ខេត្តបាត់ដំបង

ខេត្តបាត់ដំបង៖សមត្ថកិច្ចមូលដ្ឋានបានឲ្យដឹងថាបុរសម្នាក់ជិះម៉ូតូចុះចំរាកភ្នំ បានបុកជាមួយត្រាក់ទ័រ បណ្ដាលឲ្យស្លាប់ភ្លាមៗ។ ករណីនេះ រវាងម៉ូតូនិងត្រាក់ទ័រ។ ហេតុការណ៍បានកើតឡើងយប់ថ្ងៃទី១៤ខែសីហាឆ្នាំ២០២០វេលាម៉ោង១៩ នៅត្រង់ចំណុចផ្លូវលេខ៥៧Bស្ថិតក្នុងភូមិអូរតាសុខ ឃុំពេជ្រចិន្ដា ស្រុកភ្នំព្រឹក ខេត្តបាត់ដំបង។ សមត្ថកិច្ចបញ្ជាក់ថាជនរងគ្រោះមានឈ្មោះជា ភីរុន អាយុ៣៣ឆ្នាំរស់នៅភូមិឈ្នួល ឃុំពេជ្រចិន្តា ស្រុកភ្នំព្រឹកខេត្តបាត់ដំបង។ ជិះម៉ូតូម៉ាកហុងដា ពាក់ស្លាកលេខភ្នំពេញ ១R៣១៤៤។ បើតាមសមត្ថកិច្ចមូលហេតុ ជនរងគ្រោះជិះម៉ូតូក្នុងស្ថានភាពលឿនចុះចំរាកភ្នំ ហេីយងងឹតផងក៏ជ្រុលទៅបុកត្រាក់ទ័រកំពុងធ្វេីដំណេីរស្របគ្នាស្លាប់តែម្តង។ បច្ចុប្បន្នម៉ូតូនិងត្រាក់ទ័រ ត្រូវនគរបាល យកមករក្សាទុកនៅអធិការដ្ឋានស្រុកភ្នំព្រឹកដើម្បីរងចាំការដោះស្រាយ។ចំណែកសាកសពប្រគល់ឲ្យទៅក្រុមគ្រួសារយកទៅធ្វេីបុណ្យតាមប្រពៃណី៕SRPដោយប៊ុនថេត

ខេត្តបាត់ដំបង៖លោកបណ្ឌិតសភាចារ្យ ហង់ជួន ណារ៉ុន រដ្ឋមន្រ្ដីក្រសួងអប់រំ យុវជន និងកីឡា លោក ងួន រតនៈ អភិបាលខេត្តបាត់ដំបង និង លោកប្រធានកុងស៊ុល ជប៉ុនប្រចាំខេត្តសៀមរាប នៅថ្ងៃទី១៣ខែសីហា ម្សិលមិញ បានអញ្ជើញជាអធិបតីក្នុងពិធីសម្ពោធអគារសិក្សា នៃសាលាមត្តេយ្យសិក្សាធនធានក្រុងបាត់ដំបង ដែលជាជំនួយហិរញ្ញប្ប ទាន ពីក្រសួងការបរទេសជប៉ុន (Mo Fa) ។ ក្នុងឱកាសនោះ លោក ងួន រតនៈ អភិបាលខេត្តបាត់ដំបង បានមានប្រសាសន៍ថា អគារសិក្សាថ្មីនេះបានចាប់ផ្ដើមសាងសង់នៅថ្ងៃទី០១ ខែមេសា ឆ្នាំ២០១៩ និងបានបញ្ចប់ជាស្ថាពរនៅថ្ងៃទី២៩ ខែកុម្ភៈ ឆ្នាំ២០២០ ដែលមានកម្ពស់២ជាន់ មាន១៥បន្ទប់ បណ្ណាល័យ១បន្ទប់ និងបង្គន់អនាម័យកុមារតូច ១៥បន្ទប់ ជាជំនួយរបស់ក្រសួងការបរទេសជប៉ុន(Mo Fa) ដោយមានការសម្របសម្រួលដោយអង្គការ(SVA) ។ នៅក្នុងបណ្ណាល័យមានបំពាក់សៀវភៅរូបភាព សម្ភារអាន បរិក្ខារសោតទស្សន៍ និងមានសៀវភៅ ៦៦៤ក្បាល ដោយឡែកនៅតាមបន្ទប់រៀនត្រូវបានបំពាក់គ្រឿងសង្ហារឹមគ្រប់បន្ទប់ ។ លោកបណ្ឌិតសភាចារ្យ ហង់ ជួនណារ៉ុន មានប្រសាសន៍ថា

