លោកថា ពលរដ្ឋដែលមិនទាន់ទទួលលុយគ្រប់ ចន្លោះពី៣០ទៅ៤០គ្រួសារ គឺនៅភូមិពហ៊ារនិងខ្សុំត្បូង ឃុំកំពង់ពពិល។

បើតាមប្រភពថាការចេញលិខិតបញ្ជាក់របស់លោក សាត ហ៊ាង មេឃុំកំពង់ប្រាំង គឺផ្ទុយស្រឡះទៅនិងការអះអាងរបស់ពលរដ្ឋអ្នកអាស្រ័យផលជាក់ស្ដែង និងលោក ថឹង សំនៀង មេឃុំកំពង់ពពិល។

ទោះជាយ៉ាងណាក្ដីពលរដ្ឋសុំស្នើរដល់សម្ដេចតេជោ ក៏ដូចជាក្រសួងពាក់ព័ន្ធ ជាពិសេសគីលោក ជា សុមេធី អភិបាលខេត្តព្រៃវែងសូមមេត្តាជួយរកយុត្តិធម៌អោយពួកគាត់ដោយក្ដីអនុគ្រោះ ខណៈម្នាក់ៗលក់ដីជិត១ឆ្នាំហើយមិនបានលុយគ្រប់ រីឯដីពួកគាត់ត្រូវក្រុមហ៊ុន ឈូសឆាយលើកទំនប់យកគ្មានសល់។

ជុំវិញការចោទប្រកាន់របស់ប្រជាពលរដ្ឋទៅលើក្រុមហ៊ុននេះបណ្ដាញសៀមរាបប៉ុស្តិ៍នៅមិនទាន់ទទួលបានការបំភ្លឺពីតំណាងក្រុមហ៊ុនដែលទេ៕SRP

