គណៈរដ្ឋមន្ត្រី បានចេញសេចក្ដីប្រកាសព័ត៌មាន ស្ដីពីលទ្ធផលនៃសម័យប្រជុំពេញអង្គ គណៈរដ្ឋមន្ត្រី នៅថ្ងៃទី២៤ ខែសីហា ឆ្នាំ២០២៣៕

ខេត្តសៀមរាប៖ផ្ទះជួលមួយកន្កែងបានរងការឆាបឆេះខណ:ម្ចាស់មិនបាននៅ។

ហេតុការណ៍បានកើតឡើងម៉ោង២និង២០នាទី ថ្ងៃទី​២៤​ ខែសីហា​ ឆ្នាំ​២០២៣​ ស្ថិតនៅចំណុចផ្ទះបន្ទប់ជួល លេខ​១ ជាន់ទី០១​ នៅទល់មុខផ្សារដេីមក្រឡាញ់​ ភូមិត្រពាំងសេះ សង្កាត់គោកចក ក្រុងសៀមរាប។

សមត្ថកិច្ចដែលចុះទៅក្នុងហេតុការណ៍បានប្រាប់ថា ម្ចាស់មាន ឈ្មោះ​ លី​ ហុង ភេទប្រុសអាយុ​៤១​ ឆ្នាំ​ មុខរបរៈ​បុគ្គលិកក្រុមហ៊ុន​ រស់នៅក្នុងបន្ទប់ជួល​ខាងលើមាប ទំហំ​ 4×6 ម៉ែត្រ។

សមត្ថកិច្ចបានបន្តថាករណីនេះបណ្ដាលឲ្យ
ខូចខាតរួមមាន៖ ឆេះអសនៈកុងម៉ា ចំនួន​១​,ពូកដេក​ ចំនួន១​។ សម្ភារៈប្រេីប្រាស់លក់ដូរនៅក្នុងបន្ទប់មួយចំនួន រួមទាំងលុយខ្មែរចំនួន​ ៥០០០០​០​ រៀល​ និងឯកសារប្លង់ដីមួយចំនួនទៀត។

បើតាមសមត្ថកិច្ច ក្នុងហេតុការណ៍នេះ បានប្រេីប្រាស់បំពង់ពន្លត់អគ្គីភ័យ របស់របស់ផ្ទះនិងអ្នកជិតខាង​ អស់ចំនួន​ ៦​ គ្រឿង​ (តូច០៣​ គ្រឿង​ និងធំ​៣​ គ្រឿង) ហើយ រលត់ទៅវិញនៅវេលាម៉ោង​ ១៥និង១៥​នាទី​ដោយមានការចូលរួមពីប្រជាពលរដ្ឋ​ និងអ្នកជិតខាង។ មូលហេតុ ដោយសារតែមានការធ្វេសប្រហែស​ អុជធូបទុកចោល​ ហេីយម្ចាស់បន្ទប់មានការចេញទៅក្រៅបាត់៕

ទីតាំងល្បែងស៊ីសងតាមអនឡាញចំនួន២កន្លែងត្រូវបានសមត្ថកិច្ចចុះបង្ក្រាប។ ការបង្ក្រាបធ្វើឡើងថ្ងៃពុធ ទី២៣ ខែសីហា ឆ្នាំ២០២៣ នៅចំនួន២ទីតាំងផ្សេងគ្នា។

នគរបាលខេត្តពោធិ៍សាត់បានឲ្យដឹងថាកម្លាំងនគរបាលប៉ុស្តិ៍បានចុះធ្វើការបិទទីតាំងនិងធ្វើការអប់រំចុះកិច្ចសន្យា នៅចំណុចទីតាំងលេងល្បែងស៊ីសងមាន់ជល់អនឡាញ ចំនួនពីរកន្លែង។

នគរបាលបានបន្តថា ចំណុចទីតាំងទីមួយតារាងបាល់ទះឈ្មោះ ហ ហស ភូមិចំការជ្រៃខាងត្បូង ឃុំអន្លង់រាប ស្រុកវាលវែង ខេត្ដពោធិ៍សាត់។

