ខេត្តសៀមរាប៖នៅទីបំផុតអគាររួមទាំងបរិវេណសាលាស្រុកសូទ្រនិគមទាំងមូល ដែលជាកន្លែងផ្តល់សេវាកម្មគ្រប់ប្រភេទ ដល់ពលរដ្ឋទូទៅ ពេលនេះបានក្លាយទៅជាផ្ទះល្វែងសម្រាប់លក់ទៅវិញ។
ការប្រែប្រួលពីអគារសាលាស្រុក ទៅជាផ្ទះល្វែងយ៉ាងស្គឹមស្គៃនេះ ក៏បានក្លាយទៅជាប្រធានបទ សំណួរនិងចម្លើយ របស់មហាជនទូទាំងស្រុក។

អ្នកខ្លះលើកឡើងជាសំណួរថា ហេតុអ្វីបានជា ទីតាំងសាលាស្រុក ស្ងាត់បាត់អក្សរ សរសេរថា សាលា ស្រុកសូទ្រនិគម ហើយបែជាឃើញពាក្យថា(ផ្ទះល្វែង) សម្រាប់លក់ទៅវិញ?។ អ្នកខ្លះទៀតលើកឡើងថា កន្លងមកឃើញមានការរុះរើ និងសាងសង់ថ្មី ស្មានថា ចៅហ្វាយស្រុកជួសជុលអគារ ដឹងអីពេលកើតថ្មី ប្រែជាផ្ទះល្វែងបែបនេះ!។ ចំណែកអ្នកខ្លះទៀត ក៏បានលើកឡើងបែបដឹងល្ហៀងៗថា គេដោះដូរតើ..។
ស្ត្រីអាជីវករលក់ដូរក្នុងផ្សារដំដែក នៃស្រុកសូទ្រ និគមម្នាក់បានបរិយាយថា ចាប់តាំងរូបគាត់លក់ដូរនៅផ្សារនេះ អគារសាលាស្រុកហាក់មិនមានការប្រែប្រួលអ្វីទេ។តែឥឡូវនេះទីធ្លាសាលាស្រុកបានប្រែទៅជាផ្ទះល្វែងទៅហើយ មិនដឹងថាគេលក់ឬដោះដូរទីតាំងគ្នាឡើយ។ បើអីចឹងមែនល្អហើយ តែគួរអោយសោកស្តាយ ក្នុងនាមជាពលរដ្ឋ។
ជុំវិញករណីខាងលើនេះ អភិបាលស្រុក សូទ្រ និគម លោកម៉ក់ ប្រុស បានថ្លែងប្រាប់តាមទូរស័ព្ទនារសៀលថ្ងៃទី៦ខែសីហា ឆ្នាំ២០២០នេះថា ទីតាំងសាលាស្រុករួមទាំងអគារផងនោះ គឺជារបស់ធនាគារជាតិ។ មិនមែនជាដីរបស់សាលាស្រុកនោះទេ។ តាមពិតសាលាស្រុកបានខ្ចីអគាររបស់ធនាគារជាតិ សម្រាប់ប្រើបាស់តែប៉ុណ្ណោះ។
ដោយឡែកលោកលី សំរិទ្ធ អភិបាលរងខេត្ត និងជាអ្នកនាំពាក្យសាលាខេត្តសៀមរាប ក៏បានមានប្រសាសន៍នៅរសៀលថ្ងៃដដែលនេះដែរថា ទីតាំងសាលាស្រុកសូទ្រនិគម ពិតជារបស់ធនាគារជាតិមែន។ ពីមុនស្រុកខ្ចីអគារគេប្រើ តែឥឡូវគឺបានសង់សាលាស្រុកវិញហើយ នៅខាងត្បូងទីតាំងមុនបន្តិច៕SRP

ខេត្តត្បូងឃ្មុំ៖ លោកវេជ្ជបណ្ឌិត ឈឹម ឃឹមដារ៉េត អគ្គលេខាធិការអាជ្ញាធរជាតិប្រយុទ្ធនឹងជំងឺអេដស៍ លោកវេជ្ជបណ្ឌិត កែវ វណ្ណៈ ប្រធានមន្ទីរសុខាភិបាលខេត្តត្បូងឃ្មុំ និងលោកវេជ្ជបណ្ឌិត ឈឹម សារ៉ាត់ នាយកប្រចាំតំបន់អាស៊ាននៃអង្គការមូលនិធិថែទាំសុខភាពអ្នកជំងឺអេដស៍កម្ពុជា (AHF) រួមនិងសាហការី នៅព្រឹកមិញបានចុះជួបសំណេះសំណាល ចែកអំណោយជូនអ្នកកំពុងរស់នៅជាមួយមេរោគអេដស៍ចំនួន៧០គ្រួសារ ក្នុងខេត្តត្បូងឃ្មុំ ដើម្បីជួយផ្តល់ជាកម្លាំងចិត្ត និងរួមចំណែកជួយរំលែកការខ្វះខាតក្នុងរយៈពេល ដែលប្រទេសកម្ពុជា កំពុងជួបប្រទះនៅវិបត្តិជំងឺរាតត្បាតកូវីដ-១៩។ ពិធីធ្វើឡើងនៅមន្ទីរពេទ្យនរោត្តមសីហនុត្បូងឃ្មុំ ស្ថិតក្នុងក្រុងសួង ខេត្តត្បូងឃ្មុំ ។