ខេត្តបាត់ដំបង៖ បុរសម្នាក់ត្រូវបានកម្លាំងការិយាល័យ នគរបាលព្រហ្មទណ្ឌកម្រិតធ្ងន់នៃស្នងការនគរបាលខេត្តបាត់ដំបង ឃាត់ខ្លួនពីបទកាន់កាប់អាវុធដោយខុសច្បាប់។ លោកវរសេនីយ៍ឯក អូន ហ្វៃ នាយការិយាល័យនគរបាល ព្រហ្មទណ្ឌកម្រិតធ្ងន់នៃស្នងការនគរបាលខេត្តបាត់ដំបង បានអោយដឹងថា ប្រតិបត្តិការខាងលើធ្វើឡើងនៅវេលាម៉ោង១៣និង៤០នាទីថ្ងៃទី១១ ខែសីហា ឆ្នាំ២០២០ នៅចំណុចក្រុមទី២៣ ស្ថិតក្នុងភូមិកម្មករ សង្កាត់ស្វាយប៉ោ ក្រុងបាត់ដំបង ខណ:ដែលជន សង្ស័យកាន់កាប់អា វុធខ្លីមួយដេីមម៉ាក K59 និងគ្រាប់ចំនួន០៦ គ្រាប់ ដោយខុសច្បាប់និងកំពុងស្វែងរកការធ្វេីស កម្មភាព(ជួញដូរ) អាវុធ មួយដេីមនេះ។ ជនសង្ស័យឈ្មោះ សែម សុគន្ធា ហៅ ម៉ាប់ ភេទប្រុស អាយុ៣២ឆ្នាំ រស់នៅចំណុចក្រុមទី២៣ ភូមិកម្មករ សង្កាត់ស្វាយប៉ោ ក្រុងបាត់ដំបង។ លោកប្រធានការិយាល័យបានបញ្ជាក់ថា ជនសង្ស័យខាងលេីគឺជាមុខសញ្ញាដែលស្ថិតក្នុងការតាមដាន របស់សមត្ថកិច្ចផងដែរ ហេីយ ក្នុងពេលធ្វេីការសា កសួរ ជនសង្ស័យបានឆ្លេីយសារភាពថា អា វុធខ្លីមួយដេីមនេះ គេបានធ្វេីសក ម្មភាព(លួច)យកបាន នា ពេលកន្លមក។ ក្រោយសាកសួរបញ្ជូនខ្លួនរួមនិងវត្ថុតាងទៅកាន់អយ្យការអមសាលាដំបូងខេត្តបាត់ដំបងចាត់ការតាមផ្លូវច្បាប់៕SRP