ចំណុចទីតាំងទីពីរផ្ទះសំណាក់ ស វណ ឈ្មោះ មត មសរ ភូមិចំការជ្រៃខាងត្បូង ឃុំអន្លង់រាប ស្រុកវាលវែង ខេត្ដពោធិ៍សាត់។ បើតាមនគរបាល ករណីនជសមត្ថកិច្ចបានធ្វេីកិច្ចសន្យាអប់រំ ដល់ម្ចាស់ទីតាំងនិងបានអប់រំកុំឱ្យបើកល្បែងសុីសងតទៀត៕

ភ្នំពេញ៖សម្ដេចតេជោហ៊ុនសែន បានអះអាងថា «ការផ្ទេរការដឹកនាំពីថ្នាក់ដឹកនាំវ័យចំណាស់ មកកាន់ថ្នាក់ដឹកនាំវ័យក្មេងគឺ ត្រឹមត្រូវខ្លាំងណាស់»។

តាមរយៈប្រព័ន្ធបញ្ជូនតេឡេក្រាម សម្ដេចហ៊ុនសែន នៅថ្ងៃព្រហស្បតិ៍នេះ បានសរសេរថា៖ ជាលើកដំបូងក្នុងរយៈពេលជាង៤៤ឆ្នាំ ពិសេសជាង៣៨ឆ្នាំ ដែលខ្ញុំមិនស្ថិតនិងមិនដឹកនាំប្រជុំគណរដ្ឋមន្ត្រី។ ខ្ញុំកំពុងមើលការផ្សាយផ្ទាល់ចេញពីអង្គប្រជុំដែលដឹកនាំដោយនាយករដ្ឋមន្រ្តីថ្មី។ ពិនិត្យមើលសមាសភាពគណៈរដ្ឋមន្ត្រីថ្មី ដែលភាគច្រើនជាបញ្ញវន្តវ័យក្មេង ខ្ញុំកំណត់ច្បាស់ថា ការផ្ទេរការដឹកនាំពីថ្នាក់ដឹកនាំវ័យចំណាស់ មកកាន់ថ្នាក់ដឹកនាំវ័យក្មេងគឺ ត្រឹមត្រូវខ្លាំងណាស់។

ជូនពរគណរដ្ឋមន្ត្រីថ្មីមានជោគជ័យក្នុងការបំពេញភារកិច្ចដើម្បី ជាតិ សាសនា ព្រះមហាក្សត្រ៕ដោយនាគខៀវ

ភ្នំពេញ៖នាយករដ្ឋមន្ត្រីថ្មីកម្ពុជាលោកបណ្ឌិតហ៊ុន ម៉ាណែត បានកោតសរសើរមន្ត្រី ដែលបានបង្ក្រាបក្រុមរំដោះ អ្នកទោស មេក្លោងគ្រឿងញៀន នៅក្នុងខេត្តសៀមរាប។

ការកោតសសរសើរនេះតាមរយៈទំព័រផេក facebook ផ្លូវការរបស់នាយករដ្ឋមន្ត្រីថ្មីរបស់កម្ពុជារូបនេះ។

លោកបណ្ដិត ហ៊ុន ម៉ាណែត បានសរសេរថា៖ សូមកោតសរសើរ និងថ្លែងអំណរគុណដល់អាជ្ញាធរ និងកងកម្លាំងចម្រុះគ្រប់លំដាប់ថ្នាក់ ដែលបានបំពេញភារកិច្ចរបស់ខ្លួនប្រកបដោយស្មារតីទទួលខុសត្រូវខ្ពស់ រហូតអាចស្វែងរកឃើញ និងចាប់បានជាបន្តបន្ទាប់នូវក្រុមឧក្រិដ្ឋជនរំដោះអ្នកទោស ដែលជាមេក្លោងគ្រឿងញៀន កាលពីថ្ងៃទី១៧ សីហា ២០២៣ កន្លងទៅ នៅក្នុងខេត្តសៀមរាប។

លោកបណ្ឌិត ហ៊ុន ម៉ាណែត បានបន្តថា ជាលទ្ធផល ទាំងក្រុមឧក្រិដ្ឋជន និងទាំងពិរុទ្ធជនគ្រឿងញៀន ដែលត្រូវបានរំដោះ ក៏ត្រូវបានចាប់ខ្លួនត្រឡប់មកវិញ នាថ្ងៃទី២៣ សីហា ២០២៣ នេះ។