លកកវេជ្ជបណ្ឌិត ឈឹម ឃឹមដារ៉េត បាន លើកឡើងថា ប្រសិនបើអ្នករកឃើញថាអ្នកផ្ទុកមេរោគអេដស៍ ហើយអាចនឹងឲ្យលេចឮនោះ អ្នកនឹងត្រូវបានសង្គមរើសអើង ដើម្បីជាការដោះស្រាយជាមួយនឹងស្ថានការណ៍បែបនេះ តាមរយៈការអប់រំខ្លួនអ្នក និងអ្នកដទៃ គឺមិនត្រូវមានការរើសអើង ឬមាក់ងាយ អ្នកផ្ទុកមេរោគអេដស៍នោះឡើយ។

លោកបន្តទៀតថា វិធីដែលល្អបំផុតក្នុងការប្រឈមនឹងការរើសអើងអ្នកផ្ទុកមេរោគអេដស៍ គឺការគាំទ្រក្នុងការផ្លាស់ប្ដូរច្បាប់ ឬគោលការណ៍ ដែលបង្កាប្រជាជនពីមេរោគអេដស៍ ដើម្បីទទួលបានការថែទាំ ទីលំនៅ និងធ្វើតាមអ្វីពួកគាត់ត្រូវការ។ ប្រសិនបើអ្នកមិនមានភាពស្រួលចិត្តក្នុងការរកជំនួយពី មិត្តភក្ដិ ឬក្រុមគ្រួសារនោះទេ សួមទាក់ទងមកកាន់ អង្គការមូលនិធិថែទាំសុខភាពអ្នកជំងឺអេដស៍កម្ពុជា សម្រាប់ការពិគ្រោះពិភាក្សា។ ប៉ុន្តែបើអ្នកមាន ជំនួយដែលផ្ដល់កម្លាំងចិត្តហើយ អ្នកអាចចូលរួមជាមួយ ការងារស្ម័គ្រចិត្តដើម្បីផ្ដល់ជាជំនួយកម្លាំងចិត្តដល់អ្នកដទៃដែលកំពុងរស់នៅជាមួយជំងឺអេដសន៍ ។

លោកវេជ្ជបណ្ឌិត ឈឹម សារ៉ាត់ ក៏បាន លើកឡើងដែរថា ប្រសិនបើអ្នកមានផ្ទុកមេរោគអេដស៍ សូមកុំទាន់អស់សង្ឃឹម អ្នកអាចរស់នៅបានយូរអង្វែងដូចមនុស្សទូទៅដែរ ដោយគ្រាន់តែថែរក្សាសុខភាពផ្លូវចិត្ត និងផ្លូវកាយរបស់អ្នកឲ្យបានរឹងមាំ តាមរយៈវេជ្ជបណ្ឌិតជំនាញ ក៏ដូចជាអង្គការមូលនិធិថែទាំសុខភាពអ្នកជំងឺអេដស៍កម្ពុជា ដើម្បីប្រាកដថាអ្នកស្ថិតនៅក្នុងបរិយាកាសដែលមានការគាំទ្រ ហើយអ្នកត្រៀមខ្លួនក្នុងការរៀបចំផែនការថែរក្សាសុខភាពរបស់អ្នក ឱ្យបានល្អរឹងមាំ និងទទួលការព្យាបាលតាមការកំណត់ឱ្យបានទៀងទាត់ ។

លោកវេជ្ជបណ្ឌិត កែវ វណ្ណៈ ប្រធានមន្ទីរសុខាភិបាលខេត្តត្បូងឃ្មុំ បានថ្លែងអំណរគុណយ៉ាងជ្រាលជ្រៅចំពោះ អាជ្ញាធរជាតិប្រយុទ្ធនឹងជំងឺអេដសន៍ និងអង្គការមូលនិធិថែទាំងសុខភាពអ្នកជំងឺកម្ពុជា ដែលតែងតែយកចិត្តទុកដាក់ ជួយផ្តល់ទាំងកម្លាំងចិត្ត និងសម្ភារចំពោះអ្នករស់នៅជាមួយជំងឺអេដសន៍ទាំងអស់នៅក្នុងខេត្តត្បូងឃ្មុំ ជាពិសេសអំពាវនាវដល់បងប្អូនទាំងអស់កុំបាក់ទឹកចិត្ត ត្រូវថែរក្សាសុខភាពខ្លួនឲ្យបានល្អ ថែរក្សាអនាម័យជាប់ជាប្រចាំ ស្តាប់ការណែនាំរបស់ក្រសួងសុខាភិបាល ដើម្បីរួមគ្នាជាមួយរាជរដ្ឋាភិបាលប្រយុទ្ធនឹងជំងឺកូវីដ-១៩ បង្ការទប់ស្កាត់កុំឲ្យមានការរីករាលដល់ឆ្លងបន្តចូលក្នុងសហគមន៍ នៅកម្ពុជា។ ចំពោះអំណោយចែកជូននាពេលនោះរួមមាន អង្ករ មី ទឹកត្រី ទឹកស៊ីអ៊ីវ ត្រីខ សាប៊ូដុសខ្លួន និងម៉ាស់ផងដែរ ៕SRP