ខេត្តសៀមរាប៖ពិតជាហ៊ានណាស់ឃើញគេអង្គុយផឹកមុខបន្ទប់បែជាដេញកាប់រួចយកទូរស័ព្ទបានសម្រេច គេចខ្លួនតែត្រូវបាននគរបាលឃាត់ខ្លួនបាន។
ជនសង្ស័យឈ្មោះ ណិប វណ្ណា ហៅព្រំ ភេទប្រុស អាយុ 29 ឆ្នាំមុខរបរកម្មករសំណង់ មានទីលំនៅបច្ចុប្បន្នភូមិបន្ទាយចាស់ សង្កាត់ស្លក្រាម ក្រុងសៀមរាប ពាក់ព័ន្ធករណីអំពើលួចដោយមានស្ថានទម្ងន់ទោស (ប្រើប្រាស់អាវុធ) និងបទប្រើប្រាស់ដោយខុសច្បាប់នូវសារធាតុញៀន។
លោកវរសេនីយ៍ឯកណុប សារ៉ាក់ អធិការនគរបាលក្រុងសៀមរាបបានឲ្យដឹងថា
ករណីនេះនៅថ្ងៃទី 07 ខែសីហា ឆ្នាំ 2020 វេលាម៉ោង 21,30 នាទីស្ថិតនៅក្រុមទី 12 ភូមិបន្ទាយចាស់សង្កាត់ស្លក្រាម ក្រុង-ខេត្តសៀមរាប ជនរងគ្រោះឈ្មោះ ផែនទីណារឹទ្ធ ស្រីស្រស់ ភេទស្រីអាយុ ១៨ ឆ្នាំ មុខរបស់សិស្សស្នាក់នៅបន្ទប់ជួលភូមិបន្ទាយចាស់ សង្កាត់ស្លក្រាម ក្រុងសៀមរាប និងមិត្តភក្កិចំនួន 03 នាក់ទៀត បាននាំគ្នាអង្គុយផឹកស៊ីនៅមុខបន្ទប់ជួលពេលនោះស្រាប់តែមានជនសង្ស័យចំនួន 02 នាក់ ដែលជាមនុស្សប្រុស អាយុប្រហែលជាង 20 ឆ្នាំមិនធ្លាប់ស្គាល់គ្នាបានធ្វើសកម្មភាពប្រើកាំបិតដេញកាប់ទៅលើជនរងគ្រោះនិងមិត្តភ័ក្ររបស់គាត់ហើយបាននាំគ្នារត់ចូលក្នុងបន្ទប់ ពេលដែលជនរងគ្រោះ និងមិត្តភ័ក្រ្តរត់ចូលក្នុងបន្ទប់ ដោយបានទុកទូរស័ព្ទចំនួន 02 គ្រឿង នៅកន្លែងតុអង្គុយផឹកស៊ីគឺទូរស័ព្ទម៉ាក iphone 8,plus ពណ៌ស និងម៉ាក iphone 7 plus ពណ៌ផ្កាឈូកពេលនោះត្រូវបានជនសង្ស័យទាំង 2នាក់បានលួចយកទូរស័ព្ទទាំង 2 គ្រឿងហើយរត់គេចខ្លួនបាត់បាត់។
ក្រោយមកជនរងគ្រោះបានមកដាក់ពាក្យបណ្ដឹងនៅប៉ុស្តិ៍នគរបាលរដ្ឋបាលសង្កាត់ស្លក្រាម។ លោកអធិការថា ក្រោយពីទទួលពាក្យបណ្តឹងសមត្ថកិច្ចបានចុះស្រាវជ្រាវជុំវិញកន្លែងកើតហេតុ និងកំណត់មុខសញ្ញាបាន ។ លុះមកដល់ថ្ងៃទី 11 ខែសីហា ឆ្នាំ 2020 វេលាម៉ោង 08 និង 00 នាទីព្រឹក បានធ្វើការនាំខ្លួនឈ្មោះ ចេវ ឧត្តម ហៅដំ ភេទប្រុស អាយុ33ឆ្នាំ មុខរបរកម្មករសំណង់ និងប្អូនប្រុសរបស់គេឈ្មោះ ចេវ វិដេត ហៅតាក់ ភេទប្រុស អាយុ 25 ឆ្នាំ មុខរបរកម្មករសំណង់ ទាំងពីរនាក់មានទីលំនៅបច្ចុប្បន្នភូមិបន្ទាយចាស់ សង្កាត់ស្លក្រាម។ ដោយបានធ្វើការឆែកឆេរនៅក្នុងបន្ទប់លើផ្ទះរបស់អ្នកទាំងពីរនាក់បានឃើញទូរស័ព្ទមួយគ្រឿង iphone 8plus ពណ៌ស ដែលជាទូរស័ព្ទរបស់ជនរងគ្រោះ នៅក្នុងបន្ទប់លើផ្ទះរបស់ពួកគេ។
ក្រោយពីការសាកសួរអ្នកទាំងពីរអ្នកបានឆ្លើយសារភាពថាទូរស័ព្ទមួយគ្រឿងនេះរូបគេបានឃើញឈ្មោះ ណិប វណ្ណា ហៅព្រំ និងប្អូនប្រុសបង្កើតរបស់ពួកគេឈ្មោះ ចេវ ពិដោ ហៅតោ អាយុ 23 ឆ្នាំ បានយកមកបង្ហាញពួកគេ ប៉ុន្តែពួកគេមិនបានដឹងថាបានមកពីណានោះទេ។
លោកអធិការបញ្ជាក់ថា លុះមកដល់ថ្ងៃទី 12 ខែសីហា ឆ្នាំ 2020 វេលាម៉ោង 09 និង 00 នាទីព្រឹកបានធ្វើការស្រាវជ្រាវនិងនាំខ្លួនឈ្មោះ ណិប វណ្ណា ហៅព្រំ មកធ្វើការសាកសួរ។ ជនសង្ស័យឈ្មោះ ណិប វណ្ណា បានឆ្លើយសារភាពថារូបខ្លួននឹងឈ្មោះ ចែវ ពិដោ ហៅតោ ពិតជាបានធ្វើសកម្មភាពប្រើកាំបិតដេញកាប់ជនរងគ្រោះរួច និងយកទូរសព្ទដៃរបស់ជនរងគ្រោះទាំងពីរគ្រឿងខាងលើពិតប្រាកដមែន។ ដោយទូរស័ព្ទមួយគ្រឿងម៉ាក 7 plus ពណ៌ផ្កាឈូក រូបគេនឹងឈ្មោះ ចេវ ពិដោរ យកទូរស័ព្ទមួយគ្រឿងទៀតពួកខ្លួនទុកចោលនៅក្នុងបន្ទប់លើផ្ទះរបស់ឈ្មោះ ចេវឧត្តម។
បើតាមអធិការថាបានធ្វើការដកហូតទូរស័ព្ទទាំងពីរគ្រឿងបានមកវិញ និងធ្វើការប្រគល់ឲ្យជនរងគ្រោះយកទៅប្រើប្រាស់។ ចំណែកជនសង្ស័យឈ្មោះ ចេវ ពិដោ បានរត់គេចខ្លួនបាត់។
ជុំវិញករណីនេះសមត្ថកិច្ចរៀបចំសំណុំរឿងបញ្ជូនទៅតុលាការដើម្បីអនុវត្តតាមច្បាប់៕SRP