នាយករដ្ឋមន្ត្រីថ្មីនេះបន្តថា៖ ជោគជ័យនៃបេសកកម្មដ៏មានសារៈសំខាន់នេះ គឺជាការអនុវត្តភារកិច្ច និងការចូលរួមចំណែកធានាការពារសន្តិសុខ និងសណ្តាប់ធ្នាប់សាធារណៈ ដែលជា “កិច្ចការអាទិភាពចម្បងរបស់រាជរដ្ឋាភិបាល សំដៅថែរក្សាសុវត្ថិភាព និងសេចក្តីសុខក្សេមក្សាន្តក្នុងការរស់នៅរបស់ប្រជាពលរដ្ឋឱ្យកាន់តែល្អប្រសើរ”៕ដោយនាគខៀវ

ខេត្តឧត្តរមានជ័យ៖អ្នកសារព័ត៌មានចំនួន៣នាក់ ត្រូវបានកម្លាំងអាវុធហត្ថឃាត់ខ្លួន ពាក់ព័ន្ធកំហែងយក។

ការឃាត់ខ្លួនធ្វើឡើង នៅថ្ងៃទី២១ ខែសីហា ឆ្នាំ២០២៣ ស្ថិតនៅចំណុភូមិ/ឃុំ/ស្រុកត្រពាំងប្រាសាទ ខេត្តឧត្តរមានជ័យ ដោយកម្លាំងអាវុធហត្ថស្រុកត្រពាំងប្រាសាទ និងនាយការិយាល័យស្រាវជ្រាវបទល្មើសព្រហ្មទណ្ឌ អាវុធហត្ថខេត្ត តាមបញ្ជាពី លោកឧត្តមសេនីយ៍ត្រី លី ដារិទ្ធិ មេបញ្ជាការកងរាជអាវុធហត្ថ ខេត្តឧត្តរមានជ័យ។

ប្រភពបានឲ្យដឹងថាជនសង្ស័យទាំង៣នាក់
១.ឈ្មោះ ផៃ សុភ័ណ្ឌ ភេទប្រុស អាយុ៥២ឆ្នាំ មុខរបរ អ្នកសារព័ត៌មាន។
២.ឈ្មោះ នៅ សារួន ភេទប្រុស អាយុ៥២ឆ្នាំ មុខរបរ អ្នកសារព័ត៌មាន។
៣.ឈ្មោះឈិន សុជាតិ ភេទប្រុស អាយុ៥៧ឆ្នាំ មុខរបរ អ្នកសារព័ត៌មាន។
រថយន្ត១គ្រឿងម៉ាកនីសាន់ ពណ៌ទឹកប្រាក់ ស្លាកលេខ ចង្កូតស្តាំODM-1050។

បចុប្បន្នជនសង្ស័យទាំងបីនាក់ព្រមទាំងវត្ថុតាង បញ្ជូនទៅ អ ហ ខេត្តបន្តទៅតាមនីតិវិធីច្បាប់៕

លោក Patrick Murphy ឯកអគ្គរដ្ឋទូតសហរដ្ឋអាមេរិក ប្រចាំព្រះរាជាណាចក្រកម្ពុជា បានថ្លែងអំណរគុណចំពោះ លោក ប្រាក់ សោភ័ណ​ អភិបាលខេត្តស្តីទី និងប្តេជ្ញា បន្តជួយគាំទ្រដល់ការអភិវឌ្ឍ ខេត្តសៀមរាប តាមរយៈវិស័យទេសចរណ៍ ជាពិសេសគឺបន្តពង្រឹងកិច្ចសហប្រតិបត្តិការនាៗ ឱ្យកាន់តែប្រសើរឡើងថែមទៀត។

ការប្ដេជ្ញានៅថ្ងៃអង្គារនេះ ក្នុងឱកាស ដែលបានអញ្ជើញមកបំពេញបេសកកម្ម ក្នុងខេត្តសៀមរាប។