ដោយ សុខ ផន

ខេត្តសៀមរាប៖ជីក្រែងគឺជាស្រុកមួយរបស់ខេត្តសៀបរាប ដែលមានចម្ងាយពីទីរួមក្រុងសៀមរាបជាង៦០គីឡូ
ត្រូវបានបង្កើតតំបន់ទេសចរណ៍ថ្មីពីរកន្លែងផ្សេងទៀតគឺរមណីយដ្ឋាន ទឹកធ្លាក់ចំកាដូងអូររមាសនិង រមណីយដ្ឋានទំនប់ខ្សាកបន្ទាប់ពីរមណីយដ្ឋានទំនប់ម្កាក់ ។

ថ្វីត្បិតរមណីយដ្ឋានទឹកធ្លាក់ចំការដូងអូររមា សនិងទំនប់ខ្សាក ជាតំបន់អភិវឧ្បន៍ទេសចរណ៍អេកូឡូសុីថ្មី ប៉ុន្តែគេសង្កេតឃើញថា មានភ្ញៀវទេសចរណ៍ក្នុងស្រុកជាច្រើនទៅកម្សាន្ដនៅនោះ ដោយភ្ញៀវទេសចរខ្លះបានទៅសំរាកទទួលទានអាហារថ្ងៃត្រង់នៅរមណីដ្ឋានទឹកធ្លាក់ចំការដូងអូររមាសនាពេលថ្ងៃ ឯពេលល្ងាចពួកគេប្ដូរទៅលំហែកាយនៅខ្នងទំនប់ខ្សាកជាទីដែលអាចមើលថ្ងៃលិចបាន។ ទាកទង់ទៅនឹងការអភិវឌ្បន៍តំបន់ទសចរណ៍ទាំងនេះ អភិបាលស្រុកជីក្រែង លោក ពៅ ប៊ុនធឿន បានប្រាប់បណ្ដាញសាព័ត៌មានសៀមរាបប៉ុស្ដិ៍ តាមទរស័ព្ទនៅពីថ្ងៃទី០៦ ខែសីហា ២០២០ ថាលោកនឹងបន្តគម្រោងអភិវឌ្បទេសចរណ៍៍ អេកូឡូស៊ី Ecolozi បន្ថែមមួយកន្លែងផ្សេងទៀត បន្ទាប់ពីគម្រោងចាស់ស្ថាបនារួចរាល់ជាស្ថាពរ។ ក្នុងនោះដែរ លោក ពៅ ប៊ុនធឿន ក៏សូមអោយបណ្ដាញព័ត៌មាននានាជួយផ្សព្វផ្សាយព័ត៌មានស្ដីអំពីតំបន់ទេសចរណ៍នេះផងដែរ។ លោកក៏រំពឹងថានិងមានភ្ញៀវទេសចរ កើនឡើងជាបន្តបន្ទាប់។

ដោយឡែកលោក ភឹង វិទូ ដែលជាម្ចាស់គម្រោងអភិវឌ្បន៍តំបន់ថ្មី រមណីយដ្ឋាន ទឹកធ្លាក់ចំកាដូងអូររមាស បានថ្លែងប្រាប់អ្នកយកព័ត៌មាន សៀមរាបប៉ុស្ដិ៍ ដែលកំពុងទទួលទានអាហារថ្ងៃត្រង់ក្នុងរមណីយដ្ឋានទឹកធ្លាក់ អូរមាស នៅថ្ងៃទី ០៥ខែសីហា២០២០ ថា លោកនឹងរៀបចំប្រព័ន្ធសុវត្ថិភាពជូនភ្ញៀវទេសចរណ៍ អោយបានខ្ពស់ ដូចជាការមិនអោយមានទឹកច្រើនពេក ការពាក់អាវពោងសុវត្តិភាពជាប្រចាំ និងការជិះទូកមានចំនួនកំណត់ ។

បើតាម លោក ភឹង វិទូ បានផ្ដោតសំខាន់នៅរមណីយ ដ្ឋានទឹកធ្លាក់ចំការដូងអូររមាសគឺការអនាម័យ មិនអោយចោលសំរាម ពាសវាលពាសកាលឡើយ។ ជាមួយគ្នាភ្ញៀវជាតិនិងអន្តរជាតិអាចយកបាយម្ហូបស្រាទៅពីខាងក្រៅបាន ដោយម្ចាស់ទីតាំងគិតតែថ្លៃតូបនិងភេសជ្ជៈប៉ុណ្ណោះ។

សូមបញ្ជាក់ថារមណីយដ្ឋានទឹកធ្លាក់ចំការដូងអូររមាស មានកញ្ចុះជាង៤០ ដែលបានធ្វើនៅជាប់មាត់ទឹកហូរ មានលក់ម្ហូបអាហារ សម្រាប់ទទួលភ្ញៀវ។ រមណីយដ្ឋានទឹកធ្លាក់ចំការដូងអូររមាសស្ថិតក្នុងភូមិត្រពាំងភ្លោះ ឃុំ ពង្រលើ ស្រុកជីក្រែង ខេត្តសៀមរាប មានចំងាយពីទីប្រជុំជនស្រុកជីក្រែងទៅជាង២០គីឡូតាមផ្លូវលេខ២៦៦។