ខេត្តសៀមរាប៖អាជ្ញាធរខេត្តបានអះអាងថាដើម្បីឱ្យការប្រារព្ធពិធី សម្រាកសៀមរាបប្រព្រឹត្តទៅដោយរលូនតាមការគ្រោងទុក រដ្ឋបាលខេត្តសូមធ្វើការបិទចរាចរណ៍មួយចំនួនក្នុងក្រុងសៀមរាបរយៈពេល ៥ថ្ងៃ ចាប់ពីថ្ងៃទី១៧ ដល់ថ្ងៃទី២១ ខែសីហា ឆ្នាំ២០២០ នៅតាមបណ្តាផ្លូវមួយចំនួនដូចជា ៖
-ពិធីតាំងពិពណ៌នឹងបិទចរាចរណ៍ពីម៉ោង ០៨:០០នាទី-២១:០០នាទី
-កម្មវិធីជិះកង់កំសាន្ត ផ្សារទឹកនឹងបិទចរាចរណ៍ពីម៉ោង០៩:០០នាទី-២១:០០នាទី
-ផ្លូវមុខវត្តដំណាក់នឹងបិទចរាចរណ៍ពីម៉ោង១២:០០នាទី-២១:០០នាទី
-ផាប់ស្ទ្រីត (PUB STREET) នឹងបិទចរាចរណ៍ពីម៉ោង១៨:០០នាទី-២៤:០០នាទីសូមពិនិត្យផ្លូវដែលបានបិទចរាចរណ៍ដូចមានក្នុងផែនទីខាងក្រោម៖