លោកប្រាក់ សោភ័ណ​ បានសម្តែងនូវកិច្ចស្វាគមន៍យ៉ាងកក់ក្តៅ​ និងអបអរសាទរ ចំពោះវត្តមាន​ លោក Patrick Murphy ឯកអគ្គរដ្ឋទូតសហរដ្ឋអាមេរិកប្រចាំព្រះរាជាណាចក្រកម្ពុជា ដែលបានអញ្ជើញមកបំពេញបេសកកម្ម ក្នុងខេត្តសៀមរាប ដោយមានការអញ្ជេីញ ចូលរួមពីលោក​ នាយករដ្ឋបាលសាលាខេត្ត​ លោក​ នាយកទីចាត់ការទំនាក់ទំនងសាធារណៈ​ និងសហប្រតិបត្តិការអន្តរជាតិ​ លោក​ នាយកទីចាត់ការផែនការ​ និងវិនិយោគខេត្ត​ ព្រមទាំងអ្នកពាក់ព័ន្ធនាៗផងដែរ។

លោកប្រាក់ សោភ័ណ​ បានថ្លែងអំណរគុណចំពោះរដ្ឋាភិបាល​ ក៏ដូចប្រជាជនអាមេរិក ដែលបាន និងបន្តផ្តល់ជំនួយអភិវឌ្ឍន៍ ដល់ប្រទេសចកម្ពុជា ក៏ដូចជាខេត្តសៀមរាប ផ្ទាល់លើវិស័យមួយចំនួនដូចជា​ វិស័យសេដ្ឋកិច្ច អប់រំ​ វប្បធម៌ និងការជួសជុល ប្រាង្គប្រាសាទនានា ក្នុងតំបន់រមណីយដ្ឋានអង្គរ ។ល។

នៅក្នុងជំនួប អភិបាលខេត្តស្តីទី​ បានបញ្ជាក់អំពីផលប៉ះពាល់ នានា ដោយសារ Covid-19 ហេីយខេត្តក៏មានផែនការស្តារ និងអភិវឌ្ឍ ខេត្តសៀមរាប ដូចជាការកសាងហេដ្ឋារចនាសម្ព័ន្ធ រូបវ័ន្ត​ ការសាងសង់ផ្លូវ ៣៨ខ្សែ ក្នុងក្រុងសៀមរាប ការកសាងអាកាសយានដ្ឋាថ្មី ផែនការអភិវឌ្ឍ វិស័យកសិកម្ម និងទេសចរណ៍ជាដើម៕ដោយនាគខៀវ

ខេត្តសៀមរាប៖ជនសង្ស័យឈ្មោះ ឆម ប៊ុននុត ភេទប្រុស អាយុ២៧ឆ្នាំ មុខរបរជាងឈើ មានស្រុកកំណើតភូមិជ្រោយនាងងួន ឃុំជ្រោយនាងងួន ស្រុកស្រីស្នំ ខេត្តសៀមរាប និងទីលំនៅភូមិត្រពាំងធំ ឃុំមានជ័យ ស្រុកប្រាសាទបាគង ខេត្តសៀមរាប ត្រូវបានចាប់ខ្លួន ដោយពលរដ្ឋករណីឆក់កាបូប។

ការឆក់នេះនៅថ្ងៃទី២១ ខែសីហាឆ្នាំ ២០២៣ នៅតាមបណ្ដោយផ្លូវបេតុង ជិតសណ្ឋាគារសម្ដេចជាស៊ីម ក្នុងភូមិខ្នារ សង្កាត់ជ្រាវ ក្រុងសៀមរាប។

ជនសង្ស័យរូបនេះ បានបើកម៉ូតូម៉ាកហុងដាឌ្រីម សេ១២៥ ពណ៌ខ្មៅ ស៊េរី២០២៣ គ្មានផ្លាកលេខ ធ្វើសកម្មភាពឈប់ពីមុខម៉ូតូ របស់ជនរងគ្រោះ ហើយយកដៃខាងឆ្វេងឆក់កាបូបស្ពាយពណ៌ទឹកដោះគោម៉ាកL.D ដោយក្នុងកាបូប មានប្រាក់ខ្មែរចំនួន៦៨០០០រៀល,ប្រាក់ដុល្លារចំនួន៣០ដុល្លារ។

ជនរងគ្រោះ មានឈ្មោះ នី ស៊ីណាត ភេទស្រី អាយុ៣៤ឆ្នាំ មុខរបរបោកអ៊ុត មានទីលំនៅភូមិក្រសាំងរលើង សង្កាត់សៀមរាប ក្រុងសៀមរាប។