ចំណែកទំនប់ខ្សាកស្ថិតក្នុងភូមិអូរ ឃុំ ខ្វាវ ស្រុកជីក្រែង ខេត្តសៀមរាប ពីទីប្រជុំជនស្រុកជីក្រែងទៅតាមផ្លូវលេខ ២៦៦មានចម្ងាយជាង៤០គីឡូ។
សូមបញ្ជាក់ផងដែរថាក្នុងស្រុកជីក្រែងក្រៅពីមានរមណីយដ្ឋានទាំងពីរខាងលើ ក៏មានរមណីយដ្ឋានមួយកន្លែងទៀតដែលពលរដ្ឋក៏ដូចជាភ្ញៀវជាតិអន្តរជាតិនិយមចូលចិត្តមកលេងកម្សាន្តគឺរមណីយដ្ឋានទំនប់ម្កាក់ មានចំងាយពីទីរួមស្រុកជីក្រែងទៅមានចម្ងាយជាង១០គីឡូ៕SRP

ខេត្តសៀមរាប៖ រដ្ឋបាលខេត្តនៅព្រឹកមិញ បានសហការជាមួយក្រសួងទេសចរណ៍បានរៀបចំសិក្ខាសាលាបណ្តុះបណ្តាលជនបង្គោលវិធានសុវត្ថិភាពទេសចរណ៍សម្រាប់ប្រតិបត្តិករទេសចរណ៍ក្នុងខេត្តសៀមរាបក្រោមអធិបតីភាពលោក ទៀ សីហា អភិបាលខេត្ត និងមានការអញ្ជើញចូលរួមពីអ្នកពាក់ព័ន្ធ។

សិក្ខាសាលាបណ្តុះបណ្តាលជនបង្គោលវិធានសុវត្ថិភាពទេសចរណ៍នេះ ដើម្បីឱ្យមានជនបង្គោលសម្រាប់អនុវត្តវិធានការការពារសុវត្ថិភាពសង្គមក្នុងការបម្រើសេវាទេសចរណ៍ក្នុងអំឡុងវិបត្តិជំងឺកូវីដ១៩ ឱ្យស្របទៅតាមការណែនាំរបស់រាជរដ្ឋាភិបាល និងក្រសួងសុខាភិបាល ដើម្បីកាត់បន្ថយហានិភ័យនៃជំងឺកូវីដ១៩។

លោកអភិបាលខេត្ត បានផ្តាំផ្ញើថា បន្ទាប់ពីសិក្ខាសាលានេះ ឯកឧត្តម សង្ឃឹមយ៉ាងមុតមាំថាលោក លោកស្រីដែលជាជនបង្គោលទាំងអស់នឹងយកពិសោធន៍ទាំងនេះទៅអនុវត្តនិងបម្រើសេវាទេសចរណ៍ឱ្យបានប្រសិទ្ធភាពខ្ពស់ ដើម្បីជៀសវាងការឆ្លងជំងឺកូវីដ១៩ក្នុងសហគមន៍។ លោក បានបញ្ជាក់ថា ទោះបីជាប្រទេសយើងមានការឆ្លងជំងឺកូវីដ១៩ក្តី តែជំងឺនេះ គឺជាការនាំចូល ហើយក៏មិនទាន់មានករណីស្លាប់ផងដែរ។

បន្ទាប់ពីសិក្ខាសាលានេះ លោក លោកស្រីដែលជាសិក្ខាកាមក្នុងថ្ងៃនេះ អាចយកចំណេះជំនាញទាំងនេះទៅអនុវត្តឱ្យមានប្រសិទ្ធភាពខ្ពស់ស្របតាមការណែនាំ និងនីតិវិធីដែលបានបង្ហាញនាថ្ងៃនេះ៕SRP

ខេត្តត្បូងឃ្មុំ៖ លោកបណ្ឌិត ជាម ច័ន្ទសោភ័ណ អភិបាលខេត្តត្បូងឃ្មុំ និងលោក ស៊ាក ឡេង ប្រធានក្រុមប្រឹក្សាខេត្តនៅព្រឹកថ្ងៃទី០៦ ខែសីហា ឆ្នាំ ២០២០នេះ បានដឹកនាំមន្ត្រីរាជការជុំវិញខេត្ត ព្រមទាំងយុវជន ស.ស.យ.ក រួមគ្នាដាំកូនឈើប្រណិតចំនួន ១.៣០០ ដើម ក្នុងតំបន់រដ្ឋបាលខេត្តត្បូងឃ្មុំ ដើម្បីអបអរក្នុងឱកាសប្រារព្ធពិធីបុណ្យរុក្ខាទិវា ៩កក្កដា ឆ្នាំ ២០២០ ។

លោកបណ្ឌិត ជាម ច័ន្ទសោភ័ណ ថ្លែងថា រដ្ឋបាលខេត្តត្បូងឃ្មុំ ដែលមានមន្ទីរកសិកម្ម រុក្ខាប្រមាញ់ និងនេសាទ ជាអ្នកផ្គត់ផ្គង់កូនឈើ ហើយបានរួមគ្នាជាមួយមន្ត្រីរាជការ និងក្រុមយុវជន នាំយកកូនឈើមកដាំនាពេលនេះ គឺជាចូលរួមចំណែកទប់ស្កាត់ការបម្រែបម្រួលអាកាសធាតុបានមួយផ្នែក គឺបណ្តាលមកពីកត្តាព្រៃឈើ នៃបរិស្ថានធម្មជាតិ ។