ខេត្តកំពង់ចាម​៖ខ្មោច​នាវា​ចម្បាំង​មួយគ្រឿង រួម​ជា​មួយ​គ្រាប់​យុទ្ធភ័ណ​មិន​ទាន់​ផ្ទុះ​ ចំនួន​៣ប្រភេទ​ ត្រូវ​បាន​គេ​រក​ឃើញ​នៅក្នុង​ទឹក​ទន្លេមេគង្គ​ ស្ថិត​ក្នុង​ភូមិវាល​ ឃុំមានជ័យ​ ស្រុក​ស្រីសន្ធរ ខេត្តកំពង់ចាម។ ករណីនេះគេសង្ស័យថាជាសំណល់ពីសម័យសង្គមរាស្ត្រនិយម​។
សុំបញ្ជាក់ថានៅថ្ងៃទី១២ខែសីហាឆ្នាំ​ព្រឹកមិញនេះ លោក​​ អ៊ុន​ ចាន់ដា​ អភិបាលខេត្ត​កំពង់ចាម​ បាន​អញ្ជើញ​ចុះ​ពិនិត្យ​ទីតាំង​ខ្មោច​នាវា​លិច​ទឹក​ខាងលើ​ ដើម្បី​រៀបចំ​ឲ្យ​មាន​កម្លាំង​សមត្ថកិច្ច​ប្រចាំ​ការ​នៅ​តំបន់​នោះ​ រហូត​គ្រាប់​យុទ្ធភ័ណ​ទាំងអស់​ ត្រូវ​បាន​យក​ចេញ​ដោយ​សុវត្ថិភាព​។
លោក​អភិបាលខេត្ត​ ក៏បាន​អំពាវនាវ​ដល់​ប្រជាពលរដ្ឋ កុំ​ឲ្យ​ចូល​ទៅ​ធ្វើការ​នេសាទ​ក្នុង​តំបន់​ហាមឃាត់​នោះ​ជាដាច់ខាត​ ព្រោះ​វា​អាច​បង្ក​ឲ្យ​មាន​គ្រោះថ្នាក់​ ​ដល់អាយុជីវិតបានគ្រប់ពេល។
ដូច្នេះ​ត្រូវ​រង់ចាំ​រហូត​មន្ត្រី​​ជំនាញ​ មក​ធ្វើការ​បោសសម្អាត​ ​​គ្រាប់​យុទ្ធភ័ណ​ទាំងនោះ​ ​រួចរាល់​ហើយ​ទេីប​យេីង​ចូល​ទៅ​បាន។
គួរ​បញ្ជាក់​ថា កាល​ពី​ពេល​កន្លង​ទៅ​ថ្មីៗ​នេះ​ មាន​ក្រុម​ហ៊ុនសហគ្រាសសុភារ័ត្នអភិវឌ្ឍន៍​ ​បាន​បូមយក​ខ្សាច់​នៅ​តំបន់​នោះ​ ហើយ​ដឹក​យក​ទៅ​ដល់​រាជធានី​ភ្នំពេញ​ ទេីប​ប្រទះ​ឃើញ​គ្រាប់​ ចំនួន​៣ប្រភេទ​ គឺមាន​ ១-គ្រាប់AK57​ចំនួន៣គីឡូក្រាម​ ២-គ្រាប់៦០មីលីម៉ែត្រ​ ចំនួន១៦គ្រាប់​ និងគ្រាប់៨០មីលីម៉ែត្រ​ ចំនួន១គ្រាប់​។ អាជ្ញាធរមូលដ្ឋាន និង​មន្ត្រី​ជំនាញ​ពាក់ព័ន្ធ​ ដែល​មាន​មន្ត្រីស៊ីម៉ាក់​ និង​ក្រុមជំនាញមុជទឹក​ ដែលមានទីស្នាក់ការនៅខេត្តកំពង់ឆ្នាំង​ មកមុជទឹកពិនិត្យទីតាំងបូមខ្សច់​នោះ​ លទ្ធផល មុជទឹកជម្រៅ១៩ម៉ែត្រ ក្រុមជំនាញបានពិនិត្យឃើញទ្រង់ទ្រាយជា ម៉ារីន (នាវា​ចម្បាំង​)​ មួយគ្រឿង​ ផងដែរ​៕SRP

ខេត្តកំពង់ធំ៖ លោក ឡង់ គីសឹង អភិបាលស្រុកសណ្ដាន់ នៅថ្ងៃទី ១២ ខែ សីហាព្រឹកមិញ បានដឹកនាំកម្លាំងនគរបាល ស្រុកសណ្ដាន់ ចុះរុះរើទីតាំងបនល្បែងស៊ីសងខុសច្បាប់ មួយកន្លែង ត្រូវបានរុះរើបំផ្លាញចោល។