ប្រជាពលរដ្ឋបានរាយការណ៍ថា ក្រោយពីធ្វើសកម្មភាព ហើយ ជនសង្ស័យ បានបើកម៉ូតូព្យាយាមរត់គេច ក៏ទៅបុក និងរ៉ឺម៉កបណ្តាលអោយដួល ហើយក៏ត្រូវប្រជាពលរដ្ឋ នៅក្បែរនោះ ឃាត់បាន និងបានរាយការណ៍មកសមត្ថកិច្ចចុះទៅអន្តរាគមន៍ និងបាននាំខ្លួនរួមជាមួយវត្ថុតាង កាបូបជនរងគ្រោះ យកមកសាសួរ។

ជនសង្ស័យបានឆ្លើយសារភាពថា ខ្លួនពិតជាបានឆក់កាបូប ជនរងគ្រោះពិតមែន។ វត្ថុតាងដកហូតម៉ូតូ១គ្រឿង។ បច្ចុប្បន្ននគរបាលកសាងសំណុំរឿងដើម្បីចាត់ការទៅតាមផ្លូវច្បាប់៕

ខេត្តសៀមរាប៖ផ្ទះមួយខ្នងនៅក្រុងសៀមរាប ត្រូវបាន
អគ្គិភ័យលេបត្របាក់ទាំងស្រុង ខណ:ឡានទឹកចូលអត់រួចស្ទះផ្លូវ។ ហេតុការណ៍បានកើតឡើងនៅវេលាម៉ោង ១៧ និង ៣០ នាទី ថ្ងៃទី២០ ខែសីហា ឆ្នាំ ២០២៣ ស្ថិតនៅចំណុចក្រុមទី០២ ភូមិប្រិយ៍ថ្មី សង្កាត់ទឹកវិល ក្រុងសៀមរាប។

សមត្ថកិច្ចបានឲ្យដឹងថា ម្ចាស់ផ្ទះដែលរងការឆាបឆេះមានឈ្មោះ ស៊ុត ស្រីលាភ ភេទស្រី អាយុ២៨ឆ្នាំ។
អគ្គិភ័យនេះ បានបណ្ដាលឲ្យមានការខូចខាតផ្ទះធ្វេីអំពីថ្ម ប្រក់ស័ង្កសី ១ខ្នង ទាំងស្រុង សម្ភារៈប្រេីប្រាស់លក់ដូរនៅក្នុងផ្ទះ សរុបទាំងអស់ប្រហែល១ម៉ឺនដុល្លារ។

សមត្ថកិច្ចបានបញ្ជាក់ថាក្នុងហេតុការណ៍នេះ ការចុះចុះជួយអន្តរាគមន៍ ពន្លត់អគ្គីភ័យ នេះ កម្លាំងសមត្ថកិច្ចនគរបាលបានប្រេីប្រាស់ រថយន្តពន្លត់អគ្គីភ័យ របស់ស្នងការដ្ឋាននគរបាលខេត្ត ចំនួន ០៣ គ្រឿង។

បើតាមសមត្ថកិច្ចករណី បណ្ដាលមកពីម្ចាស់ផ្ទះមានការធ្វេសប្រហែស ធ្វើឲ្យផ្ទុះកំប៉ុងហ្គាសតូចក្នុងផ្ទះបង្កជាអគ្គិភ័យ។

ជាមួយគ្នានេះដែរ កម្លាំងនគរបាល បង្កាពន្លត់ អគ្គីភ័យ សំណូមពរដល់អាជ្ញាធរមូលដ្ឋានឃុំ សង្កាត់ រាល់ផ្លូវថ្នល់ នៅតាម មូលដ្ឋាន សូមកុំដាក់របាំងបង្គោលការពារ កុំឲ្យរថយន្តធំចូលនោះ គឺជាវិធានការការពារថែទាំផ្លូវ ប្រើប្រាស់បានយូរអង្វែង តែ ដល់មានករណីគ្រោះមហន្តរាយ ណាមួយកើតឡើង ជាស្តែងដូចថ្ងៃនេះស្រាប់ ធ្វើឲ្យមានការរាំងស្ទះ ដល់ការចុះអន្តរាគមន៍ របស់រថយន្តពន្លត់អគ្គីភ័យ មិនបានទាន់ពេលវេលា ដែលធ្វើឲ្យអន្តរាយ ដល់ទ្រព្យសម្បត្តិប្រជាពលរដ្ឋ៕