លោកបន្ថែមថា ព្រៃឈើបានផ្តល់នូវភាពបៃតង ភាពស្រស់បំព្រង និងជាមរតកដ៏មានតម្លៃសម្រាប់កូនចៅជំនាន់ក្រោយ ព្រមទាំងបានផ្តល់ផល ប្រយោជន៍ដទៃទៀត សម្រាប់សកលលោក និងប្រទេសយើងទាំងមូល ។

លោកបានអំពាវនាវដល់គ្រប់មជ្ឈដ្ឋានទាំងអស់ ចូលរួមថែរក្សាការពារព្រៃឈើ ទប់ស្កាត់ការកាប់រានដុត ឈូសឆាយដីព្រៃឈើ ដើម្បីហ៊ុព័ទ្ធយកដី ធ្វើជាកសិកម្មដោយខុសច្បាប់ ព្រមទាំងជំរុញឲ្យពលរដ្ឋដាំដើមឈើឲ្យបានច្រើន ដើម្បីលើកកម្ពស់បរិស្ថាន និងសម្រាប់ជាគុណប្រយោជន៍ ដល់សង្គមជាតិយើងទាំងអស់គ្នា ។
សូមបញ្ជាក់ផងដែរថា កូនឈើប្រណិតចំនួន ១.៣០០ ដើមនេះ រួមមាន គ្រញូង ៤០០ ដើម, ធ្នង់ ២០០ ដើម បេង ៣០០ ដើម ច័ន្ទគីរី ២០០ ដើម គីនីន ១៥០ ដើម និងក្ងោក ៥០ ដើម ត្រូវបានដាំលើផ្ទៃដីប្រមាណ ៣,៥ ហិចតា នៅតាមបណ្តោយមាត់ទន្លេសិប្បនិម្មិត និងតាមដងផ្លូវទីរួមខេត្ត ដើម្បីលម្អសោភ័ណភាព ផ្តល់ខ្យល់និងបរិយាកាសល្អ និងជាផ្នែកមួយនៃគម្របបៃតងផែនដី៕SRP សុខ ផន

ខេត្តសៀមរាប៖ តាមរយៈការិយាល័យកុងស៊ុលចិន ប្រចាំខេត្តសៀមរាប នៅ រសៀលថ្ងៃទី ០៥ ខែសីហា ម្សិលមិញ បានប្រគល់រថយន្តសម្អាតផ្លូវចំនួន ២គ្រឿង និង ម៉ាស់ចំនួន ២២.០០០ម៉ាស់ជូនដល់រដ្ឋបាលខេត្តក្រោមវត្តមានរបស់លោក ពិន ប្រាកដ អភិបាលរងខេត្ត និង លោក LIU ZHI JIE ប្រធានការិយាល័យកុងស៊ុលចិន ប្រចាំខេត្តសៀមរាប និង លោក YANG ZHAO អនុប្រធានក្រុមប្រឹក្សាភិបាលអគ្គនាយក នៃក្រុមហ៊ុនវិនិយោគអាកាសយានដ្ឋានអន្តរជាតិអង្គរ នៅសាលាខេត្តសៀមរាប។

តាមការបញ្ជាក់របស់លោក YANG ZHAO អនុប្រធានក្រុមប្រឹក្សាភិបាលអគ្គនាយក នៃក្រុមហ៊ុនវិនិយោគអាកាសយានដ្ឋានអន្តរជាតិអង្គរ បានគូសបញ្ជាក់ថា ក្នុងរយៈពេលកន្លងមកអាជ្ញាធរខេត្តសៀមរាប តែងតែធ្វើការគាំទ្រ និង សម្របសម្រួលរាលសកម្មភាព របស់ក្រុមហ៊ុន ក្នុងកិច្ចដំណើរការកសាងស្ថាបនាអាកាសយានដ្ឋានអន្តរជាតិ ហើយក្រុមហ៊ុននិងស្ថាបនាឲ្យបានរួចរាលនៅក្នុងឆ្នាំ២០២៣។

ក្នុងនាមប្រជាជនខេត្តយូណាន លោកក៏បានបញ្ជាក់ថា នេះគឺជាសមិទ្ធិសង្គម ប្រកបដោយប្រសិទ្ធភាព ដែលបានជួយផ្តល់ នូវរថយន្តសម្អាតបរិស្ថានក្នុងក្រុង ដើមី្បគាំទ្រក្នុងកិច្ចអភិវឌ្ឍន៍ក្រុងទេសចរណ៍ប្រវត្តិសាស្ត្រសៀមរាប។