សូមបញ្ជាក់ថាទីតាំងល្បែងសុីសងខាងលើស្ថិតក្នុង ចំការស្វាយចន្ទី មួយកន្លែង នៅភូមិ អូរពកសាមគ្គី ឃុំមានរិទ្ធ ស្រុកសណ្តាន់ ខេត្តកំពង់ធំ៕SRP

ខេត្តកំពង់ចាម៖លោកអ៊ុន ចាន់ដា អភិបាលខេត្តកំពង់ចាម នៅរសៀលថ្ងៃទី ១១ខែសីហាម្សិលមិញអញ្ជើញចុះពិនិត្យការដាំដើមឈើ (ប្រភេទឈើប្រណិត) នៅតាមសួនច្បារសាធារណៈក្នុងក្រុងកំពង់ចាម។គួរបញ្ជាក់ថា ដើម្បីចូលរួមកែលម្អសោភណភាពទីក្រុង បង្កើតជាតំបន់បៃតង ឲ្យសាកសមនឹងជ័យលាភីរំដួល៣ទង ដែលខេត្តកំពង់ចាមទទួលបានក្នុងចលនាប្រឡងប្រណាំងទីក្រុងស្អាត ក៏ដូចជាដើម្បីជាការទាក់ទាញសម្រាប់ភ្ញៀវទេសចរជាតិ អន្តរជាតិ ដែលមកលេងកំសាន្តនៅលើទឹកដីនៃដងទន្លេមេគង្គ លោក អ៊ុន ចាន់ដា បានណែនាំដល់មន្ត្រីជំនាញខណ្ឌរដ្ឋបាលព្រៃឈើនៃមន្ទីរកសិកម្ម រុក្ខាប្រមាញ់ និងនេសាទខេត្ត រៀបចំដាំដើមឈើប្រណិតប្រភេទធ្នង់ ប្រមាណ១០០ដើម នៅតាមសួនច្បារផ្លូវព្រះមុនីវង្ស និងសួនច្បារតាមមាត់ទន្លេមេគង្គ ក្នុងក្រុងកំពង់ចាម។ ជាមួយគ្នានេះ លោក បានណែនាំដល់មន្ត្រីជំនាញ ពាក់ព័ន្ធចូលរួមថែរក្សា ដើមឈើដែលបានដាំផងដែរ៕SRP

ខេត្តសៀមរាប៖ អាជ្ញាធរស្រុកវ៉ារិនបានឲ្យដឹងថាគ្រូបង្រៀនម្នាក់ ជួបគ្រោះថ្នាក់ចរាចរណ៍ បណ្ដាលឲ្យស្លាប់។

ហេតុការណ៍បានកើតឡើង នៅវេលាម៉ោង០៦និងព្រឹក ថ្ងៃទី១២ ខែសីហាឆ្នាំ២០២០ នៅភូមិកញ្ចន់រុន ភូមិប្រាសាទ ស្រុកវ៉ារិន ខេត្តសៀមរាប។
អាជ្ញាធរបន្តថាករណីនេះបង្កឡើងដោយខ្លួនឯង ជនរងគ្រោះមាន ឈ្មោះឡុក ក្រូច ភេទប្រុសអាយុ២៦ឆ្នាំ មុខរបរ គ្រូបង្រៀន។ រស់នៅភូមិគោកភ្នំ ឃុំវ៉ារិន ស្រុកវ៉ារិនខេត្តសៀមរាប។

បើតាមសមត្ថកិច្ចមូលហេតុគឺជនរងគ្រោះ បើកម៉ូតូធ្លាក់ក្នុងលូទឹក បណ្ដាលឲ្យស្លាប់តែម្ដង។ បច្ចុប្បន្នសពជនរងគ្រោះ និងម៉ូតូប្រគល់អោយ ក្រុម គ្រួសារយកទៅធ្វើបុណ្យតាមប្រពៃណី៕SRP