បច្ចុប្បន្ននេះ អាជីវកម្មវិស័យទេសចរណ៍ ដូចជាសណ្ឋាគារ ក៏មិនទាន់បើកដំណើរការមួយរយភាគរយនៅឡើយទេ ពោលបានប្រមាណ៦០ ទៅ៧០ភាគរយប៉ុណ្ណោះ ដូច្នេះសមាគមបង្កើតការជួបជុំគ្នា នៅពេលនេះ ដើម្បីចែករំលែកអំពីគ្នាទៅវិញទៅមក ដើម្បីស្វែងរកគន្លឹះនៅក្នុងការទាក់ទាញភ្ញៀវទេសចរ ឱ្យមកកម្សាន្តនៅខេត្តសៀមរាបបានច្រើន។

កិច្ចពិភាក្សាគ្នារកវិធីសាស្ដ្រធ្វើយ៉ាងណា ឱ្យភ្ញៀវទេសចរអន្ដរជាតិ មកទស្សនាខេត្ដសៀមរាប ឱ្យកាន់តែច្រើន នៅនៅសណ្ឋាគារម៉េម័រផាឡេស នៅក្រុងសៀមរាប ម្សិលមិញ លោក សែត កៅ ហ្វីលីព ប្រធានសមាគមក្លឹបទេសចរណ៍សៀមរាប បានអះអាងថា៖ វិបត្តិជំងឺកូវីដ-១៩ បានធ្វេីឱ្យវិស័យទេសចរណ៍ រងគ្រោះធ្ងន់ធ្ងរ ជាងគេរហូតមកដល់ពេលនេះ ចំនួនអ្នកទេសចរបរទេសមកកម្សាន្តនៅខេត្តសៀមរាប មានការធ្លាក់ចុះ ដែលអាចជួយឱ្យវិស័យមួយនេះ មិនមានភាពប្រសើរនៅឡើយទេ ខណៈដែលប្រទេសជិតខាង មានភ្ញៀវទេសចរទៅកំសាន្ដច្រើនជាងប្រទេសកម្ពុជា។

លោកបានបន្ដថា បច្ចុប្បន្នភ្ញៀវទេសចរ នៅអាស៊ីមិនទាន់ឃើញវត្ដមានច្រើន ចូលមកទស្សនានៅខេត្ដសៀមរាប ប៉ុន្ដែនៅពេលព្រលានយន្ដហោះអន្ដរជាតិសៀមអង្គរ នឹងបើកដំណើរហើយនោះ នឹងអាចមានភ្ញៀវទេសចរមកទស្សនាខេត្ដសៀមរាប បានច្រើន ព្រោះការហោះហើរមានភាពធំទូលាយ។

បើតាមលោក យុន លីនណេ អភិបាលរងខេត្តសៀមរាប បានបញ្ជាក់ថា បច្ចុប្បន្ននេះភ្ញៀវទេសចរដែលមកកម្សាន្ត នៅកម្ពុជា ជាពិសេសនៅខេត្តសៀមរាប នៅមានចំនួនតិច និងមានរយៈពេលខ្លីទៀតផង។ ដូច្នេះទាំងវិស័យឯកជន និងរដ្ឋបាលខេត្តត្រូវលើកបញ្ហាទាំងឡាយ មកដាក់នៅលើតុ ដើម្បីជជែកគ្នាស្វែងរកដំណោះស្រាយ ដែលក្នុងនោះសមាគមក្លឹបទេសចរណ៍សៀមរាប ដែលបានដើរតួនាទីយ៉ាងសំខាន់ ក្នុងការសហការជាមួយស្ថាប័នផ្សេងៗ ក្នុងការបង្កើតបរិយាកាសល្អប្រសើរ រវាងផ្នែករដ្ឋ និងឯកជន ស្របតាមគោលការណ៍របស់រាជរដ្ឋាភិបាល ការពារផលប្រយោជន៍ ដល់ប្រតិបត្តិករក្នុងខេត្ត បង្កើតសកម្មភាពនានា ដើម្បីជួយជម្រុញទេសចរណ៌ក្នុងស្រុក​ និងភ្ញៀវទេសចរជាតិ-អន្តរជាតិ មកទស្សនាខេត្តសៀមរាប ឱ្យបានច្រើន។