ខេត្តបាត់ដំបង៖លោកស្រីខាត់ចាន់ដាលីស អាយុ៣១ឆ្នាំរស់នៅភូមិចំការឬស្សី សង្កាត់ព្រែកព្រះស្តេច ក្រុងបាត់ដំបងបានឲ្យដឹងថាការធ្វើរបាំងដែកនៅព្រំដីរបស់ខ្លួនគឺដើម្បីការពារសុវត្តិភាពតែប៉ុណ្ណោះ។ លោកស្រី ខាត់ ចាន់ដាលីស បានបានផ្តល់បទសម្ភាសន៍ឲ្យក្រុមការងារព័ត៌មានដឹងនៅថ្ងៃទី១០ខែសីហាឆ្នាំ២០២០ថានាងខ្ញុំសូមធ្វើការបដិសេធទាំងស្រុងទៅលើឈ្មោះម្ចាស់អាខោនហ្វេសប៊ុកឈ្មោះRachana Ho Bun Huron ដែលបានបង្ហោះឈ្មោះ ព្រះរាជអាជ្ញា ហេង លុយ ដែលត្រូវជាគ្រួសាររបស់គាត់ជាសាធារណៈ ដែលសរសេរថា លោកព្រៈរាជអាជ្ញារង ហេង លុយចង់ធ្វើរបាំងតដល់ណាទៀតទើបសមចិត្ត???។ ជុំវិញការបង្ហោះបែបនេះលោកស្រីខាត់ ចាន់ដាលីស បញ្ជាក់ថាមូលហេតុនៃការធ្វើរបាំងដែកគឺជាកម្មសិទ្ធិរបស់ឪពុករបស់គាត់ទេ គឺមិនមានពាក់ព័ន្ធទៅនឹងគ្រួសាររបស់ខ្ញុំឈ្មោះហេង លុយ នោះឡើយ។ លោកស្រីបញ្ជាក់ថាការធ្វើរបាំងដែកទី១ការពារផ្សែងដែលចុងភៅធ្វើម្ហូប។ទី២ការពារមនុស្សលោតចូលនឹងបោះសម្រាមឬ គប់ដប កែវបែកសំឡីអនាម័យ ចូលជដើម។ លោកស្រី ចាន់ដាលីស សូមបញ្ជាក់ផងដែរថាផ្ទះដែលនៅត្រង់ចំណុចខាងលើនេះ ដែលកញ្ញាម្នាក់មានអាខោន ហ្វេសប៊ុកឈ្មោះហូ រចនា ដែលត្រូវជាកូនម្ចាស់ភោជនីយដ្ឋានវិមានពរជ័យ បង្ហោះជាសាធារណៈ ធ្វើឲ្យមានការប៉ះពាល់ដល់មន្ត្រីល្អនឹងមូលបង្កាច់កេរ្តិ៍ឈ្មោះ របស់លោកព្រះរាជអាជ្ញារង ហេង លុយ នោះ លោកស្រីសូមច្រានចោលទាំងស្រុង។ ព្រោះលោកហេង លុយ គ្រាន់ក្នុងនាមលោកជាកូនប្រសារ របស់លោកខាត់ហួ តែប៉ុណ្ណោះ។ ជាមួយគ្នានេះដែរលោកស្រីបានសុំស្នើទៅដល់អាជ្ញាធរសង្កាត់ក្រុង ចុះពិនិត្យនឹងឲ្យរុះរើ កន្លែងដែលមានផ្សែងហុយចូលមកផ្ទះរបស់ឪពុកលោកស្រីផងដែរ។ ដោយឡែកករណីដែលបានធ្វើរបាំងនេះ មិនបានប្រើសិទ្ធិអំណាចអ្វីទាំងអស់ គឺធ្វើនៅលើដីផ្ទាល់ខ្លួន

ខេត្តបាត់ដំបង៖គេហទំព័រ កម្ពុជារាល់ថ្ងៃ បើកសម្ពោធ ជាផ្លូវការនៅរសៀលថ្ងៃស្រុកទី២៤ខែកក្កដាឆ្នាំ២០២០នេះ ក្រោមវត្តមានលោក យ៉ែម ណយ ទីប្រឹក្សាក្រសួងព័ត៌មាននិងជាប្រធាននាយកដ្ឋាន មណ្ឌលព័ត៌មាន លោកជា កែវ ចិន្ដាទីប្រឹក្សាក្រសួងព័ត៌មាននិងជាប្រធាននាយកដ្ឋាននីតិកម្ម ទទួលបន្ទុកច្រកចេញចូល និងអាជ្ញាធរខេត្តបាត់ដំបង។ សុំបញ្ជាក់ ទីស្នាក់ការគេហទំព័រកម្ពុជារាល់ថ្ងៃស្ថិតនៅធំព្រែកមហាទេព សង្កាត់ស្វាយប៉ោក្រុងបាត់ដំបង។ សុំជម្រាបថា គេហទំព័រកម្ពុជារាល់ថ្ងៃ ដេលមាន លោក គាំង រី ជាចាងហ្វាងការផ្សាយ ពីមុនចេញផ្សាយបោះពុមជាកាសែត ប៉ុន្តែត្រូវបានប្ដូរមកជាគេហទំព័រវិញ។ពិធីសម្ពោធនេះនេះក៏មានអ្នកសារព័ត៌មានបណ្ដាអង្គភាពផ្សេងៗមួយចំនួនបានចូលរួមផងដែរ៕SRP