លោក ពិន ប្រាកដ ក៏បានសម្តែងនូវអំណរគុណចំពោះ ប្រជាជនខេត្តយូណាន ក៏ដូចក្រុមហ៊ុនវិនិយោគអាកាសយានដ្ឋានអន្តរជាតិអង្គរ ដែលបានផ្តល់នូវរថយន្តសម្អាតបរិស្ថានតាមដងផ្លូវក្នុង ក្រុងសៀមរាប ចំនួន០២គ្រឿង រួមទាំងម៉ាស់ ២២.០០០ម៉ាស់ ជូនដល់រដ្ឋបាលខេត្តសៀមរាប ដោយខេត្តសៀមរាប និង ខេត្តយូណាន បានចងនូវសម្ព័ន្ធមេត្រីភាពនឹងគ្នា ចាប់តាំង ពីឆ្នាំ២០០៦មកដល់ពេលនេះ បានធ្វើការទំនាក់ទំនង សហប្រតិបត្តិការល្អនឹងគ្នា។

លោកក៏បានលើកឡើងថា ស្របពេលដែលខេត្តសៀមរាប កំពុងធ្វើការអភិវឌ្ឍន៍ ហើយ ក៏ជាការចាំបាច់បំផុតរបស់រដ្ឋបាលខេត្តសៀមរាប ដើមី្បធ្វើការសម្អាតអនាម័យ បរិស្ថានក្នុងក្រុងទេសចរណ៍មួយនេះ ឲ្យកាន់តែស្រស់ ស្អាត ប្រកបដោយបរិស្ថាន អនាម័យល្អ ក្នុងការទទួលស្វាគមន៍ភ្ញៀវទេសចរណ៍ជាតិ អន្តរជាតិ ចូលមកទស្សនាកម្សាន្ត។ លោកបាន បន្តទៀតថា ទោះបីនៅលើពិភពលោកជួបនូវបញ្ហាវបត្តិកូវិដ១៩ក៏ពិតមែន តែអាជ្ញាធរខេត្តសៀមរាបក៏មិនប្រងើយកន្តើយ លើកិច្ចអភិវឌ្ឍខេត្ត ដោយបានធ្វើការជួសជុល ស្ថាបនានូវហេដ្ឋារចនាសម្ព័ន្ធក្នុងខេត្តឡើង កាន់តែមានភាពទាក់ទាញ ដល់ភ្ញៀវទេសចរណ៍។

លោក អភិបាលរងខេត្តក៏បានថ្លែងអំណរគុណចំពោះប្រធានការិយាល័យកុងស៊ុល ចិន ប្រចាំខេត្តសៀមរាប ដែលតែងតែជួយធ្វើការសម្របសម្រួលដល់កិច្ចការទាំងនេះផងដែរ។
លោក LIU ZHI JIE ប្រធានការិយាល័យកុងស៊ុលចិន ប្រចាំខេត្តសៀមរាប ក៏បានបញ្ជាក់ផងដែរថា រាល់កិច្ចទំនាក់ទំនងរវាង ខេត្តទាំងពីរ ឯកឧត្តមនឹងធ្វើការសម្របសម្រួលជម្រុញឲ្យកាន់តែខ្លាំងក្លាថែមទៀត នឹងធ្វើឲ្យខេត្តសៀមរាប កាន់តែមានការអភិវឌ្ឍន៍ឡើង ថែមទៀត ក្នុងវិស័យទេសចរណ៍ ក្រោយពេលដែលការសាងសង់អាកាសយានដ្ឋានអន្តរជាតិអង្គរ បានរួចរាល់នោះ លោកសង្ឃឹមជឿ ជាក់ថា សេដ្ឋកិច្ចរបស់ប្រជាពលរដ្ឋខេត្តសៀមរាប និងមានការឈានឡើងទៀតផង៕SRP

ខេត្តត្បូងឃ្មុំ៖ ល្បែងសុីសងតាមអ៊ីនធើណេត ២៤ ម៉ោង ១ កន្លែងមានយីហោឈ្មោះថា ( e 67 ) ណេត ២៤ ម៉ោងស្ថិតនៅក្នុងសង្កាត់សួង ក្រុងសួង ខេត្តត្បូងឃ្មុំ នៅតែដំណើរការបើកលេងដោយមិនញញើតអ្វីទាំងអស់។ ប្រការដែលមានល្បែងស៊ីសងនៅទីតាំងខាងលើអាចបើកលេងបានដោយរលូនបែបនេះទំនងអាជ្ញាធរសមត្ថកិច្ចជាអ្នកគប់គិតគ្នាតាមរបៀបពុករលួយ។

ភ្នាក់ងារបានរាយការណ៍ថាកន្លងមកសារព័ត៌មានមួយចំនួនធ្លាប់បានចុះផ្សាយ តែបនល្បែងខាងលើ នៅតែដំណើរការយ៉ាងរលូនដដែល ដោយអាជ្ញាធរមិនទាន់ធ្វើការបង្ក្រាបនៅឡើយទេ។

ពាក់ព័ន្ធករណីនេះ លោក ជា ណារ៉ុន អភិបាលក្រុងសួងធ្លាប់បានអះអាងថា ចាំអោយកម្លាំងរបស់លោកចុះទៅមើល ប៉ុន្តែរហូតមកដល់ពេលនេះនៅបើកលេងដដែល។

នៅរសៀលថ្ងៃទី០៥ ខែសីហាម្សិលមិញនេះ លោក ជា ណារ៉ុន អភិបាលក្រុងសួងបានអោយដឹងថា លោកបានអោយកម្លាំងនគរបាលអធិការក្រុងសួងចុះទៅបិតម្ដងរួចមកហើយតើ។ លោកថា ចាំលោកអោយកម្លាំងចុះទៅមើលម្ដងទៀត។