លោកយុន លីនណេ បានបន្តទៀតថា ពេលបច្ចុប្បន្ននេះ រដ្ឋបាលខេត្តសៀមរាប ដើរតួនាទីយ៉ាងសំខាន់ ក្នុងគម្រោង SMART-CITY ហើយខេត្តសៀមរាបក៏នឹងក្លាយជាគំរូ ទីក្រុងឆ្លាតវៃសម្រាប់ទីក្រុងផ្សេងទៀតផងដែរ ជាមួយគ្នានោះ សមាគមក្លឹបទេសចរណ៍បានចាត់ទុកថាជាដៃគូសាធារណៈ និង ឯកជនជាមួយរដ្ឋបាលខេត្តសៀមរាប លើកិច្ចការអភិវឌ្ឍទេសចរណ៍ ការជួយសម្រួលនិងពន្លឿន ក្នុងការរៀបចំកម្មវិធីផ្សេងៗ ដែលផ្តល់ផលវិជ្ជមាន ដល់កំណើនទេសចរណ៍ស្របតាមគោលនយោបាយ រដ្ឋាភិបាល ដើម្បីឲ្យកម្ពុជាក្លាយជាគោលដៅទេសចរណ៍ ដ៏មានសក្ដានុពល។ ម៉្យាងទៀតខេត្តសៀមរាប ជាប៉ូលទេសចរណ៍មួយដ៏សំខាន់មនៃព្រះរាជាណាចក្រកម្ពុជា ដែលមានប្រាសាទអង្គរវត្ត ជាសម្បត្តិបេតិកភណ្ឌពិភពលោក និង មានតំបន់ទេសភាពធម្មជាតិ អេកូទេសចរណ៍ជាច្រើនកន្លែងទៀត សម្រាប់ភ្ញៀវទេសចរចូលមកកម្សាន្តទៀតផង។ កត្តាសក្តានុពលនេះ យើងត្រូវសួរថា តើយើងធ្វើអ្វីបាននៅក្នុងការពន្យាពេលស្នាក់ នៅរបស់ភ្ញៀវទេសចរចូលមកប្រទេសកម្ពុជា។ សម្រាប់រដ្ឋបានខេត្តសៀមរាប បានសម្រេចរំលាយចោលនូវរបាំងនានា មួយចំនួន ដែលរាំងស្ទះដល់វិស័យទេសចរណ៍ ដែលការសម្រេចនេះស្របតាមគោលនយោបាយទេសចរណ៍ថ្មី ក្រោយវិបត្តិកូវីដ-១៩ នៅកម្ពុជា៕ដោយនាគខៀវ

ក្មេងទំនើងម្នាក់ត្រូវបានឃាត់ខ្លួនក្រោយបង្កការអុកឡុកតាមទីសាធារណៈ។ ការឃាត់ខ្លួនក្មេងទំនើងនេះ នៅថ្ងៃសុក្រ ទី១៨ ខែសីហា ឆ្នាំ២០២៣ វេលាម៉ោង ២០និង៤៥ នាទី ដោយកម្លាំងប៉ុស្តិ៍ត្រពាំងជង ស្ថិតនៅភូមិបាកាន ឃុំត្រពាំងជង ស្រុកបាកាន ខេត្តពោធិ៍សាត់។

មន្ត្រីនគរបាលបានឲ្យដឹងថាក្មេងទំនើង រូបនេះឈ្មោះ ក ស ភេទប្រុស អាយុ ៣២ឆ្នាំ រស់នៅភូមិបាកាន ឃុំត្រពាំងជង។

មន្ត្រីនគរបាលបានបន្តថាជនរូបនេះបានបង្កការឡុកអុកនិងជេរប្រមាថទៅលើអ្នកជិតខាង។ មូលហេតុ ស្រវឹងស្រា។ បញ្ជាក់ក្មេងទំនើងនេះ ត្រូវបានសមត្ថកិច្ចបញ្ជូនទៅកាន់អធិការដ្ឋានដើម្បីចាត់ការបន្ត៕ដោយនាគខៀវ