ខេត្តបាត់ដំបង៖ដែនជំរកសត្វស្លាបចម្រុះនៅតំបន់សហគមន៍ព្រែកទាល់ នៃខេត្តបាត់ដំបងកំពុងតែទាក់ទាញកំណើនភ្ញៀវទេសចរចូលទស្សនា ដោយសារតែសម្បូរសត្វស្លាបជាច្រើនប្រភេទ ថែមទាំងមានទេសភាពបឹងទន្លេសាបដ៏គួរគយគន់ ។ លោក ទន់ ណៃ ប្រធានសហគមន៍ព្រែកទាល់ មានប្រសាសន៍ប្រាប់វិទ្យុជាតិកម្ពុជាថា ព្រែកទាល់គឺជាជំរកសត្វស្លាបដ៏ធំមួយ និងជាប្រភពតំណរពូជ សម្រាប់សត្វស្លាបគ្រប់ប្រភេទ ។ លោកបន្តថា ភ្ញៀវទេសចរភាគច្រើនចូលចិត្តទស្សនានៅទីនោះ បន្ទាប់ពីត្រឡប់ពីដំណើរកម្សាន្តនៅខេត្តសៀមរាប ។ ភ្ញៀវចូលចិត្តទៅមើលព្រលឹម ត្រជាក់ផង គាត់បានមើលថ្ងៃរះ ស្រូបខ្យល់បរិសុទ្ធរួច គាត់មើលសត្វស្លាបនៅក្នុងសំបុក។ ពេលព្រឹកឡើង នាំកូនវាចេញមករកចំណី។ ចឹងយើងបានឃើញ។ ពេលថ្ងៃវាក្ដៅបន្តិច ហើយប្រភេទសត្វហ្នឹង វាបានធ្វើសំបុកនៅហ្នឹង២៤ម៉ោង។ ពេលល្ងាចវាចូលទ្រនំវិញ វាបានហើរទៅតំបន់ឆ្ងាយៗ វាចូលសម្បុកវិញ យើងបានឃើញវារស់នៅជុំមេជុំកូនវា នៅពេលល្ងាច» (.គាត់រៀបរាប់ពីឈ្មោះសត្វ)។ លោកបន្ថែមថា ដែនជម្រកសត្វស្លាបនេះ មានចំងាយប្រមាណពី ៧ទៅ១០គីឡូម៉ែត្រ ពីភូមិបណ្ដែតទឹក របស់សហគមន៍ព្រែកទាល់ ហើយដើម្បីទៅមើលសត្វស្លាបទាំងនេះ ភ្ញៀវទេសចរ ត្រូវជួលទូកជិះពីប្រជាសហគមន៍ ដែលទូកមួយមាន តម្លៃ៤៥ដុល្លារ អាចផ្ទុកមនុស្សបានចំនួន៦នាក់ សម្រាប់ភ្ញៀវបរទេស ប៉ុន្តែសម្រាប់ភ្ញៀវទេសចរជាតិវិញ អាចជិះបានចំនួន៨នាក់ ។ សូមបញ្ជាក់ថា ព្រែកទាល់ស្ថិតនៅខាងជើងឆៀងខាងលិច នៃទីរួមខេត្តបាត់ដំបង និងមានចម្ងាយប្រមាណ៨០គីឡូម៉ែត្រ

ខេត្តបាត់ដំបង៖សមត្ថកិច្ចបានចាប់ឃាត់ខ្លួនឈ្មោះ វិន តឿ ហៅ យាយតឿ ,យាយសក់ស ភេទស្រី អាយុ៧៤ឆ្នាំ មានទីលំនៅក្រុមទី៣០ភូមិ កំពង់ក្របី សង្កាត់ស្វាយប៉ោ ក្រុងបាត់ដំបង ខេត្តបាត់ដំបង។ ការឃាត់ខ្លួនធ្វើឡើងនៅថ្ងៃ២៧ខែមេសា ឆ្នាំ២០២០ វេលាម៉ោង១៥នឹង៣០នាទី នៅចំណុចក្រុមទី៣០ ភូមិកំពង់ក្របី សង្កាត់ស្វាយប៉ោ ក្រុងបាត់ដំបង ខេត្តបាត់ដំបង ដោយកម្លាំងផ្នែកប្រឆាំងគ្រឿងញៀន សហការជាមួយ អន្តរាគមន៍ នៃអធិការដ្ឋាននគរបាលក្រុងបាត់ដំបង។ សមត្ថកិច្ចដកហូតវត្ថុតាងរួមមាន៖ ថ្នាំញៀនប្រភេទមេតំហ្វេតាមីន (ម៉ាទឹកកក |០៩) ចំនួន ០៤ថង់ ទម្ងន់ ១៦,៥៨ក្រាម (ទាំងសំបក) ប្រអប់ជ័រសំរាប់ដាក់ថ្នាំញៀនចំនួន០១ និងថង់សម្រាប់រំលែកច្រកថ្នាំញៀនលក់មួយចំនួន។ ជនសង្ស័យនិងវត្ថុតាង សមត្ថកិច្ចរៀបចំសំណុំរឿងបញ្ជូនទៅតុលាការដើម្បីចាត់ការបន្តរតាមនិតិវិធីច្បាប់៕SRP