ករណីល្បែងស៊ីសងនេះ ប្រជាពលរដ្ឋ រស់នៅក្នុងក្រុងសួងបានអោយដឹងថា ពួកគាត់បានបាត់បងលុយកាក់ និងទ្រព្យសម្បត្តិជាច្រើន ដោយសារតែគ្រួសាររបស់គាត់ចូលលេងល្បែងនេះចាស់ស្ទើជារៀងរាល់ថ្ងៃ។ ម៉្យាងវិញទៀតព្រួយបារម្ភខ្លាចកើតមានអំពើហិង្សាក្នុងគ្រួសារ មានចោរកម្មកើតមានផងដែរ
៕SRP សុខ ផន

ខេត្តកំពង់ចាម៖ក្រុមប្រឹក្សាខេត្តកំពង់ចាមនៅថ្ងៃទី០៥ខែសីហាម្សិលមិញបាន
កិច្ចប្រជុំ សាមញ្ញលើកទី១៥ អាណត្តិទី៣ ក្រោមអធិបតីភាព លោក​ ខ្លូត ផន ប្រធានក្រុមប្រឹក្សាខេត្ត និងមានវត្តមាន សមាជិកក្រុមប្រឹក្សាខេត្ត, លោក​ អ៊ុន ចាន់ដា អភិបាលខេត្ត និងអភិបាលរងខេត្ត ព្រមទាំង​ថ្នាក់ដឹកនាំ​មន្ទីរ​អង្គភាព​ពាក់ព័ន្ធ​ជុំវិញខេត្ត។

របៀបវារៈសម្រាប់កិច្ចប្រជុំរួមមានៈ
១-ពិនិត្យ និងអនុមត័លើសេចក្តីព្រាងកំណត់ហេតុ នៃកិច្ចប្រជុំ សាមញ្ញលើកទី១៤ របស់ក្រុមប្រឹក្សាខេត្តកំពង់ចាម អាណត្តិទី៣។
២-ពិនិត្យ និងអនុមត័លើសេចក្តីព្រាងកំណត់ហេតុនៃកិច្ចប្រជុំវិសាមញ្ញលើកទី០៥របស់ក្រុមប្រឹក្សាខេត្តកំពង់ចាម អាណត្តិទី៣។
៣- ពិនិត្យ និងពិភាក្សា និងអនុមត័សេចក្តីព្រាងរបាយការណ៍បូកសរុបការងារប្រចាំខែកក្កដា និងលើកទិសដៅការងារប្រចាំខែសីហា ឆ្នាំ២០២០ របស់រដ្ឋបាលខេត្តកំពង់ចាម។
៤-ពិនិត្យ ពិភាក្សា និងអនុមត័សេចក្តីព្រាងសេចក្តីសម្រេចស្តីពីការកែសម្រួលសមាសភាព គណៈកម្មាធិការពិគ្រោះយោបល់កិច្ចការស្ត្រី និងកុមារ ខេត្តកំពង់ចាម។
៥-ពិនិត្យ ពិភាក្សា និងអនុមត័សេចក្តីព្រាងសេចក្តីសម្រេចស្តីពីការកែសម្រួលសមាសភាព គណៈកម្មាធិការរៀបចំដែនដី និងនគរូបនីយកម្ម ខេត្តកំពង់ចាម។
៦-ពិនិត្យ ពិភាក្សា និងអនុមត័សេចក្តីព្រាងគម្រោងចំណូល-ចំណាយថវិកាសម្រាប់ការគ្រប់គ្រងឆ្នាំ២០២១ របស់រដ្ឋបាលខេត្តកំពង់ចាម។

ក្រោយពិពិភាក្សា និង ចូលរួមមតិយោបល់យ៉ាងផុលផុស ប្រធានក្រុមប្រឹក្សាខេត្ត និង សមាជិកក្រុមប្រឹក្សាជាឯកឆន្ទ័ បានអនុមត័ តាមរបៀបវារៈខាងលើ រួចរាល់ ក្រោមបរិយាកាសសម្របសម្រួលយោគយល់កែលំអរ និង បង្កើនប្រសិទ្ធភាពការងារបន្ត ក្នុងការផ្តល់សេវា បំរើសេវា និង ដោះស្រាយសំណូមពរ នៅតាមមូលដ្ឋាន។
កិច្ចប្រជុំ បានអនុមត័ របៀបវារៈកិច្ចប្រជុំសាមញ្ញលើកទី១៦ នៃ ខែបន្ទាប់ នៅថ្ងៃចន្ទទី៧ ខែខែកញ្ញា ខាងមុខ។
លោក ខ្លូត ផន ប្រធានក្រុមប្រឹក្សាខេត្ត បាន លើកឡើងបញ្ហា ប្រឈមធំមួយចំនួនៈ ទី១÷ជំងឺកូវិដ១៩ ដែលយើងត្រូវចូលរួមទប់ស្កាត់ និងប្រុងប្រយត្ន័ខ្ពស់។ ទី២÷គ្រោះរាំងស្ងួត ដែលប៉ះពាល់ មាននៅ ស្រុកបាធាយ,ជើងព្រៃ,ព្រៃឈរ ហើយ យើងត្រូវបន្តការតាមដាន។,ទី៣÷គ្រោះបាក់ច្រាំងទន្លេ ក៏ត្រូវតាមដាន ដែលកន្លងមកបាន ប៉ះពាល់ដល់ ហេដ្ឋារចនាសម្ពន្ធ័ ស្ពាន ,ផ្លូវ,ផ្ទះសម្បែង ជាដើម។ទី៤÷សង្គ្រាមពាណិជ្ជកម្ម ក៏នាំអោយសេដ្ឋកិច្ច ចុះថមថយ ដោយប៉ះពាល់លើ វិសយ័ ឧស្សាហកម្ម,និង ទេសចរណ៍ រីឯ វិសយ័កសិកម្ម ដូចជា ការដាំដំណាំ ,ការធ្វើវារីវប្បកម្ម,ការចិញ្ចឹមសត្វ និង កសិឧស្សាកម្ម យើងត្រូវធ្វើការជំរុញ និងលើកទឹកចិត្ត ដោយសារខេត្តយើងមានអំណោយផលមួយគឺ មាន ទន្លេមេគង្គហូរឆ្លងកាត់​៕SRP

ខេត្តសៀមរាប៖ ក្រុមមន្ត្រីបានឲ្យដឹងថា នៅយប់ថ្ងៃទី០៤ខែសីហាឆ្នាំ២០២០ កម្លាំងនគរបាល ក្រុងសៀមរាប និង នគរបាលរដ្ឋ បាលសាលាកំរើក ចុះសហការជាមួយគណៈកម្មការ មន្ទីទេសចរណ៍ខេត្ត និងជំនាញពាក់ពន្ធ័ ចុះទៅពិនិត្យនិងបិទហាងបៀរហ្គាឌិន ០៤ កន្លែងដែលស្ថិតនៅភូមិជន្លង់ សង្កាត់សាលាកំរើក ក្រុងសៀមរាប ខេត្តសៀមរាប មាន៖

១- ហ្គាឡាក់សុី
២- សែនមនោរម្យក្លាសុីក៥
៣- សែនមនោរម្យក្លាសុីក៧
៤- សែនសប្បាយផ្លាទីនឹម ។

មន្ត្រីបានបន្តថាបន្ទាប់ពីចុះពិនិត្យឃើញថាបៀហ្កាឌិនចំនួនខាងលើគឺពុំមានលក្ខណៈផ្លូវច្បាប់គ្រប់គ្រាន់ដូច្នេះគណកម្មការចម្រុះតម្រូវអោយម្ចាស់បិទអាជីវកម្មទាំងអស់ជាបណ្ដោះអាសន្នសិនចាប់ពីយប់នេះ។  ដើម្បីតម្រូវអោយម្ចាស់អាជីវកម្មដាក់ពាក្យស្នើសុំអាជ្ញាប័ណ្ណបើកភោជនីយដ្ឋានធម្មតាវិញ៕SRP

ក្នុងនាមមន្រ្តីរាជការ​ កងកម្លាំងប្រដាប់អាវុធ​ និងប្រជាជនក្នុងខេត្តកំពង់ចាម​ ខ្ញុំ​បាទ​ សូមគោរពជូនពរ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ជាទីគោរពដ៏ខ្ពង់ខ្ពស់​ ក្នុងឱកាសប្រារព្ធខួបកំណើតគម្រប់ ៦៨ឆ្នាំ​ ឈានចូល ៦៩ឆ្នាំ​៕SRP

ភ្នំពេញ៖នៅថ្ងៃទី០៥ខែសីហាឆ្នាំ២០២០នេះគឺជាថ្ងៃគម្រប់​៦៨ឆ្នាំ​ ឈានចូល​៦៩ឆ្នាំ​ របស់ សម្ដេចតេជោ ហ៊ុន សែន។

ក្នុង​ឱកាស​ដ៏​មហា​នក្ខត្តឫក្សប្រសេីរថ្លៃថ្លា​ និង​ប្រកប​ដោយ​សេចក្ដី​សោមនស្សរីករាយ​នៃខួបកំណើត​គម្រប់​៦៨ឆ្នាំ​ ឈានចូល​៦៩ឆ្នាំ​ (០៥សីហា ១៩៥២-០៥ សីហា ២០២០) របស់សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី​ នៃព្រះរាជាណាចក្រកម្ពុជា សូមទេវតាឆ្នាំថ្មីតាមបីបាច់ថែរក្សាសម្ដេចតេជោ​នាយក​រដ្ឋមន្ត្រី​ និង​សម្ដេច​កិត្តិព្រឹទ្ឋបណ្ឌិត​ ព្រមទាំង​បុត្រា​ បុត្រី​ ចៅប្រុស​ ចៅស្រី​ អោយទទួល​បាន​នូវ​សុខភាព​ល្អ​បរិបូរណ៍​ កម្លាំង​មាំមួន​ បញ្ញា​វាងវៃ​ ជន្មាយុ​យឺនយូរ​ ដេីម្បី​ជាម្លប់សុខសន្តិភាព​ និង​ភាពសម្បូរសប្បាយរុងរឿង​ដល់ប្រជាជន​ និង​ប្រទេស​ជាតិ​ទាំង​មូល​៕SRP